Izaiya 59
59
Gwana mulandu wa atu zela jotega jiwa
1Kavuruwanani! Ndanda na Yehova kahi ndanda nokwiva, hawandaga vulusa, nari. Eto nne kahi ira baruni waye uhugoma, liye hawandaga vwa, nari. 2Mbwenye jabure jenyu ti jejo jinaumwalanihani na Mulugu wenyu eto jotega jenyu ti jejo jinamutawiha Mulugu kove yaye wa nyo ira ahavwe jolobela jenyu. 3Mwasiwa manda enyu kohomala takalihiwa na sangiri eto jibuno jenyu jihimala takalihiwa na jotega. Milomo dinyu nnawonga jengo jonama eto nlumi nenyu nnakumiha mazu abure. 4Kalivo unavenda tongiwa mwa ibaribari, nne kalivo unadowa wonga ibaribari atongiwaga. Atene ananyindela jengo jewa johokana mabasa na jonama jewa. Aliwa anaumbuwela zelru dabure eto amala anairana joviringaniha jiwa. 5Anaburamela mazayi a namarawe eto analuwa nyumba ya radangwe. Mutu adja mazayi ewa unagomela kwa. Eto nzayi niwa nimohi natweya, munakuma mbobo. 6Nyumba da radangwe dedo nnaluwa atu kadinalaba yengo, nne para wara, nne para vikunelana. Mabasiwa matene ba mabasa otakala eto jatene jinalaba atu na mandiwa so ku irelana ubure bahi. 7Manyalo ewa anatamangelana irana ubure eto anabaranyela ira kavuvihe sangiri na mutu ohotega. Joumbuwela jiwa ti joumbuwela jotakala. Eto mwatene munavira atu mundulri muwa munafwanyeya bwanyuwa no nongeya. 8Ndila yozana murendele aliwa kiiziwile. Eto mowenda mwewa mwatene kamunafwanyeya matongelo a ibaribari. Mwatene munawenda atu ndila diwa nnafwanyeya dagali dogomba. Mutu wenne unahara ndila diwa wenda na murendele kaiziwile.
9Nona tonga wa ibaribari unafwanyeya olapela wene na hiyo. Kiliwo makalelo apama ananifwanya. Nnadediha ira moneya unifwanye, mbwenye kaing'anani, inanizela tchi isi. Eto nnadediha wareya, mbwenye nnawenda na mahiyu. 10Nnawambaselra matchihi nnga atu ohoona, nnga nili atu ohokana meso. Nnogwagwaduwa vari va midiya kalaga nnga nnawenda na mahiyu. Eto naafwanya atu otchatchuwa, nnakala nnga nili atu okwa. 11Hiyo atene ninnana nla nnga nguluwe ya mukokolani yamanga ratuwero. Eto ninnana dumbela malambo matene nnga kanga. Hiyo nnadediha tonga wa ibaribari, eto kunapateya. Eto nnadediha vulusa, mbwenye uli olapela wene na hiyo. 12Mwasiwa jotakala jehu jinawendjedeya vamentoni venyu Yehova eto jotega jehu jinonimanga mulandu. Mwasiwa joviringaniha jehu jinafwanyeyave na hiyo eto hiyo nihiiziwa jotega jehu. 13Hiyo nnoviringaniha malamulo aye, nnowonga mazu onama zela Yehova, nnomuhiya Mulugu wehu, nnowonga mazu odjelra na mazu okonda tongiwa, niwongaga mazu onama anaumbuwela hiyo mmirimani mwehu. 14Nona tonga wa ibaribari uwelelaga mundulri eto makalelo matene apama kakalaga olapela wene na hiyo. Mwasiwa ibaribari imala gwagwaduwa vanagumana hiyo eto makalelo matene owongowa kinawanda za volowa mwa hiyo. 15Ibaribari ihifiyeda dimela wene, kinaoneya. Eto mutu wenno unavenda rambela jabure, unavenda joharahariwa.
