Yohanna 20
20
Jesu yakhal kih peemuutt
1Dooldyeell, p'ar shiiy wu'shee mhi shaptarr, bhi Maryamu Magdalin dhel dum phi kihshirr ni, bhi dum kad baa mwopp byit elleng w'u deh mwopp paah phi kihshirr ni diy lhi'baa. 2A nyi seeh bhi sh'u b'aa ji kihpee Siman Bitrus mwopp kihh laa'kamm w'u Jesu kihh wall nyi seh, bhi satt mwopp le, “Ai, mwopp m'ang kumm Gwoohyon dhighin kihshirr ni lhidhel, dhangg baah mu man pee w'u mwopp dum dhen diy mou.”
3Bhi Bitrus mwopp kihh wu'nin laa'kamm mhizeh ni mwopp yakhal mwopp yak shu'shu p'ee dum phi kihshirr ni. 4Mwopp weett vel kaah shu'shu, bhi laa'kamm wu'zeh ni sh'u yet Bitrus dheeh bwoon, harr dum wull phi kihshirr ni ky'een nyi. 5Kurum bhonggpee diy dhighin kihshirr ni, bhi naah zaall'wum mhi fwaat linen ni mwopp kihh l'e nhighin, dhangg baah dhel dhighin kihshirr ni mou.#20:5 Kihshirr w'u gyet mwopp wum Jesu diy a kaa kom'luh se w'u mwopp slak shi'bwut pangg, baah nyi a tukhun w'u mwopp bwan a yill kaa Chakfem mwopp kihh bwan se mou. 6Kaarooh Bitrus wu'nyi ji wull kihbwoon, bhi abet dhel dum dhighin kihshirr ni, bhi naah zaall'wum mhi fwaat linen ni mwopp kihh l'e nhighin, 7kihhsheh kihh kleb-fwaat w'u deh mwopp bwakhat kaah Jesu nyi. Kleb-fwaat mhizeh kihh dhen mhisat; baah mwopp dhen ni kihshag kihh zaall'wum mhi linen ni mou. 8Bhi Laa'kamm khi Jesu wu'dyinn shee ji wull phi kihshirr ni seh wu'nyi dhel dhighin kihshirr ni zag. Kaarooh naah bii mihhseh, bhi pihhzeenn. 9(Dhangg harr mwasseh bhi baah mwopp khi manshiiy rooh Ran'Wubhangg satt le Jesu gyet p'ee yakhal kih peemuutt mou.)
Jesu dyingg shin Maryamu Magdalin
(Mat 28:9-10; Mar 16:9-11)
10Bhi zheppkamm khi Jesu w'u vel seh mwopp wak ba, 11weett kihhsheh bhi Maryamu Magdalin wu'nyi dheeh dharr nhighin phi kihshirr ni kihh sam wall diy. Kaarooh nyi kaah wall bhi kurum kaah rah bongg p'ee diy dhighin kihshirr ni, 12bhi naah m'ee mhi'lop khi Naan mwopp vel dhighin looh wu'pyaah sakk-sakk mwopp kihh kwangg kihpee deh mwopp dhen kumm Jesu diy, kihmeh kihpee wu deh kaah nyi diy, wu'zeh kihpee wu deh kwag nyi mwopp diy.
13Mhi'lop ni mwopp nang phi nyi le, “Yi phi wall a mihyeh?” Bhi lapp mwopp le, “Mwopp m'ang a kumm Gwoohyon keena lhidhel, dhangg baah ih man pee w'u mwopp dum dhen nyi diy mou.” 14Kaarooh satt kihhsheh bhi buakhar naahpee kihbwoon rah bhi naah Jesu kihh dharr, dhangg baah naah nyi man mou.
15Jesu nang phi nyi le, “Yi phi wall a mihyeh? Yi phi lyap a wuyeh?” Maryamu kihh ryeeh le dhok a gu dhakk-bongg ni, bhi satt nyi le, “Daah, mihh a gha ghi m'ang kumm nyi lhi'del, bhi ghi katt pee w'u ghi dum ghi dhen nyi diy a'n, bhi a'n p'ee dum m'ang nyi lhidhel.”
16Bhi Jesu peet shumm nyi le, “Maryamu!”
