Yohanna 18
18
Mwopp y'aa Jesu
(Mat 26:47-56; Mar 14:43-50; Luk 22:47-53)
1Bwoonrooh Jesu khibhid dhangNaan ni bhi wu'nyi, kihshag kihh zheppkamm keeniy, mwopp shan moghol Kidron mwopp taah k'aa takhann koghob wu'zeh. Nhighin koghob mhize ni bhi m'ee bongg-paatt nhighin, bhi Jesu kihshag kihh zheppkamm keeniy ni mwopp dhel dhighin bongg-paatt ni.
2Yahuda w'u p'ee seett kihh Jesu gyet man pee mhizeh ni, p'ee gyet Jesu kihh lokhot kang kihh zheppkamm keeniy mwopp nhighin. 3A nyi seh bhi Yahuda ni lang'arr kihh m'ee kampani mhi'lek mwopp, kihhsheh kihh pakk mhitapp LuhNaan w'u dum lapp phi prist wu'nan kihh Farisiiy mwopp, ji wull kihh mwopp nhighin phi bongg-paatt ni. Mwopp kihh wus gih'yam, kihh delleng-wus, kihh looh'lek.
4Kaarooh Daah Jesu man bii w'u p'ee kad riy weett, bhi put taah dharr kihkyeen mwopp, nang phi mwopp le, “Wunn phi lyap a wuyeh?” 5Mwopp pring nyi mwopp le, “Munn phi lyap a Jesu Gu-Nazaret e'h!” Bhi Jesu satt mwopp le, “A a'n e'h.” (Yahuda g'u seett kihh Jesu ni kihh dharr nhighin dang mwopp.) 6Kaarooh Jesu satt le a riy a Jesu ni, bhi gurum mhizeh ni mwopp wak ba arr-kihnog ruh, mwopp chaat yill.
7Jesu waa nang dyi phi mwopp le, “Wunn phi lyap a wuyeh?” Mwopp waa lapp dyi nyi le, “Munn phi lyap a Jesu Gu-Nazaret e'h!”
8Jesu satt mwopp le, “Dhok ih satt wunn ih le a a'n a Jesu ni shi 'y? Mihh wunn phi lyap a a'n, bhi wu yet mhi-langdang na mwopp mwan ruh.” 9Bii mihhse sh'in a tihh pwoo w'u dyinn satt le, baah kooh kihmeh dhighin mwooh Naan pihh riy ky'em mou, gam diy.
10Bhi Siman Bitrus kihh m'ee g'oo keeniy bwoon niy, bhi shang g'oo ni, twed tall kom m'ee kromm khi Prist Wu'yon kihh nyi koghob sarrsoh meng yill. (Shumm kromm mhizeh ni gyet a Malkus.)
11Bhi Jesu tep-bhellepp Bitrus le, “Kai Bitrus, shenn g'oo keegha patt! An p'ee shwaa zhangg zheell w'u Daa pihh a'n mou aa'?”
Mwopp dum kihh Jesu luh Annas
(Mat 26:57,58; Mar 14:53,54; Luk 22:54)
12Bhi kampani mhi'lek ni mwopp, kihhsheh kihh kommanda khimwopp, kihh mhitapp LuhNaan ni mwopp weett, mwopp y'aa Jesu, mwopp bwakhat sarr nyi. 13Mwopp shee dum kihh nyi a luh Annas, puup khi mat khi Kayafas w'u gyet a nyi a Prist Wu'yon yiiy mhizeh ni. 14Kayafas ni a gwooh deh bheettshiin Zhepp Yahuda mwopp le, “Gyall a gurum kihmeh m'uut p'ee kakhar gurum mwopp weett.”
Shiihshig man Jesu khi Bitrus wu'shee.
(Mat 26:69-70; Mar 14:66-68; Luk 22:55-57)
15Siman Bitrus mwopp kihh m'ee laa'kamm khi Jesu wu'zeh, mwopp lang kihshiiy Jesu. Laa'kamm mhizeh wu'nyi dhel kihfur khi Prist Wu'yon ni pee'rooh gyet prist ni man wu'nyi, 16dhangg Bitrus wu'nyi dheeh dharr kihtekhell phi fokhol'pang. Laa'kamm w'u Prist Wu'yon man nyi seh waa put, bhi shin'pwoo kihh laa'reep nhitapp fokhol'pang ni, bhi mwopp yet Bitrus dhel kihfur zag.
17Laa'reep nhitapp fokhol'pang ni nang phi Bitrus le, “Gha a kihmeh dhighin zheppkamm khinyi dhok o'?” Bhi Bitrus lapp nyi le “Kooh le! Baah a'n a kihmeh dhighin mwopp mou.”
18Pee gyet zhu'khum, bhi kromm mwopp kihh mhitapp LuhNaan ni mwopp dhaan wus errepp mwopp dyarrang shi'pwoo tihh mwopp w'ong shut diy. Bitrus wu'nyi zag kihh dharr nhighin dang mwopp w'ong shin.
Prist wu'yon sh'in t'al phi Jesu
(Mat 26:59-66; Mar 14:55-64; Luk 22:66-71)
19Prist Wu'yon sh'in t'al phi Jesu kaah zheppkamm khinyi mwopp, kihh kamm khinyi zag.
20Jesu lapp nyi le, “Ai deh ih kihh kadpwoo a kihgaak tihh yill ni weett klihng diy; yakhal deh ih kihh sh'in kamm dhighin v'ur Luh'kang kihh kihfur LuhNaan, pee wu Zhepp Yahuda mwopp weett kihh kang diy. Baah a cham sh'in m'ee kamm a mih-mwaall mou. 21A mihyeh l'e bhi ghi kihh nang a pwoo na? Ghi nang phi mwooh gyet kihh klihng kamm keena ni sihng. Ai mwopp man bii w'u gyet ih kihh kamm weett.”
22Kaarooh Jesu satt kihhsheh, bhi kihmeh dhighin mhitapp LuhNaan ni mwopp lop laap Jesu, satt nyi le, “A pringpwoo w'u gha p'ee pring nyi Prist Wu'yon seh aa'?”
23Jesu lapp nyi le, “Mihh dyinn ih satt a wu'bis, bhi dyinn wu'gha p'ee dhen a gu-sattpwoo kaah pwoo wu'bis w'u ih satt seh. Dheeh mihh ih satt a zeenn, bhi ghi mwod a'n a p'ee mihyeh?” 24Annas shenn Jesu kihhsheh a w'u bhi-bwakhat lhidum Kayafas w'u a Prist Wu'yon.
Shiihshig khi Bitrus wu'vel kihh wu'kunn
25Kaarooh dyinn Siman Bitrus kihh dharr phi wus w'ong shin, bhi mwopp nang phi nyi le, “Gha a kihmeh dhighin zheppkamm khi Jesu ni s'ang?”
Bhi Siman shiihshig dyi le baah riy a kihmeh dhighin nw'aa mou.
26Kihmeh dhighin kromm khi Prist Wu'yon ni gyet a mwoll gwooh dyinn Bitrus gab kom nyi seh. Bhi nang phi Bitrus rafv le, “Dyinn ih naah gha kihshag kihh Jesu ni dhighin bongg-paatt s'ang?” 27Harr mwasseh Bitrus waa shiihshig dyi, abet bhi dool peetpee.
Mwopp dum kihh Jesu kihkyeen Bilatus
(Mat 27:1-2,11-14; Mar 15:1-5; Luk 23:1-5)
28Zhepp Yahuda mwopp yakhal kihh Jesu luhfwaann khi Kayafas mwopp dum kihh nyi luhfwaann khi Bilatus, w'u a govno Gu-Roma. Byitt dheeh a arr m'ang, pee'mhinyi bhi baah Zhepp Yahuda mwopp dhel kihfur luhfwaann khi govno nyi mou, tapp'baa mwopp tepbhangg shut, p'ee mwopp kihh t'ang so soh Mettkaah ni. 29Bhi Bilatus put nang phi mwopp le, “Wunn a kihh waamatt mihyeh kaah gwoh mhize ni?”
30Bhi zhepp Yahuda ni mwopp pring Bilatus le, “Ai kaddyinn dheng'pee gwoh mhize ni a gu-wadpee mou, bhi dyinn munn p'ee ji kihh nyi gha mou.”
31Bilatus satt mwopp le, “W'u dhel kihh nyi, dum wu shandyeell nyi sh'i W'aar keewu.”
Bhi Zhepp Yahuda ni mwopp pring Bilatus le, “Baah munn kihh pee mhi mak t'u gurum mou.” 32Bii mihhse sh'in a tihh pwoo w'u Jesu satt kaah muutt w'u riy p'ee m'uut gam diy.
33Bhi Bilatus baa'dum dyi kihfur luhfwaann keeniy, bhi l'e tihh mwopp dhel kihh Jesu riy, bhi nang phi nyi le, “A gha a Miskakhamm khi Zhepp Yahuda shi aa'?”
