Zwz Nduq 28
28
1 Yitsaeg rongx Yaqgowh maz doqnaj dix, vanz dij Sen gumx Yaqgowh, yaq hoakzaqnaeh yaix dix: "Mawz laek raep puj nyingz Zaznanh hoak mez. 2Mawz mwz Bazdanq-yaqlanh, mwz rownz daq mawz Pihtuxliq. Aeu lug nyingz jeuq mawz Lazbanz goanz ux hoak mez.
3"Ngwz dij Sen gaeng goj rux hoak naeh gumx mawz, mwznaj hawj luglan mawz raengh huhhuh, baenz jijgaj yowngh dij goanz. 4Ngwz dij Sen aeu mawz hoak goanz daeb yeh mawz Yaqboahlazhanq. Dij Sen hoakzaqrawz yinq yeh mawz, ngwz dix goj hoakzaqrawz yinq mawz daj luglan mawz. Dih gannaeh mawz dex daenh ndowj naeh zoq zawh dih dij Sen yinq hawj yeh mawz. Ngwz dij Sen aeu dih naeh hawj mawz daj luglan mawz."
5Yaq Yitsaeg zoq nemz Yaqgowh bae Bazdanq-yaqlanh, bae dih Lazbanz yuq naeh. Lazbanz zawh goz Liqbowhzaz, zawh jeuq Yixsaux daj jeuq Yaqgowh. Lazbanz zawh lug zaiz Pihtuxliq, Pihtuxliq zawh dij goanz puj Yaqlanh.
6 Yixsaux ruxndeq dez dix Yitsaeg vanz dij Sen gumx Yaqgowh, dix goj ruxndeq Yitsaeg yaix Yaqgowh bae Bazdanq-yaqlanh raep mez, Yitsaeg mboq hawj Yaqgowh raep puj nyingz Zaznanh hoak mez. 7Yixsaux goj leztaen nongx dix Yaqgowh biakkauq bohmeh dix bae Bazdanq-yaqlanh. 8Yixsaux zoq ruxndeq dez dix Yitsaeg ywjhwnq puj nyingz Zaznanh. 9Yaq dix zoq bae dih Yixswhmaxliq naeh, raep Maxhazlaz goanz lug nyingz Yixswhmaxliq, lan nyingz Yaqboahlazhanq naeh hoak mez, Maxhazlaz zawh nongx nyingz Nihbaiqyoah. Baihnaj Maxhazlaz Yixsaux haeuz raep song goanz mez yaq.
10 Yaqgowh ni ndaw Behsowqbaz bae Hazlanh. 11Le vaenz dix naengz bae mboq taeng Hazlanh naeh, miz vaenz ux sowh gau dox ndaem naeh, dix bae taeng dih ux, zoq yuq dih naeh ndowj. Dix yaeuj kvaix tin ux maz hoak to moan, yuq dih naeh bomj zoq noanzlaep. 12Dix paen'hwnz taen miz mboaklae ux, daeq dihndin sung mwz daeux pumhfax. Mboaklae naeh miz boangx bin dij Sen kwnj loangz. 13Dix daeuq taen Yez'hoahhuah in niangz mboaklae, daj dix hax: "Gux zawh Yez'hoahhuah, zawh dij Sen yeh mawz Yaqboahlazhanq daj dij Sen Yitsaeg. Gux aeu dih mawz bomj gannaeh hawj mawz daj luglan mawz. 14Mwznaj luglan mawz lai daj saiz dihndin dungzlumj, gaj baih gaj miz luglan mawz yuq. Dij goanz dihndin ndaelaeng mawz daj luglan mawz. 15Gux toj daj mawz zaemh yuq, mawz daengz mwz rawz, gux goj yaz mawz, hawj mawz daeuq dauh daeuj dih naeh. Gux goj mboq rux ni mawz, taengdiak gux hoak diauq gux yinq mawz naeh." 16Yaqgowh daeh ruxndownq, hax: "Yez'hoahhuah yuq inxnaeh zaeh, gux naengz mboq ruxndeq ngah!" 17Dix mbu, daeuq hax: "Dih inxnaeh hawj dij goanz ndangbanh oah! Dih naeh mboq zawh dih ndai, zawh rownz dij Sen, zawh baegdu ndaw fax." 18Naw laeng zaeux, Yaqgowh dwnq maz, dix aeu kvaix tin dix aeu hoak to moan naeh, aeu maz hoak boi. Dix zoaj yuz bae now kvaix tin.#28:18 Zoaj yuz bae now dix zawh hax sowh gaenq naeh zawh gaenq dij Sen. 19Dix zoq rongx dih naeh hoak Boztowhliq. Boztowhliq zoq zawh hax: "Rownz dij Sen." Aen chaenh naeh mbaednduq rongx hoak Luqswz. 20Dix zoq hoakzaqnaeh haxgoak daekgoanq: "Jixzawh mawz daj gux zaemh yuq, yuq ka loh yaz gux, hawj gux miz yowngh jin, miz yowngh nungh, 21hawj gux dauh maz rownz dez gux vangqdangh, gux zoq aeu mawz Yez'hoahhuah hoak dij Sen gux. 22Mbamq gux aeu kvaix tin hoak boi naeh, zoq aeu hoak rownz dij Sen. Sowh gaenq mawz aeu hawj gux naeh, gaeng gux goj sip gong aeu hawj mawz gong ux."
လက္ရွိေရြးခ်ယ္ထားမွု
Zwz Nduq 28: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.