Izaiya 46
46
Yehova gu Mulugu wa ibaribari
1Muing'ane, mulugu wewa unaitaniwa Beli uhumala oramela vati eto mulugu wewa Nebo uhumala gwa. Vikwamutu josema ja akuda Babiloniya jili vaburuni eto vang'ombeni. Jeji jatukula nyo nyoka na manda moriheda, peno jinatukuliwa, kalaga mitolro donyemela vamitanani va anavinyama owaheya. 2Amilugu anaworama eto anagwa vati vamohi. Kiza kawanda vivulumutcha ira kafiye mwapama. Aliwa anatukuliwa na amwidani, dowiwagana ilambo imohiwene.
3Mudivwele nyo atu a nlogo na Jako, nyo mwatene muhanle a nlogo na aIzarayeli. Miyo dazave dukalihagani roma wahanabaliwe wagalive mbani mwa mmawo ante siku nabaliwe we, 4fiyeda nyo kana idadi ilukulu, nyo kagana mbwi gu miyo unautukulani. Miyo guusakannyeni eto nnoza duukapatcheni eto nnoza dutukuleni eto nnoza duuvuluseni. 5Kodi nyo munadifwalrafwaniha na ani ira liye ufiya vili miyo? Eto nyo munadilinganiha na ani ira liye uli sawasawa na miyo? 6Atu amohiwa anahula pasta diwa, aliwa kumihamo oru. Anatukula parata, aliwa pima vabalansani viwa. Aliwa anamuwongana mesilri ohana, liye asakanyedela amilugu. Nomala eno, anoikokorela, aliwa ilobelelaga. 7Anatukula mmafudini muwa, aliwa kapatcha, dowa goromeya vanimburoni viwa, aliwa kala vevo. Kinawanda susavo vahiyiwe atu vale. Mutu adowa alobelela mokuwa, liye kanawakula eto kanawanda maliha makatamiho a maliba lobela.
8Muumbuwele eji eto muimele pama. Mutulele pama nyo atu okonda tongiwa nyo. 9Muumbuwele jaireyile wanle. Tchoira miyo dili Mulugu. Kalivo mmohiwa. Na ibaribari Mulugu gu miyo eto kalivo uli nnga miyo. 10Miyo dohovayela wonga ja magomelo kuma voroma vene. Roma wanle dohowonga ja sogolro jali jahanaireyeve. Miyo dohowonga ira: <<Inaumbuwela miyo kinaimwanana ireya. Nnoza diirena jatene jinafuna miyo irana.>> 11Nnomuitana mutu unakala ilambo yolapela pandi ya makumelo wa nzuwa. Mutule unoza nnga kakozi eto liye unokwakwaneliheda jatene jinafuna miyo. Miyo dohowonga eto miyo nnosakanya ira jiireye. Miyo dohofuna eto nnoirana.
12Mudivuruwane nyo atu oumma mirima nyo, nyo muli olapela wene na upama. 13Miyo nnozana vakwikwive upama waga. Kulapenle. Vulusa waga kunadibeliwa. Miyo nnohela vulusa waga muwari mwa Siyawu eto nnohela undimuwa waga muwari mwa aIzarayeli.
လက္ရွိေရြးခ်ယ္ထားမွု
Izaiya 46: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral