Malaquías 1
1
Diozen nlliere yell ke'en
1Di'll dan bdixjwe'e Diozen yell Israelen, konen Malaquías be'nnen llayixjwe xtillen.
2Xanllon ne: nada' nlliera re'. Na re' llnabre: ¿Akxha gak ne'zeto nlliero neton? Xanllon ballie'e ke aken: Nada' nlliera re', na re' nesksere ke Jacoben nake be'nn bich Esaún, na blliera Jacoben 3na bwiera Esaún. Na latj yell-liw ke Esaún, dan nak latj ya' xhen'na, bayunan latj dach yu bill, na yell-liw ke ka' bayaken to latj ke bayix snia ake'.
4Cha be'nn Edom ka', xhi'nn xhasoa Esaún, ne' ake': Ba bchochj'blan ake' latj yell-liw keton, wakse wayunton dayubre, Xanllon nap doxhente yelwaken, wallie'e ke aken: Re' wayonchaoren, na nada' wachochj walanan dayubre. Latj yell-liw gan nban akren gunbie akren latj yell-liw da nak de'e, na latj yell-liw da ba guklla Xanllon ke chnare. 5Na re' rere'ren konen yajrao re' kaꞌ, na ne're: Yelwak ke Xanllon naken daxhen kwis lldeteren gan nbane be'nn Israel kaꞌ.
Xanllon llunle bxus kaꞌ snia
6Xanllon nap doxhente yelwaken lle'e bxus kaꞌ: Xhi'nn ake' kaꞌ llun xhen ake' xa ake' kaꞌ, na be'nn wenllin kaꞌ llap ake' baran xan ake' kaꞌ. Cha nada' naka xa re', ¿bixhchen re' bi llun xhenle nada'? Na cha nada' naka Xanle, ¿bixhchen bi llapre nada' barane'? Re' llunere nada' kaze, na llayaxjere nere: ¿Gan beneto rwe' kaze? 7Re' lladware raw bkuy kian pan da bazu bej, na llayaxjchgare llnabre: ¿Bixhan bento na bi zuw wen? Re' llunle bi zoa wen keten llunle xbab raw bkuy kian, wakse gak dan kaze 8na bi naken da mar gun're nada' bayix lchul, ba nia rew, na ba llak yillwe. Le llachk cha, le lljoa akba raw be'nn wnebia keren. Lewiachk cha wiazrall ake' dan were le aken. 9Le wnabe Diozen wayachralle'e lliw. Zan na cha re' ba bazarallre ke da ki, bi kwexhre yewere Diozen wzenine re'. Le Xanllon nap doxhente yelwaken ne: 10Che'naga kon to re' waseyjre reij yoda'on, kone kaꞌ bill gun're nada' da kaꞌ bibi zaken. Le bi llawera kan llunere nadan, na bill wzenina da kaꞌ lladware raw bkuyen. 11Raw doxhente latj yell-li'on llap ake' nada' baran, gateze llzey ake' yar llun xhen ake' nada', na llun' ake' nada' da nak xhirall. 12Zan re', ba benre da bi llayazralla, llunle xbab raw bkuy kian, gan llaj llawan, wakse gak dan kaze, na yelwao kaꞌ nkoa gana' bi naken wen. 13Re' nere: Ba jachiereto yeolul da ki. Na llunere nada' kaze. Na llakere yewera keten llunle nada' bayix wan kaꞌ, na ba nia rew, na cha ba llak yillwe. 14De'e nak be'nnen llchebe'e gune' nada' to bayix ba nak ba xrawe, na llayullen llune' to ba xhinj. Zerawze nadan llnebia, na doxhente latj yell-liw llap ake' nada' barane'. Kan ne Xanllon nap doxhente yelwaken.
လက္ရွိေရြးခ်ယ္ထားမွု
Malaquías 1: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