VATUMWA 19
19
1Ing'inga ya Apolo yaali mu Korinzo, Paolo yaali navitiraa mu kivala yicho ma naduuka Efeso. Yanyoora yo vandu avasuuviraa valala 2navateeva, “Lwa mwasuuvira mwavugula Roho Mutakatifu?”
Vamutivulira, “Awa! Kali lihulira vuzwa Roho Mutakatifu aveeye kunu kukikiri kuhulira ku.”
3Paolo yavoola, “Ku mwanyoola libatizwa lia lugano ki?”
Vamutivulira, “Libatizwa lia Yohana.”
4Paolo yavoola kandi, “Libatiza lia Yohana liali liu kumanyia ndi avandu vamali kwiganira. Yohana yavolera avandu va Isiraeli, uyu waali niyazaa inyima weve, naye ni Yeso.”
5Lwa vahulira yaga, vabatizwa mu lieta liu Mwami Yeso. 6Maku Paolo yavika makono geege kuvo, Roho Mutakatifu yika kuvo, nivatanga livoora mu zinimi ziavukani na amakuva ga Nyasaye. 7Vosi harara vaali ahimbi avandu likomi na vaviri.
8Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye. 9Navuzwa avalala kuvo ni kilage ni, vasuura kusuuvira; vatanga konyega miigizu gu Mwami Yeso imbiri wa avandu. Kunangwa Paolo yahuka kuvo, naahira halovega aviigi veve, namolomaa navo kazozo munyumba ya amasomo ya Tairano. 10Yaazizagilira kokora yaga ku ing'inga yi mihiga giviri; kuduuka vandu vosi ku avamenyaa Asia, vombi Avayuda na Avaguriki, vahulira likuva liu Mwami.
Avana va Sikeva vageriza kukuunga amademoni
11Nyasaye yakola vilolekizu viokogenyia kuvitira mu makono ga Paolo. 12Kali avandu vaavugura vitambaya ni zinguvu zindi ziatula ku muviri gwa Paolo yatumikiraa, nivahilira avalwaye vaavo, navo vahonywa vulwaye vwavo; na vandu avaari na mademoni gaturaa kuvo. 13Maku Avayuda valala avavodong'anaa hoosi, ni vakunga mademoni kandi, vageriza kutumikira lieta liu Mwami Yeso ku vandu avaari na mademoni. Vavoolera mademoni zana: “Mulagaa ku lieta lia Yeso wa Paolo yilwaza.” 14Avana saba va Sikeva, Muyuda, Musaalisi Munene, vaali avalala ku vandu avakolaa ndio.
15Navuzwa lidemoni liavavoolera, “Ndamanya Yeso, kandi ndamanya Paolo. Navuzwa munyi nivwaha?”
16Mundu waali niyagumirwa ni lidemoni oyo yavatuumira naavavita ni zinguru, navaguuta vosi. Avana va Sikeva viruka kutura munyumba yeyo nivaveeye chahonyo kandi nivizuuyi zing'oma. 17Avandu vosi va Efeso, Avayuda na Avaguriki, vamanya makuva yaga. Vosi vaali nu vuti, nivakuminya Mwami Yeso. 18Vandu avasuuviraa avanyingi vaza niviyama havulavu vindu via vaali nivakora. 19Vanyingi kuvo avaari nivakora uvusigitiri kale, valeta harara vitabu viavo, nivavisaamba ku muliru imbiri wa vandu vosi. Vavaliza vuguli vwi vitabu yivio, nivanyoora viduuka zisiringi zielefu amusini. 20Ni ndio likuva liu Mwami liameeda kulaanda niliva ni zinguru kuvita ligali.
Kivihiri mu Efeso
21Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.” 22Kunangwa avandu vaviri kuvo avaari avatumikiri veve, Timateo na Erasito, yavatuma kuzia Makedonia, naye mwene yaatigara na amenyaa Asia ku ing'inga idukanaa.
23Madiku yago nigo gi kivihiri kinyingi chaali mu Efeso, kigira miigizu gu Mwami Yeso. 24Yaali ho mulombi wi vindu viefeza mulala walangwa Demeturo, uwaali ni miyinzi jo kolomba vifananyi viefeza vie Litembeli lia nyasaye wi kikali walangwa Aritemi. Miyinzi yijo jaleetela Demeturo na avayinziri veve mabese manyingi. 25Demeturo yavuganyia avayinziri yavo harara na avandi avaari ni miyinzi ju lugano yilu, na avavoolera, “Avasaza munyi, mumanyi linyola lietu litula ku miyinzi yiji. 26Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba. 27Vudinyu sivoveeye kigira miyinzi jietu jenyine ijizizaa konyoora lieta lidamanu mba; navuzwa kandi likuva yili linyala kokora Litembeli liu umunyasaye wikikali ulangwa Atemesi wa Asia na uwi lirova liosi lisigamira sialahevwa luyali mba, kandi munyasaye oyo usigamirwaa na vandu vosi mu Asia nu mulirova alanyaagwa vunyasaye vwu vukumi.”
28Lwa vahulira yaga vizura uvutima, nivatanga kuhanzuka, numwoyo munene, nivavoora “Munene kuvita ni Aritemi wa Efeso!” 29Lidaala liosi lizula kivihiri. Vamanya nivagumira Gayo na Arisitariko, avandu va Makedonia, avagendaa harara na Paolo, nivavakwesa vwangu nivingira munyumba yi mikinu. 30Paolo mwene yenya kuzia imbiri wa avandu, navuzwa vandu avasuuviri vamwigalira. 31Valala ku vanene va Asia avaari avalina veve, vahilira Paolo amakuva nivamugoonya ativiika mu vudinyu kuzia munyumba yi mikinu mba. 32Ing'inga yene yeyo avandu vosi vavura kuhulirizana; avalala vahanzuka nivavoora yaga, na avandi yaga; kuduuka kiyaalo nikizula ligoyana nikivihiiri. Avanyingi kuvo kali sivamanya kivuni chagira ni vavuganira harara mba. 33Avalala ku Avayuda vasuguma Alekisanda imbiri, kutura mu kiduma kandi valala ku avaari mu kiduma vamuhanzukira nivaganagana niyie watangiza kilage. Alekisanda yaginga mukono vandu vaduuki kukiring'ana kunangwa ahaane liekinga imbiri wa avandu vosi. 34Navuzwa lwa vamanyiriza ndi aveeye Muyuda, vosi vahanzuka nu mwoyo mulala, nivavoora, “Munene aveeye Aritemi wa Efeso!” Vazizagilira kuhanzuka ndio ku ing'inga yi zisa ziviri.
35Inyima mung'odi wi lidaala yakiring'anyia avandu, navavoolera, “ Munyi avandu va Efeso, mundu woosi amanyi ndi lidaala lia Efeso yili nilio liveeye mulindi wi litembeli lia nyasaye Aritemi, kandi mulindi wi kifananyi chaguluka kutura mwigulu. 36Si ali ho nu unyala kwambakana amakuva yaga. Kunangwa, kiring'ani; mutakola kindu choosi madidikana. 37Mumali kuleeta avandu yava hano kali niiva sivali kwiva vindu vie litembeli, anoho konyega nyasaye wiitu wi kikali Aritemi. 38Kunangwa niiva Demeturo harara na avasiza vache nivava nivaveeye na makuva gaavo ga vayaaliraa avandu yava, iviina viveeye ho, na aveene vanyara kuzia kuyaarana uwene yeyo. 39Navuzwa nimuva nimuveeye nu vudinyu vundi, muvuhiri mu kiyaalo kidukanaa. 40Kigira kunyi kunyala kuyaalwa kolombi kivihiri cha makuva ga lero. Kivihiri yiki sikeveeye ni kivuni kidukanaa, kandi sikunyala kuhaana vivuni vivugilirwa ivileeti kivihiri yiki mba.” 41Lwa yamala kovora yaga yavolera vandu vazie.
Paolo yaazizaa Makedonia kandi Ivuguriki
လက္ရွိေရြးခ်ယ္ထားမွု
VATUMWA 19: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VATUMWA 19
19
1Ing'inga ya Apolo yaali mu Korinzo, Paolo yaali navitiraa mu kivala yicho ma naduuka Efeso. Yanyoora yo vandu avasuuviraa valala 2navateeva, “Lwa mwasuuvira mwavugula Roho Mutakatifu?”
Vamutivulira, “Awa! Kali lihulira vuzwa Roho Mutakatifu aveeye kunu kukikiri kuhulira ku.”
3Paolo yavoola, “Ku mwanyoola libatizwa lia lugano ki?”
Vamutivulira, “Libatizwa lia Yohana.”
4Paolo yavoola kandi, “Libatiza lia Yohana liali liu kumanyia ndi avandu vamali kwiganira. Yohana yavolera avandu va Isiraeli, uyu waali niyazaa inyima weve, naye ni Yeso.”
5Lwa vahulira yaga, vabatizwa mu lieta liu Mwami Yeso. 6Maku Paolo yavika makono geege kuvo, Roho Mutakatifu yika kuvo, nivatanga livoora mu zinimi ziavukani na amakuva ga Nyasaye. 7Vosi harara vaali ahimbi avandu likomi na vaviri.
8Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye. 9Navuzwa avalala kuvo ni kilage ni, vasuura kusuuvira; vatanga konyega miigizu gu Mwami Yeso imbiri wa avandu. Kunangwa Paolo yahuka kuvo, naahira halovega aviigi veve, namolomaa navo kazozo munyumba ya amasomo ya Tairano. 10Yaazizagilira kokora yaga ku ing'inga yi mihiga giviri; kuduuka vandu vosi ku avamenyaa Asia, vombi Avayuda na Avaguriki, vahulira likuva liu Mwami.
Avana va Sikeva vageriza kukuunga amademoni
11Nyasaye yakola vilolekizu viokogenyia kuvitira mu makono ga Paolo. 12Kali avandu vaavugura vitambaya ni zinguvu zindi ziatula ku muviri gwa Paolo yatumikiraa, nivahilira avalwaye vaavo, navo vahonywa vulwaye vwavo; na vandu avaari na mademoni gaturaa kuvo. 13Maku Avayuda valala avavodong'anaa hoosi, ni vakunga mademoni kandi, vageriza kutumikira lieta liu Mwami Yeso ku vandu avaari na mademoni. Vavoolera mademoni zana: “Mulagaa ku lieta lia Yeso wa Paolo yilwaza.” 14Avana saba va Sikeva, Muyuda, Musaalisi Munene, vaali avalala ku vandu avakolaa ndio.
15Navuzwa lidemoni liavavoolera, “Ndamanya Yeso, kandi ndamanya Paolo. Navuzwa munyi nivwaha?”
16Mundu waali niyagumirwa ni lidemoni oyo yavatuumira naavavita ni zinguru, navaguuta vosi. Avana va Sikeva viruka kutura munyumba yeyo nivaveeye chahonyo kandi nivizuuyi zing'oma. 17Avandu vosi va Efeso, Avayuda na Avaguriki, vamanya makuva yaga. Vosi vaali nu vuti, nivakuminya Mwami Yeso. 18Vandu avasuuviraa avanyingi vaza niviyama havulavu vindu via vaali nivakora. 19Vanyingi kuvo avaari nivakora uvusigitiri kale, valeta harara vitabu viavo, nivavisaamba ku muliru imbiri wa vandu vosi. Vavaliza vuguli vwi vitabu yivio, nivanyoora viduuka zisiringi zielefu amusini. 20Ni ndio likuva liu Mwami liameeda kulaanda niliva ni zinguru kuvita ligali.
Kivihiri mu Efeso
21Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.” 22Kunangwa avandu vaviri kuvo avaari avatumikiri veve, Timateo na Erasito, yavatuma kuzia Makedonia, naye mwene yaatigara na amenyaa Asia ku ing'inga idukanaa.
23Madiku yago nigo gi kivihiri kinyingi chaali mu Efeso, kigira miigizu gu Mwami Yeso. 24Yaali ho mulombi wi vindu viefeza mulala walangwa Demeturo, uwaali ni miyinzi jo kolomba vifananyi viefeza vie Litembeli lia nyasaye wi kikali walangwa Aritemi. Miyinzi yijo jaleetela Demeturo na avayinziri veve mabese manyingi. 25Demeturo yavuganyia avayinziri yavo harara na avandi avaari ni miyinzi ju lugano yilu, na avavoolera, “Avasaza munyi, mumanyi linyola lietu litula ku miyinzi yiji. 26Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba. 27Vudinyu sivoveeye kigira miyinzi jietu jenyine ijizizaa konyoora lieta lidamanu mba; navuzwa kandi likuva yili linyala kokora Litembeli liu umunyasaye wikikali ulangwa Atemesi wa Asia na uwi lirova liosi lisigamira sialahevwa luyali mba, kandi munyasaye oyo usigamirwaa na vandu vosi mu Asia nu mulirova alanyaagwa vunyasaye vwu vukumi.”
28Lwa vahulira yaga vizura uvutima, nivatanga kuhanzuka, numwoyo munene, nivavoora “Munene kuvita ni Aritemi wa Efeso!” 29Lidaala liosi lizula kivihiri. Vamanya nivagumira Gayo na Arisitariko, avandu va Makedonia, avagendaa harara na Paolo, nivavakwesa vwangu nivingira munyumba yi mikinu. 30Paolo mwene yenya kuzia imbiri wa avandu, navuzwa vandu avasuuviri vamwigalira. 31Valala ku vanene va Asia avaari avalina veve, vahilira Paolo amakuva nivamugoonya ativiika mu vudinyu kuzia munyumba yi mikinu mba. 32Ing'inga yene yeyo avandu vosi vavura kuhulirizana; avalala vahanzuka nivavoora yaga, na avandi yaga; kuduuka kiyaalo nikizula ligoyana nikivihiiri. Avanyingi kuvo kali sivamanya kivuni chagira ni vavuganira harara mba. 33Avalala ku Avayuda vasuguma Alekisanda imbiri, kutura mu kiduma kandi valala ku avaari mu kiduma vamuhanzukira nivaganagana niyie watangiza kilage. Alekisanda yaginga mukono vandu vaduuki kukiring'ana kunangwa ahaane liekinga imbiri wa avandu vosi. 34Navuzwa lwa vamanyiriza ndi aveeye Muyuda, vosi vahanzuka nu mwoyo mulala, nivavoora, “Munene aveeye Aritemi wa Efeso!” Vazizagilira kuhanzuka ndio ku ing'inga yi zisa ziviri.
35Inyima mung'odi wi lidaala yakiring'anyia avandu, navavoolera, “ Munyi avandu va Efeso, mundu woosi amanyi ndi lidaala lia Efeso yili nilio liveeye mulindi wi litembeli lia nyasaye Aritemi, kandi mulindi wi kifananyi chaguluka kutura mwigulu. 36Si ali ho nu unyala kwambakana amakuva yaga. Kunangwa, kiring'ani; mutakola kindu choosi madidikana. 37Mumali kuleeta avandu yava hano kali niiva sivali kwiva vindu vie litembeli, anoho konyega nyasaye wiitu wi kikali Aritemi. 38Kunangwa niiva Demeturo harara na avasiza vache nivava nivaveeye na makuva gaavo ga vayaaliraa avandu yava, iviina viveeye ho, na aveene vanyara kuzia kuyaarana uwene yeyo. 39Navuzwa nimuva nimuveeye nu vudinyu vundi, muvuhiri mu kiyaalo kidukanaa. 40Kigira kunyi kunyala kuyaalwa kolombi kivihiri cha makuva ga lero. Kivihiri yiki sikeveeye ni kivuni kidukanaa, kandi sikunyala kuhaana vivuni vivugilirwa ivileeti kivihiri yiki mba.” 41Lwa yamala kovora yaga yavolera vandu vazie.
Paolo yaazizaa Makedonia kandi Ivuguriki
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019