Izaiya 58
58
Jejuwari wa ibaribari
1Yehova Mulugu gunawonga ira: <<Ukuwe na kopolo datene, mohomiyala. Ukuwe valukulu movweya kalaga nnga palraza. Waawandele mulogo waga viringaniha wewa eto waawandele ahima a Jako zela jotega jewa. 2Fwanyeya ira aliwa anodivenda malambo matene, anovenda joiziwa ndila yaga, kalaga nnga ba atu oirana japama, kalaga nnga kahi atu oviringaniha matongelo a Mulugu wewa. Eto aliwa anodivepa ira daavahe matongelo a upama eto anovenda jodikwivela miyo Mulugu. 3Anafuka ira: <Kodi hiyo nnajejuwarelege nni agali nyo kamunaniona? Kodi mwasiwa gwa nni nnakwelege hiyo ndala agali nyo kamunanibalra?> Mbwenye miyo nnoawakula ira nyo malambo ojejuwari munairana jofuna jenyu eto munoazuzumiha anamalabinyu atene. 4Kaing'anani, nyo mbwenye mwajejuwarigi jolobela jenyu kajinafiya zulu, mwasiwa mwajejuwarigi munofwanyeyana kangana, wanawana eto mwa ubure wenyu munofiyeda bubudanaga na maxoko. 5Kodi makalelo ojejuwari anafuna miyo banno? Kodi makalelo anafuna miyo ira mutu akayena siku noviyeviha banno? Kodi miyo nnoziveliwa muona mutu agamanle futamiha nikohi naye nnga murere ondunyiwa na nipevo, liye tanda sakwi, helavo ndora amala agarativo? Kodi nyo mwairaga eno munaumbuwela ira muhujejuwari? Kodi munaumbuwela ira Yehova uziveliwa mabasa mulabile nyo?
6<<Miyo mbwenye jejuwari unafuna miyo ira mujejuwarigi ili ira muwande atapula atu anne kamangiwe kahategileve yengo eto muwande arula mitolro dikapatchihiwe atu muuzarini muwa eto muwande akutcha atu anne anazuzumihiwa eto mumalihe uzari uli watene. 7Jejuwari unafuna miyo, nnafuna ira muwande meya pawu denyu vamohi na mutu wenne unna ndala eto muwandege awatchela mmavande mwenyu atu osimela kahanna vokala eto mwamuona mutu wenne ahanna jowara, muwande nvaha jowara eto mwaaona atu afwinyu anafwanyeyana makatamiho, mwahavitale ira mwahaoniwe. 8Mwagairile eno, wareya unafuna nyo kana unokala nnga nzuwa nakumaga eto vulumuwa wenyu unoza mobaranya. Upama wenyu unokala vasogolro venyu eto undimuwa wa Yehova unoubarelani unduli wenyu. 9Evale mwadiitana miyo dagali Yehova, nnoukamihedani. Eto mwakuwa wa miyo, miyo nnouwakulani ira: <Miyo dili vano!> Eto mwawanda kumihavo uzari vari venyu eto mwawanda kumihavo tonya otutcha eto mwawanda kumihavo wonga ubure, 10eto mwawanda tukula jodja jinna nyo mwaavaha atu okana ndala, eto mwamaliha makatamiho a aliba zuzuma, era eno, wareya wenyu unomoneya isini. Eto isi yenyu inafwanyeyana nyo inosanduwa ikale nnga midiya. 11Eto fwanyeya ira miyo Yehova nnerege usogolrelrani tempu yatene. Masiki mwagali mukokolani mwemo mwahali yengo, miyo nnerege maliha makatamiho enyu eto nnouvahani kopolo. Nyo munakalege nnga munda unaregariwa malambo matene eto munakalege nnga isime yokana mahindje owenda yenno yahanaumma. 12Eto munerege venyiheda madebe anne kagwile wanle eto munerege venyiheda maaliserisi a nyumba da makolo a wanle bure. Eto munaitaniwege aliba manga vabwanyuliwe eto munaitaniwege aliba sakanyeda marampa a wanle ira atu kamangegemo mavande.
13<<Eto mwawanda rambela wenda bure na sabado, mwahiya hinda jofuna jenyu siku notchena naga eto mwawanda itana sabado siku no hagalala, eto siku notchena na Yehova eto siku nofwanela rihediwa, mwawanda niriheda, mwahakale atu ohara ndila denyu eto mwahakale atu ohinda jofuna jenyu siku neno, nne mwahawongege mazu ohokana sogolro uwa siku na sabado, 14mwera eno, munerege fwanya hagalala mwa miyo Yehova eto miyo nnosakanya ira nyo muwande gondjiha jorutcha jatene jinafwanyeya mwilamboni ya vati eto miyo nnerege uvahani ira mudjege japama ja ilambo invahile miyo nikolo ninyu Jako, mwasiwa unawonga gu miyo Yehova.>>
လက္ရွိေရြးခ်ယ္ထားမွု
Izaiya 58: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 58
58
Jejuwari wa ibaribari
1Yehova Mulugu gunawonga ira: <<Ukuwe na kopolo datene, mohomiyala. Ukuwe valukulu movweya kalaga nnga palraza. Waawandele mulogo waga viringaniha wewa eto waawandele ahima a Jako zela jotega jewa. 2Fwanyeya ira aliwa anodivenda malambo matene, anovenda joiziwa ndila yaga, kalaga nnga ba atu oirana japama, kalaga nnga kahi atu oviringaniha matongelo a Mulugu wewa. Eto aliwa anodivepa ira daavahe matongelo a upama eto anovenda jodikwivela miyo Mulugu. 3Anafuka ira: <Kodi hiyo nnajejuwarelege nni agali nyo kamunaniona? Kodi mwasiwa gwa nni nnakwelege hiyo ndala agali nyo kamunanibalra?> Mbwenye miyo nnoawakula ira nyo malambo ojejuwari munairana jofuna jenyu eto munoazuzumiha anamalabinyu atene. 4Kaing'anani, nyo mbwenye mwajejuwarigi jolobela jenyu kajinafiya zulu, mwasiwa mwajejuwarigi munofwanyeyana kangana, wanawana eto mwa ubure wenyu munofiyeda bubudanaga na maxoko. 5Kodi makalelo ojejuwari anafuna miyo banno? Kodi makalelo anafuna miyo ira mutu akayena siku noviyeviha banno? Kodi miyo nnoziveliwa muona mutu agamanle futamiha nikohi naye nnga murere ondunyiwa na nipevo, liye tanda sakwi, helavo ndora amala agarativo? Kodi nyo mwairaga eno munaumbuwela ira muhujejuwari? Kodi munaumbuwela ira Yehova uziveliwa mabasa mulabile nyo?
6<<Miyo mbwenye jejuwari unafuna miyo ira mujejuwarigi ili ira muwande atapula atu anne kamangiwe kahategileve yengo eto muwande arula mitolro dikapatchihiwe atu muuzarini muwa eto muwande akutcha atu anne anazuzumihiwa eto mumalihe uzari uli watene. 7Jejuwari unafuna miyo, nnafuna ira muwande meya pawu denyu vamohi na mutu wenne unna ndala eto muwandege awatchela mmavande mwenyu atu osimela kahanna vokala eto mwamuona mutu wenne ahanna jowara, muwande nvaha jowara eto mwaaona atu afwinyu anafwanyeyana makatamiho, mwahavitale ira mwahaoniwe. 8Mwagairile eno, wareya unafuna nyo kana unokala nnga nzuwa nakumaga eto vulumuwa wenyu unoza mobaranya. Upama wenyu unokala vasogolro venyu eto undimuwa wa Yehova unoubarelani unduli wenyu. 9Evale mwadiitana miyo dagali Yehova, nnoukamihedani. Eto mwakuwa wa miyo, miyo nnouwakulani ira: <Miyo dili vano!> Eto mwawanda kumihavo uzari vari venyu eto mwawanda kumihavo tonya otutcha eto mwawanda kumihavo wonga ubure, 10eto mwawanda tukula jodja jinna nyo mwaavaha atu okana ndala, eto mwamaliha makatamiho a aliba zuzuma, era eno, wareya wenyu unomoneya isini. Eto isi yenyu inafwanyeyana nyo inosanduwa ikale nnga midiya. 11Eto fwanyeya ira miyo Yehova nnerege usogolrelrani tempu yatene. Masiki mwagali mukokolani mwemo mwahali yengo, miyo nnerege maliha makatamiho enyu eto nnouvahani kopolo. Nyo munakalege nnga munda unaregariwa malambo matene eto munakalege nnga isime yokana mahindje owenda yenno yahanaumma. 12Eto munerege venyiheda madebe anne kagwile wanle eto munerege venyiheda maaliserisi a nyumba da makolo a wanle bure. Eto munaitaniwege aliba manga vabwanyuliwe eto munaitaniwege aliba sakanyeda marampa a wanle ira atu kamangegemo mavande.
13<<Eto mwawanda rambela wenda bure na sabado, mwahiya hinda jofuna jenyu siku notchena naga eto mwawanda itana sabado siku no hagalala, eto siku notchena na Yehova eto siku nofwanela rihediwa, mwawanda niriheda, mwahakale atu ohara ndila denyu eto mwahakale atu ohinda jofuna jenyu siku neno, nne mwahawongege mazu ohokana sogolro uwa siku na sabado, 14mwera eno, munerege fwanya hagalala mwa miyo Yehova eto miyo nnosakanya ira nyo muwande gondjiha jorutcha jatene jinafwanyeya mwilamboni ya vati eto miyo nnerege uvahani ira mudjege japama ja ilambo invahile miyo nikolo ninyu Jako, mwasiwa unawonga gu miyo Yehova.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral