VATUMWA 25
25
1Lwa Fesito yaali niyakamara madiku gavaga kutura naduuka mu kivala chiche, yatura Kaisaria, nazia Jerusalemi. 2Avasaalisi vanene na aviimiliri va Vayuda vamuvolera amakuva gi liyaalwa lia Paolo. Vagoonya Fesito, 3nayanza avakolere amalahi ku lileeta Paolo Jerusalemi. Vaali nivalohizi vamugoneke kunzira vamwiti ku. 4Navuzwa Fesito yativura, “Paolo aveeye mu vulindi vwa vasikari muvuhambe ha Kaisaria, kandi inzi mwene mbeeye kunzira kuzia yo vwangu.” 5Kunangwa yavavolera, “Leki aviimiliri vinyu avuvunyali vasulunguti Kaisaria harara ninzi kumuyaara niiva yakola kindu choosi kidamanu.”
6Fesito yamenya navo amadiku gandi munane anoho likomi, ma niyirana Kaisaria. Mugamba gwi lidiku lialondaku yazia niyikara kondeve yu kukalaga, nalaga Paolo aleetwe. 7Lwa Paolo yaduuka, Avayuda avaari nivatuli Jerusalemi vamukumbiriza nivatanga kumuyaara na makuva malulu ga vaali si vakanyali kovora agiligali gago mba. 8Navuzwa mu liekinga Paolo yavoola, “Inzi sindayononyia kindu choosi ku Lilaga lia Vayuda, anoho ku Litembeli, anoho ku Mwami wa Rumi mba.”
9Navuzwa kigira Fesito yenya kwiyaanziza ku Avayuda; yateeva Paolo, “Wakayaanzi kuzia Jerusalemi ukalagirwi imbiri wange makuva gi viyaalo yivi?”
10Paolo yativura, “Inzi singiyi imbiri wendeve yi likalaga ya Kaisari; ahene hano niho handuukiraa kukalagirwa. Kuli ivi umanyi vulahi, sindakolera Avayuda uvudamanu vwosi mba. 11Kunangwa nimba nindanyoleka nuvwoni vudukana konyoora amageri gi likuza, sindevaa kwevendera amageri yago mba. Navuzwa agiligali nigava nigataveeye mu makuva ga avandu yava vanzanira, siaveeyeho nu mundu unyala kumbika mu makono gaavo mba. Ndeva kuhilwa ku Kaisari!”
12Lwa Fesito yamala kovolerana ni kiyaalo chiche, yavolera Paolo, “Otevaa kuhilwa ku Kaisari, yee, ulazia kuye.”
Paolo imbiri wa Aguripa na Barinike
13Madiku makekeeke lwa gaavita, Mwami Aguripa na Barinike vaduuka Kaisaria vaduuki kucheliza kandi kuhaana luyali lwavo ku Fesito. 14Nivakamenyayo madiku manyingi, Fesito yavolera mwami makuva gi liyaalwa lia Paolo: “Mundu mulala aveeye hano wa Felikisi yaleka mu vuhambe. 15Lwa ndaazia Jerusalemi avasaalisi vanene na vakulundu va Vayuda vamuyaara ku inzi nivandeeva mukalagiri. 16Navuzwa ndaavativulira, sigoveeye mwima gwa Varumi kutuliza mundu uyalwa ahevwe mageri, nakikiri kuvugana na vamuyaara, no kohevwa uvwiyangu vwu kwikinga ku ga vamuyaalira mba. 17Lwa vaduuka hano, sindaalindagira, navuzwa mugamba gwalondaku ndikala kondeve yange yu kukalaga, niimbana malago mundu oyo aleetwe. 18Yavo avamuyala vasingira, navuzwa sivamuyaala ku vudamanu, kuli inzi ndaaganagana mba. 19Nitali vaali vuzwa na mahangali lugano lugano ku lisuuvira liavo, nu ku mundu mulala ulangwa Yeso wakuza, navuzwa wa Paolo avoora aveeye mwoyo. 20Inzi sindamanya cha ngola ku likuva yili mba. Kunangwa, ndateeva Paolo nava niyenyaa kuzia kukalagirwa Jerusalemi ku liyaalwa yili. 21Navuzwa Paolo yateeva ahilwi ku Mwami munene, niyenyaa alekwe mu vuhambe kuduuka likalagirwa lilie likolwi na Kaisari. Kunangwa ndahaana malago alindwi kuduuka lwa ndimuhila wa Kaisari.”
