VATUMWA 20
20
1Lwa ikivihiri chaali Efeso chakiring'ana, Paolo yalanga vandu, avasuuviraa harara na avadinyiriza. Maku yavasivula, natanga logendo kuzia Makedonia. 2Yavitira mu zimbega zie vivala yivio, nadinyiriza avandu na makuva manyingi. Inyima yaduuka Ivuguriki, 3wa yamenya mieli jivaga. Lwa yaali niyetegeka kuzia Siria, yahulira ndi Avayuda vaali nivamugoneki vamwiti; ku lwa yago yamanya niyiirana navitira Makedonia. 4Sopaturo mwana, wa Piriho wa Berea, yazia harara naye; kandi Arisitariko na Sekundo kutura Tesalonike, Gayo kutura Deribe, Timateo, Tukiko na Turofimo kutura Asia. 5Yava vimilira imbiri wiitu nivakulindilira Turoasi. 6Inyima wa madiku gi Migadi jitali na Mamera, kwanina mu liato kutura Filipi, na inyima wa madiku gatano kwaduka kuvo mu Turoasi. Kwamenya yo lisiza lilala.
Liagana liu kumaliriza na vandu vasuuvira va Turoasi
7Ku lidiku lia Jumamosi hamugorova, kwavugana harara komeganyia mugadi. Kigira Paolo yaali niyenyaa kuzia mugamba golonda ku, yiilwazira avandu, nazizagilira kwilwaza kuduuka vudiku hagati. 8Munyumba yi igulu ya kwavuganira mu, zitaya zinyingi ziali mu niziaduukaa. 9Musoleri mulala walangwa Eutiko yaali niyikaye mwidirisha lwa Paolo yaali na azizagiliraa kwilwaza. Eutuko yaatanga kotengeza, na inyima zindoolo ziamukira, ma niyaguluka hasi kutura munyumba ya kavaga yigulu. Vamudola namali kukuza. 10Navuzwa Paolo yika hasi nakumberera musoleri oyo, navoora, “Mutahenda mwoyo mba, kigira akikiri mwoyo.” 11Yanina igulu kandi, nameganyia mugadi, nalia. Yaazizagilira kwilwaza ku ing'inga indambi kuduuka lwa vwacha, ma nazia. 12Avandu yavo vaavugura muyaayi nivamuhila yengo naveeye mwoyo. Valema mwoyo ligali.
Paolo yatura Turoasi kuzia Mileto
13Kwanina mu liato nikwimira kuzia Asosi, wa kwenya kuvugulira Paolo. Nindio yalohiza; kigira yenya kuduuka yo kuvitira mu kivala. 14Lwa yakonyoola Asosi, nikumwingiriza mu liato, nikuzia Mitulene. 15Kutura uwene yeyo kwazia nikuduuka Kiosi lidiku lialondaku. Lidiku lia kaviri kwasingira Samo, na mugamba gundi kwaduka Mileto. 16Paolo yaali niyenyaa kuzizagilira no logendo lwi liato vugira kuvitira Efeso, avuli kuguunza mu Asia mba. Yenya azie vwangu aduuki Jerusalemi lidiku lia Pendekote niganyalika.
Paolo yasivulana na vakulundu va Efeso
17Kutura Mileto Paolo yatuma mundu na makuva ku vakulundu vi likanisa lia Efeso navalanga vavugane naye. 18Lwa vaduuka kuye, yavavolera, “Munyi mumanyi kuli ndamenya zing'inga ziosi harara nimunyi kutura lidiku liu kutanga lia ndaduuka Asia 19Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda. 20Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya. 21Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo. 22Kalunu, huliri! Mulitia Roho Mutakatifu, nziza Jerusalemi vugira kumanya agalingwira yo. 23Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi. 24Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.
25“Ndaavodong'anangi yiyi niyi mu munyi ninzilwaza Uvwami vwa Nyasaye. Navuzwa, kalunu siaveeyeho kali mulala ku munyi ulindola kandi. 26Kunangwa, muvooleraa lero ndi, mulala ku munyi naagota, simbeeye ni ligovi liosi mba. 27Sindaleka kali hakuzu kumulandizira makuva gi lienya liosi lia Nyasaye. 28Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve. 29Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba. 30Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde. 31Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.
32“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve. 33Inzi sindaakayirwa kali hakuzu ifeza yu mundu anoho zahabu anoho zinguvu. 34Munyi aveene mumanyi ndayinzira na makono gange mwene, nduuki konyoora lienya liange, ni lia yavo avaari harara ninzi. 35Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”
36Lwa yamala kovora yaga, Paolo yasigama harara navo vosi, nasaalaa. 37Vosi vaalira ligali nivamukumberera nivamuvuusa nivamusiivula. 38Kindu chavavereriza ligali mbitilira chaali likuva lia yavoola ndi sivalimulola kandi mba. Kunangwa, vamuhereka kuduuka mu liato.
Paolo Yazia Jerusalemi
လက္ရွိေရြးခ်ယ္ထားမွု
VATUMWA 20: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VATUMWA 20
20
1Lwa ikivihiri chaali Efeso chakiring'ana, Paolo yalanga vandu, avasuuviraa harara na avadinyiriza. Maku yavasivula, natanga logendo kuzia Makedonia. 2Yavitira mu zimbega zie vivala yivio, nadinyiriza avandu na makuva manyingi. Inyima yaduuka Ivuguriki, 3wa yamenya mieli jivaga. Lwa yaali niyetegeka kuzia Siria, yahulira ndi Avayuda vaali nivamugoneki vamwiti; ku lwa yago yamanya niyiirana navitira Makedonia. 4Sopaturo mwana, wa Piriho wa Berea, yazia harara naye; kandi Arisitariko na Sekundo kutura Tesalonike, Gayo kutura Deribe, Timateo, Tukiko na Turofimo kutura Asia. 5Yava vimilira imbiri wiitu nivakulindilira Turoasi. 6Inyima wa madiku gi Migadi jitali na Mamera, kwanina mu liato kutura Filipi, na inyima wa madiku gatano kwaduka kuvo mu Turoasi. Kwamenya yo lisiza lilala.
Liagana liu kumaliriza na vandu vasuuvira va Turoasi
7Ku lidiku lia Jumamosi hamugorova, kwavugana harara komeganyia mugadi. Kigira Paolo yaali niyenyaa kuzia mugamba golonda ku, yiilwazira avandu, nazizagilira kwilwaza kuduuka vudiku hagati. 8Munyumba yi igulu ya kwavuganira mu, zitaya zinyingi ziali mu niziaduukaa. 9Musoleri mulala walangwa Eutiko yaali niyikaye mwidirisha lwa Paolo yaali na azizagiliraa kwilwaza. Eutuko yaatanga kotengeza, na inyima zindoolo ziamukira, ma niyaguluka hasi kutura munyumba ya kavaga yigulu. Vamudola namali kukuza. 10Navuzwa Paolo yika hasi nakumberera musoleri oyo, navoora, “Mutahenda mwoyo mba, kigira akikiri mwoyo.” 11Yanina igulu kandi, nameganyia mugadi, nalia. Yaazizagilira kwilwaza ku ing'inga indambi kuduuka lwa vwacha, ma nazia. 12Avandu yavo vaavugura muyaayi nivamuhila yengo naveeye mwoyo. Valema mwoyo ligali.
Paolo yatura Turoasi kuzia Mileto
13Kwanina mu liato nikwimira kuzia Asosi, wa kwenya kuvugulira Paolo. Nindio yalohiza; kigira yenya kuduuka yo kuvitira mu kivala. 14Lwa yakonyoola Asosi, nikumwingiriza mu liato, nikuzia Mitulene. 15Kutura uwene yeyo kwazia nikuduuka Kiosi lidiku lialondaku. Lidiku lia kaviri kwasingira Samo, na mugamba gundi kwaduka Mileto. 16Paolo yaali niyenyaa kuzizagilira no logendo lwi liato vugira kuvitira Efeso, avuli kuguunza mu Asia mba. Yenya azie vwangu aduuki Jerusalemi lidiku lia Pendekote niganyalika.
Paolo yasivulana na vakulundu va Efeso
17Kutura Mileto Paolo yatuma mundu na makuva ku vakulundu vi likanisa lia Efeso navalanga vavugane naye. 18Lwa vaduuka kuye, yavavolera, “Munyi mumanyi kuli ndamenya zing'inga ziosi harara nimunyi kutura lidiku liu kutanga lia ndaduuka Asia 19Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda. 20Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya. 21Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo. 22Kalunu, huliri! Mulitia Roho Mutakatifu, nziza Jerusalemi vugira kumanya agalingwira yo. 23Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi. 24Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.
25“Ndaavodong'anangi yiyi niyi mu munyi ninzilwaza Uvwami vwa Nyasaye. Navuzwa, kalunu siaveeyeho kali mulala ku munyi ulindola kandi. 26Kunangwa, muvooleraa lero ndi, mulala ku munyi naagota, simbeeye ni ligovi liosi mba. 27Sindaleka kali hakuzu kumulandizira makuva gi lienya liosi lia Nyasaye. 28Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve. 29Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba. 30Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde. 31Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.
32“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve. 33Inzi sindaakayirwa kali hakuzu ifeza yu mundu anoho zahabu anoho zinguvu. 34Munyi aveene mumanyi ndayinzira na makono gange mwene, nduuki konyoora lienya liange, ni lia yavo avaari harara ninzi. 35Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”
36Lwa yamala kovora yaga, Paolo yasigama harara navo vosi, nasaalaa. 37Vosi vaalira ligali nivamukumberera nivamuvuusa nivamusiivula. 38Kindu chavavereriza ligali mbitilira chaali likuva lia yavoola ndi sivalimulola kandi mba. Kunangwa, vamuhereka kuduuka mu liato.
Paolo Yazia Jerusalemi
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019