Zwz Nduq 31
31
1 Yaqgowh ruxnyinz boangx lug zaiz Lazbanz hax: "Yaqgowh longx za'hoq daj doihdo dez raeuz nauq eh. Za'hoq dix daj doihdo dix zawh gaenq dez raeuz nauq." 2Yaqgowh goj ruxndeq Lazbanz doiq dix mboq ndae lumj koax daekgoanq. 3Sowh gaunaeh, Yez'hoahhuah zoq daj Yaqgowh hax: "Mawz dauh mwz dih dez mawz naeh ndeh, mwz dih bihnongx rownz mawz yuq naeh. Gux toj daj mawz zaemh yuq."
4 Yaqgowh nemz dij goanz bae haxdoq Lazjeh daj Liqyaq, hawj paenqdix mwz dih dij mbej yuq naeh dungzmex. 5Dix haxdoq Lazjeh daj Liqyaq: "Gux ruxndeq dez su doiq gux mboq ndae lumj koax daekgoanq, gaj dij Sen dez gux zwzzwz daj gux zaemh yuq. 6Song goanz su ruxndeq gux caqsiq saeh dez su hoak gaengx. 7Gaj dez su yai gux, vaenzriangz byenq bae byenq dauh, gaj dij Sen mboq hawj dix jinto gux. 8Jixzawh dez su Lazbanz hax: ‘Aeu sowh dij mbej laiz baenz diak baenz diak naeh hoak vaenzriangz mawz.’ Dij mbej zowngx daeuj zoq zawh dij mbej laiz baenz diak baenz diak nauq. Jixzawh dix hax: ‘Aeu sowh dij mbej laiz baenz rongh baenz rongh naeh hoak vaenzriangz mawz,’ dij mbej zowngx daeuj zoq zawh dij mbej laiz baenz rongh baenz rongh nauq. 9Dij Sen longx gaenq dij mbej dez su hawj gux. 10Miz mbaed ux, zawh zwz dij mbej chafaenz, gux paen'hwnz. Gux paen'hwnz taen sowh dij mbej chafaenz naeh dij mbej taek zawh gaj do laiz baenz rongh, laiz baenz diak, laiz baenzzaq ndog'va naeh nauq. 11Bin dij Sen daj gux hax: ‘Yaqgowh aj.’#31:11 Bin dij Sen zoq zawh dij Sen. Gux yaeng: ‘Gux yuq inxnaeh.’ 12Dix hax: ‘Lazbanz daj mawz hoak rawz, gux goj taen nauq, gux zux hawj dij mbej dix sowh do chafaenz naeh do taek dix zawh gaj dij mbej laiz baenz diak, laiz baenz rongh, laiz baenzzaq ndog'va nauq. 13Gux zawh dij Sen yuq ndaw Boztowhliq hawj mawz taen naeh. Koax daekgoanq mawz yuq dih naeh aeu kvaix tin ux hoak boi, aeu yuz rowd now dix, yaq mawz daj gux hax, mawz ngwz gux gumx mawz, jixzawh gux gumx mawz, mawz zoq aeu gux hoak dij Sen mawz. Gannaeh mawz ni inxnaeh, dauh mwz goak rownz mawz ndeh.’" 14Lazjeh daj Liqyaq yaeng Yaqgowh: "Rownz dez piu mboq miz sownq piu goah, gaenqpiu baen mboq ndaej gaeng goah. 15Dix aeu gaenqpiu hoak puj baihnog, dix kai gaenqpiu, jin daengz ngaenzjenz gaenq kai now to piu ndaej naeh nauq. 16Sowh gaenq dij Sen longx daeq gaenq dez piu maz hawj mawz naeh zawh gaenq piu daj gaenq lug piu naeuj. Dij Sen yaix mawz hoakrawz, mawz zoq hoakrawz ndeh!"
17-18 Yaqgowh dox ndae'ndowq, dauh mwz Zaznanh, mwz dih dez dix Yitsaeg naeh. Dix yaix lug dix daj mez dix kviq mwz nowlaeng loahtoah, ndaq daengz le doihdo dix, laep daengz le za'hoq yuq Bazdanq-yaqlanh dix naeh mwz. 19Le vaenz paenqdix naengzbaeq mwz naeh, Lazbanz bae daet koan dij mbej. Lazjeh lez dez dix mboq yuq rownz, zoq mwz laek sowh dez dix aeu hoak dij sen mbud naeh. 20Yaqgowh gowx Lazbanz goanz puj Yaqlanh naeh daz hoaklaek ni bae. 21Paenqdix gaj yowngh gaj laep ndae nauq, gajbaeuh-gajbeh gowx bae, kamj mwz ka dah long Yaeuqfahlazdix, daeq mwz baih bo Jizleh.
22Vaenz daih sam, miz dij goanz haxdoq Lazbanz, hax Yaqgowh lenh gowx yaj. 23Lazbanz zowz boangx bihnongx dix zaemh mwz daem Yaqgowh. Paenqdix daem jiat vaenz zux yuq bo Jizleh daem mex. 24Haemh gaengnaeh, dij Sen hawj Lazbanz goanz puj Yaqlanh naeh paen'hwnz, daj dix hax: "Mawz hem ixux, ndae ndog goj mboq jinx daj Yaqgowh hax."
25Zwz Lazbanz daem mex Yaqgowh naeh, Yaqgowh haeuz yuq ndaw bo daengj zangjpungh ced. Lazbanz daj boangx bihnongx dix goj yuq ndaw bo Jizleh daengj zangjpungh ced. 26Lazbanz daj Yaqgowh hax: "Mawz hoak gaeng saeh hoakzaqnaeh mux? Mawz baenzrawz zowz lug nyingz gux lupliamx bae daj longx ndaej dungzlumj? 27Mawz baenzrawz mboq haxdoq gux? Baenzrawz gaemz rawz mboq goak zoq gowx bae? Jixzawh mawz haxdoq gux saek gaemz, gux hoak rawz goj faengz nyauznyauz soangq mawz bae, hoak lownx, qen nyenz, dup zong soangq mawz bae. 28Mawz hoakzaqnaeh uaj gvaq eh! Daengz hawj gux daj lug nyingz gux, lan gux hax saek gaemz kauq dungzbyaeg naengz mboq miz dih hax. 29Gux saeuh bex mawz mboqyaq, gaj haemhvaz dij Sen dez mawz daj gux hax, hawj gux hem uxux, ndae ndog goj mboq jinx daj mawz hax. 30Gux ruxndeq mawz dongxpyej rownz dez mawz, zawx mwz rownz, gaj mawz baenzrawz laek sowh gux aeu hoak dij sen mbud naeh mux?" 31Yaqgowh yaeng: "Gux mbu mawz daeq ndaw mungz gux longx lug nyingz mawz bae, gux zux lenhgowx. 32Gaj mawz yuq ndaw ndang gawz caeu mex sowh gaenq mawz aeu hoak dij sen mbud naeh gawz zoq hoj tai. Yuq doqnaj bihnongx raeuz jixzawh mawz ruxnaj yowngh rawz zawh gaenq mawz, mawz yumq aeu dauh mwz." Yaqgowh mboq ruxndeq Lazjeh laek sowh Lazbanz aeu hoak dij sen mbud naeh, yaq dix zux hoakzaqnaeh yaeng.
33 Lazbanz ndonj mwz ndaw zangjpungh Yaqgowh, yaq daeuq mwz ndaw zangjpungh Liqyaq daj zangjpungh song goanz puj koij naeh caeu, gaj gaeng goj cha mboq taen. Yaq dix daeuq ndonj mwz ndaw zangjpungh Lazjeh. 34Lazjeh aeu sowh Lazbanz aeu hoak dij sen mbud naeh gowx bae ndaw dah loahtoah, hoakri dix naengh yuq baihnow dix. Lazbanz yuq ndaw zangjpungh Lazjeh gaj dih gaj cha nauq, gaj gaeng goj cha mboq taen. 35Lazjeh daj dez dix hax: "Mawz laek jih, gux hiamq zawh zwz ndang'yaij, yuq doqnaj mawz in mboq baenz, gaenqmawz laek jihdwk koij." Lazbanz gaj dih gaj cha yaq, gaj cha mboq mex sowh gaenqdix aeu hoak dij sen mbud naeh.
36Yaq, Yaqgowh jih yaengh jih, maz cham Lazbanz: "Gux hoak loang gaeng? Dih rawz hoak mboq hoj, hawj mawz hoakzaqnaeh, gaj baeuh gaj byeh maz daem gux mux? 37Mawz caeu za'hoq gux nauq, cha mex za'hoq rownz mawz saek yowngh vah? Aeu dix maz, aeu dix nyaengx doqnaj bihnongx, aeu maz hawj daengzle lez, zoq ruxndeq doiq raeuz zawh gawz hoak hoj zawh gawz hoak loang. 38Gux yuq rownz mawz ngihsip bi, dij mbejpaij daj dij mbejbo do rawz zowngx daeuj goj zaeu. Dij mbej taek mawz, gux mboq sanz kaj do rawz jin nowx dix. 39Dij mbej do rawz zoah do'bo jin, gux goj mboq tw daeuj hawj mawz lez, gux haeggaj boiz. Zang'vaenz gojvenj, zang'hwnz gojvenj, dij mbej lamq, mawz goj hawj gux boiz. 40Gux zang'vaenz lednded, zang'hwnz qiatriux se, noanz mboq laep. Gux kwnz baenzzaqnaeh. 41Gux yuq rownz mawz hoak gaengx ngihsip bi: cho raep song goanz lug nyingz mawz, gux saeh mawz hoak gaengx sipsiq bi. Cho ndaej dij mbej, gux saeh mawz hoak gaengx choak bi. Daengz gux hoakzaqnaeh, mawz naengz byenq vaenzriangz gux bae dauh bae dauh. 42Jix mboq zawh dij Sen dez gux Yitsaeg ruxndeq mbu naeh, zoq zawh dij Sen Yaqboahlazhanq naeh gumx gux, mawz yumq hawj gux mungz byaeuq dauh mwz mboqyaq. Gaj dij Sen taen gux jinkaem, taen gux kux, haemhvaz dix zux hwt mawz."
Yaqgowh Daj Lazbanz Dungzdingq
43 Lazbanz yaeng Yaqgowh: "Mawz miz gaeng ah? Mez mawz zawh lug nyingz gawz ah? Lug mawz zawh lan gawz ah? Dij mbej gaenq naeh zawh dij mbej mawz wx? Gaj loh gaj zawh gaenq gux nauq. Gaj gux dih aeu lug nyingz gux daj lan gux hoak rawz mboq baenz eh. 44Gangzmaz gux sem daj mawz dungzdingq mboq dungzsaeuh, mwznaj raeuz zoq nganq gaenq dungzdingq naeh hoak." 45Yaqgowh zoq aeu kvaix tin ux maz hoak boi, 46dix yaix boangx bihnongx dix zaep tin maz daep hoak moangj. Yaq daengzle yuq haenz moangj tin menq jin menq ndut. 47Lazbanz aeu sowh kauq dih dix goak naeh rongx moangj tin naeh hoak Yizzazex-saxhazduqtaz. Gaj Yaqgowh aeu kauq goakrownz dix goak naeh rongx moangj tin naeh hoak Zazloiqdowh. "Yizzazex-saxhazduqtaz" daj "Zazloiqdowh" daengz song gaemz zawh hax: "Moangj hawj gaenq raeuz nwh ndaej naeh." 48Lazbanz daj Yaqgowh hax: "Moangj tin zawj raeuz, moangj tin vaenz naeh aeu dix hoak gaeq hawj raeuz nwh ndaej mwznaj mboq dungzsaeuh." Dih naeh zoq rongx hoak