Yohanna 19
19
Mwopp shandyeell muutt Jesu
1A nyi seh bhi Bilatus l'e tihh mwopp dum kihh Jesu mwopp fwa gw'am nyi. 2Mhi'lek mwopp mwet gossoklong ghir mwopp lop kaah nyi. Mwopp lop m'ee bh'aar w'u a shik glum'paatt nyi, 3bhi mwopp kihh ka dyarrang kihkyeen nyi mwopp kihh sh'in togpee nwang'zhung diy nyi, mwopp kihh le, “Mu tog kihh gha 'y Longfwaann! Miskakhamm khi Zhepp Yahuda!” Bhi mwopp kihh m'ang yit nyi sram kihh sarr ruh.
4Bilatus waa put kihpee Zhepp Yahuda ni mwopp dyi bhi satt mwopp le, “Wu naah s'ang, a'n p'ee put kihh nyi wunn tihh wu man diy wu le baah a'n ih kad sh'in mee'bii wu'bis w'u wall rooh a'n p'ee shandyeell nyi kaah mou.” 5Kaarooh Jesu taah put kihh gossoklong ghir kaah niy, kihh bh'aar w'u a shik glum'paatt seh, bhi Bilatus satt mwopp le, “Wu naah gwoh ni se s'ang!”
6Kaarooh prist wu'nan kihh mhitapp LuhNaan mwopp naah nyi, bhi mwopp shatt waaw le, “Ghi pih-pwas nyi fyaatd! Gha pih-pwas nyi fyaatd!!”
Bilatus pring mwopp le, “Wu lapp nyi dum wu pwas sh'i kaah mhishuk. Baah a'n ih kad sh'in mee'bii wu'bis w'u wall rooh a'n p'ee shandyeell nyi kaah mou.”
7Bhi Zhepp Yahuda mwopp pring nyi le, “Ai munn kihh m'ee w'aar w'u kihh satt le nyi a ching tihh mwopp tih-t'u nyi, p'ee kihh satt le wai a riy a L'aa kihh Naan.”
8Kaarooh Bilatus klihng kihhsheh bhi bhaann sihkhitt taah bwut nyi. 9Bhi waa b'aa dum dyi kihfur luhfwaann ni, bhi nang phi Jesu le, “Gha a g'u pee w'u a nihyeh?” Dhangg baah Jesu pring bhellepp phi nyi mou. 10Bhi Bilatus nang phi nyi le, “Gha p'ee pring bhellepp pwoo na s'ang? Kan ghi man rooh a'n kihh pee mhi yet gha, yakhal a'n kihh pee mhi pwas gha maah?”
11Jesu pring nyi le, “Kaddyinn dheng p'ee mwopp pihh pee gha kaah nah a kih dhengNaan mou, bhi baah dyinn gha kihh pee kaah nah mou. Pee'mhinyi bhi shigbis mhi gwooh pihh a'n sarr gha mett mag'gha.”
12Bii w'u Jesu satt seh l'e tihh Bilatus kihh t'ang yet nyi, dhangg Zhepp Yahuda mwopp sihkhitt lapp dhekheh ruh le, “Mihh ghi yet gwoh mhize ni shisihng, bhi baah gha a shaar Kaisar mou. P'ee kapp gwooh kihh m'ang l'e riy a Miskakhamm, bhi dharr a tonn kihh Kaisar seh.”
13Kaarooh Bilatus klihng bii w'u mwopp satt seh, bhi put kihh Jesu. Bhi tong khi taghamdyeell m'ee pee w'u shumm nyi a Ki'byin pangg, (shumm nyi sh'i Pwoo Yahudi a Gabbatha.) 14Bii mihhse gyet a p'ar puus dhakkshik dhighin shaptarr mhi Kwughur Mettkaah, mwoorr puus kihnaar.
Bilatus satt Zhepp Yahuda ni mwopp le, “Wu naah miskakhamm keewu shi se s'ang!”
15Bhi mwopp lapp dhekheh ruh le, “Wu dhi-dhel kihh nyi wurr-wurr! Wu dhi-dhel kihh nyi wurr-wurr, dum wu pwas kih sheepmuutt!”
Bilatus nang phi mwopp le, “Wu kihh t'ang tihh ih pwas miskakhamm keewu -ng?”
Bhi prist wu'nan mwopp lapp nyi le, “Baah munn kihh m'ee miskakhamm dhel khi Kaisar mou.”
16Kyess nyi bhi Bilatus pihh Jesu mwopp tihh mwopp dum pwas.
Mwopp pwas Jesu khi sheepmuutt
(Mat 27:32-44; Mar 15:21-32; Luk 23:26-43)
17A nyi seh bhi Jesu m'ang sheepmuutt keeniy taah putt kihh nyi, y'aa arr p'ee dum kihpee wu mwopp kihh peet Kih-Yesskaah. Shumm pee ni sh'i Pwoo Yahudi a Golgota. 18Kaarooh mwopp dum wull, bhi mwopp pwas Jesu nhighin, dang shag kihh m'ee gurum vel zag; kihmeh sarr nyi wu'zeh, kihmeh sarr nyi wu'zeh zag, Jesu kihnaar.
19Bilatus l'e tihh mwopp ran m'ee r'an lang kaah sheepmuutt khi Jesu ni. R'an ni satt le: JESU GU-NAZARET, MISKAKHAMM KHI ZHEPP YAHUDA. 20Zhepp Yahuda dhess mwopp t'ang r'an ni, p'ee pee w'u gyet mwopp pwas Jesu diy a kuss kihh khishikhitt Urshalima, yakhal r'an ni gyet a sh'i Pwoo Yahudi, kihh Latin kihh Pwoo Heleni zag. 21Prist wu'nan khi Zhepp Yahuda mwopp shiih, mwopp dum satt Bilatus le, “Tapp r'an ni diy satt le nyi a Miskakhamm khi Zhepp Yahuda mou, dyinn diy satt le, ‘Gwooh mhize le wai a riy a Miskakhamm khi Zhepp Yahuda.’ ”
22Bilatus lapp mwopp le, “Bii w'u baa ih ran, bhi ih ran a nyi seh.”
23Bwoonrooh mhi'lek ni mwopp pwas Jesu, bhi mwopp shap looh'lop khinyi tung feerr shut weett feerr, dheeh a lhir khinyi w'u takhann dhighin taah dheeh dhen. Lhir mhizeh nyi a w'u rihh-raah sam putt kihhdihng, baah a w'u tih-twan mou.
24Bhi mwopp satt shag le, “Tapp mu yillang lhir ni mou; mu kor wangg'mang tihh mu naah gwooh wangg'mang p'ee m'ang tihh lapp lhir ni diy.”
Bii mihhse sh'in a tihh Ran'Wubhangg gam diy, w'u satt le,
“Mwopp shap looh'lop keena shut,
yakhal mwopp kor wangg'mang p'ee lhir keena.”#KKN 22:18
Mhi'lek ni mwopp sh'in a nyi mwoorr.
25Nhikhin khi Jesu kihh em'nekhenn, kihh Maryamu mat khi Kilyobas, kihh Maryamu Magdalin, mwopp kihh dyarrang nhighin kuss kihh sheepmuutt khi Jesu. 26Bhi kaarooh Jesu naah nhikhin mwopp kihh laa'kamm keeniy w'u Jesu ni kihh wall nyi seh kihh dyarrang kuss, bhi satt nhikhin le, “N'aah, yi naah em yi seh 'y.” 27Yakhal satt laa'kamm keeniy ni le, “Ghi naah nhikhin keegha seh 'y.” Yakhal p'ar mihhseh ni bhi laa'kamm mhizeh ni dum kihh Maryamu luh niy.
Jesu m'uut kih sheepmuutt
(Mat 27:45-56; Mar 15:33-41; Luk 23:44-49)
28Kaarooh Jesu man le koohmeeh kyes, bhi tihh Ran'Wubhangg gam diy bhi satt le, “A'm t'u a'n.” 29M'ee am'anab wu'dhood kihh dhen kihh pyeel nhighin kuss, bhi mwopp t'en lizpuz dhighin am'anab ni, mwopp bwakhat pwoo yangg haisop, mwopp tupp pwoo nyi. 30Kaarooh Jesu dyiis am'anab ni, bhi satt le, “Kyes.” Bhi z'oo kaah niy yill, bhi m'uut.
31Gyet bii mihhse a p'ar puus dhakkshik; kih dhi-dh'aar ni a Puus Nookdyi. Bhi mwoohnan khi Zhepp Yahuda mwopp dum dhang phi Bilatus tihh mwopp trep kwag mwooh mwopp pwas seh, tihh mwopp shwat kumm mwopp diy lhiba kih sheepmuutt ni mwopp. Mwopp dhang kihhsheh p'ee baah mwopp kihh dh'om tihh gurum w'u mwopp pwas dheeh lang kih sheepmuutt p'ar Puus Nookdyi mou. 32Bhi mhi'lek mwopp ja trep kwag gwooh'shee w'u mwopp pwas mwopp dangshag kihh Jesu, yakhal mwopp dum trep kwag gwoohzeh zag. 33Dhangg kaarooh mwopp kihh t'ang trep kwag Jesu, bhi mwopp kad baa wu'nyi m'uut. A kihhsheh bhi baah mwopp trep kwag nyi mou. 34Weett kihhsheh, bhi m'ee laa'lek sh'ul koghob Jesu kihh kob, bhi teghem w'u roob kihh wall'waa put koghob nyi sam. 35A gwooh gyet naah bii mihhse kihh yit niy phi sattpwoo mhize, dhangg sattpwoo khinyi a zeenn. Nyi sh'i kaah niy man l'e sattpwoo keeniy ni a zeenn, a kihhsheh bhi kihh satt tihh wu pihhzeenn diy. 36Bii mihhse sh'in kihhsheh a tihh Ran'Wubhangg gam diy, w'u satt le, “Baah mwopp p'ee tep yess nyi kooh kihmeh mou.”#Put 12:46; Rndw 9:12; KKN 34:20 37M'ee Ran'Wubhangg satt dyi zag le, “Mwopp p'ee p'ar naah gwooh gyet mwopp sh'ul.”#Zak 12:10
Mwopp wum Jesu
(Mat 27:57-61; Mar 15:42-47; Luk 23:50-56)
38Bwoon bii mihhse bhi Yusufu Gu-Arimatiya dum dhang phi Bilatus tihh pihh kumm Jesu diy riy. Yusufu Gu-Arimatiya nyi gyet a m'ee gu-dumdang Jesu lakham-lakham, p'ee gyet kihh kihkhir mwoohnan khi Zhepp Yahuda mwopp. Kaarooh Bilatus pihh pee nyi, bhi ji dhel kihh kumm Jesu ni. 39Mwopp ja dangshag kihh Nikodemus, gwooh gyet cham ji kihpee Jesu diy khipar seh. Nikodemus wu'nyi ji kihh mirh w'u roob kihh aloes w'u tekhenn khimwopp wull kilogram laar kunn. 40Mwopp mwet kumm Jesus kihh zaall'wum sh'i wass w'um khi Zhepp Yahuda. 41Kuss pee w'u mwopp pwas Jesu diy, bhi m'ee bongg-sheep nhighin. M'ee kihshirr wu'pwooh w'u baah mwopp khi cham wum gurum dhighin mou gyet nhighin dhighin bongg-sheep ni. 42Bii mihhseh gyet a p'ar puus dhakkshik khi Zhepp Yahuda mwopp, yakhal kihshirr ni kuss, a kihhsheh bhi mwopp dum dhen kumm Jesu dhighin kihshirr ni.
လက္ရွိေရြးခ်ယ္ထားမွု
Yohanna 19: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 19
19
Mwopp shandyeell muutt Jesu
1A nyi seh bhi Bilatus l'e tihh mwopp dum kihh Jesu mwopp fwa gw'am nyi. 2Mhi'lek mwopp mwet gossoklong ghir mwopp lop kaah nyi. Mwopp lop m'ee bh'aar w'u a shik glum'paatt nyi, 3bhi mwopp kihh ka dyarrang kihkyeen nyi mwopp kihh sh'in togpee nwang'zhung diy nyi, mwopp kihh le, “Mu tog kihh gha 'y Longfwaann! Miskakhamm khi Zhepp Yahuda!” Bhi mwopp kihh m'ang yit nyi sram kihh sarr ruh.
4Bilatus waa put kihpee Zhepp Yahuda ni mwopp dyi bhi satt mwopp le, “Wu naah s'ang, a'n p'ee put kihh nyi wunn tihh wu man diy wu le baah a'n ih kad sh'in mee'bii wu'bis w'u wall rooh a'n p'ee shandyeell nyi kaah mou.” 5Kaarooh Jesu taah put kihh gossoklong ghir kaah niy, kihh bh'aar w'u a shik glum'paatt seh, bhi Bilatus satt mwopp le, “Wu naah gwoh ni se s'ang!”
6Kaarooh prist wu'nan kihh mhitapp LuhNaan mwopp naah nyi, bhi mwopp shatt waaw le, “Ghi pih-pwas nyi fyaatd! Gha pih-pwas nyi fyaatd!!”
Bilatus pring mwopp le, “Wu lapp nyi dum wu pwas sh'i kaah mhishuk. Baah a'n ih kad sh'in mee'bii wu'bis w'u wall rooh a'n p'ee shandyeell nyi kaah mou.”
7Bhi Zhepp Yahuda mwopp pring nyi le, “Ai munn kihh m'ee w'aar w'u kihh satt le nyi a ching tihh mwopp tih-t'u nyi, p'ee kihh satt le wai a riy a L'aa kihh Naan.”
8Kaarooh Bilatus klihng kihhsheh bhi bhaann sihkhitt taah bwut nyi. 9Bhi waa b'aa dum dyi kihfur luhfwaann ni, bhi nang phi Jesu le, “Gha a g'u pee w'u a nihyeh?” Dhangg baah Jesu pring bhellepp phi nyi mou. 10Bhi Bilatus nang phi nyi le, “Gha p'ee pring bhellepp pwoo na s'ang? Kan ghi man rooh a'n kihh pee mhi yet gha, yakhal a'n kihh pee mhi pwas gha maah?”
11Jesu pring nyi le, “Kaddyinn dheng p'ee mwopp pihh pee gha kaah nah a kih dhengNaan mou, bhi baah dyinn gha kihh pee kaah nah mou. Pee'mhinyi bhi shigbis mhi gwooh pihh a'n sarr gha mett mag'gha.”
12Bii w'u Jesu satt seh l'e tihh Bilatus kihh t'ang yet nyi, dhangg Zhepp Yahuda mwopp sihkhitt lapp dhekheh ruh le, “Mihh ghi yet gwoh mhize ni shisihng, bhi baah gha a shaar Kaisar mou. P'ee kapp gwooh kihh m'ang l'e riy a Miskakhamm, bhi dharr a tonn kihh Kaisar seh.”
13Kaarooh Bilatus klihng bii w'u mwopp satt seh, bhi put kihh Jesu. Bhi tong khi taghamdyeell m'ee pee w'u shumm nyi a Ki'byin pangg, (shumm nyi sh'i Pwoo Yahudi a Gabbatha.) 14Bii mihhse gyet a p'ar puus dhakkshik dhighin shaptarr mhi Kwughur Mettkaah, mwoorr puus kihnaar.
Bilatus satt Zhepp Yahuda ni mwopp le, “Wu naah miskakhamm keewu shi se s'ang!”
15Bhi mwopp lapp dhekheh ruh le, “Wu dhi-dhel kihh nyi wurr-wurr! Wu dhi-dhel kihh nyi wurr-wurr, dum wu pwas kih sheepmuutt!”
Bilatus nang phi mwopp le, “Wu kihh t'ang tihh ih pwas miskakhamm keewu -ng?”
Bhi prist wu'nan mwopp lapp nyi le, “Baah munn kihh m'ee miskakhamm dhel khi Kaisar mou.”
16Kyess nyi bhi Bilatus pihh Jesu mwopp tihh mwopp dum pwas.
Mwopp pwas Jesu khi sheepmuutt
(Mat 27:32-44; Mar 15:21-32; Luk 23:26-43)
17A nyi seh bhi Jesu m'ang sheepmuutt keeniy taah putt kihh nyi, y'aa arr p'ee dum kihpee wu mwopp kihh peet Kih-Yesskaah. Shumm pee ni sh'i Pwoo Yahudi a Golgota. 18Kaarooh mwopp dum wull, bhi mwopp pwas Jesu nhighin, dang shag kihh m'ee gurum vel zag; kihmeh sarr nyi wu'zeh, kihmeh sarr nyi wu'zeh zag, Jesu kihnaar.
19Bilatus l'e tihh mwopp ran m'ee r'an lang kaah sheepmuutt khi Jesu ni. R'an ni satt le: JESU GU-NAZARET, MISKAKHAMM KHI ZHEPP YAHUDA. 20Zhepp Yahuda dhess mwopp t'ang r'an ni, p'ee pee w'u gyet mwopp pwas Jesu diy a kuss kihh khishikhitt Urshalima, yakhal r'an ni gyet a sh'i Pwoo Yahudi, kihh Latin kihh Pwoo Heleni zag. 21Prist wu'nan khi Zhepp Yahuda mwopp shiih, mwopp dum satt Bilatus le, “Tapp r'an ni diy satt le nyi a Miskakhamm khi Zhepp Yahuda mou, dyinn diy satt le, ‘Gwooh mhize le wai a riy a Miskakhamm khi Zhepp Yahuda.’ ”
22Bilatus lapp mwopp le, “Bii w'u baa ih ran, bhi ih ran a nyi seh.”
23Bwoonrooh mhi'lek ni mwopp pwas Jesu, bhi mwopp shap looh'lop khinyi tung feerr shut weett feerr, dheeh a lhir khinyi w'u takhann dhighin taah dheeh dhen. Lhir mhizeh nyi a w'u rihh-raah sam putt kihhdihng, baah a w'u tih-twan mou.
24Bhi mwopp satt shag le, “Tapp mu yillang lhir ni mou; mu kor wangg'mang tihh mu naah gwooh wangg'mang p'ee m'ang tihh lapp lhir ni diy.”
Bii mihhse sh'in a tihh Ran'Wubhangg gam diy, w'u satt le,
“Mwopp shap looh'lop keena shut,
yakhal mwopp kor wangg'mang p'ee lhir keena.”#KKN 22:18
Mhi'lek ni mwopp sh'in a nyi mwoorr.
25Nhikhin khi Jesu kihh em'nekhenn, kihh Maryamu mat khi Kilyobas, kihh Maryamu Magdalin, mwopp kihh dyarrang nhighin kuss kihh sheepmuutt khi Jesu. 26Bhi kaarooh Jesu naah nhikhin mwopp kihh laa'kamm keeniy w'u Jesu ni kihh wall nyi seh kihh dyarrang kuss, bhi satt nhikhin le, “N'aah, yi naah em yi seh 'y.” 27Yakhal satt laa'kamm keeniy ni le, “Ghi naah nhikhin keegha seh 'y.” Yakhal p'ar mihhseh ni bhi laa'kamm mhizeh ni dum kihh Maryamu luh niy.
Jesu m'uut kih sheepmuutt
(Mat 27:45-56; Mar 15:33-41; Luk 23:44-49)
28Kaarooh Jesu man le koohmeeh kyes, bhi tihh Ran'Wubhangg gam diy bhi satt le, “A'm t'u a'n.” 29M'ee am'anab wu'dhood kihh dhen kihh pyeel nhighin kuss, bhi mwopp t'en lizpuz dhighin am'anab ni, mwopp bwakhat pwoo yangg haisop, mwopp tupp pwoo nyi. 30Kaarooh Jesu dyiis am'anab ni, bhi satt le, “Kyes.” Bhi z'oo kaah niy yill, bhi m'uut.
31Gyet bii mihhse a p'ar puus dhakkshik; kih dhi-dh'aar ni a Puus Nookdyi. Bhi mwoohnan khi Zhepp Yahuda mwopp dum dhang phi Bilatus tihh mwopp trep kwag mwooh mwopp pwas seh, tihh mwopp shwat kumm mwopp diy lhiba kih sheepmuutt ni mwopp. Mwopp dhang kihhsheh p'ee baah mwopp kihh dh'om tihh gurum w'u mwopp pwas dheeh lang kih sheepmuutt p'ar Puus Nookdyi mou. 32Bhi mhi'lek mwopp ja trep kwag gwooh'shee w'u mwopp pwas mwopp dangshag kihh Jesu, yakhal mwopp dum trep kwag gwoohzeh zag. 33Dhangg kaarooh mwopp kihh t'ang trep kwag Jesu, bhi mwopp kad baa wu'nyi m'uut. A kihhsheh bhi baah mwopp trep kwag nyi mou. 34Weett kihhsheh, bhi m'ee laa'lek sh'ul koghob Jesu kihh kob, bhi teghem w'u roob kihh wall'waa put koghob nyi sam. 35A gwooh gyet naah bii mihhse kihh yit niy phi sattpwoo mhize, dhangg sattpwoo khinyi a zeenn. Nyi sh'i kaah niy man l'e sattpwoo keeniy ni a zeenn, a kihhsheh bhi kihh satt tihh wu pihhzeenn diy. 36Bii mihhse sh'in kihhsheh a tihh Ran'Wubhangg gam diy, w'u satt le, “Baah mwopp p'ee tep yess nyi kooh kihmeh mou.”#Put 12:46; Rndw 9:12; KKN 34:20 37M'ee Ran'Wubhangg satt dyi zag le, “Mwopp p'ee p'ar naah gwooh gyet mwopp sh'ul.”#Zak 12:10
Mwopp wum Jesu
(Mat 27:57-61; Mar 15:42-47; Luk 23:50-56)
38Bwoon bii mihhse bhi Yusufu Gu-Arimatiya dum dhang phi Bilatus tihh pihh kumm Jesu diy riy. Yusufu Gu-Arimatiya nyi gyet a m'ee gu-dumdang Jesu lakham-lakham, p'ee gyet kihh kihkhir mwoohnan khi Zhepp Yahuda mwopp. Kaarooh Bilatus pihh pee nyi, bhi ji dhel kihh kumm Jesu ni. 39Mwopp ja dangshag kihh Nikodemus, gwooh gyet cham ji kihpee Jesu diy khipar seh. Nikodemus wu'nyi ji kihh mirh w'u roob kihh aloes w'u tekhenn khimwopp wull kilogram laar kunn. 40Mwopp mwet kumm Jesus kihh zaall'wum sh'i wass w'um khi Zhepp Yahuda. 41Kuss pee w'u mwopp pwas Jesu diy, bhi m'ee bongg-sheep nhighin. M'ee kihshirr wu'pwooh w'u baah mwopp khi cham wum gurum dhighin mou gyet nhighin dhighin bongg-sheep ni. 42Bii mihhseh gyet a p'ar puus dhakkshik khi Zhepp Yahuda mwopp, yakhal kihshirr ni kuss, a kihhsheh bhi mwopp dum dhen kumm Jesu dhighin kihshirr ni.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation