Zacarías 9
9
Sakzi yell wrill ka'
1Danin bdixjwe'e Diozen gak ke latj yell-li'on nbane Hadrac, na yell xhen'na nzi Damasco: Yell Sirian naken ke Xanllo, na yeololte yell kaꞌ nbane Israelen. 2Lezka ke'e Hamat yell wrill ke yell xhen kaꞌ, na Tiro na Sidón, lakse nak aken yell sin ake'. 3Yell xhen'na le Tiro benchawe'e ze war, na bzuye'e ya cha'on nzi oro ren dan nzi plat, ka be'nn llzuya benj. 4Axha Xanllon wake'e yeololte da ka' nape'en, na wzale yel wnia ke'en lo nista'on, na wzeye'e doxhente yellen.
5Keten be'nn ka' lla yell xhen ke Ascalón'na, re' akre kan ba guk ke yell ki, llebraz wcheben le ake'. Leska be'nn Gaza ka' walleyraw ake' kwis, na be'nn kaꞌ lla Ecrón'na billbi wen su ake' kanaken nullno llra' akren le ake'. Nullno be'nn wnebia yegan Gazan, na yell Ascalón'na nullno be'nn yegan rawen. 6Yell xhen'na le Asdod chixh ake' be'nn zak gayubre, kone kaꞌ wlleyia yel yarall ke aken. 7Waka lo lloa aken ber llen'na llaw aken, lezka yelwao kaꞌ nllune gaw ake'. Radj be'nn ki wagan txhonj be'nn gak be'nn ke Dios, na gak ake' txhen Judán, na Ecrón'na gak ake' ka be'nn jebuseos kaꞌ. 8Nada' gapa yell kian, na bill wia latj ke be'nn zak yell yubre wsakzi ake' le ake', le nada' wia ake' konen yajrawa ki.
Be'nnen wnebia yell Israelen willjwani
9Bawere kwis yell xhen ke Sión.
Bel yel llawere yell xhen ke Jerusalén.
Ba za be'nn wnebia ko'on, nake be'nn wen be'nn wazra,
na be'nn nexjralle, llie'e kull burr, to burr dao, xhi'nn to burr nor.
10Le'e wlleyie'e karret ka' nap Efraín'na,
na kabay ke be'nn Jerusalén kaꞌ,
na ya kaꞌ llajren ake' raw wdil.
Chixjoere dan llazwa nbarazen latj yell-li'on,
na wnebie'e gan llxhe nisdaw na ga llayullen.
Surawzen gan de yeon le Éufrates, na ga zerawze de yell-liw
Xanllon wakube yell Israelen
11Kin ne Xanllon:
Jerusalén diꞌll dan bchajllarena rwe' konen llen'na,
Nada' wabaja be'nn ko'o kaꞌ neij, llalleyraw
lo bejen, dan bi yull nisen.
12Re' bchach ake' raw yellen, na ne' de latj ke re',
le wayaj yell keren, gan zu ze war ka'.
Chop kuenre guna' re' yel nak layen,
katken ba balleyraw ren.
13Ba bena Judán xhis waxit kia,
Efraín, rwe' gako xhis raw latit kia.
Na rwe', Sión, gako spad kia,
na guna nench'na xhi'nno kaꞌ gakdilren akbe xhi'nn be'nn Grecia kaꞌ.
14Xanllon wroe rawe'e yell ke'en,
kan llun yi' bzion llazen, ka' gun xhis raw latit kaꞌ wzalen.
Xanllo Diozen wkuelle trompeten,
na kodoe'e nez radj bebdon'na za llelre.
15Xanllon nap doxhente yelwaken wkueje'e be'nn ke'e kaꞌ,
na wrajchekw ake' yaj wazal kaꞌ,
na wlleyi ake' be'nn kaꞌ llwiere le aken,
yaj ake' xchen aken, ka llaje zu ke uva,
to walla le aken kakse to tas xhen,
kan nak lus bayix ka' zajzu raw bkuyen.
16Ke lla'na, Xanllo Diozen
wazre'e yell ke'en, kan llun to be'nn llap xhir llas're xhir ke'e kaꞌ,
na keten ba zu ake' latj yell-liw ke aken,
gak ake' llaktit kakse yaj chao ka' llia le corona.
17Da wen da nbaraz gak raw latj yell-li'on.
Ka naken gat daxhen trigo na zu ke uva,
xhi'nnto bi biew kaꞌ, na bi nor ka' chiw akbe nbaraz.
လက္ရွိေရြးခ်ယ္ထားမွု
Zacarías 9: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