Zwz Nduq 30
30
1 Lazjeh leztaen hoakri mboq rux saeh Yaqgowh zowngx lug, zoq ta'ndaem jex dix. Dix daj Yaqgowh hax: "Mawz hawj gux miz lug! Jix mboq hawj, gux tai yah!" 2Yaqgowh rikdwk Lazjeh, hax: "Zawh dij Sen hawj mawz mboq rux miz lug, gux hoak dij Sen mboq baenz!" 3Lazjeh hax: "Puj koij gux Pihlaz yuq inxnaeh. Mawz daj dix zaemhnoanz, hawj dix zowngx lug hoak lug gux, hawj gux cho dix ndaej lug." 4Lazjeh zoq aeu puj koij dix Pihlaz hawj po dix hoak mezlaeng, Yaqgowh zoq daj Pihlaz zaemhnoanz, 5Pihlaz bazlug saeh Yaqgowh zowngx goanz lug zaiz ux. 6Lazjeh hax: "Dij Sen ruxnyinz kauq gux yaq, paeg gux hoj, zoq hawj gux maeng lug zaiz ux." Lazjeh zoq saeh maeng lug naeh nyaek minxzwh hoak Danq. Danq zoq zawh hax: "Dij Sen paeg gux hoj." 7Pihlaz, goanz puj koij Lazjeh naeh, daeuq bazlug, saeh Yaqgowh zowngx goanz lug zaiz daih ngih. 8Lazjeh hax: "Gux caqsiq daj jex gux dungzdax; gaenqgux daxbex." Yaq dix saeh lug dix nyaek minxzwh hoak Nahfuhtazliq. Nahfuhtazliq zoq zawh hax: "Daxbex."
9 Liqyaq leztaen hoakri mboq zowngx lug tem, zoq aeu puj koij dix Cihpaq hawj Yaqgowh hoak mezlaeng. 10Cihpaq, goanz puj koij Liqyaq naeh, saeh Yaqgowh zowngx goanz lug zaiz ux. 11Liqyaq hax: "Gux minghndae gaiq'eh, dix saeh lug dix nyaek minxzwh hoak Zazdowh." Zazdowh zoq zawh hax: "Minghndae." 12Cihpaq, goanz puj koij Liqyaq naeh saeh Yaqgowh zowngx goanz lug zaiz daih ngih. 13Liqyaq hax: "Gux faengz zaeh! Puj nyingz gawz goj hax gux faengz." Zoq saeh lug dix nyaek minxzwh hoak Yaqsowh. Yaqsowh zoq zawh hax: "Faengz."
14Zwz caeu kaeujmeg, Loixbenq bae ndaw naz mex zoah maenz.#30:14 Paenqdix nwh, jin sowh maenz naeh yaq, rux hawj puj nyingz miz lug. Sowh maenz naeh hax kauq Haeg minxzwh rongx hoak "fungzqeh." Dix aeu maz hawj meh dix Liqyaq. Lazjeh daj Liqyaq hax: "Aeu gaenq maenz lug mawz ndaej naeh baen hawj gux ndoij." 15Liqyaq yaeng: "Mawz longx po gux naengz mboq laemjzaw mah? Gannaeh mawz naengz daz longx gaenq maenz lug gux ndaej naeh mah?" Lazjeh hax: "Jixzawh mawz aeu gaenq maenz lug mawz ndaej naeh hawj gux, haemh naeh gux hawj Yaqgowh daj mawz zaemhnoanz." 16Sowh gau tang'vaenz zaekgaj doak naeh, Yaqgowh daeq ndaw doangh maz. Liqyaq zoq bae raep dix, daj dix hax: "Gux aeu gaenq maenz lug gux ndaej naeh hawj Lazjeh, aeu gaenq naeh su mawz haemh ux; haemh naeh mawz hoakrawz goj daj gux zaemhnoanz." Haemh gaengnaeh, Yaqgowh zoq daj Liqyaq zaemhnoanz. 17Liqyaq vanz dij Sen, dij Sen ruxnyinz yaq, zoq hawj dix bazlug, saeh Yaqgowh zowngx goanz lug zaiz daih haj. 18Liqyaq hax: "Gux aeu puj koij gux hawj po gux, dij Sen zoq aeu maeng lug zaiz naeh hawj gux hoak gaenq soangq gux." Yaq dix saeh lug dix nyaek minxzwh hoak Yixsahzaz. Yixsahzaz zoq zawh hax: "Gaenq soangq."
19 Liqyaq daeuq bazlug, saeh Yaqgowh zowngx goanz lug zaiz daih choak. 20Dix hax: "Gaenqnaeh zawh dij Sen soangq, biangz zaehzaeh loh! Gux saeh po gux zowngx choak goanz lug zaiz, mbaenqnaeh dix toj zaenzzungq gux." Yaq dix zoq saeh lug dix nyaek minxzwh hoak Cizbuqlunh. Cizbuqlunh zoq zawh hax: "Zaenzzungq." 21Daeklaeng dix daeuq zowngx goanz lug nyingz ux, dix saeh dix nyaek minxzwh hoak Dixnah.
22Dij Sen nwh taeng Lazjeh, awj sowh gaenq dix vanz naeh, hawj dix rux miz lug. 23Dix bazlug, zowngx goanz lug zaiz ux. Dix hax: "Koax daekgoanq daenh lezmboqqix gux, gannaeh dij Sen daeuq hawj gux yaeuj to ndaej, 24ngwz dij Sen daeuq hawj gux miz goanz lug zaiz ux tem." Yaq dix saeh lug dix nyaek minxzwh hoak Yezsowh. Yezsowh zoq zawh hax: "Hawj tem owz."
25 Lazjeh zowngx Yezsowh yaq, Yaqgowh daj Lazbanz hax: "Vanz mawz hawj gux bae, hawj gux dauh bae goakrownz gux. 26Mez lug gux zawh gaenqgux saeh mawz hoak gaengx lwh ndaej, hawj gux zowz paenqdix zaemh ni bae. Mawz ruxndeq gux caqsiq saeh mawz hoak gaengx." 27Lazbanz daj dix hax: "Gux mboq suanq zawh gaeng, gaj jixzawh mawz zaemz gux, vanz mawz daj gux zaemh yuq. Unj gux yaengjmyoaz ruxndeq, Yez'hoahhuah gumx gux zawh cholaeng mawz." 28Lazbanz daeuq hax: "Mawz haxdoq gux mawz aeu vaenzriangz gajrawz, gux zoq aeu hawj mawz mboqyaq." 29Yaqgowh yaeng: "Mawz ruxndeq gux hoakrawz saeh mawz hoak gaengx. Gux saeh mawz lez doihdo mawz, gannaeh doihdo mawz raengh baenzzaqrawz mawz goj ruxndeq. 30Koax gux naengz mboq maz naeh, mawz gaeng mboq miz lai. Gannaeh mawz gaj yowngh gaj miz lai. Yez'hoahhuah zawh cho gux zux gumx mawz. Taeng gannaeh gux saeh gaj gaenqmawz hoak, gux zwzrawz zux saeh gaenq hoakri gux hoak mux?" 31-32Lazbanz hax: "Gux aeu gaeng hawj mawz nix?" Yaqgowh hax: "Mawz mboq aeu gaeng hawj gux gojndaej. Gaj jixzawh mwznaj mawz naengz daz hawj gux saeh mawz dawz dij mbej, vaenznaeh mawz hawj gux bae dih dij mbej ndowj naeh lowg gaj sowh dij mbej paij laiz, sowh dij mbejpaij baenz diak naeh, dij mbej paij do ix do ndaem gaenqnaeh, dij mbej bo do laiz gaenq naeh daj do baenz diak gaenqnaeh, aeu suq naeh hoak vaenzriangz gux. 33Hoakzaqnaeh, mbaedmawq mawz lez dij mbej gaenq mawz aeu hawj gux hoak vaenzriangz naeh, jixzawh dij mbej gux miz saek do mboq laiz mboq baenz diak, daj dij mbej ix gaenqnaeh mboq zawh do ndaem, zoq zawh gaenqgux laek gaenq mawz. Hoakzaqnaeh mawz zoq ruxndeq gux swh mboq swh." 34Lazbanz yaeng: "Awh, hoak zaq gaemz mawz hax naeh." 35Lazbanz hax lej hoakzaqnaeh hax, vaenz gaengnaeh dix cenq bae lowg sowh dij mbej taek laiz raj baenz diak naeh, daj sowh dij mbej meh baenz diak, laiz, baenz rongh kau naeh, daj dij mbejpaij ix do ndaem gaenqnaeh, aeu sowh dij mbej naeh hawj le lug dix dawz. 36Yaq yaix le lug dix ndaq boangx mbej naeh ni mwz dih ux daj Yaqgowh dungzgvae daeq zaekgaj sam vaenz loh ux naeh zux taeng. Dij mbej ndai zoq hawj Yaqgowh dawz.
