Izaiya 61
61
Vulusiwa unafuna za sogolro
1Munemba wa Nabwiya Yehova uli na miyo. Mwasiwa Yehova udihambihile ira daalaleye Muselu Wapama aliba simela. Udirumile ira diwande avulumutcha anno anafwanyeyana kukumuwa mmirimani mwewa, daalaleye kutchiwa atu anno kamangiwe eto ira diwande ahulela anno kafungeliwe mukadeya.#61:1 diwande ahulela anno kafungeliwe mukadeya: Aliba fungeliwa anawongiwa anafwanyeya kadeya ya ilambo ya vati. Ba atu anne anafwanyeya pipiri pipiri muisini, kahanna ibaribari zela Yesu. Mulugu aaona unaaona ira kohomala fungeliwa mukadeya, kohomala mangiwa ira kahawande kana ibaribari. Yesu ohowonga ira maliba avulumutcha atu unafwanyeya muwari mwa mazwala gu liyene. Lukaji 4:21. 2Eto udirumile ira dilaleye yaka ya sayi da Yehova na siku nnafuna Mulugu wehu aweliheda kunyakunya amwidanaye. Eto udirumile ira daadidilihe murima anne anawenda okumbanyene. 3Eto atu a Siyawu anno anafwanyeyana kumbanya, daavahe tchapowa oriya vamalroni va ndora nili mmuruni muwa. Eto daavahe makura ohagalala vamalroni va kuto inna atu, daavahe jowara ja vapwandoni yomutamalela Mulugu vamalroni va minemba dokumbanya dinna atu. Aliwa magomelo wa jatene jeji anaitaniwege mitengo da upama nari jozala ja Yehova ira nzina naye nititimihiwege. 4Aliwa anoza kamange madebe a wanle eto anoza kavenyihede akoka tatamo dabwanyuliwe wanle eto anoza kavenyihede sidadi dedo dagwile, dedo dafwanyeya dagali dobwanyuwa dene yaka didjindji dene.
5Jifuwo jenyu nnaza dikumbuziwege na atu a unde eto atu oza banaulimelegeni minda denyu da jodja vamohi na minda denyu da uva. 6Mbwenye nyo munaitaniwege anamakuta a Yehova eto anerege uitanani asogolrelri a Mulugu wehu. Munerege dja jorayela ja atu a vilambo dimohi eto munerege vititimiha na yenno yatitimihiwana atu. 7Vamalroni vonyaswihiwa watene wanna nyo, munoza mukayena titimihiwa fendo mbinli. Vamalroni voluluvihiwa, munoza mukayena hagalala zela ilambo ivahiwe nyo. Nona mwilamboni mwenyu munoza muwatchele relihiwa fendo mbinli eto munoza mukayena hagalala wohomala. 8Mwasiwa miyo Yehova, nnaziveliwa tonga wa ibaribari eto nnoida joba na jabure jatene. Muwari mororomeleya waga, nnoza daatambilrihe eto nnoza disakanye yopangana yohomala na aliwa. 9Ahimiwa a musogolro anoza kaiziweye na atu amohiwa, eto azuliwa anoza kaiziweye na atu a vilambo dimohi diwa. Eto atu atene anaaonege, anerege aiziwa ira ba atu orelihiwa na Yehova.
10Nnoza dikayena hagalala ulukulu mwa Yehova. Ingumi yaga inohagalala mwa Mulugu waga. Mwasiwa vulusa udivahile liye unakala nnga jowara eto wongowa udivahile liye unodikunela nngave kapa. Dili nnga muteli avisakanyedaga pama, apotaga murwaye eto nnga namateliwa aviriyihaga pama na jengo joriya jinawara liye. 11Tchoira Nabwiya Yehova unoza azihe tonga wa ibaribari no mutamalela vari va atu a vilambo datene nnga jini teya yamelaga mpinda muxa, eto nnga munda amelaga jejo jizaliwemo.
လက္ရွိေရြးခ်ယ္ထားမွု
Izaiya 61: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 61
61
Vulusiwa unafuna za sogolro
1Munemba wa Nabwiya Yehova uli na miyo. Mwasiwa Yehova udihambihile ira daalaleye Muselu Wapama aliba simela. Udirumile ira diwande avulumutcha anno anafwanyeyana kukumuwa mmirimani mwewa, daalaleye kutchiwa atu anno kamangiwe eto ira diwande ahulela anno kafungeliwe mukadeya.#61:1 diwande ahulela anno kafungeliwe mukadeya: Aliba fungeliwa anawongiwa anafwanyeya kadeya ya ilambo ya vati. Ba atu anne anafwanyeya pipiri pipiri muisini, kahanna ibaribari zela Yesu. Mulugu aaona unaaona ira kohomala fungeliwa mukadeya, kohomala mangiwa ira kahawande kana ibaribari. Yesu ohowonga ira maliba avulumutcha atu unafwanyeya muwari mwa mazwala gu liyene. Lukaji 4:21. 2Eto udirumile ira dilaleye yaka ya sayi da Yehova na siku nnafuna Mulugu wehu aweliheda kunyakunya amwidanaye. Eto udirumile ira daadidilihe murima anne anawenda okumbanyene. 3Eto atu a Siyawu anno anafwanyeyana kumbanya, daavahe tchapowa oriya vamalroni va ndora nili mmuruni muwa. Eto daavahe makura ohagalala vamalroni va kuto inna atu, daavahe jowara ja vapwandoni yomutamalela Mulugu vamalroni va minemba dokumbanya dinna atu. Aliwa magomelo wa jatene jeji anaitaniwege mitengo da upama nari jozala ja Yehova ira nzina naye nititimihiwege. 4Aliwa anoza kamange madebe a wanle eto anoza kavenyihede akoka tatamo dabwanyuliwe wanle eto anoza kavenyihede sidadi dedo dagwile, dedo dafwanyeya dagali dobwanyuwa dene yaka didjindji dene.
5Jifuwo jenyu nnaza dikumbuziwege na atu a unde eto atu oza banaulimelegeni minda denyu da jodja vamohi na minda denyu da uva. 6Mbwenye nyo munaitaniwege anamakuta a Yehova eto anerege uitanani asogolrelri a Mulugu wehu. Munerege dja jorayela ja atu a vilambo dimohi eto munerege vititimiha na yenno yatitimihiwana atu. 7Vamalroni vonyaswihiwa watene wanna nyo, munoza mukayena titimihiwa fendo mbinli. Vamalroni voluluvihiwa, munoza mukayena hagalala zela ilambo ivahiwe nyo. Nona mwilamboni mwenyu munoza muwatchele relihiwa fendo mbinli eto munoza mukayena hagalala wohomala. 8Mwasiwa miyo Yehova, nnaziveliwa tonga wa ibaribari eto nnoida joba na jabure jatene. Muwari mororomeleya waga, nnoza daatambilrihe eto nnoza disakanye yopangana yohomala na aliwa. 9Ahimiwa a musogolro anoza kaiziweye na atu amohiwa, eto azuliwa anoza kaiziweye na atu a vilambo dimohi diwa. Eto atu atene anaaonege, anerege aiziwa ira ba atu orelihiwa na Yehova.
10Nnoza dikayena hagalala ulukulu mwa Yehova. Ingumi yaga inohagalala mwa Mulugu waga. Mwasiwa vulusa udivahile liye unakala nnga jowara eto wongowa udivahile liye unodikunela nngave kapa. Dili nnga muteli avisakanyedaga pama, apotaga murwaye eto nnga namateliwa aviriyihaga pama na jengo joriya jinawara liye. 11Tchoira Nabwiya Yehova unoza azihe tonga wa ibaribari no mutamalela vari va atu a vilambo datene nnga jini teya yamelaga mpinda muxa, eto nnga munda amelaga jejo jizaliwemo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral