Насигьятар 15
15
1Хъял ккядябхъюз гъитру сабурлу гафну,
хътӀурччвру гафну гъизгъин хъял уягъ апӀуру.
2Аькьюл айидарин мелзну аьгъювалар рагъура,
хъа абдларин мучӀмучӀарилан ахмакьвал улдубчӀвура.
3РАББИЙИН улариз вари рябкъюра,
Дурар писдаризра, гъянидаризра лигура.
4Мясляаьтнахъна хру улхуб гьар ву уьмрин,
хъа уьбгъюра рюгь гафари кучӀлин.
5Адашдин насигьятнан гаф ахмакьри рихшанд апӀури шулу,
саки кирчу тахсрар фагьмик апӀрур хьиди фикирлу.
6Хулаъ гьякьлурин гизаф хазна а,
хъа гьякьсузрин хайир мянфяаьт хруб дар.
7Аькьюл айидарин ушвни рагъура аьгъювалар,
аммаки абдлари дици апӀурадар.
8РАББИЙИЗ гьякьсузарин гъурбнар хяви ву,
хъа дугъридарин ккарагбар Дугъаз кьабулди ву.
9РАББИЙИЗ, гьякьсузрин жилгъа, хяви ву,
хъа гьякьвал абгрур Дугъаз ккунду.
10Жилгъайиан адахъруриз ижми жаза гьадабтӀиди,
насигьятар даккнир йикӀиди.
11Аьжал ва гъачӀидарин дюнʼя РАББИЙИЗ ачухъ ву,
инсанарин юкӀвар – иллагьки ачухъ!
12Ягьсузриз учв дюз алаъну ккундар,
ва, аькьюл айидарин арайиъ гъузузра гъузидар.
13Шад юкӀв – машнаъ нур,
пашман юкӀв – гъучубху рюгь.
14Фагьумлу юкӀвну аьгъювалар агура,
хъа абдлар ахмакьвали тухъ апӀура.
15Пай ктру кас – гъагъишнаъ,
юкӀв шаду кас – машквраъ.
16ЦӀибди ади хьуб ужу ву, РАББИЙИХЬАН гучӀ кади,
гучӀури яшамиш шули, хазна ади шайиз.
17Масанвал айи хулаъ мейвйирин хураг ужу ву,
яман хъял айи хулаъ чагъи йиккун хурагтӀан.
18Хъял кубчӀврури адмийир гъяъру,
сабурлуйи гъярхьувал гъядауру.
19Темплин жилгъа зазари ккапӀна,
хъа гьякьлудар яркьу рякъди гъягъюра.
20Аькьюл айи бали шад апӀуру адаш,
хъа абдли гьясбикк апӀдар дада.
21Фикирсузариз ахмакьвал – чпин шадвал,
хъа фагьумлуйиз дюзвал – диши жилгъа.
22Насигьят адруган, ляхниъ хъуркьувал даршул,
хъа гьубкӀну насигьят айишваъ вари шул.
23Лайикь вуйишвахь жаваб тувуб – шадвал ву,
чан йишвахь гаф пуб фукьан ужу дарин!
24Фикир айир за шула уьмрин рякъюъ,
аьжалихъна гъахру рякъяр дугъу ктагъидар.
25Фурслударин хулар РАББИЙИ ккидирчиди,
амма ачӀни хпирин пай Дугъу уьбхиди.
26Хяви ву РАББИЙИЗ пис кьастар,
хъа гъяни гафар Дугъан улихь ву марццидар.
27Тямягькри чан хулʼин бала алапӀуру,
хъа дашбаш аьгь дарапӀрур хьиди яшамиш.
28Гьякьлур чан кӀвахъ хъпехъуру, ва дугъаз душвʼан ужуб жавабра шулу,
хъа гьякьсуз мучӀмучӀари писвал деебтуру.
29Ярхла ву РАББИ гьякьсузарихьан,
аммаки ккарагувал ебхьуру гьякьлуйирин.
30ЮкӀв шад апӀуру нурлу машну,
беден мюгькам апӀуру ужуб хабри.
31Гьякьди гьиву тягьна ибак апӀрур
аькьюл айидарикан сар ву.
32Насигьятар тина апӀуб – жвуваз зарар хуб,
хъа тахсрар ибак апӀуб – фагьум гъадабгъуб.
33РАББИЙИХЬАН гучӀ хьайивали аькьюл хуру,
сифте – фурс ктрувал, хъасин – адлувал гъафиб ву.
