Ni Aizjih 17
17
Saeuh Ndanq Tin Hawj Naemx Og
1Dij goanz Yixsowhleh daengzle biak kauq Yez'hoahhuah ni ndaw doanghmowz rongx hoak Cinq naeh, goq ced goq mwz, mwz taeng Liqfaezdingq, paenqdix zoq yuq ndaw Liqfaezdingq daengj zangjpungh ndowj. Ndaw Liqfaezdingq mboq miz naemx jin. 2Baenzzaqnaeh dij goanz Yixsowhleh nyahdwk Moahciz, paenqdix hax: "Aeu naemx hawj piu jin maj!" Moahciz daj paenqdix hax: "Gaenqsu baenzzaqrawz nyah dwk gux mux? Baenzzaqrawz daeg Yez'hoahhuah mux?" 3Dij goanz Yixsowhleh yaeg naemx gvaq, zoq goq nyah nyah, paenqdix hax: "Mawz baenzzaqrawz lingz piu daeq Aizjih og daeuj? Mawz daz hawj piu, lug piu, doihdo piu yaegnaemx tai raj?" 4Moahciz zoq rongx Yez'hoahhuah saeh, dix hax: "Gux aeu dij goanz Yixsowhleh hoakzaqrawz hoak mux? Paenqdix zaekgaj aeu tin saeuh gux tai yah." 5Yez'hoahhuah daj Moahciz hax: "Mawz gaem laenj maexdaeux koax daekgoanq mawz aeu saeuh ndaw dah Nihloah naeh, zowz jiq goanz Yixsowhleh sowh puj jeq puj miz najta naeh, daeq daekgoanq daengzle. 6Ndaw bo Hoahleh miz ndanq tin ux, gux yuq dih naeh in doqnaj mawz, mawz saeuh ndanq tin naeh zoq miz naemx daeuj mboqyaq, hoakzaqnaeh daengzle zoq miz naemx jin." Moahciz zoq yuq doqnaj dij goanz Yixsowhleh sowh puj jeq puj miz najta naeh hoakzaqnaeh hoak. 7Gaunduq dij goanz Yixsowhleh nyah, paenqdix goj daeg Yez'hoahhuah, paenqdix hax: "Yez'hoahhuah daj raeuz zaemh yuq mbaeuq mux?" Baenzzaqnaeh Moahciz nyaek dih naeh hoak Maxsax, goj rongx hoak Mixliqbaz. Maxsax zoq zawh hax: daeg; Mixliqbaz zoq zawh hax: nyahdwk.
Daj Dij Goanz Yaqmaxlih Dungzsaeuh
8Dij goanz Yaqmaxlih maz ndaw Liqfaezdingq saeuh dij goanz Yixsowhleh. 9Moahciz daj Yezsuzyaq hax: "Mawz bae lowg dij goanz raeuz, vaenzbig hawj paenqdix daj dij goanz Yaqmaxlih dungzsaeuh, vaenzbig gux gaem maexdaeux dij Sen in yuq niangz bo." 10Yaq Yezsuzyaq zoq hoakzaq gaemz Moahciz yaix dix naeh bae hoak. Dix lowg dij goanz bae daj dij goanz Yaqmaxlih dungzsaeuh. Moahciz, Yaqlunh, Fuqex mwz niangz bo. 11Gaurawz Moahciz yaeuj mungz, dij goanz Yixsowhleh zoq bex, gau rawz zoangq mungz, dij goanz Yaqmaxlih zoq bex. 12Song mungz Moahciz moih, paenqdix zoq yaeuj tin maz, nyaengx baihdawj Moahciz, Moahciz zoq naengh now tin. Yaqlunh daj Fuqex, goanz ux yuq baih ux, luz mungz Moahciz. Hoakzaqnaeh mungz Moahciz zoq vaenx, taengdeg sowh gau tang'vaenz doak naeh. 13Yezsuzyaq saeuh bex baih laux hongz Yaqmaxlih, aeu remz kaj bin dix nauq.
14 Yez'hoahhuah daj Moahciz hax: "Mwznaj gux hawj zwh Yaqmaxlih yuq dawj fax mboq miz gawz leuz yah, mawz aeu gaemz kauq naeh mai nyaengx ndaw sw, hawj daenh laek lumz, goj doag hawj Yezsuzyaq biak." 15Moahciz daengj aen kuq tin mbud dij Sen ux, nyaek minxzwh hoak Yez'hoahhuah Nihciz. Yez'hoahhuah Nihciz zoq zawh hax: Yez'hoahhuah zawh mbaw qih gux.#17:15 Yez'hoahhuah zawh mbaw qih guxzoq zawh hax: "Yez'hoahhuah hawj gux bex." 16Moahciz daeuq hax: "Gux jix aen daengq Yez'hoahhuah naengh hoak hongz naeh haxgoak daekgoanq,#17:16 Gux jix aen daengq Yez'hoahhuah naengh hoak hongz naeh haxgoak daekgoanq. Gaemz naeh Sw dij Sen mbangj bwnz hoakzaqnaeh hax: "Yaeuj mbaw qih Yez'hoahhuah." Yez'hoahhuah zoh rawz goj daj dij goanz Yaqmaxlih dungzsaeuh."
လက္ရွိေရြးခ်ယ္ထားမွု
Ni Aizjih 17: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.