37 Yaqgowh aeu sam yowngh ngah maex maz,#30:37 Sam yowngh maex naeh Sw Dij Sen Bwnz Aeu Kauq Haeg Laiz Naeh hoakzaqnaeh hax: Yanghsuq, cinqsuq, fungzsuq. daed i naeng ux, hawj maex laiz, 38aeu sowh ngah maex laiz naeh naep haenz rangz naemx dij mbej ndut naeh daj ndaw ndoang dij mbej ndut naemx naeh. Sowh jeh dij mbej chafaenz naeh, dij mbej maz sowh dih maex laiz naeh ndut naemx, 39yuq doqnaj sowh maex naeh chafaenz, vaenzmawq dij mbej ix rungj daeuj zoq baenz rungh kau, baenz diak, laiz. 40Yaqgowh zoq aeu dij mbej ix dangqyuq. Dix hawj dij mbej Lazbanz daj dij mbej laiz, dij mbej ndaem haeggaj dangq yuq, hoakzaqnaeh dij mbej hoakri dix haeggaj yuq dih ux, mboq daj dij mbej Lazbanz dungzchonj. 41Dij mbej byauz chafaenz, Yaqgowh zoq aeu le ngah maex laiz naeh naep yuq doqnaj rangz naemx. Paenqdix zoq yuq haenz le ngah maex laiz naeh chafaenz. 42Gaj dij mbej choj chafaenz, dix zoq mboq aeu sowh ngah maex laiz naeh naep. Hoakzaqnaeh, ndowj maz, dij mbej Lazbanz zoq choj nyeuz, dij mbej Yaqgowh zoq byauz nyeuz. 43Yaq Yaqgowh gaj ndowj gaj saq. Dix miz puj koij zaiz, puj koij nyingz, miz dij mbej, loahtoah daj dij loix lai taeuq.
လက္ရွိေရြးခ်ယ္ထားမွု
Zwz Nduq 30: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Zwz Nduq 30
30
1 Lazjeh leztaen hoakri mboq rux saeh Yaqgowh zowngx lug, zoq ta'ndaem jex dix. Dix daj Yaqgowh hax: "Mawz hawj gux miz lug! Jix mboq hawj, gux tai yah!" 2Yaqgowh rikdwk Lazjeh, hax: "Zawh dij Sen hawj mawz mboq rux miz lug, gux hoak dij Sen mboq baenz!" 3Lazjeh hax: "Puj koij gux Pihlaz yuq inxnaeh. Mawz daj dix zaemhnoanz, hawj dix zowngx lug hoak lug gux, hawj gux cho dix ndaej lug." 4Lazjeh zoq aeu puj koij dix Pihlaz hawj po dix hoak mezlaeng, Yaqgowh zoq daj Pihlaz zaemhnoanz, 5Pihlaz bazlug saeh Yaqgowh zowngx goanz lug zaiz ux. 6Lazjeh hax: "Dij Sen ruxnyinz kauq gux yaq, paeg gux hoj, zoq hawj gux maeng lug zaiz ux." Lazjeh zoq saeh maeng lug naeh nyaek minxzwh hoak Danq. Danq zoq zawh hax: "Dij Sen paeg gux hoj." 7Pihlaz, goanz puj koij Lazjeh naeh, daeuq bazlug, saeh Yaqgowh zowngx goanz lug zaiz daih ngih. 8Lazjeh hax: "Gux caqsiq daj jex gux dungzdax; gaenqgux daxbex." Yaq dix saeh lug dix nyaek minxzwh hoak Nahfuhtazliq. Nahfuhtazliq zoq zawh hax: "Daxbex."
9 Liqyaq leztaen hoakri mboq zowngx lug tem, zoq aeu puj koij dix Cihpaq hawj Yaqgowh hoak mezlaeng. 10Cihpaq, goanz puj koij Liqyaq naeh, saeh Yaqgowh zowngx goanz lug zaiz ux. 11Liqyaq hax: "Gux minghndae gaiq'eh, dix saeh lug dix nyaek minxzwh hoak Zazdowh." Zazdowh zoq zawh hax: "Minghndae." 12Cihpaq, goanz puj koij Liqyaq naeh saeh Yaqgowh zowngx goanz lug zaiz daih ngih. 13Liqyaq hax: "Gux faengz zaeh! Puj nyingz gawz goj hax gux faengz." Zoq saeh lug dix nyaek minxzwh hoak Yaqsowh. Yaqsowh zoq zawh hax: "Faengz."
14Zwz caeu kaeujmeg, Loixbenq bae ndaw naz mex zoah maenz.#30:14 Paenqdix nwh, jin sowh maenz naeh yaq, rux hawj puj nyingz miz lug. Sowh maenz naeh hax kauq Haeg minxzwh rongx hoak "fungzqeh." Dix aeu maz hawj meh dix Liqyaq. Lazjeh daj Liqyaq hax: "Aeu gaenq maenz lug mawz ndaej naeh baen hawj gux ndoij." 15Liqyaq yaeng: "Mawz longx po gux naengz mboq laemjzaw mah? Gannaeh mawz naengz daz longx gaenq maenz lug gux ndaej naeh mah?" Lazjeh hax: "Jixzawh mawz aeu gaenq maenz lug mawz ndaej naeh hawj gux, haemh naeh gux hawj Yaqgowh daj mawz zaemhnoanz." 16Sowh gau tang'vaenz zaekgaj doak naeh, Yaqgowh daeq ndaw doangh maz. Liqyaq zoq bae raep dix, daj dix hax: "Gux aeu gaenq maenz lug gux ndaej naeh hawj Lazjeh, aeu gaenq naeh su mawz haemh ux; haemh naeh mawz hoakrawz goj daj gux zaemhnoanz." Haemh gaengnaeh, Yaqgowh zoq daj Liqyaq zaemhnoanz. 17Liqyaq vanz dij Sen, dij Sen ruxnyinz yaq, zoq hawj dix bazlug, saeh Yaqgowh zowngx goanz lug zaiz daih haj. 18Liqyaq hax: "Gux aeu puj koij gux hawj po gux, dij Sen zoq aeu maeng lug zaiz naeh hawj gux hoak gaenq soangq gux." Yaq dix saeh lug dix nyaek minxzwh hoak Yixsahzaz. Yixsahzaz zoq zawh hax: "Gaenq soangq."
19 Liqyaq daeuq bazlug, saeh Yaqgowh zowngx goanz lug zaiz daih choak. 20Dix hax: "Gaenqnaeh zawh dij Sen soangq, biangz zaehzaeh loh! Gux saeh po gux zowngx choak goanz lug zaiz, mbaenqnaeh dix toj zaenzzungq gux." Yaq dix zoq saeh lug dix nyaek minxzwh hoak Cizbuqlunh. Cizbuqlunh zoq zawh hax: "Zaenzzungq." 21Daeklaeng dix daeuq zowngx goanz lug nyingz ux, dix saeh dix nyaek minxzwh hoak Dixnah.
22Dij Sen nwh taeng Lazjeh, awj sowh gaenq dix vanz naeh, hawj dix rux miz lug. 23Dix bazlug, zowngx goanz lug zaiz ux. Dix hax: "Koax daekgoanq daenh lezmboqqix gux, gannaeh dij Sen daeuq hawj gux yaeuj to ndaej, 24ngwz dij Sen daeuq hawj gux miz goanz lug zaiz ux tem." Yaq dix saeh lug dix nyaek minxzwh hoak Yezsowh. Yezsowh zoq zawh hax: "Hawj tem owz."