Bhi Maryamu buakhar bhi naah nyi man kongg ser'seh, bhi satt sh'i Pwoo Yahudi le, “Raboni!” (Shiiy khi Raboni a “Gukamm keena”.) 17Jesu satt nyi le, “Yi nook muut'lang sh'i san, p'ee baah ih khi k'aa ih dum kihpee Daa diy mou. Dum yi satt em'naa mwopp yi le, a'n p'ee k'aa dum kihpee Daa diy, w'u a Puup wu zag; kihpee Naan keena diy, w'u a Naan keewu zag.”
18A nyi seh bhi Maryamu Magdalin baa'dum kihpee zheppkamm ni mwopp kihh pwoo'wurett mhize, dum satt mwopp le, “Ai a'n ih naah Gwoohyon!” Bhi Maryamu ni yakshiiy bii w'u satt rah zheppkamm ni mwopp.
Jesu dyingg shin zheppkamm keeniy mwopp
(Mat 28:16-20; Mar 16:14-18; Luk 24:36-49)
19Kan'sihkhin p'ar shiiy wu'shee mhi shaptarr mhizeh ni, bhi kaarooh zheppkamm khi Jesu ni mwopp kihshag dhighin luh, pwooluh a w'u shi-shakhat p'ee mwopp kihh kihkhir mwoohnan khi Zhepp Yahuda mwopp, bhi Jesu ji dharr naar mwopp, bhi tog kihh mwopp le, “Tongkakhamm tong kihshag kihh wunn oou!” 20Kaarooh satt kihhsheh bhi dyingg sarr niy kihh koghob niy mwopp naah. Bhi zheppkamm ni mwopp kad rettyit pwetd, kaarooh mwopp naah Daah Jesu.
21Jesu waa satt dyi mwopp le, “Tongkakhamm tong kihshag kihh wunn. Ih kihh lop wunn a kaarooh Daa lop a'n se.” 22Kaarooh satt kihhsheh bhi f'uk n'ook niy kih mwopp, bhi satt mwopp le, “Wu lapp Riin Wu'bhangg. 23Mihh w'u fwa shigbis khi koohweeh nyi, bhi nyi a w'u fih-fwa, mihh wu shiih fwa shigbis khi koohweeh nyi, bhi baah nyi a w'u fih-fwa mou.”
Tomas pihhzeenn kaarooh naah Jesu
24P'ar w'u Jesu dyingg shin zheppkamm keeniy mwopp bhi baah Tomas, w'u mwopp kihh peet Daa'zhan, wu'nyi nhighin mou. Tomas ni gyet a kihmeh dhighin zheppkamm khi Jesu w'u kaghapaad baa'vel ni mwopp. 25Kakhar zheppkamm ni mwopp satt nyi le, “Ai wu'munn mu naah Puup mu Jesu.”
Dhangg Tomas satt mwopp le, “Mihh dheng'pee ih naah a f'ung paskwav w'u sarr nyi, harr a lop Laa'sarr nah dhighin, yakhal ih bwum laah w'u koghob nyi mou, bhi baah a'n p'ee cham pihhzeenn mou.”
26Bwoon shaptarr kihmeh bhi zheppkamm ni mwopp dyi kihshag dhighin luh, yakhal Tomas zag dang mwopp . Pwooluh a w'u shi-shakhat, bhi Jesu ji dharr kihnaar mwopp bhi tog kihh mwopp le, “Tongkakhamm tong kihshag kihh wunn oou.”
27Bhi satt Tomas le, “Gha lop laa'sarr gha se; ghi naah sarr nah s'ang. Shenn sarr gha ghi cham laah w'u koghob nah. Ghi nook sakkrihkk; ghi pihhzeenn.”
28Bhi Tomas satt nyi le, “Daah Gwoohyon keena, Naan keena!”
29Bhi Jesu satt nyi le, “Ghi pihhzeenn mwasseh pee'rooh ghi naah a'n aa'? T'o, wu'rett khi Naan kaah mwooh baah mwopp naah a'n mou, weett kihhsheh mwopp pihhzeenn.”
30Jesu sh'in v'ur bii'aapwoo dhess kihyit zheppkamm keeniy mwopp w'u baah mwopp a w'u rih-ran dhighin klap'ran mhize mou. 31Ih ran bii mihhse mwopp a tihh ghi pihhzeenn diy ghi le a Jesu a Kristi L'aa kihh Naan, tihh sh'i pihhzeenn nyi diy, bhi ghi kad seen dhighin shumm nyi.
