Markɩ Sɛbɛ 5
5
A JEEJU NA DIWRE A KƆ̃TƆNSƖ A JERASƐN-TẼW
(Mat 8.28-34, Lu 8.26-39)
1Ba ta na a man gaan na ɩ a Jerasɛn nɩbɛ tẽw. 2A lɛ a *Jeeju na yire a gbor pʋɔ, a be a jie naan, daba kãw yi na a yar sɔ̃w ɩ̃ wa a ʋ tuorfʋ jie. A daba ʋlɔ, kɔ̃tɔn bier dãa na tɛrɛ ʋ, 3ʋ ma gana a yar sɔ̃w. Nɩrɛ maa lɛ dãa tʋɔ lũ ʋ tɛɛlɛ wa, a ala saarɩ̃ nʋ ba lũ nɩ ʋ bɔ̃jɔrɩ̃ 4A-na-ɩ ba ma dãa na kpal ʋ a kure a gbɛɛ pʋɔ, ɩ̃ lũ ʋ a nur nɩ a bɔ̃jɔrɩ̃sɩ, ɩ̃-cɛ ʋ ma ŋma na a bɔ̃jɔrɩ̃sɩ, ɩ̃ kar a kure bar. Nɩrɛ ma dãa be be tɛrɛ fãgã maala ʋ ʋ bala wa. 5A tɩsɔw nɩ a mɔtɔ̃w, a daar a jaa, ʋ ma be na a yar sɔ̃w nɩ a tan jur, na ʋ wuure ɩ̃ ma ŋmara ŋmara a ʋ ɩ̃gan nɩ a kʋsɩɛ.
6A mɩnɛ ʋ na gbã nyɛ a Jeeju a nɩdaa, ʋ jɔ na tuor, na ʋ lo gburĩ dume a ʋ nii-sɔw, 7ɩ̃ wuurʼɩ̃ kpɛ̃w ɩ̃ yel:
“Bõ fʋ nyɛ nɩ ma, saa juu Naaŋmɩn Bie Jeeju? Ɩ̃ sʋɔr fʋ na nɩ a Naaŋmɩn yuor bɩlɛ, taa hʋɔlɔ ma wa.” 8Ʋ yelʼã a lɛ a-na-ɩ a Jeeju dãa na yel: “A fʋna kɔ̃tɔn bierʼãa, yi ɩ̃ cɛ a daba na.” 9Ɩ̃ ʋ soorʼã a kɔ̃tɔn:
“A fʋ yuorʼɩ̃ bõ?”
“Kɔ̃-bɔ̃w-nʋɔr ɩ̃ dɩ, a-na-ɩ sɩ waa na,” 10ɩ̃ nyɔw ɩ̃ sʋɔrɔ a Jeeju tɔ̃tɔ̃tɔ̃ a ʋ taa ɩ a ba yi a wɩɛrʼã wa.
11Do-yayaw dãa na be a tãw loor, bʋɔrɔ a ba yel-dɩrɩsɩ, 12a kɔ̃tɔnsɩ sʋɔrɔ a Jeeju yele:
“Kʋ sɩ sɔr bɩlɛ a sɩ yi cen na kpɛ a dor basɩmɛ jie”, 13ʋ kʋ ba a sɔr, a kɔ̃tɔn-bebe yi cen na kpɛ a dor, a ba yi a be a tãw sɩɛ pʋɔ, ɩ̃ kaal taa suu lo a man kʋ̃ɔ pʋɔ. A dor bala na lo a lɛ mʋr a man kʋ̃ɔ pʋɔ, tara na dor ture ayi.
14A nɩbɛ bala na dãa cɩɩnɛ a dor lɩɛbʼã jɔ kulʼɩ̃ hier a ala na ta ꞌlʋɔrɩ̃ taa a tẽ-kpɛ̃ɛ pʋɔ wa ta nɩ a tẽ-bil pʋʋr, a nɩbɛ cen na nyɛ a ala na ta. 15Ba wɩ na a Jeeju sɛ̃, na ba nyɛ a daba ʋlɔ a kɔ̃tɔn “Kɔ̃-bɔ̃w-nʋɔr” na dãa tɛrɛ, ʋ su cẽcene jɩnaa nɩ, lɛ ɩ nɩsaa-son, a dãbɩ̃ɛ nyɔw ba. 16A bala na dãa nyɛ a mɩnɛ a yele na maal, mana na kʋrɔ a nɩbɛ a ala na dãa ta a daba ʋlɔ a kɔ̃tɔn na dãa tɛrɛ, nɩ a dor. 17A mɩnɛ a na be a lɛ, a nɩbɛ nyɔw na ɩ̃ sʋɔrɔ a Jeeju a ʋ yi a ba tẽw bɩlɛ.
18A mɩnɛ a Jeeju na kpɛɛrɛ a gbor pʋɔ, a daba ʋlɔ a kɔ̃tɔn na dãa tɛrɛ sʋɔr ʋ na a ʋ kʋ ʋ sɔr ʋ pɔw ʋ a ba lãa cen. 19Ɩ̃ a Jeeju mɔ̃w ʋ na a sɔr ɩ̃ yel:
“Lɩɛb kul a fʋ yir deme jie, man ba a ala a jaa a Nɩ-kpɛ̃ɛ na maal fʋ nɩ a mɩnɛ ʋ na bɔ̃w fʋ a nãw.” 20Ʋ cen na nyɔw ɩ̃ man pɔw a Ten-Pie tẽ-daa pʋɔ a ala a jaa a Jeeju na maal ʋ, a nɩbɛ ba jaa ha nɔɛ.
A JAARISI BI-PƆW, NƖ A PƆW ƲLƆ NA SƖƖR A JEEJU FU ƳƐRƖ̃
(Mat 9.18-26, Lu 8.40-56)
21A lɛ a *Jeeju na lɛ gãw nɩ a gbor a gaan kpee pʋɔ, a nɩ-yaw lɛ tiw na kolĩ ʋ a man gbẽgbere nʋɔr. 22A *puorfʋ yir ni-diere na dɩ a Jaarisi ta na nyɛ a Jeeju ɩ̃ lo gburĩ a dume, 23ɩ̃ sʋɔrɔ ʋ waala nɩ a ʋ sũo ʋ, yele nɩ:
“A ɩ̃ bi-pɔw be na be kpiire. Ɩ̃ sʋɔrɔ fʋ na, wa dɔɔl ʋ a fʋ nuu ʋ kpɛmɛ ir”, 24a Jeeju pɔw ʋ cenʼɩ̃, a nɩ-yaw tuure ʋ fʋrɔ ʋ.
25Pɔw be na be na tɛrɛ a sɩɛ na ma baara wa maalʼɩ̃ yomo pie-nʼayi. 26Ʋ nyɛ na won yaw a dɔɔtɔrsɩ yayaw jie, sãw nɩ a ʋ libie a jaa. Ɩ̃ ꞌwaa nyɛ kpɛ̃w wa; a wʋlɩ̃ lɛ ɛ̃ɛ na dɔɔlɔ cere. 27Ʋ wõ na a ba bʋ a Jeeju ƴɛrɩ̃, ʋ cen a nɩ-yaw pʋɔ a ʋ puo-sɔw, ɩ̃ sɩɩr a ʋ fu. 28A-na-ɩ ʋ yelʼã: “Maa saarɩ̃ sɩɩr a ʋ fu tɛw, ɩ̃ na kpɛmɛ na.” 29A mɩnɛ ʋ na sɩɩr a Jeeju fu, a jie naan a ʋ jɩ̃ɩ barfʋ baarʼã, ʋ bɔ̃wnaa a ʋ mɩ̃ɛ, bɔ̃w ka ʋ kpɛmɛ na. 30A ʋna daarʼãa pʋɔ, a Jeeju bɔ̃wnaa a fãgã kãw yi ʋ na, ɩ̃ lɩɛb a nɩ-yaw pʋɔ soor:
“Ala ɩ̃ sɩɩr ma a fu?” 31A ʋ *par-tuurbe yel ʋ:
“Fʋ nyɛ na a nɩbɛ na fʋr fʋ a lõbobo a jaa, ɩ̃ na fʋ lɛ bɔ̃w nɩ sooro a ala ɩ̃ sɩɩr fʋ?” 32Ɩ̃ a Jeeju ꞌwuoro a lõbobo pʋʋr kolo nɩ, bʋɔrɔ ʋ nyɛ a ʋlɔ na maal a lɛ. 33A dãbɩ̃ɛ nyɔw a pɔw, ʋ mine, a-na-ɩ ʋ bɔ̃w na a ala na maal a ʋ jie, ʋ wa lo gburĩ dume a Jeeju nii-sɔw, ɩ̃ yel a ʋ yel-mɩ̃ɛ a jaa kʋ ʋ. 34A Jeeju yel ʋ:
“Ɩ̃ bi-pɔw! A fʋ ƴɔ̃w-nyãa faa fʋ na. Cere nɩ su-ɓaar tɛrɛ nɩ a ɩ̃gan kpɛ̃w.”
35Ɩ̃ a mɩnɛ a Jeeju na cãa ƴɛrɛ, a nɩbɛ yi na a Jufisɩ nɩ-kpɛ̃ɛ Jaarisi yir, ɩ̃ wa yel ʋ:
“A fʋ bi-pɔw kpi na. Bõ fʋ lɛ vɔwrɔ a Jãjaana ɩrɛ nɩ?” 36Ɩ̃-cɛ a Jeeju ma mɩ cɛlɛ ba be wa, ɩ̃ yel a Jaarisi:
“Taa jɔrɔ dãbɩ̃ɛ wa. Tɛrɛ a ƴɔ̃w-nyãa tɛw.”
37Ɩ̃ ꞌwaa sɔw a nɩrɛ bɩɛl ʋ wa, ɩ̃ a ala ma ɩ a Pɩɛr nɩ a Jakɩ nɩ a ʋ yɛbɛ Jã ʋ wa. 38Ʋ ta na a puorfʋ nɩ-kpɛ̃ɛ yir, nyɛ a nɩbɛ a ba kono wuure nɩ kpɛ̃w, 39ʋ po kpɛɛrɛ a diem ɩ̃ yel ba:
“Bõ gɔmɔ nɩ a asɩmɛ nyɩ pɔɔrɔ kono nɩ a nɔhɔ̃? A bibile ma kpi wa, ʋ gurʼã”, 40a ba laara ʋ, ʋ diw ba bar yẽw ba jaa, ɩ̃ taw a bibile sãa, nɩ a ʋ mã, nɩ a ʋ par-tuurbe ata, kpɛ nɩ a die ʋlɔ pʋɔ a bibile na be. 41Ʋ nyɔw na a bibile nuu ɩ̃ yel ʋ:
“Talita kum.” A lɛ yelʼã: “Poole, a fʋ̃ʋ ɩ̃ yele, ir!”
42A jie naan a poole irʼã cere, a-na-ɩ ʋ tɛrɛ na yomo pie-nʼayi. A lɛ ba na nyɛ a ala, a ɩ ba na nɔ-kofʋ yaw. 43Ɩ̃-cɛ a Jeeju kpãa ba na a ba taa ɩ nɩrɛ ʋ bɔ̃wnaa wa, ɩ̃ na ʋ yel ba:
“Nyɩ́ kʋ ʋ bõ-dɩraa ʋ dɩ.”
လက္ရွိေရြးခ်ယ္ထားမွု
Markɩ Sɛbɛ 5: BNT93
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Le Nouveau Testament en langue birifor © Alliance Biblique au Burkina Faso, 1993.
