YEHESKIEL 38
38
Tei Gog odelo pilotimbulude lopo lohukuumani monto Allahu Taa̒ala
1 Eeya lotahuda mai odelaatia, 2“Wuu manusia panaa, laa̒anatiyalo tei Gog olongia daa̒ lonto lilii-puwaalo Mesekh wolei Tubal tohuta lo Magog. 3Polelea mao̒ olio deu̒ Wau̒, Eeya Taa Laba-labaalo molanggato, deu̒yito-yito musuulio. 4Wau̒ mamopobale olio, mopohuli mao̒ kaito to walelio, wau momantanga olio ode bulemengio wolo ngoa̒amila pasuukanilio. Dadaata daa̒ pasuukanilio u owadala boito tahipakea ngotumba. Timii̒du pajule hideloa totame wau wamilo. 5Ti olongia hetilunuhe lomongo pajule lo Persia, Sudan wau Libia, ngota-ngota hideloa wamilo wau helemu waja. 6Ngoa̒amila tamoo-hipatea lonto lilii-puwalo Gomer wau Bet-Togarma totilayo, lomaju wolio, wau dadaata bangusa wewo lodudua̒ olo. 7Ahuliilo tio motidapato wau palentaawa mao̒ ngoa̒amila suludadu talo paangea wolio alihu mopoo̒daha modudua̒ palentaalio. 8Dengolo taunu pomola tio mapalentaa-U̒ u moluhu lipu tuwau wolo ulipu tamaa luli ilambu mai towolota lobangusa dadaata wau talapatio mao̒ lotibiluloa̒ tolipu botio wolo aamani. Tei Gog mamoti tambati huhuu-i̒deyaalo Isirai̒lu u malohiheo loliilo wau polupolu lo tutuu-wodeyaalo, bo u masaatia botie piloti biluloa̒ lo ulipu tahitumula wolo damee. 9Tio boli suludadulio wau dadaata bangusa tapee̒-pee̒enta wolio mamonao̒ mai moluhu debo odelo dutalo wau mohenggubei ngoilanggubu lipu debo odelo heengo.”
10 Eeya Taa Laba-labaalo molanggato lotahuda odelei Gog, “Tou̒ boito yio̒ mamohutu laanjana u moleeto. 11Yio̒ molantu u moluhu lipu udiila obintengi boito, tou̒toonu ulipulio hitumula wolo aamani wau damee to kokoo-tawaalo u diila odingingo meeseli wau diila o pakaakasi u pomintengi. 12Yio̒ mamolambata wau moheehu babaa-langiyaalo ulipu tokota u muloololio mai lowali tutuu-wodeyaalo boito. Ulipulio tai̒laambu lonto totoonulalo bangusa, botia mai̒lo halata dadaata wau bibiahu boli timongolio hibiluloa̒wa towibuo̒ lo dunia. 13Ulipu lo Syeba wau Dedan boli tahipo daahangia to kokoo-tawaalo lipu lo Spanyol mamohintu mai olemu odie, ‘Wolo yio̒ mongambu mai suludadumu bo u molambata wau moheehu hulawa, talaa̒, bibiahu wau halata upango, wau momintaa̒a ngoa̒amilalo boito?’ ”
14Sababu uito Eeya Taa Laba-labaalo molanggato lolao mai olaatia u mopo tunggulao̒ odelei Gog tahuli botie, “Tumbao̒ tou̒ umati-U̒ Isirai̒lu hitumula wolo aamani wau damee, yio̒ mai loluhu. 15Yio̒ lomonggata lonto tambati biluloa̒mu, lolaminga ode tilayo, tilunuhe lo suludadu ulei̒daa̒ wau polu-polutuo̒, ngoa̒amila pasuukani owadala lonto totoonulalo bangusa u hidala-dalaala. 16Lapatao̒ tiluhumu umati-U̒ Isirai̒lu debo odelo dutaalo lolemba mai dunia. Wonu wakutuulio meidungga, yio̒ malaolo-U̒ u motibiluloa̒ hutaa-U̒. Wolo huhutuu-U̒ motimbuludei olemu, wuu Gog, babaa-ngusawalo mamotota mao̒ totoonu Wau̒, deu̒yito-yito Allahu Taa̒ala tamantali. 17Diila maa Wau̒ talobisala mai pasalimu tou̒ muloololio mai lotimbulude to mongowato-U̒ mongonabi lo Isirai̒lu? Timongolio malo laamali deu̒ tomaasa u mamei dungga Wau̒ mamopoa̒hu ngotaalio u moluhu Isirai̒lu. Wau̒ Eeya Taa Laba-labaalo molanggato malo tahuda mai.”
Hukuumani lo Allahu Taa̒ala odelei Gog
18 Eeya Taa Laba-labaalo molanggato lotahuda mai, “Bo hua̒a lapatio mao̒ tei Gog loluhu Isirai̒lu, Wau̒ mamoluhu wolo majanunu. 19Wau wolo muluka daa̒ Wau̒ mamo nganjamu, deu̒ to dulahee boito woluo mai liluhu u laba-labaalo tolipu lo Isirai̒lu. 20Ngoa̒amila toola wau bulungi, ngoa̒amila binatangi leidaa̒ wau kikiio̒, wau ngoa̒amila taa totudu lohuta mahumuhela moohe motaalua wola-U̒. Huhuu-i̒deyaalo mamoohu, bibii-nggiyaalo mameelito wau ngoa̒amila dingingo meeseli mamo loloohubu. 21Lapatao̒ tei Gog mapotala anggingo-U̒ wolo totoonulalo baala u hidala-dalaala. Wau̒, Eeya Taa Laba-labaalo molanggato malo tahuda mai. Tahidudua̒ olio tinggai motutuuhua wolo wamili mongolio. 22Tio mahukuu-maniyo-U̒ wolo wembelo lo ngognoto wau polotolohu duhu. Didi polodu wau didi lo esi, tulu wau waliirangi mabangguwato-U̒ ode yitaatio wau suludadulio wau ode dadaata bangusa tamalo paangea wolio. 23Wolo dudelo boito mapobilohu-U̒ mai ode ngoa̒amila bangusa deu̒ Wau̒ botie udaa̒ wau mantali. Yi bolo otaawalo limongolio deu̒ Wau̒ulo Eeya.”
လက္ရွိေရြးခ်ယ္ထားမွု
YEHESKIEL 38: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 38
38
Tei Gog odelo pilotimbulude lopo lohukuumani monto Allahu Taa̒ala
1 Eeya lotahuda mai odelaatia, 2“Wuu manusia panaa, laa̒anatiyalo tei Gog olongia daa̒ lonto lilii-puwaalo Mesekh wolei Tubal tohuta lo Magog. 3Polelea mao̒ olio deu̒ Wau̒, Eeya Taa Laba-labaalo molanggato, deu̒yito-yito musuulio. 4Wau̒ mamopobale olio, mopohuli mao̒ kaito to walelio, wau momantanga olio ode bulemengio wolo ngoa̒amila pasuukanilio. Dadaata daa̒ pasuukanilio u owadala boito tahipakea ngotumba. Timii̒du pajule hideloa totame wau wamilo. 5Ti olongia hetilunuhe lomongo pajule lo Persia, Sudan wau Libia, ngota-ngota hideloa wamilo wau helemu waja. 6Ngoa̒amila tamoo-hipatea lonto lilii-puwalo Gomer wau Bet-Togarma totilayo, lomaju wolio, wau dadaata bangusa wewo lodudua̒ olo. 7Ahuliilo tio motidapato wau palentaawa mao̒ ngoa̒amila suludadu talo paangea wolio alihu mopoo̒daha modudua̒ palentaalio. 8Dengolo taunu pomola tio mapalentaa-U̒ u moluhu lipu tuwau wolo ulipu tamaa luli ilambu mai towolota lobangusa dadaata wau talapatio mao̒ lotibiluloa̒ tolipu botio wolo aamani. Tei Gog mamoti tambati huhuu-i̒deyaalo Isirai̒lu u malohiheo loliilo wau polupolu lo tutuu-wodeyaalo, bo u masaatia botie piloti biluloa̒ lo ulipu tahitumula wolo damee. 9Tio boli suludadulio wau dadaata bangusa tapee̒-pee̒enta wolio mamonao̒ mai moluhu debo odelo dutalo wau mohenggubei ngoilanggubu lipu debo odelo heengo.”
10 Eeya Taa Laba-labaalo molanggato lotahuda odelei Gog, “Tou̒ boito yio̒ mamohutu laanjana u moleeto. 11Yio̒ molantu u moluhu lipu udiila obintengi boito, tou̒toonu ulipulio hitumula wolo aamani wau damee to kokoo-tawaalo u diila odingingo meeseli wau diila o pakaakasi u pomintengi. 12Yio̒ mamolambata wau moheehu babaa-langiyaalo ulipu tokota u muloololio mai lowali tutuu-wodeyaalo boito. Ulipulio tai̒laambu lonto totoonulalo bangusa, botia mai̒lo halata dadaata wau bibiahu boli timongolio hibiluloa̒wa towibuo̒ lo dunia. 13Ulipu lo Syeba wau Dedan boli tahipo daahangia to kokoo-tawaalo lipu lo Spanyol mamohintu mai olemu odie, ‘Wolo yio̒ mongambu mai suludadumu bo u molambata wau moheehu hulawa, talaa̒, bibiahu wau halata upango, wau momintaa̒a ngoa̒amilalo boito?’ ”
14Sababu uito Eeya Taa Laba-labaalo molanggato lolao mai olaatia u mopo tunggulao̒ odelei Gog tahuli botie, “Tumbao̒ tou̒ umati-U̒ Isirai̒lu hitumula wolo aamani wau damee, yio̒ mai loluhu. 15Yio̒ lomonggata lonto tambati biluloa̒mu, lolaminga ode tilayo, tilunuhe lo suludadu ulei̒daa̒ wau polu-polutuo̒, ngoa̒amila pasuukani owadala lonto totoonulalo bangusa u hidala-dalaala. 16Lapatao̒ tiluhumu umati-U̒ Isirai̒lu debo odelo dutaalo lolemba mai dunia. Wonu wakutuulio meidungga, yio̒ malaolo-U̒ u motibiluloa̒ hutaa-U̒. Wolo huhutuu-U̒ motimbuludei olemu, wuu Gog, babaa-ngusawalo mamotota mao̒ totoonu Wau̒, deu̒yito-yito Allahu Taa̒ala tamantali. 17Diila maa Wau̒ talobisala mai pasalimu tou̒ muloololio mai lotimbulude to mongowato-U̒ mongonabi lo Isirai̒lu? Timongolio malo laamali deu̒ tomaasa u mamei dungga Wau̒ mamopoa̒hu ngotaalio u moluhu Isirai̒lu. Wau̒ Eeya Taa Laba-labaalo molanggato malo tahuda mai.”
Hukuumani lo Allahu Taa̒ala odelei Gog
18 Eeya Taa Laba-labaalo molanggato lotahuda mai, “Bo hua̒a lapatio mao̒ tei Gog loluhu Isirai̒lu, Wau̒ mamoluhu wolo majanunu. 19Wau wolo muluka daa̒ Wau̒ mamo nganjamu, deu̒ to dulahee boito woluo mai liluhu u laba-labaalo tolipu lo Isirai̒lu. 20Ngoa̒amila toola wau bulungi, ngoa̒amila binatangi leidaa̒ wau kikiio̒, wau ngoa̒amila taa totudu lohuta mahumuhela moohe motaalua wola-U̒. Huhuu-i̒deyaalo mamoohu, bibii-nggiyaalo mameelito wau ngoa̒amila dingingo meeseli mamo loloohubu. 21Lapatao̒ tei Gog mapotala anggingo-U̒ wolo totoonulalo baala u hidala-dalaala. Wau̒, Eeya Taa Laba-labaalo molanggato malo tahuda mai. Tahidudua̒ olio tinggai motutuuhua wolo wamili mongolio. 22Tio mahukuu-maniyo-U̒ wolo wembelo lo ngognoto wau polotolohu duhu. Didi polodu wau didi lo esi, tulu wau waliirangi mabangguwato-U̒ ode yitaatio wau suludadulio wau ode dadaata bangusa tamalo paangea wolio. 23Wolo dudelo boito mapobilohu-U̒ mai ode ngoa̒amila bangusa deu̒ Wau̒ botie udaa̒ wau mantali. Yi bolo otaawalo limongolio deu̒ Wau̒ulo Eeya.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