YEHESKIEL 39
39
Tei Gog ilolaahelio
1 Eeya Taa Laba-labaalo molanggato lotahuda mai, “Wuu manusia panaa, anjamuwalo tei Gog, olongia daa̒ lonto lilii-puwaalo Mesekh wau Tubal, wau polelea mao̒ olio deu̒ Wau̒ botie musuulio. 2Wau̒ mamopobale, wau modelo olio lumualo monto madala u molamingo totilayo, to huhuu-ideyaalo Isirai̒lu. 3Mota teto matotaa̒a-U̒ buutii̒o tunggula moo̒ohuli monto ului̒o oloihi, wau podehuwo-U̒ walao̒ panalio monto ului̒o olowala. 4Toitaato huhuu-i̒deyaalo Isirai̒lu, tei Gog wolo ngoa̒amila suludadu wau pangelio maamate, mimii-lateyaalo limongolio mawohi-U̒ ode totoonulalo bulungi wau binatangi mongantau u aaloolio. 5Mongo pajule boito mamodehu wau mate to hahaa-laboluwalo. Wau̒, Eeya Taa Laba-labaalo molanggato malo tahuda mai. 6Wau̒ mamopo toodei tulu pomoobu tohuta lo Magog wau pepee-ntaduwalo to utoonu ulipulio hitumula wolo aamani. Yi bolo otaawalo mao̒ limongolio ngoa̒amila deu̒ Wau̒ulo Eeya. 7Bo to huungo taulo Isirai̒lu, mapoi̒laalo-U̒ mai tanggulu-U̒ u mantali, wau tanggulu-U̒ boito diilalo pokootoloolio. Yi bolo otaawalo mao̒ lo babaa-ngusawalo deu̒ Wau̒ulo Eeya, Allahu Taa̒ala u tamantali monto Isirai̒lu.”
8 Eeya Taa Laba-labaalo molanggato lotahuda mai, “Otutu, dulahee u tilanggulu-U̒ boito mamei dungga. 9Ulipu lo kokoo-tawaalo to Isirai̒lu malumualo motutuuyuta dadaata daa̒ u mohimoa̒ titii-ngolowalo u matilolaalio, deu̒yito-yito totame wau wamilo, buutio̒ wau walao̒ pana wau tunggudu pomate. Ngoa̒amila boito pilopowali limongolio ayu podiio̒, wau uito lotuuheta duo̒lo pitu lotaunu mola. 10Oditolio timongolio diila palalu mohimoa̒ ayu podiio̒ to halabolu meaalo motiboto ayu to oa̒ayua, sababu titii-ngolowalo u tilolaalio mao̒ boito odito daatalio u podiio̒. Timongolio mamolambata wau moheehu halata lotau-tauwalo tamalo lambata wau loheebu halata limongolio. Wau̒, Eeya Taa Laba-labaalo molanggato malo tahuda mai.”
Pilolobunga olei Gog
11 Eeya lotahuda mai, “Wonubolo ngoa̒amila boito motoduo mai, Wau̒ mamohudu mai odelei Gog huta polobungalo to Isirai̒lu to Lumbaya Pobalangalo u dudutuulio to ambahu tiimuru lo Lau Mati. Teteetolo tei Gog wau ngoa̒amila suludadulio malobungolo, wau lumbaya boito mau̒nteelio ‘Lumbaya Pasuukani lo Gog’. 12Pitu lohula mola hiheolio tau-tauwalo Isirai̒lu madadaata u kalajaalo molobunga ngoa̒amila milate alihu huta boito diilalo najisi. 13Ngoilanggubu tuango lipu mamomantu kalaja polobungala boito; wau woleeto timongolio mamololimo pahala to dulahee Wau̒ moo̒haama mai. Wau̒, Eeya Taa Laba-labaalo molanggato malo tahuda mai. 14Lapatao̒ pitu lohula mola boito mopaluto, dengolo lota mawohiya-U̒ tuugasi u molontale lipu boito u mololohe mimii-lateyaalo u donggo hibalataalo mao̒ odito tohuta, wau wonu woluo, mopo lobungao̒ u mopobelesi lipu boito monto u najisi. 15To delomo nonao̒ boito timii̒du timongolio moo̒dungga tulalo manusia, timongolio mamongohi mao̒ tuoto totiliilio, alihu tamoo-lobungawa moo̒onto uito wau molobungao̒ tulalo boito to Lumbaya Pasuukani lo Gog. 16Wolo dudelo boito huta boito pilopo belesi mao̒ lonto u najisi. (Todulahee momooli, tolumbaya boito mawoluo mai kota u tanggulio tutuuwauwa wolo Pasukani Gog).”
17 Eeya Taa Laba-labaalo molanggato lotahuda mai odelaatia, “Wuu manusia panaa, tiangaalo ngoa̒amila bulungi wau binatangi wewolio, alihu monao̒ mai monto utoonulalo mao̒ mai mongaa bake u pilohetu-U̒ olimongolio. Wau̒ mamohutu potihunggu daa̒ to huhuu-ideyaalo lo Isirai̒lu, mola teto timongolio mowali mongaa tapu wau mongilu duhu. 18Timongolio mowali mongaa mimii-lateyaalo pahalaawani, wau mongilu duhu lo tahipo ngawaasawa dunia. Mongo pahalaawani wau takawa-kawasa boito mapateelio mate-mateelo mao̒ debo odelo babaa-tadeyaalo ulai̒ wau wawaa-lao̒waalo batade, meaalo sasaa-piyaalo oa̒ayua molingohu. 19Lapatao̒ patee-U̒ mate-mateelo mao̒ tau-tauwala debo odelo bake, bubuu-lungiyalo wau bibii-natangiyalo wewo mamongaa ngoa̒amila tabolio tunggula motolu, wau mongilu duhu tunggula huwoa̒alo. 20To meja-U̒ timongolio mowali mopobutuhe ombongo wolo ngoa̒amila wadala wau jokilio olio wau wolo tamoo hipatea. Wau̒, Eeya Taa Laba-labaalo molanggato malo tahuda mai.”
Isirai̒lu pilopo nguliilio
21Eeya lotahuda mai, “Wau̒ mamo poo̒otuoto omumuliya-U̒ babaa-ngusawalo. Timongolio ngoa̒amila mamoo̒onto woloolo mola Wau̒ mopohuna kawasaa-U̒ u moponao̒ ngoa̒amila putuusani-U̒ u aadili. 22Tumulalo mao̒ tou̒ boito taulo Isirai̒lu mamotota deu̒ Wau̒ulo Eeya Allahu Taa̒ala limongolio. 23Ngoa̒amila bangusa mamongalati daa̒ deu̒ taulo Isirai̒lu yilao mota ode polayahu sababu dusa limongolio ola-U̒. Timongolio matilolaa-U̒ wau piloluli-U̒ olaahe lomusu wau pateelio mate-mateelo mao̒ todelomo popaatea. 24Pohutuwo-U̒ timongolio motuuu̒de wolo onaajisi wau ololeeto limongolio, lapatao̒ tolaa-U̒ timongolio.”
25 Eeya Taa Laba-labaalo molanggato lotahuda mai, “Bo botia Wau̒ mamomonu mai umati lo Isirai̒lu wali mai lei Yako, wau mohutu olimongolio muli maa̒amulu. Lou̒ odito Wau̒ modaha alihu tanggulu-U̒ debo hulu-hulumati. 26Wonu timongolio muli motibiluloa̒ wolo duo̒-duo̒oto tolipu limongolio lohihilao, wau diaaluo penu boli ngotaa mao̒ tamo nganjamu olimongolio, yi timongolio mamolipata woloolo mola timongolio mapiloo̒o-litio sababu lohiyanati ola-U̒. 27Wau̒ mamuli modelo olimongolio monto lilii-puwaalo musu limongolio, wau omantali-U̒ mao̒ontonga ode ngoa̒amila bangusa sababu huhutuu-U̒ boito. 28Yi bolo otaawalo mao̒ lo umati-U̒ deu̒ Wau̒ulo Eeya Allahu Taaa̒la limongolio. Sababu Wau̒ulo talolao mola olimongolio ode polayahu, bo Wau̒ olo tamuli mopowalinga olimongolio ode lipu limongolio lohihilao, lou̒ diila mololaa olimongolio penu boli ngotaa mao̒ mola teto. 29Wau̒ mamopo dungga mai rohu-U̒ ode bangusa lo Isirai̒lu, wau diilalo mololaa olimongolio. Wau̒, Eeya Taa Laba-labaalo molanggato malo tahuda mai.”
လက္ရွိေရြးခ်ယ္ထားမွု
YEHESKIEL 39: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 39
39
Tei Gog ilolaahelio
1 Eeya Taa Laba-labaalo molanggato lotahuda mai, “Wuu manusia panaa, anjamuwalo tei Gog, olongia daa̒ lonto lilii-puwaalo Mesekh wau Tubal, wau polelea mao̒ olio deu̒ Wau̒ botie musuulio. 2Wau̒ mamopobale, wau modelo olio lumualo monto madala u molamingo totilayo, to huhuu-ideyaalo Isirai̒lu. 3Mota teto matotaa̒a-U̒ buutii̒o tunggula moo̒ohuli monto ului̒o oloihi, wau podehuwo-U̒ walao̒ panalio monto ului̒o olowala. 4Toitaato huhuu-i̒deyaalo Isirai̒lu, tei Gog wolo ngoa̒amila suludadu wau pangelio maamate, mimii-lateyaalo limongolio mawohi-U̒ ode totoonulalo bulungi wau binatangi mongantau u aaloolio. 5Mongo pajule boito mamodehu wau mate to hahaa-laboluwalo. Wau̒, Eeya Taa Laba-labaalo molanggato malo tahuda mai. 6Wau̒ mamopo toodei tulu pomoobu tohuta lo Magog wau pepee-ntaduwalo to utoonu ulipulio hitumula wolo aamani. Yi bolo otaawalo mao̒ limongolio ngoa̒amila deu̒ Wau̒ulo Eeya. 7Bo to huungo taulo Isirai̒lu, mapoi̒laalo-U̒ mai tanggulu-U̒ u mantali, wau tanggulu-U̒ boito diilalo pokootoloolio. Yi bolo otaawalo mao̒ lo babaa-ngusawalo deu̒ Wau̒ulo Eeya, Allahu Taa̒ala u tamantali monto Isirai̒lu.”
8 Eeya Taa Laba-labaalo molanggato lotahuda mai, “Otutu, dulahee u tilanggulu-U̒ boito mamei dungga. 9Ulipu lo kokoo-tawaalo to Isirai̒lu malumualo motutuuyuta dadaata daa̒ u mohimoa̒ titii-ngolowalo u matilolaalio, deu̒yito-yito totame wau wamilo, buutio̒ wau walao̒ pana wau tunggudu pomate. Ngoa̒amila boito pilopowali limongolio ayu podiio̒, wau uito lotuuheta duo̒lo pitu lotaunu mola. 10Oditolio timongolio diila palalu mohimoa̒ ayu podiio̒ to halabolu meaalo motiboto ayu to oa̒ayua, sababu titii-ngolowalo u tilolaalio mao̒ boito odito daatalio u podiio̒. Timongolio mamolambata wau moheehu halata lotau-tauwalo tamalo lambata wau loheebu halata limongolio. Wau̒, Eeya Taa Laba-labaalo molanggato malo tahuda mai.”
Pilolobunga olei Gog
11 Eeya lotahuda mai, “Wonubolo ngoa̒amila boito motoduo mai, Wau̒ mamohudu mai odelei Gog huta polobungalo to Isirai̒lu to Lumbaya Pobalangalo u dudutuulio to ambahu tiimuru lo Lau Mati. Teteetolo tei Gog wau ngoa̒amila suludadulio malobungolo, wau lumbaya boito mau̒nteelio ‘Lumbaya Pasuukani lo Gog’. 12Pitu lohula mola hiheolio tau-tauwalo Isirai̒lu madadaata u kalajaalo molobunga ngoa̒amila milate alihu huta boito diilalo najisi. 13Ngoilanggubu tuango lipu mamomantu kalaja polobungala boito; wau woleeto timongolio mamololimo pahala to dulahee Wau̒ moo̒haama mai. Wau̒, Eeya Taa Laba-labaalo molanggato malo tahuda mai. 14Lapatao̒ pitu lohula mola boito mopaluto, dengolo lota mawohiya-U̒ tuugasi u molontale lipu boito u mololohe mimii-lateyaalo u donggo hibalataalo mao̒ odito tohuta, wau wonu woluo, mopo lobungao̒ u mopobelesi lipu boito monto u najisi. 15To delomo nonao̒ boito timii̒du timongolio moo̒dungga tulalo manusia, timongolio mamongohi mao̒ tuoto totiliilio, alihu tamoo-lobungawa moo̒onto uito wau molobungao̒ tulalo boito to Lumbaya Pasuukani lo Gog. 16Wolo dudelo boito huta boito pilopo belesi mao̒ lonto u najisi. (Todulahee momooli, tolumbaya boito mawoluo mai kota u tanggulio tutuuwauwa wolo Pasukani Gog).”
17 Eeya Taa Laba-labaalo molanggato lotahuda mai odelaatia, “Wuu manusia panaa, tiangaalo ngoa̒amila bulungi wau binatangi wewolio, alihu monao̒ mai monto utoonulalo mao̒ mai mongaa bake u pilohetu-U̒ olimongolio. Wau̒ mamohutu potihunggu daa̒ to huhuu-ideyaalo lo Isirai̒lu, mola teto timongolio mowali mongaa tapu wau mongilu duhu. 18Timongolio mowali mongaa mimii-lateyaalo pahalaawani, wau mongilu duhu lo tahipo ngawaasawa dunia. Mongo pahalaawani wau takawa-kawasa boito mapateelio mate-mateelo mao̒ debo odelo babaa-tadeyaalo ulai̒ wau wawaa-lao̒waalo batade, meaalo sasaa-piyaalo oa̒ayua molingohu. 19Lapatao̒ patee-U̒ mate-mateelo mao̒ tau-tauwala debo odelo bake, bubuu-lungiyalo wau bibii-natangiyalo wewo mamongaa ngoa̒amila tabolio tunggula motolu, wau mongilu duhu tunggula huwoa̒alo. 20To meja-U̒ timongolio mowali mopobutuhe ombongo wolo ngoa̒amila wadala wau jokilio olio wau wolo tamoo hipatea. Wau̒, Eeya Taa Laba-labaalo molanggato malo tahuda mai.”
Isirai̒lu pilopo nguliilio
21Eeya lotahuda mai, “Wau̒ mamo poo̒otuoto omumuliya-U̒ babaa-ngusawalo. Timongolio ngoa̒amila mamoo̒onto woloolo mola Wau̒ mopohuna kawasaa-U̒ u moponao̒ ngoa̒amila putuusani-U̒ u aadili. 22Tumulalo mao̒ tou̒ boito taulo Isirai̒lu mamotota deu̒ Wau̒ulo Eeya Allahu Taa̒ala limongolio. 23Ngoa̒amila bangusa mamongalati daa̒ deu̒ taulo Isirai̒lu yilao mota ode polayahu sababu dusa limongolio ola-U̒. Timongolio matilolaa-U̒ wau piloluli-U̒ olaahe lomusu wau pateelio mate-mateelo mao̒ todelomo popaatea. 24Pohutuwo-U̒ timongolio motuuu̒de wolo onaajisi wau ololeeto limongolio, lapatao̒ tolaa-U̒ timongolio.”
25 Eeya Taa Laba-labaalo molanggato lotahuda mai, “Bo botia Wau̒ mamomonu mai umati lo Isirai̒lu wali mai lei Yako, wau mohutu olimongolio muli maa̒amulu. Lou̒ odito Wau̒ modaha alihu tanggulu-U̒ debo hulu-hulumati. 26Wonu timongolio muli motibiluloa̒ wolo duo̒-duo̒oto tolipu limongolio lohihilao, wau diaaluo penu boli ngotaa mao̒ tamo nganjamu olimongolio, yi timongolio mamolipata woloolo mola timongolio mapiloo̒o-litio sababu lohiyanati ola-U̒. 27Wau̒ mamuli modelo olimongolio monto lilii-puwaalo musu limongolio, wau omantali-U̒ mao̒ontonga ode ngoa̒amila bangusa sababu huhutuu-U̒ boito. 28Yi bolo otaawalo mao̒ lo umati-U̒ deu̒ Wau̒ulo Eeya Allahu Taaa̒la limongolio. Sababu Wau̒ulo talolao mola olimongolio ode polayahu, bo Wau̒ olo tamuli mopowalinga olimongolio ode lipu limongolio lohihilao, lou̒ diila mololaa olimongolio penu boli ngotaa mao̒ mola teto. 29Wau̒ mamopo dungga mai rohu-U̒ ode bangusa lo Isirai̒lu, wau diilalo mololaa olimongolio. Wau̒, Eeya Taa Laba-labaalo molanggato malo tahuda mai.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