Isaías 27
27
Wara Israelen
1Ka lla'na Xanllon wsakzie'e
konen spad war xhen ke'en
Leviatán na, belen nllelguyen,
Leviatán, belen ban za rresen,
na gute'e bayixen nzi dragón ban zu lo nista'on.
2Ka lla'na Xanllon ne'e:
Le gul ke lba uvas dan nak sian.
3Nada', Xanle, llapchian
na kuen kuenze lliran.
Llapan du lla du yer,
nench ke nutno bi gunle len.
4Bi llaklla len.
Chenak llan yay yiech, na yiech din,
lloja, na lljatilrenan
na wzeya dokenaken.
5Cha llenle nada' wkoaja le'e,
de wazurene nada' wen,
awa, de wazurene nada' wen.
6Willjwani yell ke Jacoben chin rue,
Israelen wagan, na kwian yej,
na wasllan yell-li'on konen daxhixh ke ka'.
7Diozen bi ne' wsakzie'e Israelen
kan ba benee konen be'nn ka' llwiere le'en,
na bi ne' wlleyie'e Israelen
kan benee bete'e be'nn wen xhia ka'.
8Diozen bsakzie'e yell ke'en, na bsele'e le ake' yell yubre,
to brubze to da war, na le bllach akte,
kan llrub been za gan lloj willen.
9Axha wazixhene'e daxhinj ke Jacoben,
na konen ka walane dol ke'e ka':
de wayune'e bichteze yoy raw bkuy ke ka' bibi zaken
kakse be'nn llxhoxj yaj yiw,
na bill wagan ni to yay bchekw ka' lloerawen
ni raw bkuy gan llzeye'e yar ke dios ka'.
10Yell xhen gan nechj ze war dan llkoajen, ba nyinjen,
ke to yo' da ba nsanlall ake',
ke to latj dach ga bi llan be'nn.
Naken to latj ga lla' bell llaw akba,
ga llaw akba xhos yay ka', na gana' llazirall akba.
11Xhos yay ka' llachj aken keten llyech aken'na;
na nor ka' llazi aken, na llbekw ake' yi' konen len.
Naken to yell da bi llajnie.
Kelen'na Diozen ben len'na
bi wayachrallen.
12Ka lla'na Xanllon surawe'e
gune gan nbane yeo Éufrates llinte yeo ke Egipton,
ka to be'nn llyin trigo,
axha re' be'nn Israel ake' watupe toaj toaj re'.
13Ka lla'na, wsill ake' trompet xhen'na,
na be'nn ka' bnit yell ke Asirian,
na lekse ka be'nn ka' guslas yell ke Egipton,
yed ake' werao ake' Xanllon
Jerusalén'na, raw ya' xhirallen.
လက္ရွိေရြးခ်ယ္ထားမွု
Isaías 27: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