Likezo 14
14
1MuIkoniyumu hiyakwijila mwayedi wawu mushikola yawaYudeya, hiyakuhosha chakwila niizaza dawaYudeya nidawaHeleni dadeni hiyakwitiya. 2Hakwila aYudeya, abulili kwovwahilamu, hiyakusaŋumuna aJentili kulonda atiyi ana kwetu kutama. 3Dichi hiyakulabila kwenoku mafuku amavulu nakuhosha mudi Mwanta chakadi woma; Mwanta hakukolesha wunsahu wamazu aluwi lwindi; hakwiteja kukoŋa yinjikijilu niyihayamisha namakasawu. 4Izaza damuŋandoyu hidikwambuka; awa nakukundamena aYudeya, awa nakukundamena apostolu, 5Chanayilotokeluwu kudi aJentili nawaYudeya, hamu nawanyuli jawu, nawu ayikoŋi apostolu chatama, ayasoli malola, 6hiyakuchiluka, hiyakutemukila kuŋanda jamuLikoniya, jojaLisitira naDeribi, nikwituŋa danyeŋumukaku; 7hiyakushimuna nsaŋu yayiwahi kwenoku.
8KuLisitira kwadiŋi iyala wabula Ŋovu kunyendu, kanda endaŋahu dehi kufumisha havwalikiliyi. 9Yenowu hakutiya mwadiŋi nakuhoshayi Pawulu. Pawulu hakumushinshika swi-i, hakumumona nindi wukweti kukuhwelela kwakukola; 10hakuhosha nezu daŊovu nindi, Imanaku zululu. Yotakumuka nikutakumuka, enda nikwenda. 11Mazaza awantu, chanamonuwu chuma chaneliyi Pawulu, hiyakubidika mwidimi ŋalikoniya nawu, Akishi anatusulukili nanyijimba yafwana neyi antu. 12Hiyakutumba Baranaba nawu Zewusi; Pawulu nawu Heremi, Muloŋa diyi waswejelaŋa kuhosha. 13Chikombeji chaZewusi wukweti tembeli yindi kwakwihi naŋandoyu, hakuleta aŋombi niyibaaba yamafu kuchisu chaŋanda, nindi aketuli yimuna hamu namazaza. 14Ilaŋa postolu, aBaranaba naPawulu, chanachitiyuwu, hiyakutabola mahinawu, hiyakulundumukila mwizaza dawantu; 15hiyakubidika nawu, Enu akwetu, iyi yuma yimukwila yanka? Etu nawa tuyantu twatiyaloŋa mumwatiyaŋenu; tunayileteli nsaŋu yayiwahi, yakwila netu muleki yumiyi yamukunkulwayi, mubalumuki munyichima, mutali kudi Nzambi wamumi waleŋeli iwulu niiseki, nikaluŋalwiji niyejima yekalamu. 16Nyaka yinahiti dehi munyima wetejeli nyuza yejima nindi yendi tuhu munjila jawu awenawu. 17Hela chochu, hayilekeli tuhu chakadi kuyishiyila wunsahu windi wakwila chachiwahuku. Wayinkelaŋa nvula yakufuma kwiwulu, niyilaaka yakudya, nakuyitiyisha kuwaha nayakudya, nikuluŋa mwaya nyichima yenu mwejima. 18Chahoshelaŋawu mazu awa, hasheli hanti nakukaŋanya kulekesha mazaza awantu kuyiketwila yimuna.
19Kwenoku hikukwinza aYudeya anafumi dehi kuAntiyoki nakuIkoniyumu, wena chanakanjikijuwu mazaza awantu, hiyakumwasola Pawulu malola. Chanatoŋojokuwu nawu wafwa dehi, hiyakumukokela kunsa yaloŋanda. 20Chadiŋi nakwimanawu atumbanji kwakwihi nayena kwi-ndo, hakunyamuka, hakwijila cheŋi muŋandoyu. Chikunachi hakufumamu naBaranaba, hiyakuya kuDeribi. 21Chanashimunuwu nsaŋu yayiwahi muŋandoyu nakwilisha atumbanji amavulu, hiyakufunta cheŋi kuLisitira, nakuIkoniyumu, nikuAntiyoki. 22Hiyakukolesha nyichima yawatumbanji, nakuyikonkomwena nawu akakeli mukwitiya kwakukuhwelela, nawu kwijila muwanta waNzambi chiŋa tusambila kumona lukadi lwaluvulu nankashi. 23Chanayitondeluwu awakulumpi mwahita yipompelu yejima nakulomba nakuleka kudya, hiyakuyikunjika kudi Mwanta anakuhweleluwu.
24Hiyakupandakana muPisidiya, ashika nikuPamfwiliya. 25Chanashimunuwu mazu muPereŋa, hiyakukunkumuka kuAtaliya. 26Kufuma kwenoku hiyakuya muwatu kuAntiyoki, kwayikunjikiluwu kuluwi lwaNzambi akayi nakwila mudimu waneluwu dehi. 27Chanashikuwu, hiyakupompesha chipompelu, hiyakushimuna yuma yejima yaneliyi Nzambi nawena, ninichi chanayenzulwiluwu aJentili chenzelu chakukuhwelela. 28Hiyakushakama nawatumbanji mafuku amavulu.
လက္ရွိေရြးခ်ယ္ထားမွု
Likezo 14: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.