Mulugu unozana vulusiwa
Mwa eno, Yehova uhuona ira kuli tonga wa ibaribari. Yenno yali yengo yotakala vamentoni vaye. 16Eto Yehova agaonne ira kalivo mutu owanda nivunela, kaziveliwile. Na mwasa wenno, muwono waye uhuzana vulusa wewo wafunile liye, eto wongowa waye wohomuvaha kopolo. 17Liye ohowara makalelo owongowa kalaga nnga kamiza dokana magoru a mukuwa eto ohowara kapaseti ovulusa mmuruni mwaye na jowara jowelihana kunyakunya. Eto ohovikunela no jamo waye undimuwa nnga mutu avikunelaga na kapa. 18Liye unoza aawelihede amwidanaye kunyakunya molingana na makalelo matene kamwirele atu. Unoza aaonihe uwali atene kamuharahara eto unoza aavahe amwidanaye yotambilra yewa. Atu anakala suwa datene da bara anoza kakayena yotambilra yewa. 19Jaireya eno, roma makumelo wa nzuwa dowa mavirelo wa nzuwa kokalawo atu anafuna kaove nzina na Yehova na undimuwa waye. Tchoira liye unaza aze nnga muhindje otamanga na kopolo, ondunyiwa na Munemba wa Yehova. 20Yehova unawonga ira: <<Namawombola unoza aze Siyawu ira aawombole Ana Jako anno anahiye jabure jinaira atu.>>
21Eto Yehova unawonga ira: <<Miyo nnoza disakanye yopangana yaga na aliwa. Yopanganiwa tchi ila: Munemba waga wenno unafwanyeya mwa nyo, na mazwaga anno dihenle miyo vamulomoni venyu, kiza kakumagavo vamulomoni venyu nari vamulomoni va ahiminyu nari ahiminyu ahimiwa, kuma peno fiyeda malambo a mukalakala.>> Unawonga gu Yehova.
လက္ရွိေရြးခ်ယ္ထားမွု
Izaiya 59: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 59
59
Gwana mulandu wa atu zela jotega jiwa
1Kavuruwanani! Ndanda na Yehova kahi ndanda nokwiva, hawandaga vulusa, nari. Eto nne kahi ira baruni waye uhugoma, liye hawandaga vwa, nari. 2Mbwenye jabure jenyu ti jejo jinaumwalanihani na Mulugu wenyu eto jotega jenyu ti jejo jinamutawiha Mulugu kove yaye wa nyo ira ahavwe jolobela jenyu. 3Mwasiwa manda enyu kohomala takalihiwa na sangiri eto jibuno jenyu jihimala takalihiwa na jotega. Milomo dinyu nnawonga jengo jonama eto nlumi nenyu nnakumiha mazu abure. 4Kalivo unavenda tongiwa mwa ibaribari, nne kalivo unadowa wonga ibaribari atongiwaga. Atene ananyindela jengo jewa johokana mabasa na jonama jewa. Aliwa anaumbuwela zelru dabure eto amala anairana joviringaniha jiwa. 5Anaburamela mazayi a namarawe eto analuwa nyumba ya radangwe. Mutu adja mazayi ewa unagomela kwa. Eto nzayi niwa nimohi natweya, munakuma mbobo. 6Nyumba da radangwe dedo nnaluwa atu kadinalaba yengo, nne para wara, nne para vikunelana. Mabasiwa matene ba mabasa otakala eto jatene jinalaba atu na mandiwa so ku irelana ubure bahi. 7Manyalo ewa anatamangelana irana ubure eto anabaranyela ira kavuvihe sangiri na mutu ohotega. Joumbuwela jiwa ti joumbuwela jotakala. Eto mwatene munavira atu mundulri muwa munafwanyeya bwanyuwa no nongeya. 8Ndila yozana murendele aliwa kiiziwile. Eto mowenda mwewa mwatene kamunafwanyeya matongelo a ibaribari. Mwatene munawenda atu ndila diwa nnafwanyeya dagali dogomba. Mutu wenne unahara ndila diwa wenda na murendele kaiziwile.
9Nona tonga wa ibaribari unafwanyeya olapela wene na hiyo. Kiliwo makalelo apama ananifwanya. Nnadediha ira moneya unifwanye, mbwenye kaing'anani, inanizela tchi isi. Eto nnadediha wareya, mbwenye nnawenda na mahiyu. 10Nnawambaselra matchihi nnga atu ohoona, nnga nili atu ohokana meso. Nnogwagwaduwa vari va midiya kalaga nnga nnawenda na mahiyu. Eto naafwanya atu otchatchuwa, nnakala nnga nili atu okwa. 11Hiyo atene ninnana nla nnga nguluwe ya mukokolani yamanga ratuwero. Eto ninnana dumbela malambo matene nnga kanga. Hiyo nnadediha tonga wa ibaribari, eto kunapateya. Eto nnadediha vulusa, mbwenye uli olapela wene na hiyo. 12Mwasiwa jotakala jehu jinawendjedeya vamentoni venyu Yehova eto jotega jehu jinonimanga mulandu. Mwasiwa joviringaniha jehu jinafwanyeyave na hiyo eto hiyo nihiiziwa jotega jehu. 13Hiyo nnoviringaniha malamulo aye, nnowonga mazu onama zela Yehova, nnomuhiya Mulugu wehu, nnowonga mazu odjelra na mazu okonda tongiwa, niwongaga mazu onama anaumbuwela hiyo mmirimani mwehu. 14Nona tonga wa ibaribari uwelelaga mundulri eto makalelo matene apama kakalaga olapela wene na hiyo. Mwasiwa ibaribari imala gwagwaduwa vanagumana hiyo eto makalelo matene owongowa kinawanda za volowa mwa hiyo. 15Ibaribari ihifiyeda dimela wene, kinaoneya. Eto mutu wenno unavenda rambela jabure, unavenda joharahariwa.
Mulugu unozana vulusiwa
Mwa eno, Yehova uhuona ira kuli tonga wa ibaribari. Yenno yali yengo yotakala vamentoni vaye. 16Eto Yehova agaonne ira kalivo mutu owanda nivunela, kaziveliwile. Na mwasa wenno, muwono waye uhuzana vulusa wewo wafunile liye, eto wongowa waye wohomuvaha kopolo. 17Liye ohowara makalelo owongowa kalaga nnga kamiza dokana magoru a mukuwa eto ohowara kapaseti ovulusa mmuruni mwaye na jowara jowelihana kunyakunya. Eto ohovikunela no jamo waye undimuwa nnga mutu avikunelaga na kapa. 18Liye unoza aawelihede amwidanaye kunyakunya molingana na makalelo matene kamwirele atu. Unoza aaonihe uwali atene kamuharahara eto unoza aavahe amwidanaye yotambilra yewa. Atu anakala suwa datene da bara anoza kakayena yotambilra yewa. 19Jaireya eno, roma makumelo wa nzuwa dowa mavirelo wa nzuwa kokalawo atu anafuna kaove nzina na Yehova na undimuwa waye. Tchoira liye unaza aze nnga muhindje otamanga na kopolo, ondunyiwa na Munemba wa Yehova. 20Yehova unawonga ira: <<Namawombola unoza aze Siyawu ira aawombole Ana Jako anno anahiye jabure jinaira atu.>>
21Eto Yehova unawonga ira: <<Miyo nnoza disakanye yopangana yaga na aliwa. Yopanganiwa tchi ila: Munemba waga wenno unafwanyeya mwa nyo, na mazwaga anno dihenle miyo vamulomoni venyu, kiza kakumagavo vamulomoni venyu nari vamulomoni va ahiminyu nari ahiminyu ahimiwa, kuma peno fiyeda malambo a mukalakala.>> Unawonga gu Yehova.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral