VATUMWA 27
27
1Lwa vamala kusaavira kuniina mu liato kuzia Italia, vaviika Paolo harara na avahambe vandi hasi hu vulindi vwa Juliasi, uwaali munene wa avasikari mia mu muganda gwalangwa “Muganda gwa Kaisari.” 2Kwanina mu liato liatura Adiramito, iliali nilienya kuzia kuvitira mu madaala gu ku inyanza ga Asia, nikutanga logendo. Arisitariko, mundu wa Makedonia kutura Tesalonike, yaali harara nikunyi.
3Mugamba gwalonda ku kwaduka Sidoni. Juliasi yaakolera Paolo vulahi. Yamuha munwa azie kolola avalina veve vaduuki kumuha via yenya. 4Kutura ahene yaho kwazizagilira no logendo, navuzwa kigira imbuza yaali nihuzaa vudinyu imbiri witu, kwavitira kolovega lwi kisulu cha Saipurasi, kigira imbuza inyingi si yaali yo mba. 5Lwa, kwambuka inyanza ya Kilikia na Pamufilia, kwasingira Mura, lidaala lia Lukia. 6Ahene yaho, munene wa avasikari mia yanyoora ho liato liatura Alekisandaria nilizizaa Italia; na yakuviika mu.
7Kwazia galaha madiku manyingi, nuvudinyu vonene na inyima kwaduka mu lidaala lia Nido. Kigira imbuza yaali nikikwigalira, kwazizagilira imbiri, nikuvitira lovega lwa Kerete ahimbi Salimoni, kigira imbuza inyingi si yaali yo mba. 8Kwavita galaha ahimbi ku lujinga nuvudinyu vonene nikuduuka havundu halangwa, “Hi zimeri zisingiraa halahi” ahimbi ni lidaala lia Lasea.
9Kwamenya ho ing'inga indambi kuduuka lwa galoleka ndi uvuhiimwa vwali vonene lidiku lio kohonga ligali kuzizagilira nologendo mu liato. Kali kulwene yilwo, lidiku lie lisavo liu kwizuliza likunikwa liu vwoni, liali ni liviti. Kunangwa Paolo yaviganihiza, 10navoora, “Avami, ndola logendo yilu lulava nu vudamanu kandi ni ligotiza linyingi, si liveeye lie vindu viveeye mu liato vieng'ine, navuzwa lie livamwoyo lietu kandi.” 11Navuzwa munene wa avasikari mia yayanzilira muno amakuva gu munene wi liato na agu mwene liato kuvita aga Paolo yavoola. 12Kigira havaali yaho si haali havundu halahi ho komenya ing'inga yu vukindu vonene mba, avanyingi vayanzilira kuzizagilira no logendo, mbula niganyalika vaduuki Foenisia. Foenisia ni haali havundu mu Kerete hahenza ku isavaalu yi madioli na Ivaale yi madioli; vamenye yo ing'inga yu vukindu vonene.
Imbuza enene munyanza
13Kunangwa, lwimbuuza ya galaha yi savaalu yaatanga kuhuuza, yavo vaganagana ndi vamali konyoora cha venya; vatanga logendo, nivavitizira emeri ahimbi ligali nu lujinga lwa Kerete. 14Navuzwa nivakikiri kuzia ihale imbuza enene yalangwa, “Imbuza yi Ivaale” yaatanga kuhuuza kutura mu kisulu. 15Imbuza yahinulanyia emeri, na kigira sikwaali kunyala kukuziramu, kwaleka nilihilwa nimbuuza. 16Kisulu kilala chalangwa Kauda chakukinga hakekeke kutura ku imbuza yeyo; na lwa kwavita isavaalu wacho, kwakora zinguru nikohonyia he emeri. 17Valiginga nivaliviika mugati, ma nivalivoha vudinyu nizimbunu. Vaatia gase valasikira mu muyeke hasi ha amazi, ku lujinga lwa Libia. Kunangwa viikiza zitanga nivaleka emeri nilihilwa ni imbuza. 18Imbuza nene yaazizagilira kuhuuza, nizinguru ligali, na mugamba gwalondaku vatanga kusiuva ivindu vilala viali mu meri mu mazi. 19Lidiku lia kavaga vatanga kandi vasiuva mumazi vindu vie emeri. 20Ku madiku manyingi sikwaali kunyala kolola liuva anoho zing'ereng'ani mba; imbuza enene yaazizagilira kuhuuza, kuduuka lisuuvira lietu liosi lio kohona niligota.
21Lwa vandu vaali mumeri vamenya ninzara ku ing'inga indambi, Paolo yasingira hagati haavo, navoora, “Avaamitu mulava ni mwambuliriza kuvula kutura Kerete, ngano si konyooye vudinyu ni ligotiza linene yili liosi mba. 22Navuzwa kalunu mugoonyaa, muleme mioyo kigira si halavaho kali mulala ku munyi ogotiza livamwoyo lilie; emeri yeng'ine niyio egota. 23Uvudiku vwa lero engelosi wa Nyasaye, wa inze mbeeye mundu weve, kandi wa sigamira, yaazi ku inzi, 24Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’ 25Kigira yaga, Avaamitu, muleme mioyo! Kigira inzi suuvira Nyasaye. Galava kuli aga mboleywi. 26Navuzwa, kulahilwa ku lujinga lwi kisulu kilala.”
Emeri Kuvunanywa
27Uvudiku vwi lidiku lie likomi na gane, kwaali nikuhunzulanywa yiyi niyi munyanza ya Meditareniani. Ahimbi vudiku hagati, vandu vaali mumeri vaganagana vaduuki ahimbi ku kivala chumu. 28Kunangwa venya ha amazi gaveeye musi, nivagera nu mugoye gwavofwa ku kindu kilitu, nivanyoora vutambi vwi zimita arubaini. Hambiri hakekeke vagera kandi nivanyoora zimita salasini. 29Vaatia gase valahanda mu magina; viikiza vivia vine inyima wemeri; nivasaara vuchi vwangu. 30Avandu vaali mumeri vageriza kwiruka, na ni viikiza liato munyanza, nivigadiza kuli venya kuzia kwikiza vivia hambiri he meri, 31Paolo yavolera munene wa avasikari harara na avasikari veve, “Niiva vandu yava valavula kuva mumeri, simunyala kohona mba.” 32Kunangwa avasikari vakalagaa zimbunu ziali nizivoheywi iliato, nivalileka lihilwi na amazi.
33Ahimbi mumavwevwe, Paolo yavagoonya vosi valie viukulia, navoora, “Ku madiku likomi na gane kuduuka lero, mumenyi mu vudinyu, na ku ing'inga yiyi yoosi, mukikiri kulia kindu. 34Kunangwa mugoonyaa mulie viukulia; kigira genyekaa mulie ku muve nizinguru ziu kuva mwoyo. Kigira liisu kali lilala ku mitwi jinyu sililagota mba.” 35Lwa yamala kovora ndio, Paolo yavugula mugadi, nasandiza Nyasaye imbiri wavo vosi; yamega natanga kulia. 36Vosi valema mwoyo, kandi valia viukulia. 37Kunyi kwosi avaari mu liato kwaali avandu mia mbiri sabwini na sita. 38Lwa vosi vamala kulia nu kwiguta, vagehiza uvulitu vwe meri mu lisiuva ingano munyanza.
Emeri yavunikana
39Lwa vwacha vandu vaali mu meri sivamanyi kivala yicho mba, navuzwa valora losoga lwinyanza lulala ulwali nu lujinga, nivalora ni vulahi kusingiriza emeri niganyalika. 40Kunangwa vakalagaa migoye jivivia nivavileka munyanza, nivavoholola zimbunu ziali nizivohi vibaho; ma nivaviika igulu isuuka ndala imbiri igumiri imbuza, nivazia ku lujinga. 41Navuzwa vaduuka havundu hi zinyanza ziviri ziavuganiraa, emeri yasikira ho. Hambiri he meri haali nihasikiyi vudinyu mu muyeke. Hanyima hayo hatanga kuvunikana vidonye kigira lienuya lie zinguru zie viguvuli.
42Avasikari venya kwita vahambe kigira vaatia valelema vazie ku lujinga viiruki. 43Navuzwa kigira munene wa avasikari yenya kohonyia Paolo, yavagaya vatakola ndio mba. Yalaga avamanya kwelema vatange kutuuma kutura mu meri, veeleme kuduuka ku lujinga, 44na avandi valonde ku nivagumiyi ku zimbaho anoho ku vidonye viemeri yaali nivunikani. Nandio kunyi kwosi kwaduka vulahi ku lujinga.
Agagwira Paolo mu Malita
လက္ရွိေရြးခ်ယ္ထားမွု
VATUMWA 27: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VATUMWA 27
27
1Lwa vamala kusaavira kuniina mu liato kuzia Italia, vaviika Paolo harara na avahambe vandi hasi hu vulindi vwa Juliasi, uwaali munene wa avasikari mia mu muganda gwalangwa “Muganda gwa Kaisari.” 2Kwanina mu liato liatura Adiramito, iliali nilienya kuzia kuvitira mu madaala gu ku inyanza ga Asia, nikutanga logendo. Arisitariko, mundu wa Makedonia kutura Tesalonike, yaali harara nikunyi.
3Mugamba gwalonda ku kwaduka Sidoni. Juliasi yaakolera Paolo vulahi. Yamuha munwa azie kolola avalina veve vaduuki kumuha via yenya. 4Kutura ahene yaho kwazizagilira no logendo, navuzwa kigira imbuza yaali nihuzaa vudinyu imbiri witu, kwavitira kolovega lwi kisulu cha Saipurasi, kigira imbuza inyingi si yaali yo mba. 5Lwa, kwambuka inyanza ya Kilikia na Pamufilia, kwasingira Mura, lidaala lia Lukia. 6Ahene yaho, munene wa avasikari mia yanyoora ho liato liatura Alekisandaria nilizizaa Italia; na yakuviika mu.
7Kwazia galaha madiku manyingi, nuvudinyu vonene na inyima kwaduka mu lidaala lia Nido. Kigira imbuza yaali nikikwigalira, kwazizagilira imbiri, nikuvitira lovega lwa Kerete ahimbi Salimoni, kigira imbuza inyingi si yaali yo mba. 8Kwavita galaha ahimbi ku lujinga nuvudinyu vonene nikuduuka havundu halangwa, “Hi zimeri zisingiraa halahi” ahimbi ni lidaala lia Lasea.
9Kwamenya ho ing'inga indambi kuduuka lwa galoleka ndi uvuhiimwa vwali vonene lidiku lio kohonga ligali kuzizagilira nologendo mu liato. Kali kulwene yilwo, lidiku lie lisavo liu kwizuliza likunikwa liu vwoni, liali ni liviti. Kunangwa Paolo yaviganihiza, 10navoora, “Avami, ndola logendo yilu lulava nu vudamanu kandi ni ligotiza linyingi, si liveeye lie vindu viveeye mu liato vieng'ine, navuzwa lie livamwoyo lietu kandi.” 11Navuzwa munene wa avasikari mia yayanzilira muno amakuva gu munene wi liato na agu mwene liato kuvita aga Paolo yavoola. 12Kigira havaali yaho si haali havundu halahi ho komenya ing'inga yu vukindu vonene mba, avanyingi vayanzilira kuzizagilira no logendo, mbula niganyalika vaduuki Foenisia. Foenisia ni haali havundu mu Kerete hahenza ku isavaalu yi madioli na Ivaale yi madioli; vamenye yo ing'inga yu vukindu vonene.
Imbuza enene munyanza
13Kunangwa, lwimbuuza ya galaha yi savaalu yaatanga kuhuuza, yavo vaganagana ndi vamali konyoora cha venya; vatanga logendo, nivavitizira emeri ahimbi ligali nu lujinga lwa Kerete. 14Navuzwa nivakikiri kuzia ihale imbuza enene yalangwa, “Imbuza yi Ivaale” yaatanga kuhuuza kutura mu kisulu. 15Imbuza yahinulanyia emeri, na kigira sikwaali kunyala kukuziramu, kwaleka nilihilwa nimbuuza. 16Kisulu kilala chalangwa Kauda chakukinga hakekeke kutura ku imbuza yeyo; na lwa kwavita isavaalu wacho, kwakora zinguru nikohonyia he emeri. 17Valiginga nivaliviika mugati, ma nivalivoha vudinyu nizimbunu. Vaatia gase valasikira mu muyeke hasi ha amazi, ku lujinga lwa Libia. Kunangwa viikiza zitanga nivaleka emeri nilihilwa ni imbuza. 18Imbuza nene yaazizagilira kuhuuza, nizinguru ligali, na mugamba gwalondaku vatanga kusiuva ivindu vilala viali mu meri mu mazi. 19Lidiku lia kavaga vatanga kandi vasiuva mumazi vindu vie emeri. 20Ku madiku manyingi sikwaali kunyala kolola liuva anoho zing'ereng'ani mba; imbuza enene yaazizagilira kuhuuza, kuduuka lisuuvira lietu liosi lio kohona niligota.
21Lwa vandu vaali mumeri vamenya ninzara ku ing'inga indambi, Paolo yasingira hagati haavo, navoora, “Avaamitu mulava ni mwambuliriza kuvula kutura Kerete, ngano si konyooye vudinyu ni ligotiza linene yili liosi mba. 22Navuzwa kalunu mugoonyaa, muleme mioyo kigira si halavaho kali mulala ku munyi ogotiza livamwoyo lilie; emeri yeng'ine niyio egota. 23Uvudiku vwa lero engelosi wa Nyasaye, wa inze mbeeye mundu weve, kandi wa sigamira, yaazi ku inzi, 24Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’ 25Kigira yaga, Avaamitu, muleme mioyo! Kigira inzi suuvira Nyasaye. Galava kuli aga mboleywi. 26Navuzwa, kulahilwa ku lujinga lwi kisulu kilala.”
Emeri Kuvunanywa
27Uvudiku vwi lidiku lie likomi na gane, kwaali nikuhunzulanywa yiyi niyi munyanza ya Meditareniani. Ahimbi vudiku hagati, vandu vaali mumeri vaganagana vaduuki ahimbi ku kivala chumu. 28Kunangwa venya ha amazi gaveeye musi, nivagera nu mugoye gwavofwa ku kindu kilitu, nivanyoora vutambi vwi zimita arubaini. Hambiri hakekeke vagera kandi nivanyoora zimita salasini. 29Vaatia gase valahanda mu magina; viikiza vivia vine inyima wemeri; nivasaara vuchi vwangu. 30Avandu vaali mumeri vageriza kwiruka, na ni viikiza liato munyanza, nivigadiza kuli venya kuzia kwikiza vivia hambiri he meri, 31Paolo yavolera munene wa avasikari harara na avasikari veve, “Niiva vandu yava valavula kuva mumeri, simunyala kohona mba.” 32Kunangwa avasikari vakalagaa zimbunu ziali nizivoheywi iliato, nivalileka lihilwi na amazi.
33Ahimbi mumavwevwe, Paolo yavagoonya vosi valie viukulia, navoora, “Ku madiku likomi na gane kuduuka lero, mumenyi mu vudinyu, na ku ing'inga yiyi yoosi, mukikiri kulia kindu. 34Kunangwa mugoonyaa mulie viukulia; kigira genyekaa mulie ku muve nizinguru ziu kuva mwoyo. Kigira liisu kali lilala ku mitwi jinyu sililagota mba.” 35Lwa yamala kovora ndio, Paolo yavugula mugadi, nasandiza Nyasaye imbiri wavo vosi; yamega natanga kulia. 36Vosi valema mwoyo, kandi valia viukulia. 37Kunyi kwosi avaari mu liato kwaali avandu mia mbiri sabwini na sita. 38Lwa vosi vamala kulia nu kwiguta, vagehiza uvulitu vwe meri mu lisiuva ingano munyanza.
Emeri yavunikana
39Lwa vwacha vandu vaali mu meri sivamanyi kivala yicho mba, navuzwa valora losoga lwinyanza lulala ulwali nu lujinga, nivalora ni vulahi kusingiriza emeri niganyalika. 40Kunangwa vakalagaa migoye jivivia nivavileka munyanza, nivavoholola zimbunu ziali nizivohi vibaho; ma nivaviika igulu isuuka ndala imbiri igumiri imbuza, nivazia ku lujinga. 41Navuzwa vaduuka havundu hi zinyanza ziviri ziavuganiraa, emeri yasikira ho. Hambiri he meri haali nihasikiyi vudinyu mu muyeke. Hanyima hayo hatanga kuvunikana vidonye kigira lienuya lie zinguru zie viguvuli.
42Avasikari venya kwita vahambe kigira vaatia valelema vazie ku lujinga viiruki. 43Navuzwa kigira munene wa avasikari yenya kohonyia Paolo, yavagaya vatakola ndio mba. Yalaga avamanya kwelema vatange kutuuma kutura mu meri, veeleme kuduuka ku lujinga, 44na avandi valonde ku nivagumiyi ku zimbaho anoho ku vidonye viemeri yaali nivunikani. Nandio kunyi kwosi kwaduka vulahi ku lujinga.
Agagwira Paolo mu Malita
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019