22Aguripa yavolera Fesito, “Ndakayanzi kuhulira mundu uyu inzi mwene.” Fesito yamuvolera, “Ulamuhulira mugamba.”
23Mugamba gwalonda ku, Aguripa na Barinike vaduuka nu luyali lonene, nivingira munyumba yu kuvugana mu harara na avanene vi miganda ja avasikari na aviimiliri vanene vi lidaala. Fesito yalaga Paolo aleetwe. 24Fesito yavoola, “Mwami Aguripa na avandu vosi avaveeye hano harara nikunyi! Muloraa mundu oveeye imbiri winyu, wi kiduma choosi cha Vayuda vamenyi hano na Jerusalemi, vandilira nivahanzuka ndi siadukanaa kuva mwoyo kandi. 25Navuzwa inzi sindaalola yaali naakori kindu choosi kidamanu icha adukanaa kohevwa amageri gi likuza mba. Navuzwa, kigira Paolo mwene yateeva kuzia ku Mwami Munene, inzi ndatovora kumuhila kuye. 26Inzi, simbeeye na makuva giligali aga nyara kong'odera Kaisari kolondekana na Paolo mba. Yiki nicho kivuni kigiri muleeti hano imbiri winyu, kandi imbiri woovo Mwami Aguripa, ninyenyaa ndi namali kuyavirwa, nyoore likuva lia nyara kong'oda. 27Sindora voveeye vulahi kuhila muhambe vugira kutala havulavu vindu via ayaalirwa ku mba.”
Paolo yikinga imbiri wa Aguripa
လက္ရွိေရြးခ်ယ္ထားမွု
VATUMWA 25: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VATUMWA 25
25
1Lwa Fesito yaali niyakamara madiku gavaga kutura naduuka mu kivala chiche, yatura Kaisaria, nazia Jerusalemi. 2Avasaalisi vanene na aviimiliri va Vayuda vamuvolera amakuva gi liyaalwa lia Paolo. Vagoonya Fesito, 3nayanza avakolere amalahi ku lileeta Paolo Jerusalemi. Vaali nivalohizi vamugoneke kunzira vamwiti ku. 4Navuzwa Fesito yativura, “Paolo aveeye mu vulindi vwa vasikari muvuhambe ha Kaisaria, kandi inzi mwene mbeeye kunzira kuzia yo vwangu.” 5Kunangwa yavavolera, “Leki aviimiliri vinyu avuvunyali vasulunguti Kaisaria harara ninzi kumuyaara niiva yakola kindu choosi kidamanu.”
6Fesito yamenya navo amadiku gandi munane anoho likomi, ma niyirana Kaisaria. Mugamba gwi lidiku lialondaku yazia niyikara kondeve yu kukalaga, nalaga Paolo aleetwe. 7Lwa Paolo yaduuka, Avayuda avaari nivatuli Jerusalemi vamukumbiriza nivatanga kumuyaara na makuva malulu ga vaali si vakanyali kovora agiligali gago mba. 8Navuzwa mu liekinga Paolo yavoola, “Inzi sindayononyia kindu choosi ku Lilaga lia Vayuda, anoho ku Litembeli, anoho ku Mwami wa Rumi mba.”
9Navuzwa kigira Fesito yenya kwiyaanziza ku Avayuda; yateeva Paolo, “Wakayaanzi kuzia Jerusalemi ukalagirwi imbiri wange makuva gi viyaalo yivi?”
10Paolo yativura, “Inzi singiyi imbiri wendeve yi likalaga ya Kaisari; ahene hano niho handuukiraa kukalagirwa. Kuli ivi umanyi vulahi, sindakolera Avayuda uvudamanu vwosi mba. 11Kunangwa nimba nindanyoleka nuvwoni vudukana konyoora amageri gi likuza, sindevaa kwevendera amageri yago mba. Navuzwa agiligali nigava nigataveeye mu makuva ga avandu yava vanzanira, siaveeyeho nu mundu unyala kumbika mu makono gaavo mba. Ndeva kuhilwa ku Kaisari!”
12Lwa Fesito yamala kovolerana ni kiyaalo chiche, yavolera Paolo, “Otevaa kuhilwa ku Kaisari, yee, ulazia kuye.”
Paolo imbiri wa Aguripa na Barinike
13Madiku makekeeke lwa gaavita, Mwami Aguripa na Barinike vaduuka Kaisaria vaduuki kucheliza kandi kuhaana luyali lwavo ku Fesito. 14Nivakamenyayo madiku manyingi, Fesito yavolera mwami makuva gi liyaalwa lia Paolo: “Mundu mulala aveeye hano wa Felikisi yaleka mu vuhambe. 15Lwa ndaazia Jerusalemi avasaalisi vanene na vakulundu va Vayuda vamuyaara ku inzi nivandeeva mukalagiri. 16Navuzwa ndaavativulira, sigoveeye mwima gwa Varumi kutuliza mundu uyalwa ahevwe mageri, nakikiri kuvugana na vamuyaara, no kohevwa uvwiyangu vwu kwikinga ku ga vamuyaalira mba. 17Lwa vaduuka hano, sindaalindagira, navuzwa mugamba gwalondaku ndikala kondeve yange yu kukalaga, niimbana malago mundu oyo aleetwe. 18Yavo avamuyala vasingira, navuzwa sivamuyaala ku vudamanu, kuli inzi ndaaganagana mba. 19Nitali vaali vuzwa na mahangali lugano lugano ku lisuuvira liavo, nu ku mundu mulala ulangwa Yeso wakuza, navuzwa wa Paolo avoora aveeye mwoyo. 20Inzi sindamanya cha ngola ku likuva yili mba. Kunangwa, ndateeva Paolo nava niyenyaa kuzia kukalagirwa Jerusalemi ku liyaalwa yili. 21Navuzwa Paolo yateeva ahilwi ku Mwami munene, niyenyaa alekwe mu vuhambe kuduuka likalagirwa lilie likolwi na Kaisari. Kunangwa ndahaana malago alindwi kuduuka lwa ndimuhila wa Kaisari.”
22Aguripa yavolera Fesito, “Ndakayanzi kuhulira mundu uyu inzi mwene.” Fesito yamuvolera, “Ulamuhulira mugamba.”
23Mugamba gwalonda ku, Aguripa na Barinike vaduuka nu luyali lonene, nivingira munyumba yu kuvugana mu harara na avanene vi miganda ja avasikari na aviimiliri vanene vi lidaala. Fesito yalaga Paolo aleetwe. 24Fesito yavoola, “Mwami Aguripa na avandu vosi avaveeye hano harara nikunyi! Muloraa mundu oveeye imbiri winyu, wi kiduma choosi cha Vayuda vamenyi hano na Jerusalemi, vandilira nivahanzuka ndi siadukanaa kuva mwoyo kandi. 25Navuzwa inzi sindaalola yaali naakori kindu choosi kidamanu icha adukanaa kohevwa amageri gi likuza mba. Navuzwa, kigira Paolo mwene yateeva kuzia ku Mwami Munene, inzi ndatovora kumuhila kuye. 26Inzi, simbeeye na makuva giligali aga nyara kong'odera Kaisari kolondekana na Paolo mba. Yiki nicho kivuni kigiri muleeti hano imbiri winyu, kandi imbiri woovo Mwami Aguripa, ninyenyaa ndi namali kuyavirwa, nyoore likuva lia nyara kong'oda. 27Sindora voveeye vulahi kuhila muhambe vugira kutala havulavu vindu via ayaalirwa ku mba.”
Paolo yikinga imbiri wa Aguripa
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019