YEHESKIEL 40
40
BIBILOHE PASALI BELE LO Eeya TODULAHEE UDUNGGA-DUNGGA MAI
40:1–48:35
Tei Yeheskiel dilelolio ode Yerusalemu
1Tou̒ boito dulahu opululio hulalo bohulio, todelomo taunu odulo pulaa limo tou̒ amiaatia pilolayahio, mopulaa pato lotaunu mola lapatao̒ Yerusalemu ilolaahelio, watia loo̒laasa mai kawasa lo Eeya, lapatao̒ watia dileloo-Lio lonao̒. 2To delomo bibilohe tuwau, Allahu Taa̒ala lodelo mota olaatia ode huta lo Isirai̒lu wau lopotambati olaatia to hui̒dee u molanggato. To talu lowatia ilootonga lowatia ngopolemboa̒ hudungu udebo odelo kota tuwau. 3Watia dilelolio mota odito wau ilootonga lowatia talolai̒ ngota tamo-lilingga debo odelo polunggu tihu-tihula totili lohuhebu hulubangi. Tio dihudihu awadu pluu̒ude lo lineni wau ayu poluu̒ude.
4Talolai̒ boito loloi̒ya odelaatia, “Wuu manusia panaa, dungohilo mopio-piohuulo mao̒ wau poo̒tuotilo totoonulalo hitua-tuawua u pobilohuu̒ mai olemu, sababu woleetolo olo yio̒ dilelo mai odia. Poo̒taalo mao̒ ode bangusa lo Isirai̒lu ngoa̒amila umaa oontongamu.”
Hulubangi tiimuru
5Lapatao̒ watia loo̒onto Bele lo Eeya u pilalita lo dingingo meeseli. Talolai̒ boito malo lumula loluu̒udeo̒ dingingo meeseli boito wolo ayu poluu̒udio u hayaai̒o tolo meeteri. Malo ilaalo dingingo meeseli boito langgatio tolo meeteri wau hulodio olo tolo meeteri. 6Lapatao̒ tio lonao̒ mota ode hulubangi u talutalu ode tiimuru. Tio lobotulaa mola tua̒adio wau leidungga ode yitaato, tio loluu̒ude koosengi lo huhebu boito, tanggalio tolo meeteri. 7-10To wulea lo hulubangi boito woluo hulupilaa tuwau wau to timii̒du biihio ohuwali mohelu totolu u podahaalo. Ngoa̒amila huwali boito tutuuwauwa hulintalio; modeliilio tutulio wopato, wau hayao̒ timii̒du biihio yito tolo meeteri. Didii-ngingaalo meeseli u powalahu timii̒du huwali tutuuwauwa hulodio, deu̒yito-yito dulo meeteri wau ngoputu. Hulupila boito hilumayaa̒a poli tolo meeteri wau dulu-dulunga ode huwali leidaa̒ utalutalu ode Bele lo Eeya. Talolai̒ boito loluu̒udeo̒ huwali leidaa̒ boito wau malo ilaalo tanggalio wopato meeteri; dudutuulio tohuudu huhebu hulubangi, wimbihu delomio, deu̒yito-yito u meembide daa̒ wolo Bele lo Eeya. Didii-ngingaalo meeseli towimbi u talutalu ode Bele lo Eeya, hulodio ngomeeteri.
11Lapatao̒ talolai̒ boito loluu̒udeo̒ tanggalo hulupila to huhebu hulubangi; wolomo wau ngoputu lomeeteri, wau olo tanggalo huhebu hulubangi boito limo lo meeteri. 12Totalu huhuu-waliyaalo u podahaalo u otuuudu tolo kali tolo meeteri boito, woluo dingingo meeseli moopa u langgatio ngoputu lomeeteri, wau hulodio ngoputu lomeeteri olo. 13Lapatao̒ talolai̒ boito loluu̒udeo̒ walahio lo dingingo meeseli wulea lohuwali tuwau u podahaalo tunggula ode dingingo meeseli wulea lohuwali u podahaalo to ngotualiilio, deu̒yito-yito mopulaa duluo wau ngoputu lomeeteri. 14Tio olo loluu̒udeo̒ huwali leidaa̒ boito: hayai̒o mopulu lomeeteri. Huhebu lohuwali leidaa̒ boito dulu-dulunga ode palepelo bulemengo Bele lo Eeya. 15Walahio lo huhebu hulubangi ambahu bulemengio tunggula ode dingingo meeseli lohuwali leidaa̒ to wimbihu u talutalu ode Bele lo Eeya yito dulo pulaa limo lomeeteri. 16To dingingo meeseli balaka wau dingongi meeseli powalahu huhuu-waliyaalo boito woluo tutuu-lowaalo kekeei̒. Didii-ngingaalo meeseli wimbihu delomio u talutalu ode hulipilo, diladai wolo uu̒u-kiliyaalo bungo lo ayu palemi.
Palepelo bulemengio Bele lo Eeya
17Lapatao̒ talolai̒ boito lodelo olaatia loli huhebu hulubangi ode palepelo bulemengio Bele lo Eeya. To biihu dingingo meeseli bulemengio to palito Bele lo Eeya boito bilongulio tolopulu huwali. To talu lo huhuu-waliyaalo boito woluo wumbuto botu 18upali-palito ngoilanggubu palepelo boito. Palepelo bulemengio boito lebe moopa wolo palepelo delomio.
19Teto woluo huhebu hulubangi wewo u dudutuulio lebe molanggato wau udulu-dulunga ode palepelo delomio. Talolai̒ boito loluu̒udeo̒ walahio lou̒ wolota huhebu hulubangi boito duuduluo: limo lopulu lomeeteri.
Hulubangi tilayo
20Lapatao̒ talolai̒ boito loluu̒udeo̒ hulubangi tilayo udulu-dulunga ode palepelo delomio. 21To hulubangi boito otolu huwali podahaalo tinggai tobiihu lo hulupilio, didii-ngingaalo meeseli u powalahio wau huwaliilio leidaa̒, ngoa̒amila tutuuwauwa tuu̒udio wolo u woluo to hulubangi ambahu tiimuru. Ngoa̒amila hulupila lo hulubangi boito hayai̒o dulo pulaa limo lomeeteri wau tanggalio mopulaa duluo wau ngoputu lomeeteri. 22Wau olo huwaliilio leidaa̒, tuutuu-lowaalio, wau uu̒u-kiliyaalo bungo lo ayu palemilio tutuuwauwa wolo u woluo to hulubangi tiimuru. Pitu walao̒ tutuua̒du dulu-dulunga ode hulubangi boito, wau tohuudio woluo huwali leidaa̒ u talutalu ode palepelo bulemengo Bele lo Eeya. 23Tataalua wolo hulubangi tilayo, wolo hulubangi wewo udulu-dulunga ode palepelo delomio, tutuuwauwa debo odelo u woluo to ambahu hulubangi tiimuru. Tau boito loluu̒udeo̒ walahio towolota lo oluo hulubangi boito: limo lopulu lomeeteri.
Hulubangi huliaalio
24Wumbutio mola, talolai̒ boito lodelo olaatia ode hulubangi huliaalio wau loluu̒udeo̒. Malo ilaalo hulubangi boito tutuuwauwa wolo huhuu-lubangiyalo uwewo. 25Tutuu-lowaalo to huhuu-waliyaalo tutuuwauwa wolo u woluo to huhuu-lubangiyalo uwewo. Hayao̒ hulupilo hulubangi boito pulaa limo lomeeteri, wau tanggalio mopulaa duluo wau ngoputu lomeeteri. 26Mohelu pitu walao̒ tutuua̒du dulu-dulunga ode hulubangi boito wau huwaliilio leidaa̒ olo woluo tohuudio, talutalu ode palepelo bulemengo Bele lo Eeya. Didii-ngingaalo meeseli towimbihu delomio u talutalu ode hulupilo, diladai wolo uu̒u-kiliyaalo bungo lo ayu palemi. 27Teto woluo olo hulubangi udulu-dulunga ode palepelo delomio. Talolai̒ boito loluu̒udeo̒ walahio lou̒ wolota huhebu hulubangi boito: limo lopulu lomeeteri.