Zazloiqdowh, 49Lazbanz goj naengz hoakzaqnaeh hax: "Gaeq raeuz dungzbyaeg yaq, haeggaj miz Yez'hoahhuah ta'taen." Yaq dih naeh goj rongx hoak Mixsezbaz. "Mixsezbaz" zoq zawh hax: "Dih puj ta'taen naeh." 50"Jixzawh mawz doiq lug gux mboq ndae raj daeuq raep goanz mawq, daengz gawz mboq ruxndeq goj haeggaj miz dij Sen hoak goanz puj jinghzang raeuz." 51Lazbanz daeuq daj Yaqgowh hax: "Mawz lez moangj tin raeuz daep naeh daj kvaix boi raeuz daengj naeh. 52Gaenqraeuz aeu moangj tin naeh hoak gaenq mai, aeu kvaix boi naeh hoak gaenq mai, hoak gaenq hax gux toj mboq rux gvaq moangj tin naeh mwz saeuh mawz, mawz goj mboq jinx gvaq moangj tin naeh daj kvaix boi naeh maz saeuh gux. 53Ngwz dij Sen Yaqboahlazhanq daj dij Sen Nahhowh, zoq zawh dij Sen dez doiq naeh, hoak jinghzang gaenqraeuz." Yaqgowh zoq yuq doqnaj dij Sen dez dix Yitsaeg ruxndeq mbu naeh daj Lazbanz haxgoak daekgoanq. 54Yaq dix daeuq yuq ndaw bo kaj doihdo mbud dij Sen, qingj daengz boangx bihnongx maz jin, jin gah yaq, paenq dix zoq yuq ndaw bo ndowj haemh ux. 55Nawlaeng zaeux, Lazbanz zup lan dix lug nyingz dix, daj paenqdix dungzbyaeg, ni dih naeh dauh mwz rownz.
လက္ရွိေရြးခ်ယ္ထားမွု
Zwz Nduq 31: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Zwz Nduq 31
31
1 Yaqgowh ruxnyinz boangx lug zaiz Lazbanz hax: "Yaqgowh longx za'hoq daj doihdo dez raeuz nauq eh. Za'hoq dix daj doihdo dix zawh gaenq dez raeuz nauq." 2Yaqgowh goj ruxndeq Lazbanz doiq dix mboq ndae lumj koax daekgoanq. 3Sowh gaunaeh, Yez'hoahhuah zoq daj Yaqgowh hax: "Mawz dauh mwz dih dez mawz naeh ndeh, mwz dih bihnongx rownz mawz yuq naeh. Gux toj daj mawz zaemh yuq."
4 Yaqgowh nemz dij goanz bae haxdoq Lazjeh daj Liqyaq, hawj paenqdix mwz dih dij mbej yuq naeh dungzmex. 5Dix haxdoq Lazjeh daj Liqyaq: "Gux ruxndeq dez su doiq gux mboq ndae lumj koax daekgoanq, gaj dij Sen dez gux zwzzwz daj gux zaemh yuq. 6Song goanz su ruxndeq gux caqsiq saeh dez su hoak gaengx. 7Gaj dez su yai gux, vaenzriangz byenq bae byenq dauh, gaj dij Sen mboq hawj dix jinto gux. 8Jixzawh dez su Lazbanz hax: ‘Aeu sowh dij mbej laiz baenz diak baenz diak naeh hoak vaenzriangz mawz.’ Dij mbej zowngx daeuj zoq zawh dij mbej laiz baenz diak baenz diak nauq. Jixzawh dix hax: ‘Aeu sowh dij mbej laiz baenz rongh baenz rongh naeh hoak vaenzriangz mawz,’ dij mbej zowngx daeuj zoq zawh dij mbej laiz baenz rongh baenz rongh nauq. 9Dij Sen longx gaenq dij mbej dez su hawj gux. 10Miz mbaed ux, zawh zwz dij mbej chafaenz, gux paen'hwnz. Gux paen'hwnz taen sowh dij mbej chafaenz naeh dij mbej taek zawh gaj do laiz baenz rongh, laiz baenz diak, laiz baenzzaq ndog'va naeh nauq. 11Bin dij Sen daj gux hax: ‘Yaqgowh aj.’#31:11 Bin dij Sen zoq zawh dij Sen. Gux yaeng: ‘Gux yuq inxnaeh.’ 12Dix hax: ‘Lazbanz daj mawz hoak rawz, gux goj taen nauq, gux zux hawj dij mbej dix sowh do chafaenz naeh do taek dix zawh gaj dij mbej laiz baenz diak, laiz baenz rongh, laiz baenzzaq ndog'va nauq. 13Gux zawh dij Sen yuq ndaw Boztowhliq hawj mawz taen naeh. Koax daekgoanq mawz yuq dih naeh aeu kvaix tin ux hoak boi, aeu yuz rowd now dix, yaq mawz daj gux hax, mawz ngwz gux gumx mawz, jixzawh gux gumx mawz, mawz zoq aeu gux hoak dij Sen mawz. Gannaeh mawz ni inxnaeh, dauh mwz goak rownz mawz ndeh.’" 14Lazjeh daj Liqyaq yaeng Yaqgowh: "Rownz dez piu mboq miz sownq piu goah, gaenqpiu baen mboq ndaej gaeng goah. 15Dix aeu gaenqpiu hoak puj baihnog, dix kai gaenqpiu, jin daengz ngaenzjenz gaenq kai now to piu ndaej naeh nauq. 16Sowh gaenq dij Sen longx daeq gaenq dez piu maz hawj mawz naeh zawh gaenq piu daj gaenq lug piu naeuj. Dij Sen yaix mawz hoakrawz, mawz zoq hoakrawz ndeh!"
17-18 Yaqgowh dox ndae'ndowq, dauh mwz Zaznanh, mwz dih dez dix Yitsaeg naeh. Dix yaix lug dix daj mez dix kviq mwz nowlaeng loahtoah, ndaq daengz le doihdo dix, laep daengz le za'hoq yuq Bazdanq-yaqlanh dix naeh mwz. 19Le vaenz paenqdix naengzbaeq mwz naeh, Lazbanz bae daet koan dij mbej. Lazjeh lez dez dix mboq yuq rownz, zoq mwz laek sowh dez dix aeu hoak dij sen mbud naeh. 20Yaqgowh gowx Lazbanz goanz puj Yaqlanh naeh daz hoaklaek ni bae. 21Paenqdix gaj yowngh gaj laep ndae nauq, gajbaeuh-gajbeh gowx bae, kamj mwz ka dah long Yaeuqfahlazdix, daeq mwz baih bo Jizleh.
22Vaenz daih sam, miz dij goanz haxdoq Lazbanz, hax Yaqgowh lenh gowx yaj. 23Lazbanz zowz boangx bihnongx dix zaemh mwz daem Yaqgowh. Paenqdix daem jiat vaenz zux yuq bo Jizleh daem mex. 24Haemh gaengnaeh, dij Sen hawj Lazbanz goanz puj Yaqlanh naeh paen'hwnz, daj dix hax: "Mawz hem ixux, ndae ndog goj mboq jinx daj Yaqgowh hax."
25Zwz Lazbanz daem mex Yaqgowh naeh, Yaqgowh haeuz yuq ndaw bo daengj zangjpungh ced. Lazbanz daj boangx bihnongx dix goj yuq ndaw bo Jizleh daengj zangjpungh ced. 26Lazbanz daj Yaqgowh hax: "Mawz hoak gaeng saeh hoakzaqnaeh mux? Mawz baenzrawz zowz lug nyingz gux lupliamx bae daj longx ndaej dungzlumj? 27Mawz baenzrawz mboq haxdoq gux? Baenzrawz gaemz rawz mboq goak zoq gowx bae? Jixzawh mawz haxdoq gux saek gaemz, gux hoak rawz goj faengz nyauznyauz soangq mawz bae, hoak lownx, qen nyenz, dup zong soangq mawz bae. 28Mawz hoakzaqnaeh uaj gvaq eh! Daengz hawj gux daj lug nyingz gux, lan gux hax saek gaemz kauq dungzbyaeg naengz mboq miz dih hax. 29Gux saeuh bex mawz mboqyaq, gaj haemhvaz dij Sen dez mawz daj gux hax, hawj gux hem uxux, ndae ndog goj mboq jinx daj mawz hax. 30Gux ruxndeq mawz dongxpyej rownz dez mawz, zawx mwz rownz, gaj mawz baenzrawz laek sowh gux aeu hoak dij sen mbud naeh mux?" 31Yaqgowh yaeng: "Gux mbu mawz daeq ndaw mungz gux longx lug nyingz mawz bae, gux zux lenhgowx. 32Gaj mawz yuq ndaw ndang gawz caeu mex sowh gaenq mawz aeu hoak dij sen mbud naeh gawz zoq hoj tai. Yuq doqnaj bihnongx raeuz jixzawh mawz ruxnaj yowngh rawz zawh gaenq mawz, mawz yumq aeu dauh mwz." Yaqgowh mboq ruxndeq Lazjeh laek sowh Lazbanz aeu hoak dij sen mbud naeh, yaq dix zux hoakzaqnaeh yaeng.
33 Lazbanz ndonj mwz ndaw zangjpungh Yaqgowh, yaq daeuq mwz ndaw zangjpungh Liqyaq daj zangjpungh song goanz puj koij naeh caeu, gaj gaeng goj cha mboq taen. Yaq dix daeuq ndonj mwz ndaw zangjpungh Lazjeh. 34Lazjeh aeu sowh Lazbanz aeu hoak dij sen mbud naeh gowx bae ndaw dah loahtoah, hoakri dix naengh yuq baihnow dix. Lazbanz yuq ndaw zangjpungh Lazjeh gaj dih gaj cha nauq, gaj gaeng goj cha mboq taen. 35Lazjeh daj dez dix hax: "Mawz laek jih, gux hiamq zawh zwz ndang'yaij, yuq doqnaj mawz in mboq baenz, gaenqmawz laek jihdwk koij." Lazbanz gaj dih gaj cha yaq, gaj cha mboq mex sowh gaenqdix aeu hoak dij sen mbud naeh.
36Yaq, Yaqgowh jih yaengh jih, maz cham Lazbanz: "Gux hoak loang gaeng? Dih rawz hoak mboq hoj, hawj mawz hoakzaqnaeh, gaj baeuh gaj byeh maz daem gux mux? 37Mawz caeu za'hoq gux nauq, cha mex za'hoq rownz mawz saek yowngh vah? Aeu dix maz, aeu dix nyaengx doqnaj bihnongx, aeu maz hawj daengzle lez, zoq ruxndeq doiq raeuz zawh gawz hoak hoj zawh gawz hoak loang. 38Gux yuq rownz mawz ngihsip bi, dij mbejpaij daj dij mbejbo do rawz zowngx daeuj goj zaeu. Dij mbej taek mawz, gux mboq sanz kaj do rawz jin nowx dix. 39Dij mbej do rawz zoah do'bo jin, gux goj mboq tw daeuj hawj mawz lez, gux haeggaj boiz. Zang'vaenz gojvenj, zang'hwnz gojvenj, dij mbej lamq, mawz goj hawj gux boiz. 40Gux zang'vaenz lednded, zang'hwnz qiatriux se, noanz mboq laep. Gux kwnz baenzzaqnaeh. 41Gux yuq rownz mawz hoak gaengx ngihsip bi: cho raep song goanz lug nyingz mawz, gux saeh mawz hoak gaengx sipsiq bi. Cho ndaej dij mbej, gux saeh mawz hoak gaengx choak bi. Daengz gux hoakzaqnaeh, mawz naengz byenq vaenzriangz gux bae dauh bae dauh. 42Jix mboq zawh dij Sen dez gux Yitsaeg ruxndeq mbu naeh, zoq zawh dij Sen Yaqboahlazhanq naeh gumx gux, mawz yumq hawj gux mungz byaeuq dauh mwz mboqyaq. Gaj dij Sen taen gux jinkaem, taen gux kux, haemhvaz dix zux hwt mawz."
