Jona 2
2
Jona Nẹ Ẹrhovwo rẹ Ẹkpẹvwẹ
1Etiyin Jona da diẹ evun rẹ eri na da nẹ ẹrhovwo kẹ Ọrovwohwo Ọghẹnẹ rọye, 2tanẹ, Mi kperi se Ọrovwohwo, vwẹ evun rẹ uvwerhe mẹ,
o de nyo kẹ vwẹ,
vwẹ evun rẹ Erivwi mi de kperi,
wo de ghine nyo urhuru mẹ.
3Kidie wẹ re kpare ovwẹ phihọ evun rẹ okokodo,
phihọ evun rẹ uherevie rẹ abadi,
oghwe na de reghe uvwe phihọ,
te ọgbogho na te ukori rẹ ame na
de ghorie wan vwẹ.
4Etiyin me da ta a kpare ovwẹ kufia
nẹ obaro wẹn,
Komavọ me rhoma sa kpare opharo vwo ni
uwevwi ọfuanfon wẹn na?
5Ame na re vwẹ phihọ,
okokodo na da reghe uvwe phihọ,
odi de rhurhu uyovwi mẹ
6vwẹ obo esiri rẹ igbenu na.
Me da yanran ro evun rẹ otọ
ibregba rọye de huhu gbe vwẹ bẹdẹ,
dede na wọ de si arhọ mẹ nẹ Ukpotọ na rhe,
E Ọrovwohwo Ọghẹnẹ mẹ.
7Ọke rẹ oma vwo ro vwe
me da karohọ Ọrovwohwo
ẹrhovwo mẹ de bru we rhe,
vwẹ evun rẹ uwevwi ọfuanfon wẹn.
8Otu ri mu ọghọ kẹ ema ifefe
ri gbobonyẹ ọghọ rẹ uyota rẹ ayen mu.
9Ẹkẹvuọvo me vẹ urhuru rẹ ẹkpẹvwẹ
gbe che ze izobo kẹ wẹ.
Obo ri mi veri dẹn me hwa osa rọye.
Esivwo Ọrovwohwo o rheri!
10Ọrovwohwo da ta ota kẹ eri na,
ọ da kpa Jona phihọ otọ ọyaya.
လက္ရွိေရြးခ်ယ္ထားမွု
Jona 2: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.