Hulubangi huliaalio udulu-dulunga ode palepelo delomio
28Wumbutio mola talolai̒ boito lodelo olaatia loli hulubangi huliaalio tilumuwoto ode palepelo delomio. Tio loluu̒deo̒ hulubangi huliaalio wau tuu̒dio tutuuwauwa wolo huhuu-lubangiyalo to ambahu bulemengio. 29-30Huhuu-waliyaalo podahaalio, huwaliilio leidaa̒, wau didii-ngingaalo meeseli delomio tutuuwauwa, wolo u woluo to huhuu-lubangiyalo wewo. Huhuu-waliyaalo to hulubangi botie olo o tutuu-lowaalo. Hulupilo hulubangi boito hayai̒o dulo pulaa limo lomeeteri wau tanggalio mopulaa duluo wau ngoputu lomeeteri. 31Bo huwaliilio leidaa̒ talutalu ode palepelo bulemengio. Didii-ngingaalo meeseli wimbihu delomio u talutalu ode hulupilo, olo diladai wolo uu̒u-kiliyaalo bungo lo palemu. Mohelu walu walao̒ tutuua̒du boito dulu-dulunga ode hulubangi boito.
Hulubangi tiimuru udulu-dulunga ode palepelo delomio
32Lapatao̒ uito talolai̒ boito lodelo olaatia loli hulubangi tiimuru tilumuwota ode paango delomio. Tio loluu̒udeo̒ hulubangi boito wau tuu̒udio tutuuwauwa wolo huhuu-lubangiyalo uwewo. 33Huhuu-waliyaalo u podahaalio, didii-ngingaalo meeseli delomio wau huwaliilio leidaa̒ tuu̒udio debo odelo u woluo to huhuu-lubangiyalo u wewo. To huhuu-waliyaalo boito wau to huwaliilio leidaa̒ o tutuu-lowaalo. Hayao̒ hulupilo hulubangi boito dulo pulaa limo lomeeteri. Wau tanggalio mopulaa duluo wau ngoputu lomeeteri. 34Huwaliilio leidaa̒ talutalu ode palepelo bulemengio. Didii-ngingaalo meeseli wimbihu delomio u talutalu ode hulupila, diladai wolo uu̒u-kiliyaalo bungo lo palemi. Mohelu walu walao̒ tutuua̒du dulu-dulunga ode hulubangi boito.
Hulubangi tilayo udulu-dulunga ode palepelo delomio
35Pulitio mao̒ talolai̒ boito lodelo olaatia ode hulubangi tilayo. Tio loluu̒udeo̒ hulubangi boito wau tuu̒udio tutuuwauwa wolo huhuu-lubangiyalo uwewo. 36Wau olo huhuu-waliyaalo u podahaalio, didii-ngingaalo delomio wau huwaliilio leidaa̒ tutuuwauwa wolo uwoluo to huhuu-lubangiyalo uwewo. To huhuu-waliilio wau to huwaliilio leidaa̒ o tutuu-lowaalo. Hayao̒ hulupila lo hulubangi boito dulo pulaa limo lomeeteri wau tanggalio mopulaa duluo wau ngoputu lomeeteri. 37Huwali leidaa̒ talulio olo talutalu ode palepelo bulemengio. Didii-ngingaalo meeseli wimbihu delomio u talutalu ode hulupila, diladai uu̒u-kiliyaalo bungo lo palemi. Mohelu walu walao̒ tua̒adu dulu-dulunga ode hulubangi boito.
Huhuu-dunguwalo totili lo hulubangi tilayo
38To palepelo bulemengio ohuwali tuwau duhengio to hulubangi delomio to ambahu tilayo. Monto huwali duhengio boito o huhebu tuwau udulu-dulunga ode huwali leidaa̒. Teteetolo pongulowalo bibii-natangiyalo ode bake yilalango. 39To huwali leidaa̒ boito, omeja mohelu wopato, duluo to timii̒du biihio. Toitaato memee-jawaalo boitolo pongolotalo binatangi ode bake yilalango, meaalo bake polulutalo dusa meaalo bake poluloo̒ uiluhi. 40To bulemengo huwali leidaa̒ boito omeja mohelu wopato poli, duluo to timii̒du biihio lo hulubangi tilayo boito. 41Oditolio, ngoa̒amilalo omeja mohelu walu tambati pongolotalo bake: wopato to delomio, wau wopato to bulemengo palepelo. 42Meja mohelu wopato tohuwali duhengio u pomake duo̒lo mopodapato bake yilalango pilaahati monto botu. Meja boito langgatio ngoputu lomeeteri, hiambola towimbihu yitaatio tutulio wopato, hayao̒ wau tanggalio tinggai tolo poloa̒ampa meeteri. Toitaato memee-jawaalo boito tahutahu pakaakasi u pongolatalo binatangi lobake. 43Bo memee-jawaalo boito obiihio ngotanggalo pitu lopulaa limo milimeeteri. Ngoa̒amila tapu u mapobake pilodutu toitaa̒ato memee-jawaalo boito.
44Lapatao̒ talolai̒ boito lodelo olaatia ode palepelo delomio. Teto obantayo mohelu duluo, u tuwau tobiihu hulubangi tilayo wau u tuwau poli tobiihu hulubangi huliaalio wau talutalu ode tilayo. 45Talolai̒ boito loloi̒ya olaatia deu̒ bantayo u talutalu ode huliaalio boito podapatolo duo̒lo mongo iimamu tahe otuugasia to Bele lo Eeya, 46hiambola bantayo u talutalu ode tilayo podapatolo duo̒lo mongo iimamu tahe otuugasia tomesba. Ngoa̒amila iimamu boito musi monto wali mai lei Jadok. Sababu monto suku Lewi bo wali mai lei Jadok tamowali motaaluo wolo Eeya u momaya o-Lio todelomo tabia.
Paango delomio wau Bele lo Eeya
47Talolai̒ boito loluu̒udeo̒ palepelo delomio. Modeliilio tutulio wopato: hayao̒ wau tanggalio tinggai limo lopulu lomeeteri. Bele lo Eeya boito maito to ambahu otolopa, wau totalulio omesba tuwau. 48-49Lapatao̒ tio lodelo olaatia ode huwali leidaa̒ totalu Bele lo Eeya wolo lobotula mola dengolo walao̒ tua̒adu. Tio loluu̒udeo̒ huwali leidaa̒ potuwotalo; luasiilio pitu kali dulo meeteri wau ngoputu, wolo didii-ngingaalo to oluo biihio ngohulodu ngomeeteri wau ngoputu. To oloihi wau olowalalio owolihi potoheeto tuwau. Huwali leidaa̒ talulio boito lohihilao hayai̒o mopulu lomeeteri wau tanggalio wolomo meeteri.
လက္ရွိေရြးခ်ယ္ထားမွု
YEHESKIEL 40: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 40
40
BIBILOHE PASALI BELE LO Eeya TODULAHEE UDUNGGA-DUNGGA MAI
40:1–48:35
Tei Yeheskiel dilelolio ode Yerusalemu
1Tou̒ boito dulahu opululio hulalo bohulio, todelomo taunu odulo pulaa limo tou̒ amiaatia pilolayahio, mopulaa pato lotaunu mola lapatao̒ Yerusalemu ilolaahelio, watia loo̒laasa mai kawasa lo Eeya, lapatao̒ watia dileloo-Lio lonao̒. 2To delomo bibilohe tuwau, Allahu Taa̒ala lodelo mota olaatia ode huta lo Isirai̒lu wau lopotambati olaatia to hui̒dee u molanggato. To talu lowatia ilootonga lowatia ngopolemboa̒ hudungu udebo odelo kota tuwau. 3Watia dilelolio mota odito wau ilootonga lowatia talolai̒ ngota tamo-lilingga debo odelo polunggu tihu-tihula totili lohuhebu hulubangi. Tio dihudihu awadu pluu̒ude lo lineni wau ayu poluu̒ude.
4Talolai̒ boito loloi̒ya odelaatia, “Wuu manusia panaa, dungohilo mopio-piohuulo mao̒ wau poo̒tuotilo totoonulalo hitua-tuawua u pobilohuu̒ mai olemu, sababu woleetolo olo yio̒ dilelo mai odia. Poo̒taalo mao̒ ode bangusa lo Isirai̒lu ngoa̒amila umaa oontongamu.”
Hulubangi tiimuru
5Lapatao̒ watia loo̒onto Bele lo Eeya u pilalita lo dingingo meeseli. Talolai̒ boito malo lumula loluu̒udeo̒ dingingo meeseli boito wolo ayu poluu̒udio u hayaai̒o tolo meeteri. Malo ilaalo dingingo meeseli boito langgatio tolo meeteri wau hulodio olo tolo meeteri. 6Lapatao̒ tio lonao̒ mota ode hulubangi u talutalu ode tiimuru. Tio lobotulaa mola tua̒adio wau leidungga ode yitaato, tio loluu̒ude koosengi lo huhebu boito, tanggalio tolo meeteri. 7-10To wulea lo hulubangi boito woluo hulupilaa tuwau wau to timii̒du biihio ohuwali mohelu totolu u podahaalo. Ngoa̒amila huwali boito tutuuwauwa hulintalio; modeliilio tutulio wopato, wau hayao̒ timii̒du biihio yito tolo meeteri. Didii-ngingaalo meeseli u powalahu timii̒du huwali tutuuwauwa hulodio, deu̒yito-yito dulo meeteri wau ngoputu. Hulupila boito hilumayaa̒a poli tolo meeteri wau dulu-dulunga ode huwali leidaa̒ utalutalu ode Bele lo Eeya. Talolai̒ boito loluu̒udeo̒ huwali leidaa̒ boito wau malo ilaalo tanggalio wopato meeteri; dudutuulio tohuudu huhebu hulubangi, wimbihu delomio, deu̒yito-yito u meembide daa̒ wolo Bele lo Eeya. Didii-ngingaalo meeseli towimbi u talutalu ode Bele lo Eeya, hulodio ngomeeteri.
11Lapatao̒ talolai̒ boito loluu̒udeo̒ tanggalo hulupila to huhebu hulubangi; wolomo wau ngoputu lomeeteri, wau olo tanggalo huhebu hulubangi boito limo lo meeteri. 12Totalu huhuu-waliyaalo u podahaalo u otuuudu tolo kali tolo meeteri boito, woluo dingingo meeseli moopa u langgatio ngoputu lomeeteri, wau hulodio ngoputu lomeeteri olo. 13Lapatao̒ talolai̒ boito loluu̒udeo̒ walahio lo dingingo meeseli wulea lohuwali tuwau u podahaalo tunggula ode dingingo meeseli wulea lohuwali u podahaalo to ngotualiilio, deu̒yito-yito mopulaa duluo wau ngoputu lomeeteri. 14Tio olo loluu̒udeo̒ huwali leidaa̒ boito: hayai̒o mopulu lomeeteri. Huhebu lohuwali leidaa̒ boito dulu-dulunga ode palepelo bulemengo Bele lo Eeya. 15Walahio lo huhebu hulubangi ambahu bulemengio tunggula ode dingingo meeseli lohuwali leidaa̒ to wimbihu u talutalu ode Bele lo Eeya yito dulo pulaa limo lomeeteri. 16To dingingo meeseli balaka wau dingongi meeseli powalahu huhuu-waliyaalo boito woluo tutuu-lowaalo kekeei̒. Didii-ngingaalo meeseli wimbihu delomio u talutalu ode hulipilo, diladai wolo uu̒u-kiliyaalo bungo lo ayu palemi.
Palepelo bulemengio Bele lo Eeya
17Lapatao̒ talolai̒ boito lodelo olaatia loli huhebu hulubangi ode palepelo bulemengio Bele lo Eeya. To biihu dingingo meeseli bulemengio to palito Bele lo Eeya boito bilongulio tolopulu huwali. To talu lo huhuu-waliyaalo boito woluo wumbuto botu 18upali-palito ngoilanggubu palepelo boito. Palepelo bulemengio boito lebe moopa wolo palepelo delomio.
19Teto woluo huhebu hulubangi wewo u dudutuulio lebe molanggato wau udulu-dulunga ode palepelo delomio. Talolai̒ boito loluu̒udeo̒ walahio lou̒ wolota huhebu hulubangi boito duuduluo: limo lopulu lomeeteri.
Hulubangi tilayo
20Lapatao̒ talolai̒ boito loluu̒udeo̒ hulubangi tilayo udulu-dulunga ode palepelo delomio. 21To hulubangi boito otolu huwali podahaalo tinggai tobiihu lo hulupilio, didii-ngingaalo meeseli u powalahio wau huwaliilio leidaa̒, ngoa̒amila tutuuwauwa tuu̒udio wolo u woluo to hulubangi ambahu tiimuru. Ngoa̒amila hulupila lo hulubangi boito hayai̒o dulo pulaa limo lomeeteri wau tanggalio mopulaa duluo wau ngoputu lomeeteri. 22Wau olo huwaliilio leidaa̒, tuutuu-lowaalio, wau uu̒u-kiliyaalo bungo lo ayu palemilio tutuuwauwa wolo u woluo to hulubangi tiimuru. Pitu walao̒ tutuua̒du dulu-dulunga ode hulubangi boito, wau tohuudio woluo huwali leidaa̒ u talutalu ode palepelo bulemengo Bele lo Eeya. 23Tataalua wolo hulubangi tilayo, wolo hulubangi wewo udulu-dulunga ode palepelo delomio, tutuuwauwa debo odelo u woluo to ambahu hulubangi tiimuru. Tau boito loluu̒udeo̒ walahio towolota lo oluo hulubangi boito: limo lopulu lomeeteri.
Hulubangi huliaalio
24Wumbutio mola, talolai̒ boito lodelo olaatia ode hulubangi huliaalio wau loluu̒udeo̒. Malo ilaalo hulubangi boito tutuuwauwa wolo huhuu-lubangiyalo uwewo. 25Tutuu-lowaalo to huhuu-waliyaalo tutuuwauwa wolo u woluo to huhuu-lubangiyalo uwewo. Hayao̒ hulupilo hulubangi boito pulaa limo lomeeteri, wau tanggalio mopulaa duluo wau ngoputu lomeeteri. 26Mohelu pitu walao̒ tutuua̒du dulu-dulunga ode hulubangi boito wau huwaliilio leidaa̒ olo woluo tohuudio, talutalu ode palepelo bulemengo Bele lo Eeya. Didii-ngingaalo meeseli towimbihu delomio u talutalu ode hulupilo, diladai wolo uu̒u-kiliyaalo bungo lo ayu palemi. 27Teto woluo olo hulubangi udulu-dulunga ode palepelo delomio. Talolai̒ boito loluu̒udeo̒ walahio lou̒ wolota huhebu hulubangi boito: limo lopulu lomeeteri.
Hulubangi huliaalio udulu-dulunga ode palepelo delomio
28Wumbutio mola talolai̒ boito lodelo olaatia loli hulubangi huliaalio tilumuwoto ode palepelo delomio. Tio loluu̒deo̒ hulubangi huliaalio wau tuu̒dio tutuuwauwa wolo huhuu-lubangiyalo to ambahu bulemengio. 29-30Huhuu-waliyaalo podahaalio, huwaliilio leidaa̒, wau didii-ngingaalo meeseli delomio tutuuwauwa, wolo u woluo to huhuu-lubangiyalo wewo. Huhuu-waliyaalo to hulubangi botie olo o tutuu-lowaalo. Hulupilo hulubangi boito hayai̒o dulo pulaa limo lomeeteri wau tanggalio mopulaa duluo wau ngoputu lomeeteri. 31Bo huwaliilio leidaa̒ talutalu ode palepelo bulemengio. Didii-ngingaalo meeseli wimbihu delomio u talutalu ode hulupilo, olo diladai wolo uu̒u-kiliyaalo bungo lo palemu. Mohelu walu walao̒ tutuua̒du boito dulu-dulunga ode hulubangi boito.
Hulubangi tiimuru udulu-dulunga ode palepelo delomio
32Lapatao̒ uito talolai̒ boito lodelo olaatia loli hulubangi tiimuru tilumuwota ode paango delomio. Tio loluu̒udeo̒ hulubangi boito wau tuu̒udio tutuuwauwa wolo huhuu-lubangiyalo uwewo. 33Huhuu-waliyaalo u podahaalio, didii-ngingaalo meeseli delomio wau huwaliilio leidaa̒ tuu̒udio debo odelo u woluo to huhuu-lubangiyalo u wewo. To huhuu-waliyaalo boito wau to huwaliilio leidaa̒ o tutuu-lowaalo. Hayao̒ hulupilo hulubangi boito dulo pulaa limo lomeeteri. Wau tanggalio mopulaa duluo wau ngoputu lomeeteri. 34Huwaliilio leidaa̒ talutalu ode palepelo bulemengio. Didii-ngingaalo meeseli wimbihu delomio u talutalu ode hulupila, diladai wolo uu̒u-kiliyaalo bungo lo palemi. Mohelu walu walao̒ tutuua̒du dulu-dulunga ode hulubangi boito.
Hulubangi tilayo udulu-dulunga ode palepelo delomio
35Pulitio mao̒ talolai̒ boito lodelo olaatia ode hulubangi tilayo. Tio loluu̒udeo̒ hulubangi boito wau tuu̒udio tutuuwauwa wolo huhuu-lubangiyalo uwewo. 36Wau olo huhuu-waliyaalo u podahaalio, didii-ngingaalo delomio wau huwaliilio leidaa̒ tutuuwauwa wolo uwoluo to huhuu-lubangiyalo uwewo. To huhuu-waliilio wau to huwaliilio leidaa̒ o tutuu-lowaalo. Hayao̒ hulupila lo hulubangi boito dulo pulaa limo lomeeteri wau tanggalio mopulaa duluo wau ngoputu lomeeteri. 37Huwali leidaa̒ talulio olo talutalu ode palepelo bulemengio. Didii-ngingaalo meeseli wimbihu delomio u talutalu ode hulupila, diladai uu̒u-kiliyaalo bungo lo palemi. Mohelu walu walao̒ tua̒adu dulu-dulunga ode hulubangi boito.
Huhuu-dunguwalo totili lo hulubangi tilayo
38To palepelo bulemengio ohuwali tuwau duhengio to hulubangi delomio to ambahu tilayo. Monto huwali duhengio boito o huhebu tuwau udulu-dulunga ode huwali leidaa̒. Teteetolo pongulowalo bibii-natangiyalo ode bake yilalango. 39To huwali leidaa̒ boito, omeja mohelu wopato, duluo to timii̒du biihio. Toitaato memee-jawaalo boitolo pongolotalo binatangi ode bake yilalango, meaalo bake polulutalo dusa meaalo bake poluloo̒ uiluhi. 40To bulemengo huwali leidaa̒ boito omeja mohelu wopato poli, duluo to timii̒du biihio lo hulubangi tilayo boito. 41Oditolio, ngoa̒amilalo omeja mohelu walu tambati pongolotalo bake: wopato to delomio, wau wopato to bulemengo palepelo. 42Meja mohelu wopato tohuwali duhengio u pomake duo̒lo mopodapato bake yilalango pilaahati monto botu. Meja boito langgatio ngoputu lomeeteri, hiambola towimbihu yitaatio tutulio wopato, hayao̒ wau tanggalio tinggai tolo poloa̒ampa meeteri. Toitaato memee-jawaalo boito tahutahu pakaakasi u pongolatalo binatangi lobake. 43Bo memee-jawaalo boito obiihio ngotanggalo pitu lopulaa limo milimeeteri. Ngoa̒amila tapu u mapobake pilodutu toitaa̒ato memee-jawaalo boito.
44Lapatao̒ talolai̒ boito lodelo olaatia ode palepelo delomio. Teto obantayo mohelu duluo, u tuwau tobiihu hulubangi tilayo wau u tuwau poli tobiihu hulubangi huliaalio wau talutalu ode tilayo. 45Talolai̒ boito loloi̒ya olaatia deu̒ bantayo u talutalu ode huliaalio boito podapatolo duo̒lo mongo iimamu tahe otuugasia to Bele lo Eeya, 46hiambola bantayo u talutalu ode tilayo podapatolo duo̒lo mongo iimamu tahe otuugasia tomesba. Ngoa̒amila iimamu boito musi monto wali mai lei Jadok. Sababu monto suku Lewi bo wali mai lei Jadok tamowali motaaluo wolo Eeya u momaya o-Lio todelomo tabia.
Paango delomio wau Bele lo Eeya
47Talolai̒ boito loluu̒udeo̒ palepelo delomio. Modeliilio tutulio wopato: hayao̒ wau tanggalio tinggai limo lopulu lomeeteri. Bele lo Eeya boito maito to ambahu otolopa, wau totalulio omesba tuwau. 48-49Lapatao̒ tio lodelo olaatia ode huwali leidaa̒ totalu Bele lo Eeya wolo lobotula mola dengolo walao̒ tua̒adu. Tio loluu̒udeo̒ huwali leidaa̒ potuwotalo; luasiilio pitu kali dulo meeteri wau ngoputu, wolo didii-ngingaalo to oluo biihio ngohulodu ngomeeteri wau ngoputu. To oloihi wau olowalalio owolihi potoheeto tuwau. Huwali leidaa̒ talulio boito lohihilao hayai̒o mopulu lomeeteri wau tanggalio wolomo meeteri.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