Isaías 50
50
1Ki nee Xanllon:
Kere gakzere nadan balliya kale Israelen, xna ren,
ka' to be'nn biew llalliye kale nor ke'en,
ke nadan beta re' ka' to be'nn wen llin bi llixhj ake'
nike betza re' kone mell nench'na wayixjre xhia.
Re' bet kwinle nike dan ba benle daxhinj,
Israel, xnaren, guke'e kaze
le dan gukre be'nn wednayen.
2¿Bixhchen kan beda nutno ballelera?
¿Bixhchen kan balwilla ren nutno balli xtillan?
¿Gukere cha bi gak wasra re'?
¿Gukere bi gak wasra re' cha?
Tuze walwilla nista'on, na le wayechten
na yeo ka' wayak aken yu bill,
na belya ka' kweyi akba nike dan llbil akeban
na wayull akba nike dan bi de nisen.
3Nada' lluna nench'na yeban zun da sdeb.
Na llwakan kone rall da llzoayiach.
Yel nxenlall ke be'nn wen llin ke Xanllon rawe gan llalleyrawen
4Xanllon ba bsedre nada'
nench'na wayunxhena be'nn ka' lljaxaken
konen diꞌll xhenlall.
Yew zir llunee nench'na soa xnid
nench'na yenla ka be'nn sin.
5Xanllon ba benee yel sin kia,
na nada' bine' subia,
na nike ne' wayechjza.
6Bchaba kullan nench'na bdin aken sot,
na bia latj blall ake' ruxhan.
Bi bkoacha rawan
raw be'nn ka' lladyi, na bxit ake' nada' xhen.
7Xanllonan llakren nada':
kelen'na bitbi llakra lladyi ake' nada',
kelen'na zoa war ka to yaj war,
le nezra bi sia yelsdo.
8Kwitanin ze be'nnen llakren nadan:
¿Zurize be'nn bi llenle bi gunle nada' cha?
Chejllo raw be'nnen llun yel korchisen,
¿Zurize be'nn llenle wxoe dol kulla?
Yedlle, na ye'e nada'.
9Xanllonan llakren nada';
¿nuxha gak wxoa dol kulla cha?
Yoyte be'nn ka' llwiere nadan waran ake'
ka' to rall da ba llteba.
10Re llapre Xanllon baran
na llzenayre chi'i be'nn wen llin ke'en:
chetka zare' raw da xchul,
na bi de da wseni ke re',
le wxenlall Xanllon,
leye Diozen gakrene re'.
11Axha yoyte be'nn ka' llxhen yi',
na llun chaw ake' xhis raw latit llalnin,
yexhj ake' raw yi' ke ake' nakse,
kone xhis raw latit da ka' gudre yi'.
Xanllon wsele'e yel llsakzi ke ake'
na nit'tinj ake' walleyraw ake'.
လက္ရွိေရြးခ်ယ္ထားမွု
Isaías 50: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