Насигьятар 23

1Гьюкумдрихъди устлихъ деиган,

дикъатниинди лиг, яв улихь фу хьаш;

2гаркӀал ккив яв гардандикк,

ктисуз шулдарш.

3Дугъан иццишнарихъ тямягь михъипан,

думу ипӀруб алдатмиш апӀруб ву.

4Девлет гъазанмиш апӀурза кӀури яманди бизар махьан,

аьгъю йибхь фила дийигъуруш;

5чав рябкъяйиз, думу гъубшну:

люкьран хлинццар диди чак кивну,

завариз думу гъитӀибху.

6Кьискьис инсандихъди мипӀан,

дугъан иццишнарихъ тямягь михъипан;

7дицдари гьисаб апӀура, уву ипӀураш фукьан.

Увуз пиди: «Буюр, ипӀин, убхъ»,

хъа юкӀв увухъди хътар дугъан,

8хътӀюбкью кьацӀ идибчидияв,

гъяни гафар дав хьидияв.

9Абдлиз фукӀа макӀан –

фикирлу гафниин думу аьлхъидитӀан дар.

10ХутӀлин кюгьне лишан тинаси мапӀан,

йитимарин хутӀил мибисан;

11фицики дурариз къудратлу гъайгъу Зигрур а,

Гьадгъу уьбхиди, увуз къаршуди, дурарин тереф.

12ЮкӀв аьгъювалари абцӀ,

ибра ужуб гафнахъ хъив.

13Мигъитан бализ тербия тутрувди,

саб-кьюб алдатну кӀури, думу йикӀидар.

14Бай тӀулихьди урччварва –

аьжалихьан уьрхярва.

15Жан бай, эгер яв кӀваъ аькьюл аш –

йиз кӀваъра хьибди шадвал,

16йиз жан шадвали гъадабгъиди,

эгер уву кӀури гъабшиш дугъриди.

17Гъит яв юкӀв гуннагькрариин бахил дарибшри,

гъит гьаммишан РАББИЙИХЬАН гучӀ кади ибшри,

18фицики гъюзимбуб улубкьиди,

ва яв умуд дубгидар.

19Хъебехъ, жан бай, аькьюл айир йихь,

яв юкӀв дугъри жилгъайиъ тӀапӀ.

20Махьан чяхриъ ул айидарихъди,

гьял апӀуз даршлубкьан йикк ипӀрударихъди,

21фицики пиянискана уьж касиб хьиди,

хъа тӀагърували биркаригъян гъидиржидиву.

22Хъебехъ адашдихъ, уву гъахи,

хъа кьаби гъахьи дада улʼан миидитан.

23Гьякьвал гъазанмиш апӀин, думу фтихъкӀа масу мутуван –

аькьюлра, тербияра, фагьумра.

24Гьякьлурин адашди шадвалин гьарай ипна,

аькьюл айи бай гъапӀур шадваликан ктӀарццурадар.

25Шад ишри яв адашна дада,

шадвалин гьарай ипри яв дадайи!

26Жан бай! Узухьинди илтӀибкӀ яв юкӀв,

лиг йиз жилгъйиризди.

27Лицру дишагьли дерин ичӀак гьисаб ву,

жарарин хпир – ккуру гъуйи,

28думу дишагьли ккеънайи тӀафлик гьисаб ву,

артухъ апӀура нягьякьваларин кьадар.

29Шлин ву му гьарйир-чӀигъар?

Шлин ву му гьюжатарна аьрзар?

Шлин ву укӀушнар, наънан вуш хабар адрудар?

Шлин улар уьру духьна?

30Чяхрихъ йигъар адаърударин,

кефлу апӀру чяхрар агрударин.

31Милиган чяхриз фици думу уьруб вуш ва

захраъ дидин гарграр фици утӀурччвуруш,

хъа фици рягьятди убхъруб вуш!

32Хъасин битӀруси диди кьацӀ йивиди,

агъу кайи битӀруси диди агъу убзди;

33хъа лигидива жарадарин хпариз,

ва чӀуру хиялар гъиди фагьмиз;

34гьюлин кьялʼин дахънайиси гьибгъдивуз,

елкандин кӀакӀниин даахнайиси хьибдивуз.

35«Гъивнийи узуз, – пидива, – хъа гъивубсира гъабхьундарзуз,

гъурччвнийи – хъа кабхъундайзук;

хъа даахну хъиргиган, хъана хъюгъдиза йиз хъайибдихъ».

လက္ရွိေရြးခ်ယ္ထားမွု

Насигьятар 23: ТабГК

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Гирами Китаб အေၾကာင္းကို ပို၍ သင္ယူပါ။