Sawmus 60
60
Piriyepkawka adahan ayepne isahptawka
1Kiyavwiye Uhokri, pis tukuhe usuh. Pis ka avuriw usuh akiw. Uhiyekemni amebyemni keh pis dagawne wotuh, heneme amnih usuh, iki wotuh udatni akiw.
2Pis keh usuh avisase ke waxribe segkevye in wokaw. Kurime, asa amnih usuh akiw, sabuk ini aviska wowhu, mmanawa usuh me hahwamet.
3Pisnewa keh usuh pihiyegavu wakaymni ka aynsima. Usuh ka hiyak ku pariye usuh keh akiw. Usuh humaw kewa hiyeg uwkayehbe awaku win.
4 Bawa pis kuwis kannikase pahak baribwi adahan kerka gidahankis neras ku pariye avisnevwi pibohri, kahadbe ku aysaw igkis hiyapni igkisme isahptaw giwkis givetunyavukis.
5Amnih usuh kuri akak pidatni; kaytwa uviryepkawni kahadbe neras hiyeg ku pariye pibetkivu igkis amnihka pavit.
6Aytontak arikutak givin, ig Kiyavwiye Uhokri awna han:
“Ku aysaw yis matekenek yivetunyavu, nah ibekhenek ini paytwempu Sikeh. Nah ibekhenek ini waxri Sukote asababan gitkis nuhiyegavu.
7Jiliyadi in kuwis nudahan, Manases hawata. Efrayh humaw ke iyutibe nudahan. Judá humaw kewa nusugabe adahan kumadukene.
8Heneme Moabi humawnek kewa nubesinabe adahan sukuhbetene; avititme Edoh nah padaknek nukaswatni adahan areketni ku in nudahan. Nerasme filistewyenevwi gitnesbaki igkis matakannek, igkis kabimenek akak gibetkikis!”
9Kiyavwiye Uhokri, pariye hiyeg waxwannek ta avitit paytwempu kiyaranene akak iyar? Pariye hiyeg huwithannek ta avitit Edoh?
10Mmah pis tukuhpiwatma usuh hene? Mmah pis ka atakma wew gihaptikis usuwtatavu akiw?
11Uya ayava usuh ker gitivutkis uvetunyavu, mmanawa awaykemni gayavankis in ka ariknawnama wotuh.
12Akakme Kiyavwiye Uhokri gayavan usuh matakanek uvetunyavu. Igwa sibuhavenek uvetunyavu.
လက္ရွိေရြးခ်ယ္ထားမွု
Sawmus 60: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.