Насигьятар 22

1Гьюрматлу ччвур артухъ ву девлеттӀан,

инсанарин ккунивал зина ву гъизилна арстӀан.

2Девлетлуна касиб сатӀиди дийигъиди,

фицики кьюридра халкь гъапӀну РАББИЙИ.

3Фикирлуйиз харжиб гъябкъиш – кӀул ккадабгъиди,

хъа авамар дидихьна диш дапӀну гъягъиди – хъасин хьиди чиб швумал.

4РАББИЙИХЬАН вуйи гучӀʼвална фурс ктрувалин кьяляхъди,

девлетра, гьюрматра, уьмурра хъа.

5Писурин жилгъайиъ – зазарна чулар, уьмрин кьадри кайир дина гъягъидар.

6Хъаъ жигьил дугъри рякъюхъ –

кьаби гъахьиганра, думу душвхъан хътакидар.

7Девлетлуйи аьхювал апӀура касибариин,

буржнакк ккайирра лукӀ ву – чав гъибисурин.

8Гьякьсузвал убзурайири ккадабцӀиди бала,

ва дугъан гьюкмин гъибди аьхир.

9Ужувлакк кка гъяни юкӀв айир,

касибрихъди уьл пай апӀрур.

10ГьутӀуркк ягьсуз – гьудубчӀвиди элегуб,

хътӀарцциди гьюжатарна люкьнар.

11КӀван марццивал ккунир ва чан апӀру гафнаъра хуш вуйир

паччагьдизра хьиди багахь.

12РАББИЙИН улмикк кка гьякьвал,

хаинкрин гафар Дугъу батӀул апӀиди.

13Темпли кӀуру: «Икриъ аслан а!

Узу хулʼан удучӀвиш – сарун гъачӀи».

14Жарарин хпирин уччву гафар – дерин ичӀ,

РАББИЙИН хъюлакк ккайир ахъди душваъ.

15Жигьилин кӀулиъ ахмакьвал аш,

удубчӀвиди думу, чӀвякъи тӀул кубкӀиган.

16Хайир бадали касиб гъагънакк ккитуб

вая девлетлуйиз мутму тувуб – му заралтӀан дар.

Аькьюл айирин сумчӀур мисал

17Иб хъив,

хъебехъ гафарихъ аькьюл айидарин,

фикир тув, йиз насигьятариз:

18ширинди ву уьрхюз му гафар кӀваъ,

гъит ишри дурар гьарган яв мелзниин;

19РАББИЙИИН хъугъвал алди хьуз,

узу увуз гъи дурарикан кӀураза.

20Узу увуз гъидикӀунза сумчӀур мисал –

дихъидивуз дурариъ ужуб гафна аьгъювалар:

21уву дургъбан бадали гьякьвалин гафар,

шлуганси увхьан, яв аьхюдариз тувуз жавабар.

22Касиб касдинуб матадабгъан, думу касиб ву кӀури,

аьрзйириз лигру судариъ пай дурубкьуриз гиран макадапӀан,

23фицики РАББИЙИ уьбхиди дурарин тереф,

уву касибуринуб тадабгъунва – гьаддиз Раббийи яв уьмурра тадабгъиди.

24Хъял гъюрурихъди дуствал мапӀан,

хъял кубчӀврурихъди лицури махьан,

25дурарин шилнаъди гъушиш,

яв увуз уву ккиврава чулар.

26Гьялак махьан жарарин буржарихъанди гаф тувуз,

дурар кӀулʼина магъадагъан:

27дурар кдирчуз ужуб адарди гъабшиш,

ахинра кмиди тадабгъидивухьан!

28ХутӀлин кюгьне лишан тинаси мапӀан,

абйири дивнайи.

29Гъяркъюнвуз инсан, ляхнин устад?

Думу паччгьарин гъуллугънаъ а, асккандарин – ваъ.

လက္ရွိေရြးခ်ယ္ထားမွု

Насигьятар 22: ТабГК

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Гирами Китаб အေၾကာင္းကို ပို၍ သင္ယူပါ။