Sawmus 61
61
Uya amnih mpithan giwkis nuvetunyavu
1Kiyavwiye Uhokri, timapnaba namnihswan mmanawa nah kiyimare ay. Timapnaba nuviryepkawni.
2Abet nuwakemni, piyawakad ariw nuvinuh, nah amnihswene pit. Uya amnih waxwan arimkanit kibeynewatnene ayemweket.
3Mmanawa pisnewa navuriwten hawata pisnewa detye adahan numaptenten giwkis nuvetunyavu.
4Uya amnih isaksan adahan nah misakwa pivineku ku samah nayivwi ay amadga inin. Mmanawa nah muwaka pis mpithan anavi pihanpi.
5Kiyavwiye Uhokri, pis timapnite nukaksan pit. Kibeyne pis kuwis ike kabayka nutuh ku pariye kis gidahankis pihiyegavu ku pariye kiyathap.
6Hawata ikinaba ikivarat gidehetni kiyabawkad ay amadga inin, kahadbe ig dahwa ka aynsima kamukri akiw.
7Kahadbe ig kumaduka adahan avanenekwa akak pabay. Mpithanig akak pamnihra akak pabay.
8Hene nah avanenekwa paksapnek akak kabayhaki. Hawata nah kehnek hewkevye madikte ku samah nukaksan pit.
လက္ရွိေရြးခ်ယ္ထားမွု
Sawmus 61: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.