Насигьятар 16
16
1Инсандин юкӀвну метлебар дюзмиш апӀуру,
хъа варибдиз жаваб РАББИЙИХЬАН гъюру.
2Гьарсари чан жилгъа марццибси гьисаб апӀуру,
амма инсанарин гъянар РАББИЙИ ахтармиш апӀуру.
3Жвуван ляхнар РАББИЙИН ихтиярназ тув,
ва тамам хьиди яв фикрар.
4РАББИЙИ гьарсаб шейъ чан метлеб ади арайиз дубхна.
Гьякьсузринра йишв бала алабхъру йигъан аьгъю хьибди.
5Фурслу юкӀв хяви ву РАББИЙИЗ –
фу гъапӀишра, жазайиккан хьибдар ккудучӀвуз.
6Гьякьну ва рягьми тахсирнаккан ккадауру,
РАББИЙИХЬАН вуйи гучӀну бала гьадапӀуру.
7Инсандин жилгъйир РАББИЙИЗ вуш кьабулди,
Дугъу дугъахъди душмнарра албагиди.
8Гьякьвалиинди гъазанмиш гъапӀу цӀибра ужу ву,
къанунсузди гъазанмиш гъапӀу аьхю хайиртӀан.
9Инсанди чан жилгъа ктабгъуру,
амма ликариз рякъ РАББИЙИ улупуру.
10Паччагьди заълан дуфнайи гаф кӀури шулу,
дугъан ушвни дюзвал дацӀабкну ккундар.
11Терезарин дугъривал РАББИЙИХЬАН ву,
дюзди ебцувалра РАББИЙИХЬАН ву.
12Хяви ву паччгьариз гьякьсуз тӀулар,
фицики гьякьвалиинди тахт тасдикь апӀура.
13Кьабул ву паччгьариз гьякьлу ушвар,
дюзди кӀурур ву дурариз ккунир.
14Паччагьдин хъял, аьжалин малайик гьисаб ву,
хъа аькьюл айири, думу яваш алаиди.
15Паччагьдин ачухъ машнаъ уьмур а,
дугъан гъянивал хьадукран мархьсиб ву.
16Аьгъювалар уч апӀуб ужу ву, багьа гъизилтӀан,
фагьум гъадабгъуб ужу ву, марцци арстӀан.
17Дугърийирин рякъ писвалихьан ярхла хьа:
жилгъайиан ададахъури уьмур уьбхиди.
18Фурслували чӀуруб хуру,
хъа заанди улупували ахъуз гъитру.
19Пай дурубкьдарихъди фурс ктарди яшамиш хьуб ужу ву,
фурслударихъди тӀараш гъапӀуб пай апӀури шайиз.
20Фикир апӀруриз бихъиди ужʼвал,
РАББИЙИК миж кайириз хьибди хушбахтвал.
21КӀваъ аькьюл айир фагьмиинди адлу ву,
дугъан ширин гафар хъугъʼвал хрудар шулу.
22Фикир апӀувал – уьмрин булагъ,
хъа ахмакьриз жаза – чан ахмакьвал.
23Аькьюл айирин фагьми, гафар агиди,
ва чан улхбариз кьувват тувди.
24Кбалгру гафар – йиччвси,
кӀваз ширин, жандиз дарман.
25Саспи рякъяр дишдар вуди гьигъри шулу,
хъа аьхирна-аьхир аьжалихьна гъахуру.
26Лихурайири чаз энгелвал тувидар
эгер чаз гашди аш.
27Пис касди чӀуруб ккабалгура,
дугъан гафар бец апӀру цӀа ву.
28Кьаст айирин урзруб футна,
хъа футнайин ляхин дустар апӀуб душман.
29Инсафсузри адми алдатмиш апӀуру
ва думу чӀуру жилгъайиъди хъчӀюрхюру.
30Улариинди кучӀлин ишарйир апӀрури чӀуруб апӀуз кьаст апӀура;
хъа кӀвантӀариинди ишарйир апӀрури пис ляхнар апӀура.
31Лизи кӀул – акв туврайи таж:
гьякьлу жилгъайиъ хьувалин лишан.
32Сабур зина ву гужлирин кьувваттӀан,
учв гъурдаъ дисрур гужлир ву шагьрар мютӀюгъ апӀруртӀан.
33Тупут ипри шулу,
уву фициб адабгъиш думу РАББИЙИХЬАН ву.
လက္ရွိေရြးခ်ယ္ထားမွု
Насигьятар 16: ТабГК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023
Насигьятар 16
16
1Инсандин юкӀвну метлебар дюзмиш апӀуру,
хъа варибдиз жаваб РАББИЙИХЬАН гъюру.
2Гьарсари чан жилгъа марццибси гьисаб апӀуру,
амма инсанарин гъянар РАББИЙИ ахтармиш апӀуру.
3Жвуван ляхнар РАББИЙИН ихтиярназ тув,
ва тамам хьиди яв фикрар.
4РАББИЙИ гьарсаб шейъ чан метлеб ади арайиз дубхна.
Гьякьсузринра йишв бала алабхъру йигъан аьгъю хьибди.
5Фурслу юкӀв хяви ву РАББИЙИЗ –
фу гъапӀишра, жазайиккан хьибдар ккудучӀвуз.
6Гьякьну ва рягьми тахсирнаккан ккадауру,
РАББИЙИХЬАН вуйи гучӀну бала гьадапӀуру.
7Инсандин жилгъйир РАББИЙИЗ вуш кьабулди,
Дугъу дугъахъди душмнарра албагиди.
8Гьякьвалиинди гъазанмиш гъапӀу цӀибра ужу ву,
къанунсузди гъазанмиш гъапӀу аьхю хайиртӀан.
9Инсанди чан жилгъа ктабгъуру,
амма ликариз рякъ РАББИЙИ улупуру.
10Паччагьди заълан дуфнайи гаф кӀури шулу,
дугъан ушвни дюзвал дацӀабкну ккундар.
11Терезарин дугъривал РАББИЙИХЬАН ву,
дюзди ебцувалра РАББИЙИХЬАН ву.
12Хяви ву паччгьариз гьякьсуз тӀулар,
фицики гьякьвалиинди тахт тасдикь апӀура.
13Кьабул ву паччгьариз гьякьлу ушвар,
дюзди кӀурур ву дурариз ккунир.
14Паччагьдин хъял, аьжалин малайик гьисаб ву,
хъа аькьюл айири, думу яваш алаиди.
15Паччагьдин ачухъ машнаъ уьмур а,
дугъан гъянивал хьадукран мархьсиб ву.
16Аьгъювалар уч апӀуб ужу ву, багьа гъизилтӀан,
фагьум гъадабгъуб ужу ву, марцци арстӀан.
17Дугърийирин рякъ писвалихьан ярхла хьа:
жилгъайиан ададахъури уьмур уьбхиди.
18Фурслували чӀуруб хуру,
хъа заанди улупували ахъуз гъитру.
19Пай дурубкьдарихъди фурс ктарди яшамиш хьуб ужу ву,
фурслударихъди тӀараш гъапӀуб пай апӀури шайиз.
20Фикир апӀруриз бихъиди ужʼвал,
РАББИЙИК миж кайириз хьибди хушбахтвал.
21КӀваъ аькьюл айир фагьмиинди адлу ву,
дугъан ширин гафар хъугъʼвал хрудар шулу.
22Фикир апӀувал – уьмрин булагъ,
хъа ахмакьриз жаза – чан ахмакьвал.
23Аькьюл айирин фагьми, гафар агиди,
ва чан улхбариз кьувват тувди.
24Кбалгру гафар – йиччвси,
кӀваз ширин, жандиз дарман.
25Саспи рякъяр дишдар вуди гьигъри шулу,
хъа аьхирна-аьхир аьжалихьна гъахуру.
26Лихурайири чаз энгелвал тувидар
эгер чаз гашди аш.
27Пис касди чӀуруб ккабалгура,
дугъан гафар бец апӀру цӀа ву.
28Кьаст айирин урзруб футна,
хъа футнайин ляхин дустар апӀуб душман.
29Инсафсузри адми алдатмиш апӀуру
ва думу чӀуру жилгъайиъди хъчӀюрхюру.
30Улариинди кучӀлин ишарйир апӀрури чӀуруб апӀуз кьаст апӀура;
хъа кӀвантӀариинди ишарйир апӀрури пис ляхнар апӀура.
31Лизи кӀул – акв туврайи таж:
гьякьлу жилгъайиъ хьувалин лишан.
32Сабур зина ву гужлирин кьувваттӀан,
учв гъурдаъ дисрур гужлир ву шагьрар мютӀюгъ апӀруртӀан.
33Тупут ипри шулу,
уву фициб адабгъиш думу РАББИЙИХЬАН ву.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023