25 Lazjeh zowngx Yezsowh yaq, Yaqgowh daj Lazbanz hax: "Vanz mawz hawj gux bae, hawj gux dauh bae goakrownz gux. 26Mez lug gux zawh gaenqgux saeh mawz hoak gaengx lwh ndaej, hawj gux zowz paenqdix zaemh ni bae. Mawz ruxndeq gux caqsiq saeh mawz hoak gaengx." 27Lazbanz daj dix hax: "Gux mboq suanq zawh gaeng, gaj jixzawh mawz zaemz gux, vanz mawz daj gux zaemh yuq. Unj gux yaengjmyoaz ruxndeq, Yez'hoahhuah gumx gux zawh cholaeng mawz." 28Lazbanz daeuq hax: "Mawz haxdoq gux mawz aeu vaenzriangz gajrawz, gux zoq aeu hawj mawz mboqyaq." 29Yaqgowh yaeng: "Mawz ruxndeq gux hoakrawz saeh mawz hoak gaengx. Gux saeh mawz lez doihdo mawz, gannaeh doihdo mawz raengh baenzzaqrawz mawz goj ruxndeq. 30Koax gux naengz mboq maz naeh, mawz gaeng mboq miz lai. Gannaeh mawz gaj yowngh gaj miz lai. Yez'hoahhuah zawh cho gux zux gumx mawz. Taeng gannaeh gux saeh gaj gaenqmawz hoak, gux zwzrawz zux saeh gaenq hoakri gux hoak mux?" 31-32Lazbanz hax: "Gux aeu gaeng hawj mawz nix?" Yaqgowh hax: "Mawz mboq aeu gaeng hawj gux gojndaej. Gaj jixzawh mwznaj mawz naengz daz hawj gux saeh mawz dawz dij mbej, vaenznaeh mawz hawj gux bae dih dij mbej ndowj naeh lowg gaj sowh dij mbej paij laiz, sowh dij mbejpaij baenz diak naeh, dij mbej paij do ix do ndaem gaenqnaeh, dij mbej bo do laiz gaenq naeh daj do baenz diak gaenqnaeh, aeu suq naeh hoak vaenzriangz gux. 33Hoakzaqnaeh, mbaedmawq mawz lez dij mbej gaenq mawz aeu hawj gux hoak vaenzriangz naeh, jixzawh dij mbej gux miz saek do mboq laiz mboq baenz diak, daj dij mbej ix gaenqnaeh mboq zawh do ndaem, zoq zawh gaenqgux laek gaenq mawz. Hoakzaqnaeh mawz zoq ruxndeq gux swh mboq swh." 34Lazbanz yaeng: "Awh, hoak zaq gaemz mawz hax naeh." 35Lazbanz hax lej hoakzaqnaeh hax, vaenz gaengnaeh dix cenq bae lowg sowh dij mbej taek laiz raj baenz diak naeh, daj sowh dij mbej meh baenz diak, laiz, baenz rongh kau naeh, daj dij mbejpaij ix do ndaem gaenqnaeh, aeu sowh dij mbej naeh hawj le lug dix dawz. 36Yaq yaix le lug dix ndaq boangx mbej naeh ni mwz dih ux daj Yaqgowh dungzgvae daeq zaekgaj sam vaenz loh ux naeh zux taeng. Dij mbej ndai zoq hawj Yaqgowh dawz.
37 Yaqgowh aeu sam yowngh ngah maex maz,#30:37 Sam yowngh maex naeh Sw Dij Sen Bwnz Aeu Kauq Haeg Laiz Naeh hoakzaqnaeh hax: Yanghsuq, cinqsuq, fungzsuq. daed i naeng ux, hawj maex laiz, 38aeu sowh ngah maex laiz naeh naep haenz rangz naemx dij mbej ndut naeh daj ndaw ndoang dij mbej ndut naemx naeh. Sowh jeh dij mbej chafaenz naeh, dij mbej maz sowh dih maex laiz naeh ndut naemx, 39yuq doqnaj sowh maex naeh chafaenz, vaenzmawq dij mbej ix rungj daeuj zoq baenz rungh kau, baenz diak, laiz. 40Yaqgowh zoq aeu dij mbej ix dangqyuq. Dix hawj dij mbej Lazbanz daj dij mbej laiz, dij mbej ndaem haeggaj dangq yuq, hoakzaqnaeh dij mbej hoakri dix haeggaj yuq dih ux, mboq daj dij mbej Lazbanz dungzchonj. 41Dij mbej byauz chafaenz, Yaqgowh zoq aeu le ngah maex laiz naeh naep yuq doqnaj rangz naemx. Paenqdix zoq yuq haenz le ngah maex laiz naeh chafaenz. 42Gaj dij mbej choj chafaenz, dix zoq mboq aeu sowh ngah maex laiz naeh naep. Hoakzaqnaeh, ndowj maz, dij mbej Lazbanz zoq choj nyeuz, dij mbej Yaqgowh zoq byauz nyeuz. 43Yaq Yaqgowh gaj ndowj gaj saq. Dix miz puj koij zaiz, puj koij nyingz, miz dij mbej, loahtoah daj dij loix lai taeuq.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.