Isaías 2
2
Xanllon gune nench'na wnebia yel nbarazen raw yell xhen ka'
(Miq 4.1-3)
1Dakin bdixjwe Xanllon Isaíazen xhi'nn Amós, kan gak ke Judán, na Jerusalén'na:
2Keten ba za wayull lla ka'
ya' gan zu yodao ke Xanllon.
Gaken ya' zeraw da nak sib,
siblle ka yoyte ya' ka' yela.
Yoyte be'nn ka' lla' latj yell-liw ka' yed aken gan zun'na,
3zan be'nn yell ka' yed ake', na ne' ake',
leda nench'na chepllo ya' ke Xanllon,
yodao ke Dios ke Jacoben,
nench'na le'e wruere lliw xneze ka'
na gak ta'llo nez ke'e ka'.
Le gan nzi Sión'na lloj dan wroe wsed Xanllon,
na Jerusalén'na yed xtillen.
4Xanllon gune yel korchis ke latj yell-liw ka'
na kwe xneze ke yell zan ka'.
Le ake' wayun ake' spad ke ake' ka' rrad ake'
na lans ke ake' ka' wayun aken kuchiy da rew ake'.
Ni to yell bill tilren loellje
na nike ne' akze chajllo raw wdil.
5Le cho yell ke Jacob,
ta'llo raw beni ke Xanllon.
Yel sakzi ke be'nn raxhdao sib ka'
6Xanto, ba bsanlallo be'nn ko'o ka', yell ke Jacoben,
yellen llan sre be'nn waneya, be'nn zak gan llra' willen,
be'nn walla ake' kan nak be'nn filisteos ka',
na llchajlla ake' di'll konen be'nn zit ka'.
7Latj yell-li'on llebraz den oro na plat,
na da zak daxhen kwis,
latj yell-li'on ballate llan kabay ake',
na dazan kwis karret ake'.
8Axha leskakse llan loe lsak ake'.
Be'nn ka' lloeraw ake' loe lsak ka' ba ben ake' konen tak ake' ka',
na konen xben ake' ka'.
9Ba benditje kwin ake', na ba llun ake' sdo.
Bi wazixheno ke ake'.
10Be'nn ka' wkoach ake' radj yaj war xhen ka',
xhan yaj broj xhen ka',
wkoach ake' le llebrazen lleb ake' re akre Xanllon,
na beni ke yel zak xhen ke'en.
11Be'nn yarall ka' de wxhexj yichj aken,
na be'nn ka' llun xhen kwin si' ake' yelsdo.
Tuze Xanllon wruere yelwak ken ka lla'na,
12llan Xanllon nap doxhente yelwaken
wsakzie'e yoyte be'nn yarall ka', na be'nn ka' llunxhen kwin,
na yoyte be'nn ka' llun ka lluntegare, nench wsie'e le ake' sdo,
13leska wsakzie'e yoyte be'nn ka' llak akre nak ake' ka yay sedr da ka lla' ya' dan nzi Líbano,
da ton, na da sib ake',
o cha ke yay robles ka' lla' Basán'na,
14kone yoyte be'nn ka' llak akre nak ake' ke ya' ton ake',
o ya' sib ake',
15na kone yoyte be'nn ka' llak akre nak ake' ke wdup ton ake'
o cha ze war ake',
16na kone yoyte be'nn ka' llak akre nak ake' ke barkw ke Tarsis,
o cha ke barkw ka' sjanak nbaraz.
17Be'nn yarall ka', na be'nn ka' llun ka' lluntegare
yoy akte si' ake' yelsdo.
Tuze Xanllon wroere yelwak xhen ken ke lla'na,
18na wakuase kale yoyte loe lsak ke ake' ka'.
19Keten Xanllon chase'e, na wxize yell-li'on,
be'nn ka' llajcho ake' lo yaj broj xhen ka',
na lo broj ka' zu raw yu,
wkoach ake' le llebrazen lleb ake' re akre Xanllon,
na beni ke yel zak xhen ke'en.
20Ka lla'na be'nn nachen wzale loe lsak ke ka'
raw bzin ka', na raw bzin yid ka',
loe lsak ka' nak de ya cha'on nzi oro na plat
dan benkse kwine nench'na werawen,
21na choe'e lo broj ke yaj war xhen ka',
na lo broj ke yaj bdinj ka',
wkoach ake' le llebrazen lleb ake' re akre Xanllon,
na beni ke yel zak xhen ke'en,
keten le chase'e, na wxize yell-li'on.
22Le wsan bill wxenlallre be'nn nachen,
le ratzen zake'e.
Yel nban ke be'nn nachen naken ka' to be'nn llabanle'e.
လက္ရွိေရြးခ်ယ္ထားမွု
Isaías 2: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