လက္ရွိေရြးခ်ယ္ထားမွု
Yohanna 20: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 20
20
Jesu yakhal kih peemuutt
1Dooldyeell, p'ar shiiy wu'shee mhi shaptarr, bhi Maryamu Magdalin dhel dum phi kihshirr ni, bhi dum kad baa mwopp byit elleng w'u deh mwopp paah phi kihshirr ni diy lhi'baa. 2A nyi seeh bhi sh'u b'aa ji kihpee Siman Bitrus mwopp kihh laa'kamm w'u Jesu kihh wall nyi seh, bhi satt mwopp le, “Ai, mwopp m'ang kumm Gwoohyon dhighin kihshirr ni lhidhel, dhangg baah mu man pee w'u mwopp dum dhen diy mou.”
3Bhi Bitrus mwopp kihh wu'nin laa'kamm mhizeh ni mwopp yakhal mwopp yak shu'shu p'ee dum phi kihshirr ni. 4Mwopp weett vel kaah shu'shu, bhi laa'kamm wu'zeh ni sh'u yet Bitrus dheeh bwoon, harr dum wull phi kihshirr ni ky'een nyi. 5Kurum bhonggpee diy dhighin kihshirr ni, bhi naah zaall'wum mhi fwaat linen ni mwopp kihh l'e nhighin, dhangg baah dhel dhighin kihshirr ni mou.#20:5 Kihshirr w'u gyet mwopp wum Jesu diy a kaa kom'luh se w'u mwopp slak shi'bwut pangg, baah nyi a tukhun w'u mwopp bwan a yill kaa Chakfem mwopp kihh bwan se mou. 6Kaarooh Bitrus wu'nyi ji wull kihbwoon, bhi abet dhel dum dhighin kihshirr ni, bhi naah zaall'wum mhi fwaat linen ni mwopp kihh l'e nhighin, 7kihhsheh kihh kleb-fwaat w'u deh mwopp bwakhat kaah Jesu nyi. Kleb-fwaat mhizeh kihh dhen mhisat; baah mwopp dhen ni kihshag kihh zaall'wum mhi linen ni mou. 8Bhi Laa'kamm khi Jesu wu'dyinn shee ji wull phi kihshirr ni seh wu'nyi dhel dhighin kihshirr ni zag. Kaarooh naah bii mihhseh, bhi pihhzeenn. 9(Dhangg harr mwasseh bhi baah mwopp khi manshiiy rooh Ran'Wubhangg satt le Jesu gyet p'ee yakhal kih peemuutt mou.)
Jesu dyingg shin Maryamu Magdalin
(Mat 28:9-10; Mar 16:9-11)
10Bhi zheppkamm khi Jesu w'u vel seh mwopp wak ba, 11weett kihhsheh bhi Maryamu Magdalin wu'nyi dheeh dharr nhighin phi kihshirr ni kihh sam wall diy. Kaarooh nyi kaah wall bhi kurum kaah rah bongg p'ee diy dhighin kihshirr ni, 12bhi naah m'ee mhi'lop khi Naan mwopp vel dhighin looh wu'pyaah sakk-sakk mwopp kihh kwangg kihpee deh mwopp dhen kumm Jesu diy, kihmeh kihpee wu deh kaah nyi diy, wu'zeh kihpee wu deh kwag nyi mwopp diy.
13Mhi'lop ni mwopp nang phi nyi le, “Yi phi wall a mihyeh?” Bhi lapp mwopp le, “Mwopp m'ang a kumm Gwoohyon keena lhidhel, dhangg baah ih man pee w'u mwopp dum dhen nyi diy mou.” 14Kaarooh satt kihhsheh bhi buakhar naahpee kihbwoon rah bhi naah Jesu kihh dharr, dhangg baah naah nyi man mou.
15Jesu nang phi nyi le, “Yi phi wall a mihyeh? Yi phi lyap a wuyeh?” Maryamu kihh ryeeh le dhok a gu dhakk-bongg ni, bhi satt nyi le, “Daah, mihh a gha ghi m'ang kumm nyi lhi'del, bhi ghi katt pee w'u ghi dum ghi dhen nyi diy a'n, bhi a'n p'ee dum m'ang nyi lhidhel.”
16Bhi Jesu peet shumm nyi le, “Maryamu!”
