VATUMWA 24
24
1Inyima wa madiku gatano, Musaalisi Munene Anania, yasulunguta kuzia Kaisaria harara navakulundu valala kandi mulala uwalangwa Taritulo uwaza komolomela Avayuda imbiri wa Felikisi. Valeta amayaalo gaavo gavayaliraa Paolo ku mwamihi Felikisi. 2Lwa Paolo yalangwa yingiri mu kiyaalo, Taritulo yaatanga kumuyaara navoora:
“Umwami wu Luyali Felikisi! Kigira ivi oveeye mwimiliri wo vogeri, kunyi kumali konyoora mirembe minene ku ing'inga indambi, kandi lilola imbiri liilio limali koletera kivala chiitu uvugasu vwi limeedeka mu vutugi. 3Kunyi kuvugilira ligirung'ana yili kazozo munzira yoosi kandi havundu hoosi, nilisandiza linene ligali ku ivi, O, Felikisi. 4Navuzwa vugira kukuluhiza, ngusaala, nuyanza ukuhulirizi ku ing'inga ngekeeke.
5“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti. 6Kali yageriza kwononyia Litembeli, navuzwa kwamugumira, [nikwenya kumukalagiri kolondekana na malago giitu. 7Navuzwa Lisiasi, munene wa avasikari, yaza naakunyaga kutura mu makono giitu kuzinguru. 8Maku Lisiasi yamanya nahaana amalago ndi vandu avayaalaa Paolo vaze ku ivi.] Ivi mwene ulamanya agiligali kutura kuye gi ivindu via kumuyalira.”
9Avayuda vahambana kandi kudinyiriza amayaalo yago kuva agiligali.
Liekinga lia Paolo imbiri wa Felikisi
10Lwu mwamihi yasima Paolo kuhaana munwa amolome, Paolo yativura, “Inzi mbeeye nu vuyanzi kwikinga umwene imbiri woovo nimanyi vulahi ndi, ivi wakava mukalagi wi ihiiri yiyi ku ing'inga indambi. 11Kuli ivi umwene umanyi vulahi ndi gaveeye agiligali gakiri kuvita madiku likomi na gaviri kutura ninzia Jerusalemi kusigamira Nyasaye. 12Avayuda yava sivanyoola nimbangalizanaa nu mundu woosi mu Litembeli mba; kandi sivanyoola neng'emehizaa kiduma mu masinagogi gaavo anoho havundu handi hoosi mu lidaala mba. 13Sivanyala kololekiza imbiri woovo ndi amayaalo gavanzaalira ku ivi gaveeye agiligali mba. 14Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti. 15Mbeeye nilisuuvirizwa lilala liere mu Nyasaye kuli avandu vene yava vaveeye nalio ndi, avandu vosi, vombi avalungi na avadamanu valakasimugukizwi. 16Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.
17“Inyima wokomenya ihale kutura Jerusalemi ku ing'inga indambi, ndirana yo nimbilana ovokonyi vwa mabese ku avandu vi ihiiri yange kandi kuhaana visiuviliru ku Nyasaye. 18Lwa ndaali nindakamara kutakaswa mu Litembeli, yilwo nilwo lwa vanyoola. Si ndaali ni kiduma kandi sindaali niligoyana liosi mba. 19Navuzwa vaali ho avayuda kutura Asia; yava nivo va gaduukiraa vave hano imbiri woovo valeete amayaalo gaavo, nivava vaveeye ni kindu cha vanzaliraa ku. 20Nigataveeye ndio, avandu yava vene vavoole uvudamanu vwa vanyoola ningoraa lwa ndaasingira imbiri wi kiyaalo kenene chavo. 21Nikitali kindu kilala yiki cha ndaagamba lwa ndasingira hagati haavo: ‘Nzalwa imbiri winyu lidiku lia kalunu kigira suuviraa ndi avakuzu valakasimuguki.’ ”
22Navuzwa Felikisi, uwaali niyamanya vulahi ligali imiima ja amigizu gu Mwami Yeso yasingiriza kiyaalo yicho navavoolera: “Sundaa likalaga lie kiyaalo yiki kuduuka lwa Lisiasi, munene wa Avasikari yaza hano.” 23Kunangwa yahaana malago ku musikari uwalindaa Paolo, ndi alindwi vulahi mu vuhambe, navuzwa ahevwe vovoholore vuduukana, kandi ahaane ku avalina va Paolo munwa gwu kumudenda nukumutumikira munzira yoosi ya venya.
Paolo imbiri wa Felikisi na Durusila
24Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso. 25Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.” 26Ku ing'inga ndala nzere, Felikisi yasuuvira ndi Paolo alamuha mabese. Kigira agene yaga, yahongera kulanga Paolo vuli ing'inga amolome naye.
27Navuzwa lwi mihiga giviri jaali nijakavita Porokio Fesito yavugula vwiyangu vwa Felikisi kuli mwamihi. Kigira Felikisi yenya kuyaanziza Avayuda, yaleka Paolo mu vuhambe.
Paolo yateeva azie kuyaalizwa imbiri wu mwami wa Rumi
လက္ရွိေရြးခ်ယ္ထားမွု
VATUMWA 24: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VATUMWA 24
24
1Inyima wa madiku gatano, Musaalisi Munene Anania, yasulunguta kuzia Kaisaria harara navakulundu valala kandi mulala uwalangwa Taritulo uwaza komolomela Avayuda imbiri wa Felikisi. Valeta amayaalo gaavo gavayaliraa Paolo ku mwamihi Felikisi. 2Lwa Paolo yalangwa yingiri mu kiyaalo, Taritulo yaatanga kumuyaara navoora:
“Umwami wu Luyali Felikisi! Kigira ivi oveeye mwimiliri wo vogeri, kunyi kumali konyoora mirembe minene ku ing'inga indambi, kandi lilola imbiri liilio limali koletera kivala chiitu uvugasu vwi limeedeka mu vutugi. 3Kunyi kuvugilira ligirung'ana yili kazozo munzira yoosi kandi havundu hoosi, nilisandiza linene ligali ku ivi, O, Felikisi. 4Navuzwa vugira kukuluhiza, ngusaala, nuyanza ukuhulirizi ku ing'inga ngekeeke.
5“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti. 6Kali yageriza kwononyia Litembeli, navuzwa kwamugumira, [nikwenya kumukalagiri kolondekana na malago giitu. 7Navuzwa Lisiasi, munene wa avasikari, yaza naakunyaga kutura mu makono giitu kuzinguru. 8Maku Lisiasi yamanya nahaana amalago ndi vandu avayaalaa Paolo vaze ku ivi.] Ivi mwene ulamanya agiligali kutura kuye gi ivindu via kumuyalira.”
9Avayuda vahambana kandi kudinyiriza amayaalo yago kuva agiligali.
Liekinga lia Paolo imbiri wa Felikisi
10Lwu mwamihi yasima Paolo kuhaana munwa amolome, Paolo yativura, “Inzi mbeeye nu vuyanzi kwikinga umwene imbiri woovo nimanyi vulahi ndi, ivi wakava mukalagi wi ihiiri yiyi ku ing'inga indambi. 11Kuli ivi umwene umanyi vulahi ndi gaveeye agiligali gakiri kuvita madiku likomi na gaviri kutura ninzia Jerusalemi kusigamira Nyasaye. 12Avayuda yava sivanyoola nimbangalizanaa nu mundu woosi mu Litembeli mba; kandi sivanyoola neng'emehizaa kiduma mu masinagogi gaavo anoho havundu handi hoosi mu lidaala mba. 13Sivanyala kololekiza imbiri woovo ndi amayaalo gavanzaalira ku ivi gaveeye agiligali mba. 14Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti. 15Mbeeye nilisuuvirizwa lilala liere mu Nyasaye kuli avandu vene yava vaveeye nalio ndi, avandu vosi, vombi avalungi na avadamanu valakasimugukizwi. 16Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.
17“Inyima wokomenya ihale kutura Jerusalemi ku ing'inga indambi, ndirana yo nimbilana ovokonyi vwa mabese ku avandu vi ihiiri yange kandi kuhaana visiuviliru ku Nyasaye. 18Lwa ndaali nindakamara kutakaswa mu Litembeli, yilwo nilwo lwa vanyoola. Si ndaali ni kiduma kandi sindaali niligoyana liosi mba. 19Navuzwa vaali ho avayuda kutura Asia; yava nivo va gaduukiraa vave hano imbiri woovo valeete amayaalo gaavo, nivava vaveeye ni kindu cha vanzaliraa ku. 20Nigataveeye ndio, avandu yava vene vavoole uvudamanu vwa vanyoola ningoraa lwa ndaasingira imbiri wi kiyaalo kenene chavo. 21Nikitali kindu kilala yiki cha ndaagamba lwa ndasingira hagati haavo: ‘Nzalwa imbiri winyu lidiku lia kalunu kigira suuviraa ndi avakuzu valakasimuguki.’ ”
22Navuzwa Felikisi, uwaali niyamanya vulahi ligali imiima ja amigizu gu Mwami Yeso yasingiriza kiyaalo yicho navavoolera: “Sundaa likalaga lie kiyaalo yiki kuduuka lwa Lisiasi, munene wa Avasikari yaza hano.” 23Kunangwa yahaana malago ku musikari uwalindaa Paolo, ndi alindwi vulahi mu vuhambe, navuzwa ahevwe vovoholore vuduukana, kandi ahaane ku avalina va Paolo munwa gwu kumudenda nukumutumikira munzira yoosi ya venya.
Paolo imbiri wa Felikisi na Durusila
24Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso. 25Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.” 26Ku ing'inga ndala nzere, Felikisi yasuuvira ndi Paolo alamuha mabese. Kigira agene yaga, yahongera kulanga Paolo vuli ing'inga amolome naye.
27Navuzwa lwi mihiga giviri jaali nijakavita Porokio Fesito yavugula vwiyangu vwa Felikisi kuli mwamihi. Kigira Felikisi yenya kuyaanziza Avayuda, yaleka Paolo mu vuhambe.
Paolo yateeva azie kuyaalizwa imbiri wu mwami wa Rumi
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019