34Bhi Jesu nang phi nyi le, “Mihhse put a dhighin p'an mag'gha aa'h, h'aa kooh a m'ee gurum mwopp satt pwoo mhizeh gha kaah nah ayeh?”
35Bilatus lapp nyi le, “An a L'aa Yahuda mihngg? Dhok a mwopp-mag ji kihh ghi a'n e'h! Gha sh'in a mihyeh dhangg?”
36Jesu lapp nyi le, “Baah dhenglong keena a mhi yill mhize mou. P'ee kaddyinn nyi a mhi yill mhize, bhi dyinn kromm keena mwopp p'ee sh'in l'ek tapp'baa Zhepp Yahuda mwopp y'aa a'n. Dhenglong keena put a mee'pee wu'dyikk, baah nyi a mhi yill mhize mou.”
37Bilatus nang phi nyi le, “Dheeh kan gha a Miskakhamm shi seh sihng?”
Jesu pring nyi le, “Wu'gha sh'i kaah gha ghi satt ghi le a'n a Miskakhamm. A bii w'u mwopp l'aa a'n a p'ee nyi seh; a nyi a bii w'u ji kihh a'n dhighin yill ni, tihh ih sattpwoo diy kaah zeenn. Koohweeh w'u kihh dh'om zeenn bhi kihh klihng pwoo keena.”
38Bilatus nang phi nyi le, “A mihyeh a zeenn?” Kaarooh satt kihhsheh bhi put satt Zhepp Yahuda ni mwopp le, “Baah ih kad gwoh mhize ni sh'in mee'bii wu'bis w'u wall rooh a'n p'ee shandyeell nyi kaah mou. 39T'o wu kihh lokhot dhang pwoo na tihh ih shang m'ee gurum diy wunn luh'shakhat sh'i Kwughur Mettkaah. Wu kad ih shang a gab'zhakham Miskakhamm khi Zhepp Yahuda shi wunn bwaatt?”
40Bhi mwopp shatt waaw mwopp le, “Haiyou, tapp ghi shang a nyi mou! Ghi shang a Barabbas munn ee'h 'y!” Barabbas ni gyet kihh sarr dhighin m'ee pwoobhangg w'u gyet mwopp sh'in.
လက္ရွိေရြးခ်ယ္ထားမွု
Yohanna 18: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 18
18
Mwopp y'aa Jesu
(Mat 26:47-56; Mar 14:43-50; Luk 22:47-53)
1Bwoonrooh Jesu khibhid dhangNaan ni bhi wu'nyi, kihshag kihh zheppkamm keeniy, mwopp shan moghol Kidron mwopp taah k'aa takhann koghob wu'zeh. Nhighin koghob mhize ni bhi m'ee bongg-paatt nhighin, bhi Jesu kihshag kihh zheppkamm keeniy ni mwopp dhel dhighin bongg-paatt ni.
2Yahuda w'u p'ee seett kihh Jesu gyet man pee mhizeh ni, p'ee gyet Jesu kihh lokhot kang kihh zheppkamm keeniy mwopp nhighin. 3A nyi seh bhi Yahuda ni lang'arr kihh m'ee kampani mhi'lek mwopp, kihhsheh kihh pakk mhitapp LuhNaan w'u dum lapp phi prist wu'nan kihh Farisiiy mwopp, ji wull kihh mwopp nhighin phi bongg-paatt ni. Mwopp kihh wus gih'yam, kihh delleng-wus, kihh looh'lek.
4Kaarooh Daah Jesu man bii w'u p'ee kad riy weett, bhi put taah dharr kihkyeen mwopp, nang phi mwopp le, “Wunn phi lyap a wuyeh?” 5Mwopp pring nyi mwopp le, “Munn phi lyap a Jesu Gu-Nazaret e'h!” Bhi Jesu satt mwopp le, “A a'n e'h.” (Yahuda g'u seett kihh Jesu ni kihh dharr nhighin dang mwopp.) 6Kaarooh Jesu satt le a riy a Jesu ni, bhi gurum mhizeh ni mwopp wak ba arr-kihnog ruh, mwopp chaat yill.
7Jesu waa nang dyi phi mwopp le, “Wunn phi lyap a wuyeh?” Mwopp waa lapp dyi nyi le, “Munn phi lyap a Jesu Gu-Nazaret e'h!”
8Jesu satt mwopp le, “Dhok ih satt wunn ih le a a'n a Jesu ni shi 'y? Mihh wunn phi lyap a a'n, bhi wu yet mhi-langdang na mwopp mwan ruh.” 9Bii mihhse sh'in a tihh pwoo w'u dyinn satt le, baah kooh kihmeh dhighin mwooh Naan pihh riy ky'em mou, gam diy.
10Bhi Siman Bitrus kihh m'ee g'oo keeniy bwoon niy, bhi shang g'oo ni, twed tall kom m'ee kromm khi Prist Wu'yon kihh nyi koghob sarrsoh meng yill. (Shumm kromm mhizeh ni gyet a Malkus.)
11Bhi Jesu tep-bhellepp Bitrus le, “Kai Bitrus, shenn g'oo keegha patt! An p'ee shwaa zhangg zheell w'u Daa pihh a'n mou aa'?”
Mwopp dum kihh Jesu luh Annas
(Mat 26:57,58; Mar 14:53,54; Luk 22:54)
12Bhi kampani mhi'lek ni mwopp, kihhsheh kihh kommanda khimwopp, kihh mhitapp LuhNaan ni mwopp weett, mwopp y'aa Jesu, mwopp bwakhat sarr nyi. 13Mwopp shee dum kihh nyi a luh Annas, puup khi mat khi Kayafas w'u gyet a nyi a Prist Wu'yon yiiy mhizeh ni. 14Kayafas ni a gwooh deh bheettshiin Zhepp Yahuda mwopp le, “Gyall a gurum kihmeh m'uut p'ee kakhar gurum mwopp weett.”
Shiihshig man Jesu khi Bitrus wu'shee.
(Mat 26:69-70; Mar 14:66-68; Luk 22:55-57)
15Siman Bitrus mwopp kihh m'ee laa'kamm khi Jesu wu'zeh, mwopp lang kihshiiy Jesu. Laa'kamm mhizeh wu'nyi dhel kihfur khi Prist Wu'yon ni pee'rooh gyet prist ni man wu'nyi, 16dhangg Bitrus wu'nyi dheeh dharr kihtekhell phi fokhol'pang. Laa'kamm w'u Prist Wu'yon man nyi seh waa put, bhi shin'pwoo kihh laa'reep nhitapp fokhol'pang ni, bhi mwopp yet Bitrus dhel kihfur zag.
17Laa'reep nhitapp fokhol'pang ni nang phi Bitrus le, “Gha a kihmeh dhighin zheppkamm khinyi dhok o'?” Bhi Bitrus lapp nyi le “Kooh le! Baah a'n a kihmeh dhighin mwopp mou.”
18Pee gyet zhu'khum, bhi kromm mwopp kihh mhitapp LuhNaan ni mwopp dhaan wus errepp mwopp dyarrang shi'pwoo tihh mwopp w'ong shut diy. Bitrus wu'nyi zag kihh dharr nhighin dang mwopp w'ong shin.
Prist wu'yon sh'in t'al phi Jesu
(Mat 26:59-66; Mar 14:55-64; Luk 22:66-71)
19Prist Wu'yon sh'in t'al phi Jesu kaah zheppkamm khinyi mwopp, kihh kamm khinyi zag.
20Jesu lapp nyi le, “Ai deh ih kihh kadpwoo a kihgaak tihh yill ni weett klihng diy; yakhal deh ih kihh sh'in kamm dhighin v'ur Luh'kang kihh kihfur LuhNaan, pee wu Zhepp Yahuda mwopp weett kihh kang diy. Baah a cham sh'in m'ee kamm a mih-mwaall mou. 21A mihyeh l'e bhi ghi kihh nang a pwoo na? Ghi nang phi mwooh gyet kihh klihng kamm keena ni sihng. Ai mwopp man bii w'u gyet ih kihh kamm weett.”
22Kaarooh Jesu satt kihhsheh, bhi kihmeh dhighin mhitapp LuhNaan ni mwopp lop laap Jesu, satt nyi le, “A pringpwoo w'u gha p'ee pring nyi Prist Wu'yon seh aa'?”
23Jesu lapp nyi le, “Mihh dyinn ih satt a wu'bis, bhi dyinn wu'gha p'ee dhen a gu-sattpwoo kaah pwoo wu'bis w'u ih satt seh. Dheeh mihh ih satt a zeenn, bhi ghi mwod a'n a p'ee mihyeh?” 24Annas shenn Jesu kihhsheh a w'u bhi-bwakhat lhidum Kayafas w'u a Prist Wu'yon.
Shiihshig khi Bitrus wu'vel kihh wu'kunn
25Kaarooh dyinn Siman Bitrus kihh dharr phi wus w'ong shin, bhi mwopp nang phi nyi le, “Gha a kihmeh dhighin zheppkamm khi Jesu ni s'ang?”
Bhi Siman shiihshig dyi le baah riy a kihmeh dhighin nw'aa mou.
26Kihmeh dhighin kromm khi Prist Wu'yon ni gyet a mwoll gwooh dyinn Bitrus gab kom nyi seh. Bhi nang phi Bitrus rafv le, “Dyinn ih naah gha kihshag kihh Jesu ni dhighin bongg-paatt s'ang?” 27Harr mwasseh Bitrus waa shiihshig dyi, abet bhi dool peetpee.
Mwopp dum kihh Jesu kihkyeen Bilatus
(Mat 27:1-2,11-14; Mar 15:1-5; Luk 23:1-5)
28Zhepp Yahuda mwopp yakhal kihh Jesu luhfwaann khi Kayafas mwopp dum kihh nyi luhfwaann khi Bilatus, w'u a govno Gu-Roma. Byitt dheeh a arr m'ang, pee'mhinyi bhi baah Zhepp Yahuda mwopp dhel kihfur luhfwaann khi govno nyi mou, tapp'baa mwopp tepbhangg shut, p'ee mwopp kihh t'ang so soh Mettkaah ni. 29Bhi Bilatus put nang phi mwopp le, “Wunn a kihh waamatt mihyeh kaah gwoh mhize ni?”
30Bhi zhepp Yahuda ni mwopp pring Bilatus le, “Ai kaddyinn dheng'pee gwoh mhize ni a gu-wadpee mou, bhi dyinn munn p'ee ji kihh nyi gha mou.”
31Bilatus satt mwopp le, “W'u dhel kihh nyi, dum wu shandyeell nyi sh'i W'aar keewu.”
Bhi Zhepp Yahuda ni mwopp pring Bilatus le, “Baah munn kihh pee mhi mak t'u gurum mou.” 32Bii mihhse sh'in a tihh pwoo w'u Jesu satt kaah muutt w'u riy p'ee m'uut gam diy.
33Bhi Bilatus baa'dum dyi kihfur luhfwaann keeniy, bhi l'e tihh mwopp dhel kihh Jesu riy, bhi nang phi nyi le, “A gha a Miskakhamm khi Zhepp Yahuda shi aa'?”
34Bhi Jesu nang phi nyi le, “Mihhse put a dhighin p'an mag'gha aa'h, h'aa kooh a m'ee gurum mwopp satt pwoo mhizeh gha kaah nah ayeh?”
35Bilatus lapp nyi le, “An a L'aa Yahuda mihngg? Dhok a mwopp-mag ji kihh ghi a'n e'h! Gha sh'in a mihyeh dhangg?”
36Jesu lapp nyi le, “Baah dhenglong keena a mhi yill mhize mou. P'ee kaddyinn nyi a mhi yill mhize, bhi dyinn kromm keena mwopp p'ee sh'in l'ek tapp'baa Zhepp Yahuda mwopp y'aa a'n. Dhenglong keena put a mee'pee wu'dyikk, baah nyi a mhi yill mhize mou.”
37Bilatus nang phi nyi le, “Dheeh kan gha a Miskakhamm shi seh sihng?”
Jesu pring nyi le, “Wu'gha sh'i kaah gha ghi satt ghi le a'n a Miskakhamm. A bii w'u mwopp l'aa a'n a p'ee nyi seh; a nyi a bii w'u ji kihh a'n dhighin yill ni, tihh ih sattpwoo diy kaah zeenn. Koohweeh w'u kihh dh'om zeenn bhi kihh klihng pwoo keena.”
38Bilatus nang phi nyi le, “A mihyeh a zeenn?” Kaarooh satt kihhsheh bhi put satt Zhepp Yahuda ni mwopp le, “Baah ih kad gwoh mhize ni sh'in mee'bii wu'bis w'u wall rooh a'n p'ee shandyeell nyi kaah mou. 39T'o wu kihh lokhot dhang pwoo na tihh ih shang m'ee gurum diy wunn luh'shakhat sh'i Kwughur Mettkaah. Wu kad ih shang a gab'zhakham Miskakhamm khi Zhepp Yahuda shi wunn bwaatt?”
40Bhi mwopp shatt waaw mwopp le, “Haiyou, tapp ghi shang a nyi mou! Ghi shang a Barabbas munn ee'h 'y!” Barabbas ni gyet kihh sarr dhighin m'ee pwoobhangg w'u gyet mwopp sh'in.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation