VATUMWA 26
26
1Maku, Aguripa yavolera Paolo, “Oveeye nu munwa kovora makuva googo mwene.” Kunangwa Paolo yanyira mukono gwigwe navoora makuva geege kuli ndi:
2“Mwami Aguripa, ndolaa mbeeye ningavi lero kovora makuva gange imbiri woovo ku vindu viosi via Vayuda vanzaliraku. 3Mbitilira kigira ivi mwene wamanya miima ja Vayuda na makuva gaavo gu kuvula kuhulirizana mu limenya liavo. Yiki nicho kigira ningogoonya umbulirizi mu vwikuziri.
4“Avayuda vosi vamanyi vulahi makuva gi limenya liange kutura vwana vwange, kuli ndaamenya kutura mu litanga lie livamwoyo liange mu kivala change, kandi mu Jerusalemi. 5Vamanyi ku madiku manyingi; kandi nivakayaanzi, vanyara kololekiza, ndi kutura mu litanga ndamenya kuli mulala ku avumuganda mudinyu ligali gwi idini yitu, ndaamenya kuli Vafarisayo. 6Kalunu singiyi hano mu kiyaalo kukalagirwa kigira lisuuvirizwa lia mbeeye nalio lia Nyasaye yasuuviriza avaguuga viitu. 7Lilagana liene yilio nilio lie zihiiri zietu likomi na ziviri lwa vasuuvira konyoora nivasigamiraa Nyasaye nu mwoyo gwosi umbasu nu vudiku. O, Mwami, Avayuda vanzaala kigira lisuuvira yili! 8Kigira ki munyi muloraa ni vudinyu kandi siganyalika ligali kusuuvira ndi Nyasaye asimugukizaa avakuzu?
9“Inzi mwene ndaaganagana ndi, gandukira ngole aganyaliza goosi kuhing'ana ni lieta lia Yeso wa Nazareti. 10Na ndakora ndio mu Jerusalemi. Ndahevwe zinguru kutura ku vasaalisi vanene, ndaviika avandu va Nyasaye vanyingi mu vuhambe lwa vakalagirwa kwitwa, ndaakuba ikura yu kuvugilira liitwa liavo. 11Zing'inga zinyingi ndavodong'ana mu masinagogi goosi ni mbakola vahevwe amageri kandi ndaageriza kuvaniga vambakane lisuuvira liavo. Uvutima vwange kuvo vwali ovonene ligali. Ndaavadambiza ligali kali kuduuka mu madaala gaali ihale.
Paolo yiivara kuli yiganira
(Vik. 9:1-19; 22:6-16)
12“Gaali kigira kivuni zana yiki, ndaali ku logendo ninziza Damasiko lidiku lilala, nimbeeye nu vunyali kandi na malago kutura ku vasaalisi vanene. 13O, mwami, lwa ndaali kunzira mbasu hagati, ndaalora vulavu vonene kuvita uvwi liuva; vwang'ereng'ana kutura mwigulu, nivong'ereng'ana ku inzi zimbega ziosi kandi ku vandu avaari kologendo harara ninzi. 14Kunyi kwosi kwagwa hasi. Ndaahulira mwoyo nigombolera mu lulimi lwu Luheburaina: ‘Saolo, Saolo! Kigira ki undambizaa? Ivi mwene wisaliriza vuzwa niiva ulasa luvasi kuli igiriki ilasaa luvasi ku vwugi vwi imbimbu yu mwene wagituga.’ 15Ninzi ndateeva: ‘Ivi nivwaha, Mwami?’ Nu Mwami yativura: ‘Inzi ni Yeso wa ivi udambiza. 16Navuzwa kalunu vuka, singira vulungi. Inzi mali kololeka ku ivi nikivuni nduuki kokokola ove kuli mutumikiri wange. Ulavoolera avandu vandi vindu via ololi ku inzi lero, ni via ndikumanyia. 17Ndakohonyia ku avandu va Isiraeli nu ku vandu vi Zihiiri, avandikutuma ku 18Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’
Paolo yamoloma ku vutumiki vwivwe
19“Ku lwa yago, O, Mwami Aguripa, sindahangaliza amalola gu mwigulu yago mba. 20Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo. 21Kigira yaga, Avayuda vangumira nimbeeye mu Litembeli, nivageriza kunzita. 22Navuzwa ndanyoora vokonyi kutura ku Nyasaye kuduuka lidiku lia lero, ku lwa yago singiyi vudinyu kulolekizira vosi, avakeekeke na vanene. Icha inzi mboraa ni yicho kilala chere cha avaporofeti kandi Musa yavoola ndi kizizaa kwekoleka: 23gaduukiraa Mesia asalirizwi kandi kigira alava wu kutanga kusimuguka kutura mu vakuzu, alilwaza uvulavu vwo vohonyi kalunu vwaka ku vandu vosi, Avayuda na Avizihiiri kandi.”
24Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”
25Navuzwa Paolo yavoola, “Simbeeye mulalu mba, O, Mwami wuluyali Fesito. Agambooraa na makuva giligali vuzwa. 26Ivi mwami umanyi amakuva gi vindu yivi, kigira yaga, inzi nyara komoloma imbiri woovo vugira uvuti. Mbeeye ni lisuuvira ndi umanyi vulahi kigira likuva yili si liakolwa ahivisu mba. 27Mwami Aguripa, usuviraa avaporofeti? Manyi ndi usuviraa.”
28Mwami Aguripa yavolera Paolo, “ Mu ing'inga engekeeke yiyi usuviraa unyala kongola Mukristayo?”
29Paolo yamutivulira, “Saalaa Nyasaye, ndi, mu ing'inga inyimbi anoho indambi, siaveeye ivi weng'ine, navuzwa vosi avambulirizaa lero, vaduuki kuva kuli inzi mbeeye, nitali vugira minyororo yiji.”
30Maku mwami, mwamihi, na Barinike na avandi vosi avaari nivikaye harara navo, vasingira. 31Lwa vaali nivakamara kutura vavolerana, “Mundu uyu si yakola kindu choosi kidukanaa na amageri gi likuza anoho livofwa mba.” 32Aguripa naye yavolera Fesito, “Mundu uyu alavula kuva niyateeva kuhilwa ku Kaisari, ngano yakava avohololwe.”
Logendo lwa Paolo kuzia Rumi
လက္ရွိေရြးခ်ယ္ထားမွု
VATUMWA 26: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VATUMWA 26
26
1Maku, Aguripa yavolera Paolo, “Oveeye nu munwa kovora makuva googo mwene.” Kunangwa Paolo yanyira mukono gwigwe navoora makuva geege kuli ndi:
2“Mwami Aguripa, ndolaa mbeeye ningavi lero kovora makuva gange imbiri woovo ku vindu viosi via Vayuda vanzaliraku. 3Mbitilira kigira ivi mwene wamanya miima ja Vayuda na makuva gaavo gu kuvula kuhulirizana mu limenya liavo. Yiki nicho kigira ningogoonya umbulirizi mu vwikuziri.
4“Avayuda vosi vamanyi vulahi makuva gi limenya liange kutura vwana vwange, kuli ndaamenya kutura mu litanga lie livamwoyo liange mu kivala change, kandi mu Jerusalemi. 5Vamanyi ku madiku manyingi; kandi nivakayaanzi, vanyara kololekiza, ndi kutura mu litanga ndamenya kuli mulala ku avumuganda mudinyu ligali gwi idini yitu, ndaamenya kuli Vafarisayo. 6Kalunu singiyi hano mu kiyaalo kukalagirwa kigira lisuuvirizwa lia mbeeye nalio lia Nyasaye yasuuviriza avaguuga viitu. 7Lilagana liene yilio nilio lie zihiiri zietu likomi na ziviri lwa vasuuvira konyoora nivasigamiraa Nyasaye nu mwoyo gwosi umbasu nu vudiku. O, Mwami, Avayuda vanzaala kigira lisuuvira yili! 8Kigira ki munyi muloraa ni vudinyu kandi siganyalika ligali kusuuvira ndi Nyasaye asimugukizaa avakuzu?
9“Inzi mwene ndaaganagana ndi, gandukira ngole aganyaliza goosi kuhing'ana ni lieta lia Yeso wa Nazareti. 10Na ndakora ndio mu Jerusalemi. Ndahevwe zinguru kutura ku vasaalisi vanene, ndaviika avandu va Nyasaye vanyingi mu vuhambe lwa vakalagirwa kwitwa, ndaakuba ikura yu kuvugilira liitwa liavo. 11Zing'inga zinyingi ndavodong'ana mu masinagogi goosi ni mbakola vahevwe amageri kandi ndaageriza kuvaniga vambakane lisuuvira liavo. Uvutima vwange kuvo vwali ovonene ligali. Ndaavadambiza ligali kali kuduuka mu madaala gaali ihale.
Paolo yiivara kuli yiganira
(Vik. 9:1-19; 22:6-16)
12“Gaali kigira kivuni zana yiki, ndaali ku logendo ninziza Damasiko lidiku lilala, nimbeeye nu vunyali kandi na malago kutura ku vasaalisi vanene. 13O, mwami, lwa ndaali kunzira mbasu hagati, ndaalora vulavu vonene kuvita uvwi liuva; vwang'ereng'ana kutura mwigulu, nivong'ereng'ana ku inzi zimbega ziosi kandi ku vandu avaari kologendo harara ninzi. 14Kunyi kwosi kwagwa hasi. Ndaahulira mwoyo nigombolera mu lulimi lwu Luheburaina: ‘Saolo, Saolo! Kigira ki undambizaa? Ivi mwene wisaliriza vuzwa niiva ulasa luvasi kuli igiriki ilasaa luvasi ku vwugi vwi imbimbu yu mwene wagituga.’ 15Ninzi ndateeva: ‘Ivi nivwaha, Mwami?’ Nu Mwami yativura: ‘Inzi ni Yeso wa ivi udambiza. 16Navuzwa kalunu vuka, singira vulungi. Inzi mali kololeka ku ivi nikivuni nduuki kokokola ove kuli mutumikiri wange. Ulavoolera avandu vandi vindu via ololi ku inzi lero, ni via ndikumanyia. 17Ndakohonyia ku avandu va Isiraeli nu ku vandu vi Zihiiri, avandikutuma ku 18Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’
Paolo yamoloma ku vutumiki vwivwe
19“Ku lwa yago, O, Mwami Aguripa, sindahangaliza amalola gu mwigulu yago mba. 20Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo. 21Kigira yaga, Avayuda vangumira nimbeeye mu Litembeli, nivageriza kunzita. 22Navuzwa ndanyoora vokonyi kutura ku Nyasaye kuduuka lidiku lia lero, ku lwa yago singiyi vudinyu kulolekizira vosi, avakeekeke na vanene. Icha inzi mboraa ni yicho kilala chere cha avaporofeti kandi Musa yavoola ndi kizizaa kwekoleka: 23gaduukiraa Mesia asalirizwi kandi kigira alava wu kutanga kusimuguka kutura mu vakuzu, alilwaza uvulavu vwo vohonyi kalunu vwaka ku vandu vosi, Avayuda na Avizihiiri kandi.”
24Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”
25Navuzwa Paolo yavoola, “Simbeeye mulalu mba, O, Mwami wuluyali Fesito. Agambooraa na makuva giligali vuzwa. 26Ivi mwami umanyi amakuva gi vindu yivi, kigira yaga, inzi nyara komoloma imbiri woovo vugira uvuti. Mbeeye ni lisuuvira ndi umanyi vulahi kigira likuva yili si liakolwa ahivisu mba. 27Mwami Aguripa, usuviraa avaporofeti? Manyi ndi usuviraa.”
28Mwami Aguripa yavolera Paolo, “ Mu ing'inga engekeeke yiyi usuviraa unyala kongola Mukristayo?”
29Paolo yamutivulira, “Saalaa Nyasaye, ndi, mu ing'inga inyimbi anoho indambi, siaveeye ivi weng'ine, navuzwa vosi avambulirizaa lero, vaduuki kuva kuli inzi mbeeye, nitali vugira minyororo yiji.”
30Maku mwami, mwamihi, na Barinike na avandi vosi avaari nivikaye harara navo, vasingira. 31Lwa vaali nivakamara kutura vavolerana, “Mundu uyu si yakola kindu choosi kidukanaa na amageri gi likuza anoho livofwa mba.” 32Aguripa naye yavolera Fesito, “Mundu uyu alavula kuva niyateeva kuhilwa ku Kaisari, ngano yakava avohololwe.”
Logendo lwa Paolo kuzia Rumi
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019