Bhi Maryamu buakhar bhi naah nyi man kongg ser'seh, bhi satt sh'i Pwoo Yahudi le, “Raboni!” (Shiiy khi Raboni a “Gukamm keena”.) 17Jesu satt nyi le, “Yi nook muut'lang sh'i san, p'ee baah ih khi k'aa ih dum kihpee Daa diy mou. Dum yi satt em'naa mwopp yi le, a'n p'ee k'aa dum kihpee Daa diy, w'u a Puup wu zag; kihpee Naan keena diy, w'u a Naan keewu zag.”
18A nyi seh bhi Maryamu Magdalin baa'dum kihpee zheppkamm ni mwopp kihh pwoo'wurett mhize, dum satt mwopp le, “Ai a'n ih naah Gwoohyon!” Bhi Maryamu ni yakshiiy bii w'u satt rah zheppkamm ni mwopp.
Jesu dyingg shin zheppkamm keeniy mwopp
(Mat 28:16-20; Mar 16:14-18; Luk 24:36-49)
19Kan'sihkhin p'ar shiiy wu'shee mhi shaptarr mhizeh ni, bhi kaarooh zheppkamm khi Jesu ni mwopp kihshag dhighin luh, pwooluh a w'u shi-shakhat p'ee mwopp kihh kihkhir mwoohnan khi Zhepp Yahuda mwopp, bhi Jesu ji dharr naar mwopp, bhi tog kihh mwopp le, “Tongkakhamm tong kihshag kihh wunn oou!” 20Kaarooh satt kihhsheh bhi dyingg sarr niy kihh koghob niy mwopp naah. Bhi zheppkamm ni mwopp kad rettyit pwetd, kaarooh mwopp naah Daah Jesu.
21Jesu waa satt dyi mwopp le, “Tongkakhamm tong kihshag kihh wunn. Ih kihh lop wunn a kaarooh Daa lop a'n se.” 22Kaarooh satt kihhsheh bhi f'uk n'ook niy kih mwopp, bhi satt mwopp le, “Wu lapp Riin Wu'bhangg. 23Mihh w'u fwa shigbis khi koohweeh nyi, bhi nyi a w'u fih-fwa, mihh wu shiih fwa shigbis khi koohweeh nyi, bhi baah nyi a w'u fih-fwa mou.”
Tomas pihhzeenn kaarooh naah Jesu
24P'ar w'u Jesu dyingg shin zheppkamm keeniy mwopp bhi baah Tomas, w'u mwopp kihh peet Daa'zhan, wu'nyi nhighin mou. Tomas ni gyet a kihmeh dhighin zheppkamm khi Jesu w'u kaghapaad baa'vel ni mwopp. 25Kakhar zheppkamm ni mwopp satt nyi le, “Ai wu'munn mu naah Puup mu Jesu.”
Dhangg Tomas satt mwopp le, “Mihh dheng'pee ih naah a f'ung paskwav w'u sarr nyi, harr a lop Laa'sarr nah dhighin, yakhal ih bwum laah w'u koghob nyi mou, bhi baah a'n p'ee cham pihhzeenn mou.”
26Bwoon shaptarr kihmeh bhi zheppkamm ni mwopp dyi kihshag dhighin luh, yakhal Tomas zag dang mwopp . Pwooluh a w'u shi-shakhat, bhi Jesu ji dharr kihnaar mwopp bhi tog kihh mwopp le, “Tongkakhamm tong kihshag kihh wunn oou.”
27Bhi satt Tomas le, “Gha lop laa'sarr gha se; ghi naah sarr nah s'ang. Shenn sarr gha ghi cham laah w'u koghob nah. Ghi nook sakkrihkk; ghi pihhzeenn.”
28Bhi Tomas satt nyi le, “Daah Gwoohyon keena, Naan keena!”
29Bhi Jesu satt nyi le, “Ghi pihhzeenn mwasseh pee'rooh ghi naah a'n aa'? T'o, wu'rett khi Naan kaah mwooh baah mwopp naah a'n mou, weett kihhsheh mwopp pihhzeenn.”
30Jesu sh'in v'ur bii'aapwoo dhess kihyit zheppkamm keeniy mwopp w'u baah mwopp a w'u rih-ran dhighin klap'ran mhize mou. 31Ih ran bii mihhse mwopp a tihh ghi pihhzeenn diy ghi le a Jesu a Kristi L'aa kihh Naan, tihh sh'i pihhzeenn nyi diy, bhi ghi kad seen dhighin shumm nyi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation