Izaiya 60
60
Undimuwa unafuna za kana Jeruzalemu
1Kavenya we Jeruzalemu uwareye, mwasiwa moneya wawo unaaza eto undimuwa wa Yehova unaukumelela. 2Tchoira isi indimuwa ihikunela ilambo ya vati eto ihakunela atu atene. Mbwenye Yehova unoukumelela eto undimuwa waye nnooneya mwa weyo. 3Atu a vilambo datene anerege za wa weyo kaharaga wareya wawo. Eto amwene atene anerege za wa weyo na mwasa omoneya wewo uukumelenle. 4Kavenyiha meso awo uing'ane wu na wu. Kaaone atu atene anno kagumanele kazaga wa weyo. Ahimawo a anapongwe anoza kaze, kakumelaga olapela wene. Eto ahimawo a ahiyana anerege tukuliwa mmandani mwa ammiwa.
5Weyo waza uona jatene eji, unoza ukayena hagalala undimuwa. Mmirimani mwawo munokana teyela no tamalela mwasiwa rayela wa bara unerege fiya wa weyo eto jorayela ja atu a vilambo datene jinerege za wa weyo. 6Akamelo adjindji, ang'onong'ono okumela Midiyani na Efa anerege za mwilamboni mwenyu. Atu atene a Saba anozana oru na jonukela. Atu a vilambo dedile anerege zana muselu wapama eto anerege wonga jengo jidjindji jejo jiirile Yehova, kamutamalelaga. 7Mabila matene a akuda Kedari anerege gumana mwilamboni mwawo eto mabila a alombwana a akuda Nebayoti, anerege ulabani. Miyo nnerege rumela ira kaveleliwe mikuto vaibuwani vaga. Eto miyo nnerege titimiha nyumbaga mwemo munafwanyeya undimuwa waga. 8Kodi anna bani anaza eni kavavaga nnga mirambo eto nnga kangayiwa dadowaga munyumbani mwiwa? 9Na ibaribari atu a suwa ili yatene anerege diing'anela. Atu a Tarisi anaza kakale arandji fiya na mwadeya ira kaazena ahimawo anno kafwanyeya olapela wene. Eto anozana parata na oru muwari motitimiha nzina na Yehova Mulugu wenyu, wenno unafwanyeya agali Mulugu Otchena wa Izarayeli, tchoira liye uhuutitimiha.
10Atu a vilambo da unde anoza kamange muru wa sidadi yawo. Eto amwene ewa anoza kaulabege weyo. Tchoira miyo dohouoniha goyi mwa uwali waga, mbwenye mwa sayi daga nnouwendela tangaranga. 11Misuwo da sidadi yawo nnakalege dohuleya dene ntana na mahiyu, kadiza difungiwaga ira atu a vilambo datene kazegena wa weyo jorayela emule, kazaga na amwene ewa. 12Mwasiwa atu a ilambo ili yatene nari umwene uli watene, anno kahanafune ulaba weyo, anotolowa. Anagomela bwanyuliwa atenene.
13Matabwa a mitengo da faya, na da olimero, na da buxo, anno anafwanyeya kagali matabwa apama oiziweya a guguru ya Libano, anerege za wa weyo ira urihegena Nyumba yaga Yotchena. Eto miyo nnoza dititimihe nyumba yenno ili nimburo nnahela miyo manyalo aga. 14Eto ahima a atu anno kauzuzumihetcha anoza kaoramihege kove diwa vamentoni vawo eto ale kaulramwisetcha anoza kakokorege vamanyaloni vawo. Eto anoza kauitanege Sidadi ya Yehova, Siyawu wa Mulugu Otchena wa Izarayeli.
15Weyo wali olramwisiwa eto wali oidiwa na makalelo ohokala a masika, fiyeda ira kalivo avira wa weyo. Mbwenye mofutukula, miyo nnoza duulukulihe kala no kala eto nnouvaha hagalala wohomala malambo a mukalakala. 16Atu a vilambo dimohi na amwene ewa anerege uvaha jodja jawo nnga uli mwana owamwihiwa. Jaireya eno, unoza uiziwe ira miyo dili Yehova, Nvulusi wawo, Namawombola wawo, Mulugu wa Kopolo wa Jako. 17Vamalroni va mukuwa, miyo nnouzelana oru, vamalroni va momba miyo nnouzelana parata, vamalroni va matabwa miyo nnouzelana mukuwa eto vamalroni va mabwe miyo nnouzelana momba. Miyo nnosakanya ira mutongiwe mwa murendele eto musogolrelriwe no tonga wa ibaribari. 18Mwilamboni mwawo kamuza muvweleleya irelana ubure eto mwatene muvirile madilre awo kamuza mukala tolotchiwa, nne bwanyuliwa. Mbwenye unerege itana muru wa sidadi yawo na nzina na <<Vulusa.>> Eto milango dawo unaitanege na nzina na: <<Mutamalela Mulugu.>> 19Nzuwa kaniza nifuneyaga ira numoneyelege na ntana, nne mwedi kaza aumoneyelaga no wareya waye. Mbwenye Yehova unaza akale moneya wa mukalakala eto undimuwa wa Mulugu wawo unaza ukale wareya wawo. 20Nzuwa nawo kaniza nimalelagawo eto nne mwedi wawo kaza abidelraga, mwasiwa Yehova unaza akale moneya wawo kala no kala eto malambo awo okana kumbanya anoza kavire. 21Atu atene a nlogo nawo anoza kakale atu owongowa eto anoza kavahiwe ilambo ira ikale yewa kala no kala. Aliwa anoza kakale mitengo dedo dizanle miyo, mabasa dilabile miyo na mandaga ira miyo dititimihiwege. 22Atu a vang'ono anoza kakale 1.000 eto atu ogomiheda yeva anoza kakale nlogo na kopolo. Miyo dili Yehova, yafiya tempuwa nnoirana mobaranya.
လက္ရွိေရြးခ်ယ္ထားမွု
Izaiya 60: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 60
60
Undimuwa unafuna za kana Jeruzalemu
1Kavenya we Jeruzalemu uwareye, mwasiwa moneya wawo unaaza eto undimuwa wa Yehova unaukumelela. 2Tchoira isi indimuwa ihikunela ilambo ya vati eto ihakunela atu atene. Mbwenye Yehova unoukumelela eto undimuwa waye nnooneya mwa weyo. 3Atu a vilambo datene anerege za wa weyo kaharaga wareya wawo. Eto amwene atene anerege za wa weyo na mwasa omoneya wewo uukumelenle. 4Kavenyiha meso awo uing'ane wu na wu. Kaaone atu atene anno kagumanele kazaga wa weyo. Ahimawo a anapongwe anoza kaze, kakumelaga olapela wene. Eto ahimawo a ahiyana anerege tukuliwa mmandani mwa ammiwa.
5Weyo waza uona jatene eji, unoza ukayena hagalala undimuwa. Mmirimani mwawo munokana teyela no tamalela mwasiwa rayela wa bara unerege fiya wa weyo eto jorayela ja atu a vilambo datene jinerege za wa weyo. 6Akamelo adjindji, ang'onong'ono okumela Midiyani na Efa anerege za mwilamboni mwenyu. Atu atene a Saba anozana oru na jonukela. Atu a vilambo dedile anerege zana muselu wapama eto anerege wonga jengo jidjindji jejo jiirile Yehova, kamutamalelaga. 7Mabila matene a akuda Kedari anerege gumana mwilamboni mwawo eto mabila a alombwana a akuda Nebayoti, anerege ulabani. Miyo nnerege rumela ira kaveleliwe mikuto vaibuwani vaga. Eto miyo nnerege titimiha nyumbaga mwemo munafwanyeya undimuwa waga. 8Kodi anna bani anaza eni kavavaga nnga mirambo eto nnga kangayiwa dadowaga munyumbani mwiwa? 9Na ibaribari atu a suwa ili yatene anerege diing'anela. Atu a Tarisi anaza kakale arandji fiya na mwadeya ira kaazena ahimawo anno kafwanyeya olapela wene. Eto anozana parata na oru muwari motitimiha nzina na Yehova Mulugu wenyu, wenno unafwanyeya agali Mulugu Otchena wa Izarayeli, tchoira liye uhuutitimiha.
10Atu a vilambo da unde anoza kamange muru wa sidadi yawo. Eto amwene ewa anoza kaulabege weyo. Tchoira miyo dohouoniha goyi mwa uwali waga, mbwenye mwa sayi daga nnouwendela tangaranga. 11Misuwo da sidadi yawo nnakalege dohuleya dene ntana na mahiyu, kadiza difungiwaga ira atu a vilambo datene kazegena wa weyo jorayela emule, kazaga na amwene ewa. 12Mwasiwa atu a ilambo ili yatene nari umwene uli watene, anno kahanafune ulaba weyo, anotolowa. Anagomela bwanyuliwa atenene.
13Matabwa a mitengo da faya, na da olimero, na da buxo, anno anafwanyeya kagali matabwa apama oiziweya a guguru ya Libano, anerege za wa weyo ira urihegena Nyumba yaga Yotchena. Eto miyo nnoza dititimihe nyumba yenno ili nimburo nnahela miyo manyalo aga. 14Eto ahima a atu anno kauzuzumihetcha anoza kaoramihege kove diwa vamentoni vawo eto ale kaulramwisetcha anoza kakokorege vamanyaloni vawo. Eto anoza kauitanege Sidadi ya Yehova, Siyawu wa Mulugu Otchena wa Izarayeli.
15Weyo wali olramwisiwa eto wali oidiwa na makalelo ohokala a masika, fiyeda ira kalivo avira wa weyo. Mbwenye mofutukula, miyo nnoza duulukulihe kala no kala eto nnouvaha hagalala wohomala malambo a mukalakala. 16Atu a vilambo dimohi na amwene ewa anerege uvaha jodja jawo nnga uli mwana owamwihiwa. Jaireya eno, unoza uiziwe ira miyo dili Yehova, Nvulusi wawo, Namawombola wawo, Mulugu wa Kopolo wa Jako. 17Vamalroni va mukuwa, miyo nnouzelana oru, vamalroni va momba miyo nnouzelana parata, vamalroni va matabwa miyo nnouzelana mukuwa eto vamalroni va mabwe miyo nnouzelana momba. Miyo nnosakanya ira mutongiwe mwa murendele eto musogolrelriwe no tonga wa ibaribari. 18Mwilamboni mwawo kamuza muvweleleya irelana ubure eto mwatene muvirile madilre awo kamuza mukala tolotchiwa, nne bwanyuliwa. Mbwenye unerege itana muru wa sidadi yawo na nzina na <<Vulusa.>> Eto milango dawo unaitanege na nzina na: <<Mutamalela Mulugu.>> 19Nzuwa kaniza nifuneyaga ira numoneyelege na ntana, nne mwedi kaza aumoneyelaga no wareya waye. Mbwenye Yehova unaza akale moneya wa mukalakala eto undimuwa wa Mulugu wawo unaza ukale wareya wawo. 20Nzuwa nawo kaniza nimalelagawo eto nne mwedi wawo kaza abidelraga, mwasiwa Yehova unaza akale moneya wawo kala no kala eto malambo awo okana kumbanya anoza kavire. 21Atu atene a nlogo nawo anoza kakale atu owongowa eto anoza kavahiwe ilambo ira ikale yewa kala no kala. Aliwa anoza kakale mitengo dedo dizanle miyo, mabasa dilabile miyo na mandaga ira miyo dititimihiwege. 22Atu a vang'ono anoza kakale 1.000 eto atu ogomiheda yeva anoza kakale nlogo na kopolo. Miyo dili Yehova, yafiya tempuwa nnoirana mobaranya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral