Ni Aizjih 2
2
Moahciz Zowngx Daeuj
1Ngah Liqvaeq naeh miz goanz ux raep ngah Liqvaeq dix ndiq ux hoak mez. 2Doaklaeng ndiq naeh mizndang, zowngx daeuj maeng lug zaiz ux. Dix leztaen maeng lug dix chaekzaemz taeuq, zoq aeu lug dix gowx ndaej sam ndown. 3Daeklaeng dix ruxndeq aeu gowx tem gowx mboq baenz, zoq aeu maexoaj maz san aen diangq ux, aeu bowhyaeuh daj yangmaex maz minz daengz aen, aeu lug dix nyaengx bae ndaw diangq, yaq aeu aen diangq naeh bae nyaengx jeh maexoaj haenz dah. 4Jex maeng'ex naeh zoq yuq gvae lez, lez dix baenzzaqrawz. 5Lugnyingz laux hongz bae haenz dah aebdah. Puj koij dix yuq haenz dah daeq. Gaunaeh, lug nyingz laux hongz leztaen jeh maexoaj miz aen diangq ux, zoq nemz puj koij dix bae aeu maz. 6Lugnyingz laux hongz aj aen diangq, leztaen ndaw aen diangq miz maeng ix ux haej. Dix zoq zawchaej dix, yaq hoanx naeh hax: "Dix ingj zawh lug puj Cizboahlaiz mbyoh." 7Sowh gau naeh, jex maeng'ex naeh zoq daeq daeuj, daj lug nyingz laux hongz hax: "Hawj gux saeh mawz bae cha goanz puj nyingz Cizboahlaiz ux maz hoak puj kun zuj dix raj?" 8Lugnyingz laux hongz hax: "Awh!" Ndiq nyingz naeh zoq mwz rongx meh dix daeuj. 9Lugnyingz laux hongz zoq daj goanz nyingz naeh hax: "Mawz aeu maeng ix naeh mwz, saeh gux zowngx dix. Gux aeu vaenzriangz hawj mawz." Yaq yah naeh zoq aeu maeng lug dix mwz zowngx. 10Gvaq zwz jin zuj yaq, meh dix zoq zowz dix mwz doqnaj lug nyingz laux hongz. Lugnyingz laux hongz zoq aeu dix hoak lug. Lugnyingz laux hongz hax: "Gux daeq ndaw naemx laeg maeng lug naeh kwnj maz, zoq kae minxzwh dix hoak Moahciz!" "Moahciz" zoq zawh hax: "Laeg kwnj."
Moahciz Gowx Bae Ndaw Mixdenq
11 Moahciz baenz puj dwx maz. Miz vaenz ux dix bae lez puj Cizboahlaiz dix. Dix leztaen puj Cizboahlaiz dix zoah daenh gaemh hoak gaj gaenq naek gangq. Dix leztaen goanz Aizjih ux dup goanz Cizboahlaiz ux. 12Moahciz lez haenzhenz baenqbeq, faeklaih mboq miz gawz leztaen, yaq dix zoq kaj goanz Aizjih naeh, aeu dix haem bae ndaw saiz, gowx mboq hawj daenh taen.
13Vaenzlaeng, Moahciz daeuq bae dih puj Cizboahlaiz dix naeh, leztaen miz song goanz Cizboahlaiz haeggaj dungzsaeuh. Dix zoq daj goanz mboq hoj naeh hax: "Mawz baenzzaqrawz haeggaj dup puj Cizboahlaiz mawz mux?" 14Goanz gaengnaeh yaeng: "Gawz hawj mawz hoak puj saeq dwx piu ah? Gawz hawj mawz hoak sowh puj saeq paeg saeh naeh ah? Mawz daz kaj gux daj kaj goanz Aizjih gaengnaeh dungzlumj wx?" Moahciz mbu, ndaw zaw nwh: "Toj miz dij goanz ruxndeq diauq gux hoak naeh mboqyaq!" 15Doaklaeng laux hongz ruxndeq mbaed saeh naeh, zoq daz kaj Moahciz. Gaj Moahciz lenh gowx laux hongz bae mbanj Mixdenq, bae taeng Mixdenq, yuq haenz aen mboq ux naengh. 16Laemh zwz naeh, ndaw Mixdenq miz goanz puj saeh daenh mbud ux, dix miz jiat goanz lug nyingz, paenqdix daeuj aen mboq naeh daek naemx maz nyaengx ndaw rangz, daz hawj dij mbej dez paenqdix maz ndut. 17Miz puj dawzmbej maz daem paenqdix ni, Moahciz zoq maz saeh paenqdix, saeh paenqdix daem puj dawz mbej ndai ni, daeuq saeh paenqdix daek naemx kun dij mbej. 18Jiat ndiq nyingz naeh maz dih dez paenqdix Leuh'ex naeh, dez paenqdix cham paenqdix: "Vaenznaeh gaenqsu baenzzaqrawz dauh maz kvaiq baenzzaqnaeh mah?" 19Paenqdix hax: "Miz goanz Aizjih ux saeh piu, saeh piu daem boangx puj dawzmbej ndai ni. Yaq daeuq saeh piu daek naemx hawj dij mbej piu ndut." 20Dez paenqdix cham paenqdix: "Haenx, goanz naeh yuq rawz mawj? Su aeu dix viangh rawz mawj? Gaenqsu bae rongx dix maz rownz raeuz jinkaeuj." 21Doaklaeng Moahciz venq ndowj laeng rownz laux naeh. Daeklaeng laux naeh aeu lug nyingz dix Cizpozlaz kai hawj Moahciz hoak mijmez. 22Cizpozlaz daj Moahciz miz maeng lug zaiz ux, Moahciz hax: "Gux yuq dih daenh ndowj, gux zawh puj mawq, zoq nyaek minxzwh lug dix hoak Gowhcwnq." "Gowhcwnq" zoq zawh hax: "Yuq dih daenh ndowj." 23Gvaq ndaej ndowj ndowj, laux hongz Aizjih tai. Dij goanz Yixsowhleh cholaeng hoak gaj gaenq naek gangq zoq gongz, rongx dij Sen jeuq. 24Dij Sen ruxnyinz paenqdix rongx, goj nwh ndaej gaenq gaenqdix daj Yaqboahlazhanq, Yitsaeg, Yaqgowh dungzdingq naeh.#2:24 Dij Sen hoakzaqrawz daj Yaqboahlazhanq dungzdingq, lez ndaw Sw Zwz nduq 15:13-16. 25Dix taen dij goanz Yixsowhleh zoah daenh vazkuz, goj ruxndeq aen kaem paenqdix.
လက္ရွိေရြးခ်ယ္ထားမွု
Ni Aizjih 2: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.