Maika 3
3
A Ghwo Ku Isun rẹ Izrẹl
1Me da ta:
Nyo, igbuyovwi ri Jekọp
kugbe isun rẹ uwevwi rẹ Izrẹl
O ji te ọke rẹ ovwan vwọ riẹn ọsoso-o?
2Ovwan ri tuoma rẹ emu esiri wa da guọnọ umwemwu,
re bọrọ ophiẹn rẹ ihwo mẹ,
re kpanọ uvwo nẹ ibeku rayen;
3re ria uvwo rẹ ihwo mẹ,
re jẹ ophiẹn nẹ ayen oma
ri vwirhi ibeku rayen ibribro,
re nyavwe ayen krẹkrẹ kerẹ ivwo ra ghwẹ kuphihọ itaso,
kerẹ ubro rẹ eranvwe vwẹ ukodo.
4Etiyin kẹ ayen che kperi se Ọrovwohwo
ẹkẹvuọvo yọ cha kpahe kẹ aye-en;
ko si opharo rọye nu kẹ ayen vwẹ ọke yena,
fikiridie uruemu rayen pha miomiovwi.
5E nẹ Ọrovwohwo ta kpahe emraro na
ri suẹn ihwo mẹ ghwrẹ na,
ri kperẹ, Ufuoma
yẹ ayen vwo emuọvo rẹ ayen ria-a,
ẹkẹvuọvo yẹ ayen vwẹ ofovwi suọ
ohwo ro phi emuọvo phihọ unu raye-en.
6Fiki rẹ ọtiọye na kọ cha dia ason kẹ wẹ,
o rhe vwo emramrẹ-ẹ,
ke ebri kẹ wẹ, o rhe vwo epha ẹbọ-ọ.
Ọnre na che she ghene emraro na,
ọke na ko che bi vwẹ enu rẹ ayen;
7emrẹ na ka cha phọphọ ayen,
otu re bọ epha oma kọ vo ayen;
ayen ki che rhurhu ẹbẹrunu rayen,
kidie ayen cha mrẹ ẹkpahọ nẹ obọ rẹ Ọghẹnẹ rhe-e.
8Ẹkẹvuọvo vwọ kẹ vwẹ, evun mẹ vọnre vẹ ogangan,
vẹ erhi rẹ Ọrovwohwo na, vẹ ọsoso vẹ ẹgba,
mi che vwo ghwoghwo ogbeku ri Jekọp kẹ
kugbe umwemwu rẹ Izrẹl kẹ.
9Nyo ọnana, ovwan igbuyovwi rẹ uwevwi ri Jekọp
kugbe isun rẹ uwevwi rẹ Izrẹl,
rẹ ọsoso tuoma na ri kuẹ uyota ejobi rhẹriẹ,
10re vwẹ ọbara bọn Zayọn re vwẹ oruchọ bọn Jerusalẹm.
11Igbuyovwi rọye da udi tavwe ri ki brorhiẹ,
irherẹn rọye yono fiki rẹ osa,
emraro na hẹrhẹ igho re ke mraro,
ye ayen vwẹ oma kpahe Ọrovwohwo ayen me ta,
Ọrovwohwo na he uherevie rẹ avwanre-e?
Emu umwemwu ọvuọvo che te avwanre oma-a.
12Vwẹ ọtiọye na fiki wẹ ka cha vwi Zayọn voro udju,
Jerusalẹm ko che hirhe phihọ ẹkuerhurhu,
Ugbenu rẹ uwevwi na kẹ egbo rẹ irhe.
လက္ရွိေရြးခ်ယ္ထားမွု
Maika 3: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Maika 3
3
A Ghwo Ku Isun rẹ Izrẹl
1Me da ta:
Nyo, igbuyovwi ri Jekọp
kugbe isun rẹ uwevwi rẹ Izrẹl
O ji te ọke rẹ ovwan vwọ riẹn ọsoso-o?
2Ovwan ri tuoma rẹ emu esiri wa da guọnọ umwemwu,
re bọrọ ophiẹn rẹ ihwo mẹ,
re kpanọ uvwo nẹ ibeku rayen;
3re ria uvwo rẹ ihwo mẹ,
re jẹ ophiẹn nẹ ayen oma
ri vwirhi ibeku rayen ibribro,
re nyavwe ayen krẹkrẹ kerẹ ivwo ra ghwẹ kuphihọ itaso,
kerẹ ubro rẹ eranvwe vwẹ ukodo.
4Etiyin kẹ ayen che kperi se Ọrovwohwo
ẹkẹvuọvo yọ cha kpahe kẹ aye-en;
ko si opharo rọye nu kẹ ayen vwẹ ọke yena,
fikiridie uruemu rayen pha miomiovwi.
5E nẹ Ọrovwohwo ta kpahe emraro na
ri suẹn ihwo mẹ ghwrẹ na,
ri kperẹ, Ufuoma
yẹ ayen vwo emuọvo rẹ ayen ria-a,
ẹkẹvuọvo yẹ ayen vwẹ ofovwi suọ
ohwo ro phi emuọvo phihọ unu raye-en.
6Fiki rẹ ọtiọye na kọ cha dia ason kẹ wẹ,
o rhe vwo emramrẹ-ẹ,
ke ebri kẹ wẹ, o rhe vwo epha ẹbọ-ọ.
Ọnre na che she ghene emraro na,
ọke na ko che bi vwẹ enu rẹ ayen;
7emrẹ na ka cha phọphọ ayen,
otu re bọ epha oma kọ vo ayen;
ayen ki che rhurhu ẹbẹrunu rayen,
kidie ayen cha mrẹ ẹkpahọ nẹ obọ rẹ Ọghẹnẹ rhe-e.
8Ẹkẹvuọvo vwọ kẹ vwẹ, evun mẹ vọnre vẹ ogangan,
vẹ erhi rẹ Ọrovwohwo na, vẹ ọsoso vẹ ẹgba,
mi che vwo ghwoghwo ogbeku ri Jekọp kẹ
kugbe umwemwu rẹ Izrẹl kẹ.
9Nyo ọnana, ovwan igbuyovwi rẹ uwevwi ri Jekọp
kugbe isun rẹ uwevwi rẹ Izrẹl,
rẹ ọsoso tuoma na ri kuẹ uyota ejobi rhẹriẹ,
10re vwẹ ọbara bọn Zayọn re vwẹ oruchọ bọn Jerusalẹm.
11Igbuyovwi rọye da udi tavwe ri ki brorhiẹ,
irherẹn rọye yono fiki rẹ osa,
emraro na hẹrhẹ igho re ke mraro,
ye ayen vwẹ oma kpahe Ọrovwohwo ayen me ta,
Ọrovwohwo na he uherevie rẹ avwanre-e?
Emu umwemwu ọvuọvo che te avwanre oma-a.
12Vwẹ ọtiọye na fiki wẹ ka cha vwi Zayọn voro udju,
Jerusalẹm ko che hirhe phihọ ẹkuerhurhu,
Ugbenu rẹ uwevwi na kẹ egbo rẹ irhe.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.