Yaqgowh Daj Lazbanz Dungzdingq
43 Lazbanz yaeng Yaqgowh: "Mawz miz gaeng ah? Mez mawz zawh lug nyingz gawz ah? Lug mawz zawh lan gawz ah? Dij mbej gaenq naeh zawh dij mbej mawz wx? Gaj loh gaj zawh gaenq gux nauq. Gaj gux dih aeu lug nyingz gux daj lan gux hoak rawz mboq baenz eh. 44Gangzmaz gux sem daj mawz dungzdingq mboq dungzsaeuh, mwznaj raeuz zoq nganq gaenq dungzdingq naeh hoak." 45Yaqgowh zoq aeu kvaix tin ux maz hoak boi, 46dix yaix boangx bihnongx dix zaep tin maz daep hoak moangj. Yaq daengzle yuq haenz moangj tin menq jin menq ndut. 47Lazbanz aeu sowh kauq dih dix goak naeh rongx moangj tin naeh hoak Yizzazex-saxhazduqtaz. Gaj Yaqgowh aeu kauq goakrownz dix goak naeh rongx moangj tin naeh hoak Zazloiqdowh. "Yizzazex-saxhazduqtaz" daj "Zazloiqdowh" daengz song gaemz zawh hax: "Moangj hawj gaenq raeuz nwh ndaej naeh." 48Lazbanz daj Yaqgowh hax: "Moangj tin zawj raeuz, moangj tin vaenz naeh aeu dix hoak gaeq hawj raeuz nwh ndaej mwznaj mboq dungzsaeuh." Dih naeh zoq rongx hoak Zazloiqdowh, 49Lazbanz goj naengz hoakzaqnaeh hax: "Gaeq raeuz dungzbyaeg yaq, haeggaj miz Yez'hoahhuah ta'taen." Yaq dih naeh goj rongx hoak Mixsezbaz. "Mixsezbaz" zoq zawh hax: "Dih puj ta'taen naeh." 50"Jixzawh mawz doiq lug gux mboq ndae raj daeuq raep goanz mawq, daengz gawz mboq ruxndeq goj haeggaj miz dij Sen hoak goanz puj jinghzang raeuz." 51Lazbanz daeuq daj Yaqgowh hax: "Mawz lez moangj tin raeuz daep naeh daj kvaix boi raeuz daengj naeh. 52Gaenqraeuz aeu moangj tin naeh hoak gaenq mai, aeu kvaix boi naeh hoak gaenq mai, hoak gaenq hax gux toj mboq rux gvaq moangj tin naeh mwz saeuh mawz, mawz goj mboq jinx gvaq moangj tin naeh daj kvaix boi naeh maz saeuh gux. 53Ngwz dij Sen Yaqboahlazhanq daj dij Sen Nahhowh, zoq zawh dij Sen dez doiq naeh, hoak jinghzang gaenqraeuz." Yaqgowh zoq yuq doqnaj dij Sen dez dix Yitsaeg ruxndeq mbu naeh daj Lazbanz haxgoak daekgoanq. 54Yaq dix daeuq yuq ndaw bo kaj doihdo mbud dij Sen, qingj daengz boangx bihnongx maz jin, jin gah yaq, paenq dix zoq yuq ndaw bo ndowj haemh ux. 55Nawlaeng zaeux, Lazbanz zup lan dix lug nyingz dix, daj paenqdix dungzbyaeg, ni dih naeh dauh mwz rownz.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.