Yohanna 17
17
Jesu dhangNaan p'ee shin
1Bwoonrooh Jesu yak bii mihhse mwopp weett zheppkamm keeniy mwopp, bhi eep yit niy phikihtihngg dhangNaan le:
“Daa, pee wull. Ghi tihghin Em gha, tihh Em gha tihghin gha diy zag. 2P'ee ghi pihh pee Em gha ni kaah zhepp gurum weett, tihh pihh seen w'u harr ngaa-ngaa diy mwooh ghi pihh mwopp nyi weett. 3Seen w'u harr ngaa-ngaa ni a rooh gurum mwopp man gha, gha Naan Wu'kihmeh, Naan w'u a zeenn; yakhal mwopp man a'n Jesu Kristi w'u ghi lop. 4A'n ih tihghin gha dhighin yill ni shi'rooh ih khibhid dhakk w'u ghi lop a'n p'ee sh'in nyi seh. 5Daa, ghi tihghin a'n mwasseh sh'i men'riin w'u gyet a'n kihh nyi kihkyeen gha dhangg sh'ee khi yill ni.”
Jesu dhangNaan p'ee zheppkamm mwopp
6“Baa ih l'e tihh mwooh ghi put kihh mwopp dhighin yill ni ghi pihh a'n mwopp man gha diy. Mwopp gyet a mag'gha, dhangg ghi pihh mwopp a'n, bhi mwopp kyeer pwoo keegha. 7Mwopp man le koohmeeh w'u ghi pihh a'n put a kihpee gha diy. 8Ih pihh pwoo w'u ghi pihh a'n mwopp, bhi mwopp lapp pwoo ni, yakhal mwopp man a zeenn'zeenn le a'n put a kihpee gha diy, mwopp pihhzeenn le a gha ghi lop a'n. 9An phi sh'in dhangg a p'ee mwopp; baah a p'ee yill ni mou; a p'ee mwooh ghi pihh mwopp a'n, p'ee mwopp a mag'gha. 10Kapp bii w'u a maan'nah, a mag'gha, kapp bii w'u a mag'gha a maan'nah zag. Mwopp l'e tihh gurum mwopp kihh tihghin a'n diy. 11Baah a'n kudyi p'ee tong dhighin yill ni pwetd mou, dhangg wu'mwopp kudyi dhighin yill ni, wu'an dheeh a arr kaah kihpee gha diy. Daa Wu'bhangg, ghi kyeer mwopp sh'i maa'pee mhi shumm gha - shumm w'u gyet ghi pihh a'n. Ghi kyeer mwopp tihh mwopp dheeh diy a wu'khimhi kaarooh wu'munn a wu'khimhi se zag. 12Kaarooh deh ih kudyi kihshag kihh mwopp, bhi ih kihh kyeer mwopp, ih kihh tapp mwopp kwaah'baa mee'bii diy kad mwopp, a sh'i shumm w'u gyet gha phi a'n seh. Baah kooh kihmeh dhighin mwopp la'kham mou, seeh a laa'kyemm mhizeh, tihh bii w'u rih-ran dhighin Ran'Wubhangg gam diy.
13“Mwasseh dheeh a'n a arr k'aa kihpee gha diy, weett kihhsheh bhi a'n phi satt bii mhize bhi ih kudyi dhighin yill ni, tihh rettyit keena gam phitukhup mhi-dumdang na ni mwopp diy. 14Baa a phi pwoo keegha mwopp, dhangg yill ni shiih kihh mwopp, p'ee baah mwopp a mhi yill ni mou, kaarooh wu'an zag a mhi yill ni se mou. 15Baah dhangg keena a tihh ghi kih-kok mwopp diy lhipwat dhighin yill ni mou; dhangg keena a tihh ghi kihh kyeer mwopp diy pwoo Gwoohbis. 16Baah mwopp a mhi yill ni mou, kaarooh wu'an zag a mhi yill ni se mou. 17Ghi l'e tihh mwopp dheeh a wu'bhangg shi'zeenn; pwoo keegha a zeenn. 18Kaarooh wu'gha gha lop a'n lhisam dhighin yill ni se, bhi wu'an a kihh lop mwopp lhidum dhighin yill ni a kihhsheh zag. 19A p'ee mwopp bhi ih kihh pihh kaah na gha kihhdihng tihh ghi kyeer mwopp diy ghi dhen a wu'bhangg shi'zeenn.”
DhangNaan p'ee mhi-pihhzeenn weett.
20“Baah a'n phi sh'in dhangg a p'ee mwopp mhize kyekk mou; a p'ee kapp mwooh kudyi p'ee pihhzeenn a'n lhiwaa pwoo w'u mwopp mhize p'ee yak nyi mwopp. 21Daa, ih kihh dhang tihh mwopp kwed diy a wu'khimhi, kaarooh wu'gha dhighin a'n yakhal wu'an dhighin wu'gha se zag. Ghi l'e tihh mwopp tong dhighin munn, tihh yill ni pihhzeenn diy le a gha ghi lop a'n. 22Ih pihh men'riin w'u gyet ghi pihh a'n seh mwopp, tihh mwopp dheeh diy a wu'khimhi, kaarooh wu'munn a wu'khimhi se zag; 23wu'an dhighin mwopp, yakhal wu'gha dhighin a'n. Ghi l'e tihh mwopp bhal'kaah ruh chipp kihshag, tihh yill ni man diy le a gha ghi lop a'n, yakhal ghi kihh wall mwopp a kaa ghi kihh wall wu'an se zag.
24“Daa, ih kihh dh'om tihh mwooh ghi pihh mwopp a'n mwopp kwed kihshag kihh a'n pee w'u a'n diy, tihh mwopp naah men'riin keena, w'u a men'riin w'u gyet ghi pihh a'n dhangg l'e khi yill ni.
25“Daa Gu-shigrett, baah yill ni man gha mou, weett kihhsheh wu'an a man gha, yakhal mwopp mhize mwopp man le a gha ghi lop a'n. 26Baa ih l'e tihh mwopp man gha diy, yakhal a'n p'ee kihh l'e tihh mwopp kihh sihkhitt man gha diy vitt, tihh wall w'u gha kihh nyi p'ee a'n tong diy dhighin mwopp, yakhal wu'an sh'i kaah nah zag ih tong dhighin mwopp.”
လက္ရွိေရြးခ်ယ္ထားမွု
Yohanna 17: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 17
17
Jesu dhangNaan p'ee shin
1Bwoonrooh Jesu yak bii mihhse mwopp weett zheppkamm keeniy mwopp, bhi eep yit niy phikihtihngg dhangNaan le:
“Daa, pee wull. Ghi tihghin Em gha, tihh Em gha tihghin gha diy zag. 2P'ee ghi pihh pee Em gha ni kaah zhepp gurum weett, tihh pihh seen w'u harr ngaa-ngaa diy mwooh ghi pihh mwopp nyi weett. 3Seen w'u harr ngaa-ngaa ni a rooh gurum mwopp man gha, gha Naan Wu'kihmeh, Naan w'u a zeenn; yakhal mwopp man a'n Jesu Kristi w'u ghi lop. 4A'n ih tihghin gha dhighin yill ni shi'rooh ih khibhid dhakk w'u ghi lop a'n p'ee sh'in nyi seh. 5Daa, ghi tihghin a'n mwasseh sh'i men'riin w'u gyet a'n kihh nyi kihkyeen gha dhangg sh'ee khi yill ni.”
Jesu dhangNaan p'ee zheppkamm mwopp
6“Baa ih l'e tihh mwooh ghi put kihh mwopp dhighin yill ni ghi pihh a'n mwopp man gha diy. Mwopp gyet a mag'gha, dhangg ghi pihh mwopp a'n, bhi mwopp kyeer pwoo keegha. 7Mwopp man le koohmeeh w'u ghi pihh a'n put a kihpee gha diy. 8Ih pihh pwoo w'u ghi pihh a'n mwopp, bhi mwopp lapp pwoo ni, yakhal mwopp man a zeenn'zeenn le a'n put a kihpee gha diy, mwopp pihhzeenn le a gha ghi lop a'n. 9An phi sh'in dhangg a p'ee mwopp; baah a p'ee yill ni mou; a p'ee mwooh ghi pihh mwopp a'n, p'ee mwopp a mag'gha. 10Kapp bii w'u a maan'nah, a mag'gha, kapp bii w'u a mag'gha a maan'nah zag. Mwopp l'e tihh gurum mwopp kihh tihghin a'n diy. 11Baah a'n kudyi p'ee tong dhighin yill ni pwetd mou, dhangg wu'mwopp kudyi dhighin yill ni, wu'an dheeh a arr kaah kihpee gha diy. Daa Wu'bhangg, ghi kyeer mwopp sh'i maa'pee mhi shumm gha - shumm w'u gyet ghi pihh a'n. Ghi kyeer mwopp tihh mwopp dheeh diy a wu'khimhi kaarooh wu'munn a wu'khimhi se zag. 12Kaarooh deh ih kudyi kihshag kihh mwopp, bhi ih kihh kyeer mwopp, ih kihh tapp mwopp kwaah'baa mee'bii diy kad mwopp, a sh'i shumm w'u gyet gha phi a'n seh. Baah kooh kihmeh dhighin mwopp la'kham mou, seeh a laa'kyemm mhizeh, tihh bii w'u rih-ran dhighin Ran'Wubhangg gam diy.
13“Mwasseh dheeh a'n a arr k'aa kihpee gha diy, weett kihhsheh bhi a'n phi satt bii mhize bhi ih kudyi dhighin yill ni, tihh rettyit keena gam phitukhup mhi-dumdang na ni mwopp diy. 14Baa a phi pwoo keegha mwopp, dhangg yill ni shiih kihh mwopp, p'ee baah mwopp a mhi yill ni mou, kaarooh wu'an zag a mhi yill ni se mou. 15Baah dhangg keena a tihh ghi kih-kok mwopp diy lhipwat dhighin yill ni mou; dhangg keena a tihh ghi kihh kyeer mwopp diy pwoo Gwoohbis. 16Baah mwopp a mhi yill ni mou, kaarooh wu'an zag a mhi yill ni se mou. 17Ghi l'e tihh mwopp dheeh a wu'bhangg shi'zeenn; pwoo keegha a zeenn. 18Kaarooh wu'gha gha lop a'n lhisam dhighin yill ni se, bhi wu'an a kihh lop mwopp lhidum dhighin yill ni a kihhsheh zag. 19A p'ee mwopp bhi ih kihh pihh kaah na gha kihhdihng tihh ghi kyeer mwopp diy ghi dhen a wu'bhangg shi'zeenn.”
DhangNaan p'ee mhi-pihhzeenn weett.
20“Baah a'n phi sh'in dhangg a p'ee mwopp mhize kyekk mou; a p'ee kapp mwooh kudyi p'ee pihhzeenn a'n lhiwaa pwoo w'u mwopp mhize p'ee yak nyi mwopp. 21Daa, ih kihh dhang tihh mwopp kwed diy a wu'khimhi, kaarooh wu'gha dhighin a'n yakhal wu'an dhighin wu'gha se zag. Ghi l'e tihh mwopp tong dhighin munn, tihh yill ni pihhzeenn diy le a gha ghi lop a'n. 22Ih pihh men'riin w'u gyet ghi pihh a'n seh mwopp, tihh mwopp dheeh diy a wu'khimhi, kaarooh wu'munn a wu'khimhi se zag; 23wu'an dhighin mwopp, yakhal wu'gha dhighin a'n. Ghi l'e tihh mwopp bhal'kaah ruh chipp kihshag, tihh yill ni man diy le a gha ghi lop a'n, yakhal ghi kihh wall mwopp a kaa ghi kihh wall wu'an se zag.
24“Daa, ih kihh dh'om tihh mwooh ghi pihh mwopp a'n mwopp kwed kihshag kihh a'n pee w'u a'n diy, tihh mwopp naah men'riin keena, w'u a men'riin w'u gyet ghi pihh a'n dhangg l'e khi yill ni.
25“Daa Gu-shigrett, baah yill ni man gha mou, weett kihhsheh wu'an a man gha, yakhal mwopp mhize mwopp man le a gha ghi lop a'n. 26Baa ih l'e tihh mwopp man gha diy, yakhal a'n p'ee kihh l'e tihh mwopp kihh sihkhitt man gha diy vitt, tihh wall w'u gha kihh nyi p'ee a'n tong diy dhighin mwopp, yakhal wu'an sh'i kaah nah zag ih tong dhighin mwopp.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation