Zwz Nduq 29
29
1 Yaqgowh goq daeq daeq, daeq mwz taeng dih dij goanz baih tang'vaenz og naeh. 2Dix leztaen ndaw doanghmowz miz aen mboq ux. Puj dawzmbej gaj vaenz gaj aeu naemx aen mboq naeh hawj dij mbej ndut. Gaunaeh miz sam boangx mbej noanz haenz mboq. Baeg mboq miz kvaix tin dwx ux. 3Puj dawzmbej daj dij mbej maz taeng nauq, puj dawzmbej zoq ngex kvaix tin dwx baeg mboq naeh, aeu naemx hawj dij mbej ndut. Dij mbej ndut imq yaq, daengzle zoq daeuq aeu kvaix tin dwx naeh maz gumq.
4 Yaqgowh cham boangx puj dawzmbej naeh: "Cham mbaed ux mah, gaenqsu daeq rawz maz?" Paenqdix yaeng: "Gaenqpiu daeq Hazlanh maz." 5Dix cham paenqdix: "Gaenqsu ruxnaj Lazbanz, goanz lan Nahhowh naeh vah?" Paenqdix yaeng: "Gaenqpiu ruxnaj dix." 6Yaqgowh daeuq cham: "Dix yuqndae naeujbojleh?" Paenqdix yaeng: "Dix yuqndae naeujgah. Mawz lez, lug nyingz dix Lazjeh ndaq boangx mbej dix maz yah." 7Yaqgowh hax: "Tang'vaenz naengz sung baenzzaq naeh, mboq zawh zwz aeu dij mbej kaeng mah. Gaenqsu daek naemx hawj dij mbej ndut yaq, daeuq ndaq bae ndaw doangh gaet mah." 8Paenqdix yaeng: "Hoakzaqnaeh mboq baenz oh, hoakrawz goj taj daengzle maz nauq, miz jijgaj goanz zaemh ngex kvaix tin baeg mboq naeh ni, gaenqpiu zux daek naemx hawj dij mbej ndut."
9Gau Yaqgowh naengz daj sowh puj dawzmbej yuq haenz mboq naeh hax kauq, Lazjeh ndaq boangx mbej dez dix maz, unj Lazjeh zawh puj dawzmbej. 10Yaqgowh cenq leztaen Lazjeh, lug nyingz jeuq dix Lazbanz, daj boangx mbej jeuq dix, zoq bae ngex kvaix tin baeg mboq naeh, daek naemx hawj dij mbej jeuq dix ndut. 11Yaq dix bae zup naj Lazjeh,#29:11 Dih paenqdix dungzbownh bihnongx dungzmex dungzzup, hoakzaqnaeh dungzdongx. faengz daengz haej saw. 12Dix haxdoq Lazjeh: "Dez mawz zawh jeuq gux, gux zawh lug zaiz Liqbowhzaz." Lazjeh zoq lenh mwz haxdoq dez dix.
13 Lazbanz cenq ruxnyinz Yaqgowh maz, zoq lenh bae raep dix, umj dix, zup naj dix, zowz dix mwz rownz. Yaqgowh haxdoq Lazbanz rownz dix baenzzaqrawz raeuh. 14Lazbanz hax: "Mawz daj gux ndiang taeuq." Yaqgowh zoq daj Lazbanz zaemh yuq ndaej ndown ux.
Yaqgowh Raep Song Goanz Lugnyingz Lazbanz Hoak Mez
15Gvaq ndaej ndown ux yaq, miz vaenz ux Lazbanz daj Yaqgowh hax: "Raeuz zawh bihnongx gangq, gaj mawz goj mboq hoj saeh gux hoak gaengx daengzhwx. Mawz haxdoq gux mawz zawx hawj gux aeu gaeng hawj mawz?" 16Lazbanz miz song goanz lug nyingz. Ndiq dwx naeh rongx hoak Liqyaq, ndiq ix naeh rongx hoak Lazjeh. 17Ta Liqyaq yawz, gaj Lazjeh rangh goj yawz, najta goj yawz. 18Yaqgowh ngaiq Lazjeh taeuq. Yaqgowh zoq yaeng Lazbanz: "Jixzawh mawz aeu Lazjeh hawj gux hoak mez, gux zoq saeh mawz hoak gaengx jiat bi." 19Lazbanz yaeng: "Gux aeu dix kai hawj mawz ndae nyeuz kai hawj daenh mah. Mawz daj gux zaemh yuq inxnaeh ndowj ndeh." 20Yaqgowh zoq saeh Lazbanz hoak jiat bi gaengx, gaj dix ngaiq Lazjeh, jiat bi zoq daj jij vaenz ux dungzlumj, gvaq kvaiq taeuq.
21 Yaqgowh daj Lazbanz hax: "Ndaej jiat bi yah, aeu mez gux Lazjeh hawj gux, hoakzaqnaeh gux zux ndaej daj dix zaemh yuq!" 22Yaq Lazbanz zoq qingj qiag jin kaeuj laeuj, qingj dij goanz dih naeh daengzle maz. 23Gaj taeng zang'haemh, Lazbanz aeu lug nyingz dix Liqyaq hawj Yaqgowh, Yaqgowh zoq daj dix zaemhnoanz. 24Laemh zwz naeh, Lazbanz goj aeu Cihpaq goanz puj koij nyingz dix naeh hawj Liqyaq hoak puj koij. 25Taeng nawlaeng zaeux, Yaqgowh zux ruxndeq Lazbanz mboq zawh aeu Lazjeh hawj dix, zawh aeu Liqyaq hawj dix. Dix zoq bae daj Lazbanz hax: "Mawz baenzrawz hoakzaqnaeh doiq gux mux? Gux saeh mawz hoak gaengx zawh cho aeu Lazjeh hoak mez. Gaj mawz baenzrawz haxyai gux mux?" 26Lazbanz yaeng: "Hoak lug nyingz, jex dix naengz mboq kai, zoq kai nongx dix, dih piu mboq zauh hoakzaqnaeh hoak. 27Gvaq jiat vaenz qiak naeh yaq, gux daeuq aeu Lazjeh kai hawj mawz. Gaj mawz daeuq saeh gux hoak jiat bi gaengx tem." 28Yaqgowh venq. Gvaq jiat vaenz qiag yaq, Lazbanz zoq aeu lug nyingz dix Lazjeh hawj Yaqgowh hoak mijmez. 29Laemh zwz naeh, Lazbanz goj aeu Pihlaz goanz puj koij nyingz dix naenh hawj Lazjeh hoak puj koij. 30Yaqgowh daj Lazjeh zaemhnoanz. Dix ngaiq Lazjeh nyeuz Liqyaq. Dix daeuq saeh Lazbanz hoak jiat bi gaengx.
31 Yez'hoahhuah leztaen Yaqgowh nwh Lazjeh nyeuz Liqyaq lai, zoq hawj Liqyaq rux miz lug, gaj hawj Lazjeh mboq rux miz lug. 32Liqyaq bazlug zowngx maeng lug zaiz ux; dix hax: "Dij Sen leztaen gux jin kaem, dij Sen hawj gux miz goanz lug zaiz ux. Gannaeh po gux ngaiq gux mboqyaq." Yaq dix zoq saeh lug dix nyaek minxzwh hoak Loixbenq. Loixbenq zoq zawh hax: "Lez, goanz lug zaiz ux." 33Dix daeuq bazlug zowngx maeng lug zaiz ux. Dix hax: "Dij Sen daeuq hawj gux maeng lug zaiz naeh, zawh dix ruxnyinz po gux naengz mboq ngaiq gux." Yaq dix saeh maeng lug zaiz naeh nyaek minxzwh hoak Cizmyenx. Cizmyenx zoq zawh hax: "Ruxnyinz." 34Yaq dix daeuq bazlug, zowngx maeng daih sam. Dix hax: "Gux saeh po gux zowngx sam goanz lug zaiz, mbaed naeh dix toj nwk gux mboqyaq." Yaq dix saeh maeng naeh nyaek minxzwh dix hoak Liqvaeq. Liqvaeq zoq zawh hax: "Nwk." 35Yaq dix daeuq bazlug zowngx maeng daih siq. Dix hax: "Mbaed naeh gux biangz Yez'hoahhuah, mbaiq Yez'hoahhuah." Yaq dix saeh maeng naeh nyaek minxzwh hoak Yaeuhdaq. Yaeuhdaq zoq zawh hax: "Biangz, mbaiq." Zowngx Yaeuhdaq yaq, dix zoq mboq daeuq zowngx tem.
လက္ရွိေရြးခ်ယ္ထားမွု
Zwz Nduq 29: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.