من حكمة النبي سليمان 13
13
الإبن صاحِب الحكمة
1الإبن الّي عندُه حكمة بيِقبَل من أهلُه النصيحة،
أمّا المستهزيء، فلا بيسمَع إذا وبَّخوه ولا إذا حكوه بالمنيحة.
2يلّي كلامُه كلُّه خير فبعيش عالخير،
أمّا أهل الغدِر فشهوة حياتُن العنف والقهِر.
3يلّي بصون لسانُه، بيِطوَل عُمرُه،
أمّا يلّي بكتِّر حكي فبينتهي أمرُه.
4الكسلان بضلّ يِشتهي وما في شي عندُه،
أمّا الشغّيل فبنال شو ما بدُّه.
5الرجل الصّالح الكِذِب بيِكرهُه،
أمّا الشرّير فتصرّفاتَه بتخجِّل، والعار بيِشبهُه.
6الإستقامة بتصون الرجُل الصّالِح،
أمّا الشرّ فبيِعمي قلب العاصي الطّالِح.
7فيه ناس بيِتظاهروا بالغِنا وهنّ ما بيِملكوا شي،
وفيه أغنيا بيِتظاهروا إنّه ما عندُن شي.
8فالغني حِفاظاً عحياتُه بيِدفَع للخاطِف فدِية،
أماّ الفقير فما بهمُّه خطِف ولا بخاف من أذِيّة.
9حياة الصّالحين متل النور اليّ بِشعّ وما بينطفي،
أمّا حياة الأشرار فقنديلهُن بنوص وبيِختفي.
10الكِبريا بولِّد خِصام،
أمّا بالتشاور فبصير فيه حكمة وسلام.
حكمة العاقل
11الرّبح السريع بينقص وما بدوم،
أما لّي بيجي من عرق الجبين فبزيد وبعوم.
12الّي أملُه ما بيتحقّق، قلبُه بيحزَن وبيمرض،
ويلّي أمنيتُه بتتحقّق، بتزيد حياتُه، وبيسعَد.
13يلّي بيستهين بالنصيحة بجيب على نفسُه الخراب،
ويلّي بيحترم النصيحة، أمَانُه هوّ الثواب.
14إرشاد الحكيم إلَك ينبوع حياة،
بحيّدَك شرّ الممات.
15صاحب العقل بنال تقدير،
أمّا طريق الغدّار فبتودّي عالتدمير.
16الشخص الحذر بيحسُب تصرّفاتُه،
أمّا الجاهِل فبيتباهى بغباوتُه.
17المُرسَل المِستَهتِر بجيب المشاكِل،
والمُرسَل الأمين الهنا والشِفا حامِل.
18الفقر والذلّ ليلّي بيرفُض النُصح والتأديب،
والكرامة والعزّ ليلّي بيِقبَل العتب والتأنيب.
19تحقيق الأماني بفرَّح القلب،
أمّا عن الشرّ فالغبي بيكره يترُك هالدرب.
20بنال حكمة يلّي بعاشر فهمانين،
وبينضرّ يلّي بصاحِب أغبيا جاهلين.
21المصايِب بتلاحِق الضّالين،
والخير هوّ جزاء الصّالحين.
22الصّالح بيترك ميراث للأحفاد،
وثروة الضّالين فلا بدّ تروح لأتقى العباد.
23حقول الفقرا بتنتُج أكل وفير،
ولكنُّه بيختفي بسبب الظّلم وقلّة الضمير.
24لمّا الأب ما بأدِّب إبنُه يعني ما بحبُّه،
ويلّي بحبّ إبنُه دغري بأنبُه.
25الصّالح بس ياكُل بقوم شبعان،
أمّا الطّالح فبعبّي بطنُه وبضلّ جوعان.
လက္ရွိေရြးခ်ယ္ထားမွု
من حكمة النبي سليمان 13: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من حكمة النبي سليمان 13
13
الإبن صاحِب الحكمة
1الإبن الّي عندُه حكمة بيِقبَل من أهلُه النصيحة،
أمّا المستهزيء، فلا بيسمَع إذا وبَّخوه ولا إذا حكوه بالمنيحة.
2يلّي كلامُه كلُّه خير فبعيش عالخير،
أمّا أهل الغدِر فشهوة حياتُن العنف والقهِر.
3يلّي بصون لسانُه، بيِطوَل عُمرُه،
أمّا يلّي بكتِّر حكي فبينتهي أمرُه.
4الكسلان بضلّ يِشتهي وما في شي عندُه،
أمّا الشغّيل فبنال شو ما بدُّه.
5الرجل الصّالح الكِذِب بيِكرهُه،
أمّا الشرّير فتصرّفاتَه بتخجِّل، والعار بيِشبهُه.
6الإستقامة بتصون الرجُل الصّالِح،
أمّا الشرّ فبيِعمي قلب العاصي الطّالِح.
7فيه ناس بيِتظاهروا بالغِنا وهنّ ما بيِملكوا شي،
وفيه أغنيا بيِتظاهروا إنّه ما عندُن شي.
8فالغني حِفاظاً عحياتُه بيِدفَع للخاطِف فدِية،
أماّ الفقير فما بهمُّه خطِف ولا بخاف من أذِيّة.
9حياة الصّالحين متل النور اليّ بِشعّ وما بينطفي،
أمّا حياة الأشرار فقنديلهُن بنوص وبيِختفي.
10الكِبريا بولِّد خِصام،
أمّا بالتشاور فبصير فيه حكمة وسلام.
حكمة العاقل
11الرّبح السريع بينقص وما بدوم،
أما لّي بيجي من عرق الجبين فبزيد وبعوم.
12الّي أملُه ما بيتحقّق، قلبُه بيحزَن وبيمرض،
ويلّي أمنيتُه بتتحقّق، بتزيد حياتُه، وبيسعَد.
13يلّي بيستهين بالنصيحة بجيب على نفسُه الخراب،
ويلّي بيحترم النصيحة، أمَانُه هوّ الثواب.
14إرشاد الحكيم إلَك ينبوع حياة،
بحيّدَك شرّ الممات.
15صاحب العقل بنال تقدير،
أمّا طريق الغدّار فبتودّي عالتدمير.
16الشخص الحذر بيحسُب تصرّفاتُه،
أمّا الجاهِل فبيتباهى بغباوتُه.
17المُرسَل المِستَهتِر بجيب المشاكِل،
والمُرسَل الأمين الهنا والشِفا حامِل.
18الفقر والذلّ ليلّي بيرفُض النُصح والتأديب،
والكرامة والعزّ ليلّي بيِقبَل العتب والتأنيب.
19تحقيق الأماني بفرَّح القلب،
أمّا عن الشرّ فالغبي بيكره يترُك هالدرب.
20بنال حكمة يلّي بعاشر فهمانين،
وبينضرّ يلّي بصاحِب أغبيا جاهلين.
21المصايِب بتلاحِق الضّالين،
والخير هوّ جزاء الصّالحين.
22الصّالح بيترك ميراث للأحفاد،
وثروة الضّالين فلا بدّ تروح لأتقى العباد.
23حقول الفقرا بتنتُج أكل وفير،
ولكنُّه بيختفي بسبب الظّلم وقلّة الضمير.
24لمّا الأب ما بأدِّب إبنُه يعني ما بحبُّه،
ويلّي بحبّ إبنُه دغري بأنبُه.
25الصّالح بس ياكُل بقوم شبعان،
أمّا الطّالح فبعبّي بطنُه وبضلّ جوعان.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media