Ni Aizjih 18
18
Yehtowhloah Maz Lez Moahciz
1 Yehtowhloah, laux daq oanq Moahciz, laux yuq ndaw Mixdenq hoak puj saeh daenh mbud naeh, dix ruxnyinz hax dij Sen hoakzaqrawz saeh Moahciz daj saeh dij goanz Yixsowhleh, lingz paenqdix daeq Aizjih og daeuj. 2-3Koax daekgoanq Moahciz soangq mijmez dix Cizpozlaz daj doiq lug zaiz dix bae daj laux daq dix Yehtowhloah zaemh yuq, gannaeh Yehtowhloah zowz paenqdix zaemh maz. Doiq lug zaiz Moahciz, miz goanz ux rongx hoak Gowhcwnq. Gowhcwnq zoq zawh hax: Yuq dih daenh ndowj. Unj Moahciz hax: "Gux yuq dih daenh ndowj, gux zawh puj mawq." 4Miz goanz ux rongx hoak Yixliqyixceq. "Yixliqyixceq" zoq zawh hax: Dij Sen saeh gux. Unj Moahciz hax: "Dij Sen dez gux saeh gux, jeuq gux ni dawj remz laux hongz Aizjih." 5Yehtowhloah, laux daq oanq Moahciz, dix zowz mijmez Moahciz, doiq lug zaiz Moahciz maz taeng ndaw doanghmowz dih Moahciz daj puj Yixsowhleh daengj zangjpungh ndowj naeh, dih naeh yuq haenz bo dij Sen. 6Yehtowhloah yaix daenh hoakzaqnaeh haxdoq Moahciz: "Yehtowhloah laux daq mawz maz lez mawz, mijmez mawz daj doiq lug zaiz mawz goj zaemh maz." 7Moahciz bae raep laux daq dix. Dix gvih bae doq laux daq dix, zup naj laux daq dix yaq#18:7 Dih paenqdix, zup naj zoq daj gaenqraeuz dungzbownh bihnongx dungzmex dungzgoak dwk dungzlumj., paenqdix zoq ndonj mwz ndaw zangjpungh. 8Moahciz laemh dwk Yehtowhloah Yez'hoahhuah hoakrawz saeh dij goanz Yixsowhleh. Yuq ndaw Aizjih Yez'hoahhuah hoak gaenq rawz raeuh bae now to laux hongz Aizjih daj dij goanz Aizjih. Daeq Aizjih og daeuj, doanh loh miz aen nanq, Yez'hoahhuah hoakrawz jeuq dij goanz Yixsowhleh, dix goj laemh dwk laux daq dix nauq. 9Yehtowhloah ruxnyinz suq saeh Yez'hoahhuah jeuq dij goanz Yixsowhleh daeq dawj mungz dij goanz Aizjih daeuj naeh, dix zoq faengz taeuq. 10Yehtowhloah hax: "Yez'hoahhuah hoj biangz, dix jeuq gaenqsu ni dawj mungz dij goanz Aizjih daj dawj mungz laux hongz Aizjih. 11Zwz dij goanz Aizjih baegbongz, vazkuz dij goanz Yixsowhleh naeh, Yez'hoahhuah jeuq dij goanz Yixsowhleh og daeuj. Gannaeh gux ruxndeq zawh Yez'hoahhuah haen nyeuz daengzle, haen nyeuz dij sen ndai." 12Yehtowhloah laux daq Moahciz naeh aeu sowh gaenq aeu pyaeu mbud naeh daj sowh aeu mbud daengzhwx naeh mbud dij Sen. Yaqlunh, puj jeq Yixsowhleh sowh puj miz najta naeh goj maz doqnaj dij Sen, daj laux daq Moahciz zaemh jin.
Yehtowhloah Haxdoq Moahciz Hoak Rawz Hoak Ndae Nyeuz
13Dij goanz Yixsowhleh miz kauq, mizsaeh zwzrawz, paenqdix zoq hawj Moahciz saeh paeg. Vaenzlaeng daj zwzndai dungzlumj, Moahciz saeh paenqdix paeg saeh. Dij goanz Yixsowhleh daeq zaeux mwz taeng ndaem in yuq haenz Moahciz taj dix. 14Yehtowhloah leztaen Moahciz saeh dij goanz Yixsowhleh hoakzaqnaeh hoak, zoq hax: "Mawz baenzzaqrawz goanzdoag haeggaj hoaksaeh, hawj puj ndai daeq zaeux mwz taeng ndaem in yuq haenz mawz taj mawz mux?" 15Moahciz yaeng: "Mbangj zwz paenqdix zawh maz zawj gux cham kauq dij Sen. 16Mbangj zwz zawh paenqdix dungz mizsaeh, paenqdix zoq maz dih gux inxnaeh hawj gux saeh paeg. Gux goj aeu fahlih dij Sen daj goizdingq dij Sen zau paenqdix, hawj paenqdix ruxndeq." 17Laux daq Moahciz daj Moahciz hax: "Mawz hoakzaqnaeh hoak mboq baenz gah. 18Sowh saeh naeh miz lai gvaq, mawz goanzdoag baeuh mboq goq, hoakzaqnaeh hawj mawz daj daengzle gaj goanz gaj ganx gvaq. 19Gannaeh mawz biak gux hax, gux haxdoq mawz hoak rawz ndae nyeuz, ngwz dij Sen hawj mawz hoak baenz. Mawz hoakzaq koax gvaq maz naeh daeb dij goanz Yixsowhleh mwz doqnaj dij Sen, aeu saeh paenqdix laemh dwk dij Sen. 20Mawz goj hoakzaq koax gvaq maz naeh aeu fahlih dij Sen daj aen goizdingq dij Sen naeh zau paenqdix, hawj paenqdix ruxndeq hoakrawz daeq, hoj hoakrawz hoak. 21Gaj gannaeh mawz baenz lowg dij goanz Yixsowhleh sowh puj miz aen dongx naeh, sowh puj ruxndeq mbu dij Sen naeh, sowh puj zawswh, sowh puj mboq deq sowh jenz daenh aeu maz oat naeh. Yaq hawj paenqdix mbangj goanz gvanx tiang goanz ux, mbangj goanz gvanx baeg goanz ux, mbangj goanz gvanx hajsip goanz, mbangj goanz gvanx sip goanz. 22Dij goanz Yixsowhleh mizsaeh gaurawz, paenqdix zoq saeh dij goanz Yixsowhleh paeg. Saeh dwx, paenqdix zoq zowz sowh puj mizsaeh naeh maz dih mawz. Saeh ix, paenqdix zoq haeggaj paeg. Hoakzaqnaeh, paenqdix goj saeh mawz hoak mbangj, gaenqmawz zoq cauz baeuh. 23Jixzawh mawz hoakzaqnaeh hoak, dij Sen goj yaix mawz hoakzaqnaeh hoak, mawz zoq cauz moih, dij goanz Yixsowhleh goj dauh mwz dih hoakri paenqdix vangqdangh."
Moahciz Hoakzaq Yehtowhloah Hax Naeh Bae Hoak
24 Moahciz zoq biak kauq laux daq dix bae hoak. 25Moahciz zoq lowg dij goanz Yixsowhleh sowh puj miz aen dongx naeh, hawj paenqdix hoaksaeq, hawj paenqdix mbangj goanz gvanx tiang goanz, mbangj goanz gvanx baeg goanz, mbangj goanz gvanx hajsip goanz, mbangj goanz gvanx sip goanz. 26Dij goanz Yixsowhleh mizsaeh gaurawz, paenqdix zoq saeh paenqdix paeg. Sowh saeh rawz hoakraix, paenqdix zoq zowz maz dih Moahciz naeh. Saeh ix, paenqdix zoq haeggaj paeg. 27Doaklaeng, Moahciz soangqloh laux daq dix bae, laux daeq dix zoq dauh bae rownz.
လက္ရွိေရြးခ်ယ္ထားမွု
Ni Aizjih 18: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.