Likezo 9
9
1Ilaŋa Sawulu hakwonashanina nikufunyina atumbanji twaMwanta jawubanji; hakuya kudi kapristu muneni, 2hakulomba nyikandayakuya nachu kumashikola akuDamakasa, kulonda neyi wakawana akwaNjila amakwawu, hela amayala hela ambanda, akayileti kuYerusalema munyonji. 3Chadiŋi nakwendayi hakuya nakushi ka kuDamakasa, kukasumuka hikukumutoŋekela chejeji chakufuma mwiwulu kwi-ndo. 4Hakudimbuka heseki, hakutiya izu dikumwila nindi, Eyi Sawulu, Sawulu, wankabishilaŋadi? 5Sawulu nindi, Yeyinyi Mwanta? Mwanta nindi, Yami Yesu wakabishaŋa. 6Nyamukaku, wiŋili muŋanda, akakuleji muwukwila. 7Amayala endeliyi nawu hiyakwimana, jinayikaŋi dehi jakuhosha, anatiyi kwezu hohu, kumona muntu nehi. 8Sawulu hakunyamuka hamaseki; nindi atoni, kumona chuma nehi. Hiyakumukwata kuchikasa, hiyakumutwala muDamakasa. 9Hakwikala mafuku asatu chakadi kumona; kudya hela kunwa nehi.
10MuDamakasa mwadiŋi kambanji wumu, ijina dindi Ananiya. Mwanta hakumwila muchimwenu nindi, Eyi Ananiya. Yena nindi, Yamonu Mwanta. 11Mwanta hakumwila nindi, Nyamukaku, wuyi kumukwakwa wukweti ijina daWoloka, mwihuli muntu mwitala daYuda, ijina dindi Sawulu wakuTarusa; muloŋa wudi nakulomba. 12Niyena namoni muchimwenu iyala, ijina dindi Ananiya, hakwijila mwadiyi yena, hakumunaŋika makasa kulonda amoni. 13Ilaŋa Ananiya hakwakula nindi, Eyi Mwanta, iwu iyala namutiyi kudi antu amavulu, mwanakoŋiyi antu eyi ajila kuYerusalema chatama; 14nikunu wukweti Ŋovu jatambulayi kudi awakulumpi jawatupristu, kulonda kukasa antu ejima akatambika ijina deyi. 15Ilaŋa Mwanta hakumwila nindi, Yaŋa kweyi; yena hinsaba yinatondi ami aweni, kulonda atwali ijina dami kudi aJentili, nikudi anyanta ankanu, nikudi aIsarela. 16Muloŋa ami nukumuleja yuma yayivulu yakakabayi, yakukoola ijina dami. 17Ananiya hakuya, hakwijila mwitalodu. Hakumunaŋika makasa nindi, Eyi mana kwami Sawulu, Mwanta Yesu, wamwekana kudeyi munjila yiwenzaŋa, nantemeshi kulonda wumoni, winzali Spiritu Wajila. 18Hohenohu kumesu indi kuholoka niyuma yidi neyi makálu, amona nikumona. Hakunyamuka, hiyakumupapatisha. 19Hakutambula yakudya, akwata niŋovu. Hakushakama mafuku nawatumbanji adiŋi kuDamakasa. 20Hohenohu hakushimuna nsaŋu yaYesu mumashikola, nindi hiMwana kaNzambi. 21Ejima amutiyili hiyakuhayama nawu, Hidiyi wakabishilaŋa muYerusalema antu atambikaŋa ŋiniduku? Nsaŋu yanenjiliyi kunu yoyu yakuyitwala munyonji kudi awakulumpi jawatupristu. 22Ilaŋa Sawulu hakusweja Ŋovu, hakuyibayisha aYudeya ashakamini kuDamakasa, nakushimuna chakashinshi nindi chalala iwu diyi Kristu.
23Chimunahiti dehi mafuku amavulu, aYudeya hiyakushakama hampùŋa yakumujaha. 24Mpuŋoyu hiyakuyiluka kudi Sawulu. Hiyakuhemba kuyisu nimwaana niwufuku kulonda amujahi. 25Ilaŋa tumbanji hiyakumutwala nawufuku, hiyakumuhanwisha mumpwembu nakumuzelumuna muchimpaya.
26Chanashikiyi kuYerusalema hakweseka kudibomba nawatumbanji. Wejima wawu hiyakumutiya woma, hiyakutadika nawu hikambanjuku. 27Ilaŋa Baranaba hakumutambula, hakumutwala kudi apostolu, hakuyileja chanamoniyi Mwanta munjila, nichanahoshiyi Mwanta nayena, nichanashimuniyi ijina daYesu kuDamakasa chakadi woma. 28Hakwikala nawu kuYerusalema; hakukimbukaŋa nawu, hakwijila ŋa nakwidikaŋa hamu nawu. 29Hakushimuna ijina daMwanta chakadi woma; hakuhosha nakutadika nawaYudeya awaHeleni, wena hiyakweseka kumujaha. 30Chanachilukuwu ana kwindi hiyakumu kunkumwisha kuKesareya, hiyakumutemesha kuTarusa.
31Mwahita Yudeya mwejima nimuŊaliliya nimuSamariya, chipompelu hichikumona kuwunda, hichikudituŋa, hichikwenda nawoma waMwanta, nikuyikundeja kudi Spiritu Wajila, hichikusemwaŋana.
32Chadiŋi nakukimbukayi Petulu kwejima, hakushika nikudi akwakujila ashakama kuLida. 33Kwenoku hakumona muntu wumu, ijina dindi Eneya, wakama dehi hakadidi kindi nyaka yitanu nayisatu; muloŋa wadiŋi wakata kaleŋa. 34Petulu hakumwila nindi, Eyi Eneya, Yesu Kristu hakukukolesha; hindukaku, alaku kadidi keyi. Ahinduka nihohenohu. 35Ejima ashakama kuLida nimuSharoni hiyakumumona, hiyakubalumukila kudi Mwanta. 36Woho, kuYopa kwadiŋi kambanji wumu, ijina dindi Tabita, daya mukwila nawu Dokasi; yenowu mumbanda waswejeli nyidimu yayiwahi, niyuma yaluwi yeliliyi. 37Hamafuku awa hakukata hakufwa. Chanamuweleshuwu, hiyakumukamika mwitala dahewulu. 38KuLida kwadiŋi kwakwihi naYopa; dichi atumbanji, chanatiyuwu nawu Petulu wudi kuLida, hiyakutemeshaku amayala ayedi nakumulembelela nawu, Bayi wulaba kwinzaku. 39Petulu hakunyamuka hakuya nawu. Chanashikiyi, hiyakumutwala mwitalodu dahewulu. Ambanda anfwila ejimahiyakwimana kwakwihi nayena nakudila, nakumulejaleja yi kovwelu niyuma yakuvwala yachiminiyi Dokasi hachidiŋiyi nawu. 40Petulu hakuyiidishamu wejima wawu, hakufukama nakulomba. Hakubalumuka nakutala kudi mufu nindi, Eyi Tabita, hindukaku. Atona nikutona. Chanamoniyi Petulu, Tabita hakushakama. 41Petulu hakumwinka chikasa chindi, hakumuhindwisha. Hakutambika akwakujila nawambanda anfwila, hakuyinkayi wamumi. 42Hichikutiyakana muYopa mwejima; amavulu hiyakumwitiya Mwanta. 43Petulu hakushakama muYopa mafuku amavulu kwamuntu ijina dindi Shimona, mukwakuloomba yitembi.
လက္ရွိေရြးခ်ယ္ထားမွု
Likezo 9: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.