Markɩ Sɛbɛ 5
5
A JEEJU NA DIWRE A KƆ̃TƆNSƖ A JERASƐN-TẼW
(Mat 8.28-34, Lu 8.26-39)
1Ba ta na a man gaan na ɩ a Jerasɛn nɩbɛ tẽw. 2A lɛ a *Jeeju na yire a gbor pʋɔ, a be a jie naan, daba kãw yi na a yar sɔ̃w ɩ̃ wa a ʋ tuorfʋ jie. A daba ʋlɔ, kɔ̃tɔn bier dãa na tɛrɛ ʋ, 3ʋ ma gana a yar sɔ̃w. Nɩrɛ maa lɛ dãa tʋɔ lũ ʋ tɛɛlɛ wa, a ala saarɩ̃ nʋ ba lũ nɩ ʋ bɔ̃jɔrɩ̃ 4A-na-ɩ ba ma dãa na kpal ʋ a kure a gbɛɛ pʋɔ, ɩ̃ lũ ʋ a nur nɩ a bɔ̃jɔrɩ̃sɩ, ɩ̃-cɛ ʋ ma ŋma na a bɔ̃jɔrɩ̃sɩ, ɩ̃ kar a kure bar. Nɩrɛ ma dãa be be tɛrɛ fãgã maala ʋ ʋ bala wa. 5A tɩsɔw nɩ a mɔtɔ̃w, a daar a jaa, ʋ ma be na a yar sɔ̃w nɩ a tan jur, na ʋ wuure ɩ̃ ma ŋmara ŋmara a ʋ ɩ̃gan nɩ a kʋsɩɛ.
6A mɩnɛ ʋ na gbã nyɛ a Jeeju a nɩdaa, ʋ jɔ na tuor, na ʋ lo gburĩ dume a ʋ nii-sɔw, 7ɩ̃ wuurʼɩ̃ kpɛ̃w ɩ̃ yel:
“Bõ fʋ nyɛ nɩ ma, saa juu Naaŋmɩn Bie Jeeju? Ɩ̃ sʋɔr fʋ na nɩ a Naaŋmɩn yuor bɩlɛ, taa hʋɔlɔ ma wa.” 8Ʋ yelʼã a lɛ a-na-ɩ a Jeeju dãa na yel: “A fʋna kɔ̃tɔn bierʼãa, yi ɩ̃ cɛ a daba na.” 9Ɩ̃ ʋ soorʼã a kɔ̃tɔn:
“A fʋ yuorʼɩ̃ bõ?”
“Kɔ̃-bɔ̃w-nʋɔr ɩ̃ dɩ, a-na-ɩ sɩ waa na,” 10ɩ̃ nyɔw ɩ̃ sʋɔrɔ a Jeeju tɔ̃tɔ̃tɔ̃ a ʋ taa ɩ a ba yi a wɩɛrʼã wa.
11Do-yayaw dãa na be a tãw loor, bʋɔrɔ a ba yel-dɩrɩsɩ, 12a kɔ̃tɔnsɩ sʋɔrɔ a Jeeju yele:
“Kʋ sɩ sɔr bɩlɛ a sɩ yi cen na kpɛ a dor basɩmɛ jie”, 13ʋ kʋ ba a sɔr, a kɔ̃tɔn-bebe yi cen na kpɛ a dor, a ba yi a be a tãw sɩɛ pʋɔ, ɩ̃ kaal taa suu lo a man kʋ̃ɔ pʋɔ. A dor bala na lo a lɛ mʋr a man kʋ̃ɔ pʋɔ, tara na dor ture ayi.
14A nɩbɛ bala na dãa cɩɩnɛ a dor lɩɛbʼã jɔ kulʼɩ̃ hier a ala na ta ꞌlʋɔrɩ̃ taa a tẽ-kpɛ̃ɛ pʋɔ wa ta nɩ a tẽ-bil pʋʋr, a nɩbɛ cen na nyɛ a ala na ta. 15Ba wɩ na a Jeeju sɛ̃, na ba nyɛ a daba ʋlɔ a kɔ̃tɔn “Kɔ̃-bɔ̃w-nʋɔr” na dãa tɛrɛ, ʋ su cẽcene jɩnaa nɩ, lɛ ɩ nɩsaa-son, a dãbɩ̃ɛ nyɔw ba. 16A bala na dãa nyɛ a mɩnɛ a yele na maal, mana na kʋrɔ a nɩbɛ a ala na dãa ta a daba ʋlɔ a kɔ̃tɔn na dãa tɛrɛ, nɩ a dor. 17A mɩnɛ a na be a lɛ, a nɩbɛ nyɔw na ɩ̃ sʋɔrɔ a Jeeju a ʋ yi a ba tẽw bɩlɛ.
18A mɩnɛ a Jeeju na kpɛɛrɛ a gbor pʋɔ, a daba ʋlɔ a kɔ̃tɔn na dãa tɛrɛ sʋɔr ʋ na a ʋ kʋ ʋ sɔr ʋ pɔw ʋ a ba lãa cen. 19Ɩ̃ a Jeeju mɔ̃w ʋ na a sɔr ɩ̃ yel:
“Lɩɛb kul a fʋ yir deme jie, man ba a ala a jaa a Nɩ-kpɛ̃ɛ na maal fʋ nɩ a mɩnɛ ʋ na bɔ̃w fʋ a nãw.” 20Ʋ cen na nyɔw ɩ̃ man pɔw a Ten-Pie tẽ-daa pʋɔ a ala a jaa a Jeeju na maal ʋ, a nɩbɛ ba jaa ha nɔɛ.
A JAARISI BI-PƆW, NƖ A PƆW ƲLƆ NA SƖƖR A JEEJU FU ƳƐRƖ̃
(Mat 9.18-26, Lu 8.40-56)
21A lɛ a *Jeeju na lɛ gãw nɩ a gbor a gaan kpee pʋɔ, a nɩ-yaw lɛ tiw na kolĩ ʋ a man gbẽgbere nʋɔr. 22A *puorfʋ yir ni-diere na dɩ a Jaarisi ta na nyɛ a Jeeju ɩ̃ lo gburĩ a dume, 23ɩ̃ sʋɔrɔ ʋ waala nɩ a ʋ sũo ʋ, yele nɩ:
“A ɩ̃ bi-pɔw be na be kpiire. Ɩ̃ sʋɔrɔ fʋ na, wa dɔɔl ʋ a fʋ nuu ʋ kpɛmɛ ir”, 24a Jeeju pɔw ʋ cenʼɩ̃, a nɩ-yaw tuure ʋ fʋrɔ ʋ.
25Pɔw be na be na tɛrɛ a sɩɛ na ma baara wa maalʼɩ̃ yomo pie-nʼayi. 26Ʋ nyɛ na won yaw a dɔɔtɔrsɩ yayaw jie, sãw nɩ a ʋ libie a jaa. Ɩ̃ ꞌwaa nyɛ kpɛ̃w wa; a wʋlɩ̃ lɛ ɛ̃ɛ na dɔɔlɔ cere. 27Ʋ wõ na a ba bʋ a Jeeju ƴɛrɩ̃, ʋ cen a nɩ-yaw pʋɔ a ʋ puo-sɔw, ɩ̃ sɩɩr a ʋ fu. 28A-na-ɩ ʋ yelʼã: “Maa saarɩ̃ sɩɩr a ʋ fu tɛw, ɩ̃ na kpɛmɛ na.” 29A mɩnɛ ʋ na sɩɩr a Jeeju fu, a jie naan a ʋ jɩ̃ɩ barfʋ baarʼã, ʋ bɔ̃wnaa a ʋ mɩ̃ɛ, bɔ̃w ka ʋ kpɛmɛ na. 30A ʋna daarʼãa pʋɔ, a Jeeju bɔ̃wnaa a fãgã kãw yi ʋ na, ɩ̃ lɩɛb a nɩ-yaw pʋɔ soor:
“Ala ɩ̃ sɩɩr ma a fu?” 31A ʋ *par-tuurbe yel ʋ:
“Fʋ nyɛ na a nɩbɛ na fʋr fʋ a lõbobo a jaa, ɩ̃ na fʋ lɛ bɔ̃w nɩ sooro a ala ɩ̃ sɩɩr fʋ?” 32Ɩ̃ a Jeeju ꞌwuoro a lõbobo pʋʋr kolo nɩ, bʋɔrɔ ʋ nyɛ a ʋlɔ na maal a lɛ. 33A dãbɩ̃ɛ nyɔw a pɔw, ʋ mine, a-na-ɩ ʋ bɔ̃w na a ala na maal a ʋ jie, ʋ wa lo gburĩ dume a Jeeju nii-sɔw, ɩ̃ yel a ʋ yel-mɩ̃ɛ a jaa kʋ ʋ. 34A Jeeju yel ʋ:
“Ɩ̃ bi-pɔw! A fʋ ƴɔ̃w-nyãa faa fʋ na. Cere nɩ su-ɓaar tɛrɛ nɩ a ɩ̃gan kpɛ̃w.”
35Ɩ̃ a mɩnɛ a Jeeju na cãa ƴɛrɛ, a nɩbɛ yi na a Jufisɩ nɩ-kpɛ̃ɛ Jaarisi yir, ɩ̃ wa yel ʋ:
“A fʋ bi-pɔw kpi na. Bõ fʋ lɛ vɔwrɔ a Jãjaana ɩrɛ nɩ?” 36Ɩ̃-cɛ a Jeeju ma mɩ cɛlɛ ba be wa, ɩ̃ yel a Jaarisi:
“Taa jɔrɔ dãbɩ̃ɛ wa. Tɛrɛ a ƴɔ̃w-nyãa tɛw.”
37Ɩ̃ ꞌwaa sɔw a nɩrɛ bɩɛl ʋ wa, ɩ̃ a ala ma ɩ a Pɩɛr nɩ a Jakɩ nɩ a ʋ yɛbɛ Jã ʋ wa. 38Ʋ ta na a puorfʋ nɩ-kpɛ̃ɛ yir, nyɛ a nɩbɛ a ba kono wuure nɩ kpɛ̃w, 39ʋ po kpɛɛrɛ a diem ɩ̃ yel ba:
“Bõ gɔmɔ nɩ a asɩmɛ nyɩ pɔɔrɔ kono nɩ a nɔhɔ̃? A bibile ma kpi wa, ʋ gurʼã”, 40a ba laara ʋ, ʋ diw ba bar yẽw ba jaa, ɩ̃ taw a bibile sãa, nɩ a ʋ mã, nɩ a ʋ par-tuurbe ata, kpɛ nɩ a die ʋlɔ pʋɔ a bibile na be. 41Ʋ nyɔw na a bibile nuu ɩ̃ yel ʋ:
“Talita kum.” A lɛ yelʼã: “Poole, a fʋ̃ʋ ɩ̃ yele, ir!”
42A jie naan a poole irʼã cere, a-na-ɩ ʋ tɛrɛ na yomo pie-nʼayi. A lɛ ba na nyɛ a ala, a ɩ ba na nɔ-kofʋ yaw. 43Ɩ̃-cɛ a Jeeju kpãa ba na a ba taa ɩ nɩrɛ ʋ bɔ̃wnaa wa, ɩ̃ na ʋ yel ba:
“Nyɩ́ kʋ ʋ bõ-dɩraa ʋ dɩ.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Le Nouveau Testament en langue birifor © Alliance Biblique au Burkina Faso, 1993.