Zwz Nduq 32
32
1 Yaqgowh goq daeq daeq, yuq doanh loh, miz yowngh boangx bin dij Sen daeuj baihnaj dix taj dix. 2Yaqgowh daeh taen paenqdix zoq nwh: "Oz, inxnaeh zawh dih boangx bin dij Sen yuq naeh." Yaq dix zoq rongx dih naeh hoak Maxhaznyenq. Maxhaznyenq zoq zawh hax: "Dih boangx bin yuq naeh."
3Doaklaeng Yaqgowh nemz dij goanz mwz ndaw Cizex daekgoanq, zoq zawh ndaw Yixdungz dih goz dix Yixsaux naeh, 4nemz paenqdix haxdoq Yixsaux: "Su daj zaeuj gux Yixsaux hax: ‘Puj koij mawz Yaqgowh hoakzaqnaeh hax: Koij mwz rownz Lazbanz ndowj, gannaeh koij dauh maz yaj. 5Koij miz dij moaz, dij mbej, dij loix, puj koij zaiz, puj koij nyingz. Gannaeh koij nemz dij goanz maz haxdoq mawz, ngwz mawz zaemh nwhlaeng.’"
6Sowh puj nemz mwz naeh dauh daeuj dih Yaqgowh naeh, hax: "Gaenqpiu mwz taeng dih goz mawz Yixsaux naeh, gannaeh dix haeuz zowz siq baeg goanz og daeuj, daeq daeuj baih zawj raeuz." 7Yaqgowh mbu daengz mboq zawh haxnyaeux, ndaw zaw huangz taeuq. Dix aeu boangx dij goanz daj dix zaemh daeuj naeh hoak song boangx, goj aeu dij mbej, dij moaz, loahtoah hoak song boangx. 8Dix nwh: "Jixzawh Yixsaux saeuh boangx daekgoanq, boangx daih ngih zoq lenhgowx baenz."
9Yaq Yaqgowh daj dij Sen hax: "Yez'hoahhuah dij Sen yeh gux Yaqboahlazhanq, dij Sen dez gux Yitsaeg, vanz mawz biak gux hax! Mawz nemz gux dauh maz goakrownz gux, maz dih boangx bihnongx gux, yaq naengz daj gux hax hawj gux hoak gaeng goj ngaihngez. 10Mawz nwh koij, ndaej hax rawz zoq hoak rawz, koij mboq paeq saek'i. Koax daekgoanq koij ndaw mungz zux aeu gaj laenj maex daeux ux kamj gvaq ka dah Yezdanq, gaj vaenznaeh koij zowz song boangx dij goanz dauh maz. 11Vanz mawz jeuq koij, hawj koij gowxni dawj mungz goz koij Yixsaux. Koij mbu dix maz saeuh kaj koij, kaj daengzle mijmez daj lug nauq. 12Vanz mawz nyen ndaej gaenq mawz yinq koij naeh. Mawz hax hawj koij hoak gaeng goj hoak ngaihngez, hawj luglan koij raenghhuh, lai daj saiz haenz haij dungzlumj, lai daengz mboq miz gawz anq bex."
13 Yaqgowh yuq dih naeh ndowj ndaej hwnz ux. Zang'haemh dix lowg doihdo dix soangq hawj goz dix Yixsaux mbangj, 14aeu dij mbej do'meh song baeg do, do'taek ngihsip do; aeu dij mbejpaij, do'meh song baeg do, do'taek ngihsip do; 15aeu loahtoah do rawz miz lug ix gaenq naeh hawj samsip do, aeu daengz lug ix dix hawj ndoij; aeu dij moaz do meh siqsip do, do taek sip do; aeu dij loix, do meh ngihsip do, do taek sip do; 16gaj yowngh gaj haeggaj hoak boangx, aeu hawj puj koij dix ndaq. Dix daj puj koij dix hax: "Gaenqsu daeq daekgoanq gux, hawj boangx dangq boangx dungzliq baez hongj." 17Dix daj puj koij goanz ndaq daekgoanq naeh hax: "Goaz gux Yixsaux mex mawz gau rawz, jixzawh dix cham mawz: ‘Zaeuj mawz zawh gawz? Mawz mwz rawz? Boangx doihdo baihnaj mawz naeh zawh gaenq gawz?’ 18Mawz zoq hoiz: ‘Boangx naeh zawh gaenq puj koij mawz, zawh gaenq Yaqgowh. Dix aeu hoak gaenq soangq zaeuj dix Yixsaux, hoakri dix yuq doaklaeng piu.’" 19Dix haxdoq daengz goanz ndaq daih ngih, daih sam, haxdoq daengzle puj ndaq doihdo naeh nauq: "Gaenqsu mex Yixsaux gaurawz goj hoakzaqnaeh hoiz, 20su hoakrawz goj hax: ‘Puj koij mawz Yaqgowh yuq doaklaeng.’" Yaqgowh ndaw zaw nwh: "Gux aeu doihdo soangq dix lai baenzzaqnaeh, dix ingj faengz, dungztaen gaurawz, dix ingj yangq gux." 21Yaq dix nemz boangx ndaq doihdo naeh daeq daekgoanq, hoakri dix naengz yuq dih gaeuq ndowj.
22Haemh gaengnaeh, Yaqgowh dwnq maz, zowz song goanz mijmez dix daj song goanz mezlaeng dix, daj sip'aet goanz lug zaiz dix kamj gvaq ka dah Yaqboah. 23Dix zowz paenqdix, soangq paenqdix kamj dah, aeu daengzle za'hoq ban gvaq dah, 24hoakri dix goanzdoag yuq daeklaeng.
Miz goanz ux maz daj dix dungzgaenx-dungzgex, gaenx taengdiak fax zaekgaj rungh. 25Goanz gaengnaeh lez hoakri dix ingj gaenx bex mboq ndaej, goanz gaengnaeh zoq aeu mungz dix daeh hoj ka'boaj Yaqgowh, hawj ka'boaj Yaqgowh lod. 26Goanz gaeng hax: "Fax zaekgaj rungh yaj, zoangq gux bae ndeh." Yaqgowh hoiz: "Mawz mboq gumx gux, gux zoq mboq zoangq mawz ni." 27Goanz gaeng naeh cham: "Minxzwh mawz rongx hoak gawz?" Dix hoiz: "Yaqgowh" 28Goanz gaeng naeh hax: "Daeq gannaeh mwz, mawz mboq rongx hoak Yaqgowh, mawz daj dij Sen daj dij goanz dungzgaenx, mawz gaenxbex, hoj gaix minxzwh mawz hoak Yixsowhleh." Yixsowhleh zoq zawh hax: "daj dij Sen dungzgaenx." 29Yaqgowh cham: "Mawz haxdoq gux, minxzwh mawz hoak gawz?" Goanz gaeng naeh hoiz: "Baenzrawz cham minxzwh gux ah?" Hax gaemz naeh yaq, zoq yuq dihnaeh gumx Yaqgowh. 30Yaqgowh nwh: "Dij Sen yuq doqnaj gux hawj gux taen dix, gaj dix naengz leux aen mingh gux, naengz hawj gux zaeu ngah." Yaq dix rongx dih naeh hoak Pihnuxyizlowh "Pihnuxyizlowh" zoq zawh hax: "Naj dij Sen." 31Zwz Yaqgowh ni Pihnuxyizlowh naeh, tang'vaenz haeuz og maz, gaj ka'boaj dix lod, dix ndowngq ka daeq loh. 32Taengdiak gannaeh, cholaeng yaenz ka'boaj Yaqgowh zoah dij Sen hawj lod, dij goanz Yixsowhleh mboq jin yaenz ka'boaj doihdo.
လက္ရွိေရြးခ်ယ္ထားမွု
Zwz Nduq 32: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Zwz Nduq 32
32
1 Yaqgowh goq daeq daeq, yuq doanh loh, miz yowngh boangx bin dij Sen daeuj baihnaj dix taj dix. 2Yaqgowh daeh taen paenqdix zoq nwh: "Oz, inxnaeh zawh dih boangx bin dij Sen yuq naeh." Yaq dix zoq rongx dih naeh hoak Maxhaznyenq. Maxhaznyenq zoq zawh hax: "Dih boangx bin yuq naeh."
3Doaklaeng Yaqgowh nemz dij goanz mwz ndaw Cizex daekgoanq, zoq zawh ndaw Yixdungz dih goz dix Yixsaux naeh, 4nemz paenqdix haxdoq Yixsaux: "Su daj zaeuj gux Yixsaux hax: ‘Puj koij mawz Yaqgowh hoakzaqnaeh hax: Koij mwz rownz Lazbanz ndowj, gannaeh koij dauh maz yaj. 5Koij miz dij moaz, dij mbej, dij loix, puj koij zaiz, puj koij nyingz. Gannaeh koij nemz dij goanz maz haxdoq mawz, ngwz mawz zaemh nwhlaeng.’"
6Sowh puj nemz mwz naeh dauh daeuj dih Yaqgowh naeh, hax: "Gaenqpiu mwz taeng dih goz mawz Yixsaux naeh, gannaeh dix haeuz zowz siq baeg goanz og daeuj, daeq daeuj baih zawj raeuz." 7Yaqgowh mbu daengz mboq zawh haxnyaeux, ndaw zaw huangz taeuq. Dix aeu boangx dij goanz daj dix zaemh daeuj naeh hoak song boangx, goj aeu dij mbej, dij moaz, loahtoah hoak song boangx. 8Dix nwh: "Jixzawh Yixsaux saeuh boangx daekgoanq, boangx daih ngih zoq lenhgowx baenz."
9Yaq Yaqgowh daj dij Sen hax: "Yez'hoahhuah dij Sen yeh gux Yaqboahlazhanq, dij Sen dez gux Yitsaeg, vanz mawz biak gux hax! Mawz nemz gux dauh maz goakrownz gux, maz dih boangx bihnongx gux, yaq naengz daj gux hax hawj gux hoak gaeng goj ngaihngez. 10Mawz nwh koij, ndaej hax rawz zoq hoak rawz, koij mboq paeq saek'i. Koax daekgoanq koij ndaw mungz zux aeu gaj laenj maex daeux ux kamj gvaq ka dah Yezdanq, gaj vaenznaeh koij zowz song boangx dij goanz dauh maz. 11Vanz mawz jeuq koij, hawj koij gowxni dawj mungz goz koij Yixsaux. Koij mbu dix maz saeuh kaj koij, kaj daengzle mijmez daj lug nauq. 12Vanz mawz nyen ndaej gaenq mawz yinq koij naeh. Mawz hax hawj koij hoak gaeng goj hoak ngaihngez, hawj luglan koij raenghhuh, lai daj saiz haenz haij dungzlumj, lai daengz mboq miz gawz anq bex."
13 Yaqgowh yuq dih naeh ndowj ndaej hwnz ux. Zang'haemh dix lowg doihdo dix soangq hawj goz dix Yixsaux mbangj, 14aeu dij mbej do'meh song baeg do, do'taek ngihsip do; aeu dij mbejpaij, do'meh song baeg do, do'taek ngihsip do; 15aeu loahtoah do rawz miz lug ix gaenq naeh hawj samsip do, aeu daengz lug ix dix hawj ndoij; aeu dij moaz do meh siqsip do, do taek sip do; aeu dij loix, do meh ngihsip do, do taek sip do; 16gaj yowngh gaj haeggaj hoak boangx, aeu hawj puj koij dix ndaq. Dix daj puj koij dix hax: "Gaenqsu daeq daekgoanq gux, hawj boangx dangq boangx dungzliq baez hongj." 17Dix daj puj koij goanz ndaq daekgoanq naeh hax: "Goaz gux Yixsaux mex mawz gau rawz, jixzawh dix cham mawz: ‘Zaeuj mawz zawh gawz? Mawz mwz rawz? Boangx doihdo baihnaj mawz naeh zawh gaenq gawz?’ 18Mawz zoq hoiz: ‘Boangx naeh zawh gaenq puj koij mawz, zawh gaenq Yaqgowh. Dix aeu hoak gaenq soangq zaeuj dix Yixsaux, hoakri dix yuq doaklaeng piu.’" 19Dix haxdoq daengz goanz ndaq daih ngih, daih sam, haxdoq daengzle puj ndaq doihdo naeh nauq: "Gaenqsu mex Yixsaux gaurawz goj hoakzaqnaeh hoiz, 20su hoakrawz goj hax: ‘Puj koij mawz Yaqgowh yuq doaklaeng.’" Yaqgowh ndaw zaw nwh: "Gux aeu doihdo soangq dix lai baenzzaqnaeh, dix ingj faengz, dungztaen gaurawz, dix ingj yangq gux." 21Yaq dix nemz boangx ndaq doihdo naeh daeq daekgoanq, hoakri dix naengz yuq dih gaeuq ndowj.
22Haemh gaengnaeh, Yaqgowh dwnq maz, zowz song goanz mijmez dix daj song goanz mezlaeng dix, daj sip'aet goanz lug zaiz dix kamj gvaq ka dah Yaqboah. 23Dix zowz paenqdix, soangq paenqdix kamj dah, aeu daengzle za'hoq ban gvaq dah, 24hoakri dix goanzdoag yuq daeklaeng.
Miz goanz ux maz daj dix dungzgaenx-dungzgex, gaenx taengdiak fax zaekgaj rungh. 25Goanz gaengnaeh lez hoakri dix ingj gaenx bex mboq ndaej, goanz gaengnaeh zoq aeu mungz dix daeh hoj ka'boaj Yaqgowh, hawj ka'boaj Yaqgowh lod. 26Goanz gaeng hax: "Fax zaekgaj rungh yaj, zoangq gux bae ndeh." Yaqgowh hoiz: "Mawz mboq gumx gux, gux zoq mboq zoangq mawz ni." 27Goanz gaeng naeh cham: "Minxzwh mawz rongx hoak gawz?" Dix hoiz: "Yaqgowh" 28Goanz gaeng naeh hax: "Daeq gannaeh mwz, mawz mboq rongx hoak Yaqgowh, mawz daj dij Sen daj dij goanz dungzgaenx, mawz gaenxbex, hoj gaix minxzwh mawz hoak Yixsowhleh." Yixsowhleh zoq zawh hax: "daj dij Sen dungzgaenx." 29Yaqgowh cham: "Mawz haxdoq gux, minxzwh mawz hoak gawz?" Goanz gaeng naeh hoiz: "Baenzrawz cham minxzwh gux ah?" Hax gaemz naeh yaq, zoq yuq dihnaeh gumx Yaqgowh. 30Yaqgowh nwh: "Dij Sen yuq doqnaj gux hawj gux taen dix, gaj dix naengz leux aen mingh gux, naengz hawj gux zaeu ngah." Yaq dix rongx dih naeh hoak Pihnuxyizlowh "Pihnuxyizlowh" zoq zawh hax: "Naj dij Sen." 31Zwz Yaqgowh ni Pihnuxyizlowh naeh, tang'vaenz haeuz og maz, gaj ka'boaj dix lod, dix ndowngq ka daeq loh. 32Taengdiak gannaeh, cholaeng yaenz ka'boaj Yaqgowh zoah dij Sen hawj lod, dij goanz Yixsowhleh mboq jin yaenz ka'boaj doihdo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.