من حكمة النبي سليمان 14
14
حكمة الفهيم
1المرأة بحكمتها بتبني بيتها وبتديرُه،
أمّا بغباها فبتساعِد بهدمُه وتدميرُه.
2ويلّي بيتّقي ربُّه، بيمشي عالصراط المستقيم،
أمّا الما بخاف ربُّه، فطريقُه غير قويم.
3كلام السّخيف عواقبُه وخيمة،
أمّا الفهيم فنتيجة كلامُه سليمة.
4إذا فقد الفلّاح ثيرانُه فبعاني من القلّة،
ومع وجود الثور القويّ، بتزيد الغَلّه.
5الشّاهد الأمين ما بيطلع الكذب من تمّه،
ولكن شاهد الزور الكذب بِدَمُّه.
6بالنسبة للمستهزىء فالحكمة مستحيلة،
أمّا الفهيم فبنال المعرفة بسهولة.
7السخيف خلّيك بعيد عنّه،
لأنّه كلامُه ما بتتعلّم منّه.
8حكمة الذكي بتدلّه عالمسار،
أما الغبي فبجهلُه بِضُلّ الخيار.
9بيتمهزأ من فكرة الإصلاح، الأغبيا الخطّائين،
أما المُتّقين ربُّن فهنّ للفكرة مستعدّين، وعند ربُّن مرضيّين.
10بس قلبَك بيعرف وقت حزنَك،
ووحدُه بيعرِف وقت فرحَك.
11بيت الطالحين رايح عالدمار،
وخيمة الصّالحين على عمار.
12أحياناً، فيه طريق عأساس مستقيمة،
ولكن نهايتا بتكون عديمة.
13الضحك ما بغطّي وجع قلبَك،
بروح الضحك وبيبقى الحزن جنبَك.
14المرتدّ جزاءُه بنال،
والصّالح بيتكافى حسب الأعمال.
15الجاهل بصدِّق أيّ شي،
أمّا الحريص فبينتِبِه وين عم يمشي.
16الّي عندُه حكمة بيتفادى الأخطار،
أمّا الغبي مستهتِر بروح عالمهوار.
17العصبي تصرُّفاتُه غبيّة،
والخبيث مكروه من البقيّة.
18الغبا نصيب الجاهل،
والمعرفة تاج العاقِل.
19لا بدّ ما ينحني الأشرار إدّام الأخيار،
وينحني الطالحين إدّام الصّالحين.
20الفقير منبوذ حتّى من جيرانُه،
أمّا الغني فبيكتروا خلّانُه.
21يلّي بيتكبّر عجارُه الفقير فهوّ من المذنبين،
وهنيئاً ليلّي بيتحنّن عالمساكين.
22يلّي بينووا عالشرّ بكونوا من الضّالين،
أمّا الأمانة والوفا فنصيب لّي للخير ساعيين.
23كلّ مين بيِتعَب بشغلُه ربحُه بيكتر،
ولكن الّي بكتّر حكي بيِفقَر.
24الحكمة تاج على رؤوس الحُكماء،
أمّا الحماقة فهيّ تاج الأغبياء.
25الشّاهد الأمين بنجّي التانيين،
أمّا شاهد الزّور فخايِن بيخدَع الباقيين.
26مخافة الله بتعَيْشَك بأمان،
وبتحمي ولادَك كمان.
27مخافة الله متل الميّ بتعطيك حياة،
وبتنجّيك من أفخاخ بتودّي للممات.
28هيبة الملوك بكترة شعوبُن،
والملوك، بقلّة الشعوب، الهلاك بنوبُن.
29يلّي بيضبُط أعصابُه، بكبّر عقلُه،
ويلّي بيفقُد أعصابُه، ببيِّن هَبلُه.
30النيّة الصافية بتعطي صحّة للجسد،
ولكن يلّي بتعِّب القلب وبينخر العضم فهوّ الحسد.
31بتحطّ من شأن الخالق إذا ظلمت الفقير،
وإذا رحمتُه، بترفع من شأن القدير.
32الأشرار أفعالُن بتفنيهُن،
أمّا الصّالحين فنزاهتُن بتحميهُن.
33الحكمة بتسكُن بعقل الفهمان،
أمّا بعقل الجاهِل فما إلها مكان.
34العدل بشرّف الأمّة، بيرفع من شأنها،
أمّا الظلم فبيتسبّب بذلّها ومحوها.
35بيرضى الملك عالخادِم الفهمان شغلُه،
ولكن بصبّ كلّ غضبُه عيلّي بخجِّل شغلُه.
လက္ရွိေရြးခ်ယ္ထားမွု
من حكمة النبي سليمان 14: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من حكمة النبي سليمان 14
14
حكمة الفهيم
1المرأة بحكمتها بتبني بيتها وبتديرُه،
أمّا بغباها فبتساعِد بهدمُه وتدميرُه.
2ويلّي بيتّقي ربُّه، بيمشي عالصراط المستقيم،
أمّا الما بخاف ربُّه، فطريقُه غير قويم.
3كلام السّخيف عواقبُه وخيمة،
أمّا الفهيم فنتيجة كلامُه سليمة.
4إذا فقد الفلّاح ثيرانُه فبعاني من القلّة،
ومع وجود الثور القويّ، بتزيد الغَلّه.
5الشّاهد الأمين ما بيطلع الكذب من تمّه،
ولكن شاهد الزور الكذب بِدَمُّه.
6بالنسبة للمستهزىء فالحكمة مستحيلة،
أمّا الفهيم فبنال المعرفة بسهولة.
7السخيف خلّيك بعيد عنّه،
لأنّه كلامُه ما بتتعلّم منّه.
8حكمة الذكي بتدلّه عالمسار،
أما الغبي فبجهلُه بِضُلّ الخيار.
9بيتمهزأ من فكرة الإصلاح، الأغبيا الخطّائين،
أما المُتّقين ربُّن فهنّ للفكرة مستعدّين، وعند ربُّن مرضيّين.
10بس قلبَك بيعرف وقت حزنَك،
ووحدُه بيعرِف وقت فرحَك.
11بيت الطالحين رايح عالدمار،
وخيمة الصّالحين على عمار.
12أحياناً، فيه طريق عأساس مستقيمة،
ولكن نهايتا بتكون عديمة.
13الضحك ما بغطّي وجع قلبَك،
بروح الضحك وبيبقى الحزن جنبَك.
14المرتدّ جزاءُه بنال،
والصّالح بيتكافى حسب الأعمال.
15الجاهل بصدِّق أيّ شي،
أمّا الحريص فبينتِبِه وين عم يمشي.
16الّي عندُه حكمة بيتفادى الأخطار،
أمّا الغبي مستهتِر بروح عالمهوار.
17العصبي تصرُّفاتُه غبيّة،
والخبيث مكروه من البقيّة.
18الغبا نصيب الجاهل،
والمعرفة تاج العاقِل.
19لا بدّ ما ينحني الأشرار إدّام الأخيار،
وينحني الطالحين إدّام الصّالحين.
20الفقير منبوذ حتّى من جيرانُه،
أمّا الغني فبيكتروا خلّانُه.
21يلّي بيتكبّر عجارُه الفقير فهوّ من المذنبين،
وهنيئاً ليلّي بيتحنّن عالمساكين.
22يلّي بينووا عالشرّ بكونوا من الضّالين،
أمّا الأمانة والوفا فنصيب لّي للخير ساعيين.
23كلّ مين بيِتعَب بشغلُه ربحُه بيكتر،
ولكن الّي بكتّر حكي بيِفقَر.
24الحكمة تاج على رؤوس الحُكماء،
أمّا الحماقة فهيّ تاج الأغبياء.
25الشّاهد الأمين بنجّي التانيين،
أمّا شاهد الزّور فخايِن بيخدَع الباقيين.
26مخافة الله بتعَيْشَك بأمان،
وبتحمي ولادَك كمان.
27مخافة الله متل الميّ بتعطيك حياة،
وبتنجّيك من أفخاخ بتودّي للممات.
28هيبة الملوك بكترة شعوبُن،
والملوك، بقلّة الشعوب، الهلاك بنوبُن.
29يلّي بيضبُط أعصابُه، بكبّر عقلُه،
ويلّي بيفقُد أعصابُه، ببيِّن هَبلُه.
30النيّة الصافية بتعطي صحّة للجسد،
ولكن يلّي بتعِّب القلب وبينخر العضم فهوّ الحسد.
31بتحطّ من شأن الخالق إذا ظلمت الفقير،
وإذا رحمتُه، بترفع من شأن القدير.
32الأشرار أفعالُن بتفنيهُن،
أمّا الصّالحين فنزاهتُن بتحميهُن.
33الحكمة بتسكُن بعقل الفهمان،
أمّا بعقل الجاهِل فما إلها مكان.
34العدل بشرّف الأمّة، بيرفع من شأنها،
أمّا الظلم فبيتسبّب بذلّها ومحوها.
35بيرضى الملك عالخادِم الفهمان شغلُه،
ولكن بصبّ كلّ غضبُه عيلّي بخجِّل شغلُه.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media