လက္ရွိေရြးခ်ယ္ထားမွု
Насигьятар 15: ТабГК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023
Насигьятар 15
15
1Хъял ккядябхъюз гъитру сабурлу гафну,
хътӀурччвру гафну гъизгъин хъял уягъ апӀуру.
2Аькьюл айидарин мелзну аьгъювалар рагъура,
хъа абдларин мучӀмучӀарилан ахмакьвал улдубчӀвура.
3РАББИЙИН улариз вари рябкъюра,
Дурар писдаризра, гъянидаризра лигура.
4Мясляаьтнахъна хру улхуб гьар ву уьмрин,
хъа уьбгъюра рюгь гафари кучӀлин.
5Адашдин насигьятнан гаф ахмакьри рихшанд апӀури шулу,
саки кирчу тахсрар фагьмик апӀрур хьиди фикирлу.
6Хулаъ гьякьлурин гизаф хазна а,
хъа гьякьсузрин хайир мянфяаьт хруб дар.
7Аькьюл айидарин ушвни рагъура аьгъювалар,
аммаки абдлари дици апӀурадар.
8РАББИЙИЗ гьякьсузарин гъурбнар хяви ву,
хъа дугъридарин ккарагбар Дугъаз кьабулди ву.
9РАББИЙИЗ, гьякьсузрин жилгъа, хяви ву,
хъа гьякьвал абгрур Дугъаз ккунду.
10Жилгъайиан адахъруриз ижми жаза гьадабтӀиди,
насигьятар даккнир йикӀиди.
11Аьжал ва гъачӀидарин дюнʼя РАББИЙИЗ ачухъ ву,
инсанарин юкӀвар – иллагьки ачухъ!
12Ягьсузриз учв дюз алаъну ккундар,
ва, аькьюл айидарин арайиъ гъузузра гъузидар.
13Шад юкӀв – машнаъ нур,
пашман юкӀв – гъучубху рюгь.
14Фагьумлу юкӀвну аьгъювалар агура,
хъа абдлар ахмакьвали тухъ апӀура.
15Пай ктру кас – гъагъишнаъ,
юкӀв шаду кас – машквраъ.
16ЦӀибди ади хьуб ужу ву, РАББИЙИХЬАН гучӀ кади,
гучӀури яшамиш шули, хазна ади шайиз.
17Масанвал айи хулаъ мейвйирин хураг ужу ву,
яман хъял айи хулаъ чагъи йиккун хурагтӀан.
18Хъял кубчӀврури адмийир гъяъру,
сабурлуйи гъярхьувал гъядауру.
19Темплин жилгъа зазари ккапӀна,
хъа гьякьлудар яркьу рякъди гъягъюра.
20Аькьюл айи бали шад апӀуру адаш,
хъа абдли гьясбикк апӀдар дада.
21Фикирсузариз ахмакьвал – чпин шадвал,
хъа фагьумлуйиз дюзвал – диши жилгъа.
22Насигьят адруган, ляхниъ хъуркьувал даршул,
хъа гьубкӀну насигьят айишваъ вари шул.
23Лайикь вуйишвахь жаваб тувуб – шадвал ву,
чан йишвахь гаф пуб фукьан ужу дарин!
24Фикир айир за шула уьмрин рякъюъ,
аьжалихъна гъахру рякъяр дугъу ктагъидар.
25Фурслударин хулар РАББИЙИ ккидирчиди,
амма ачӀни хпирин пай Дугъу уьбхиди.
26Хяви ву РАББИЙИЗ пис кьастар,
хъа гъяни гафар Дугъан улихь ву марццидар.
27Тямягькри чан хулʼин бала алапӀуру,
хъа дашбаш аьгь дарапӀрур хьиди яшамиш.
28Гьякьлур чан кӀвахъ хъпехъуру, ва дугъаз душвʼан ужуб жавабра шулу,
хъа гьякьсуз мучӀмучӀари писвал деебтуру.
29Ярхла ву РАББИ гьякьсузарихьан,
аммаки ккарагувал ебхьуру гьякьлуйирин.
30ЮкӀв шад апӀуру нурлу машну,
беден мюгькам апӀуру ужуб хабри.
31Гьякьди гьиву тягьна ибак апӀрур
аькьюл айидарикан сар ву.
32Насигьятар тина апӀуб – жвуваз зарар хуб,
хъа тахсрар ибак апӀуб – фагьум гъадабгъуб.
33РАББИЙИХЬАН гучӀ хьайивали аькьюл хуру,
сифте – фурс ктрувал, хъасин – адлувал гъафиб ву.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023