Zacarías 10
10
Diozen bchebe'e wasre'e yell ke'en
1Le wnabe Xanllon yejw ket llak bua,
na Xanllon llun yi' bzion,
wsele'e yejw xhen kere,
na raw yu lix ke yeololte be'nn gat da yej gaw ake'.
2Diꞌll ke loe lsak kaꞌ da wxhiye akzen,
na da wxhiyezen llrere be'nn kaꞌ llayixjwen.
Da kaꞌ llayixjwe akren naken da ke nxhie,
na xtill aken bi llayun xhenlallen,
ke len'na be'nn ka' lla raw yellen, da ake' llakllajlall ake' ka xhir,
na llalleyraw ake' le nullnu llra' gap le ake'.
3Ke len'na ne Xanllon:
Llebraz llaklla be'nn kaꞌ llapen,
na wsakzia be'nn kaꞌ llgo yell kian nez.
Xanllon nap doxhente yelwaken, llape yell ke'en,
be'nn kaꞌ nak xhi'nn xhasoa Judán,
na gune le ake' be'nn war kwis ke to kabay ba llaj raw wdil.
4Radj ake' na lloj be'nn gak kaꞌ yaj skin,
na be'nn gak ka yay da llgo ake' rane ket llun ake' yo'. Na be'nn gak ka xhis waxit da llajren ake' raw wdil.
Na radj ake' na lloj yeololte be'nn wnebia.
5Gak ake' ka be'nn waka ya
gan llakdil aken, llrajchekw ake' be'nn kaꞌ llwie akren lo benj kaꞌ sjade tnez kaꞌ,
na til ake' le Xanllon zerene le ake',
na wsi ake' sdo be'nn kaꞌ llbia kabay.
6Xanllon ne:
Nada' kwaltip xhi'nn xhasoa Judán,
na wazra xhi'nn xhasoa Josén.
Na yego ake' nez rall aken dayubre,
le llayachralla le aken.
Wayak ake' ka be'nn bi bsanlallksa chras,
le nadan naka Xan ake' Dios,
na llzenaya keten llalwill ake' nada'.
7Efraín'na gake ka to be'nn waka ya.
Yewere yichj raxhdawen, ka llawere be'nn llaj zu ke uva,
ket xhi'nne kaꞌ re' akrebe dani, lezka yewe akrebe
ke dan ba ben Xanllon ke le aken.
8Nada' wayaxh ake' na wayun ake' tuze,
le ba basra le aken.
Na wayak ake' be'nn zan kwis dayubre,
kan guk ake' kan batna.
9Nada' beslas ake' latj yell-liw ka',
na lakse llajsu ake' yell zit kaꞌ, gana' llajdinlall ake' nada',
na to lla wayed ake' rente xhi'nn ake' kaꞌ.
10Guna nench'na wallach ake' Egipton,
na walljaxhi ake' Asirian,
na wache aktie yell ke Galaad na yell ke Líbano,
na katk be'nn zan'na gak aken, bill gake latjen cha ake'.
11Te ake' lo nisdaw ke Egipton,
le nada' wabekw lli'an.
Na yellinte klle wachecha yeo Nilon,
wachochj walana yel yarall ke Asirian,
na guna nench'na yega yel llnebia ke Egipton.
12Nada' kwaltip ake',
na ko ake' nez konen nada'.
Nada' Xanle, lluna' llwa xtillan.
လက္ရွိေရြးခ်ယ္ထားမွု
Zacarías 10: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