ܡܙܡܘܪ̈ܐ 146 (ܩܡܘ)

146 (ܩܡܘ)

1ܗܲܠܸܠܘܼܝܵܐ، ܫܲܒܸܚܝ، ܝܵܐ ܓܵܢܝܼ، ܠܡܵܪܝܵܐ.

2ܒܸܬ ܫܲܒܚܸܢ ܠܡܵܪܝܵܐ ܒܚܲܝܝܼ̈،

ܒܸܬ ܙܵܡܪܹܢ ܠܐܲܠܵܗܝܼ ܟܡܵܐ ܕܝܼܘܸܢ.

3ܠܵܐ ܣܵܒܪܝܼܬܘܿܢ ܒܢܲܨܝܼܚܹ̈ܐ،

ܒܒܲܪܢܵܫܵܐ ܕܠܲܝܬ ܒܐܝܼܕܹܗ ܦܘܼܪܩܵܢܵܐ.

4ܟܹܐ ܦܵܠܛܵܐ ܪܘܼܚܹܗ، ܟܹܐ ܕܵܐܹܪ ܠܥܲܦܪܹܗ،

ܒܗ̇ܘ ܝܵܘܡܵܐ ܟܹܐ ܛܵܠܩܝܼ ܚܘܼܫܵܒ݂ܘܼ̈ܗܝ.

5ܛܘܼܒ݂ܵܐ ܠܡ̇ܢ ܕܐܲܠܵܗܵܐ ܕܝܲܥܩܘܿܒ݂ ܝܼܠܹܗ ܠܗܵܝܲܪܬܹܗ،

ܕܣܲܒ݂ܪܹܗ ܥܲܠ ܡܵܪܝܵܐ ܐܲܠܵܗܹܗ،

6ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ،

ܝܵܡܵܐ ܘܟܠ ܕܐܝܼܬ ܓܵܘܲܝܗܝ،

ܢܵܛܪܵܢܵܐ ܕܫܪܵܪܵܐ ܠܥܵܠܲܡ،

7ܥܵܒ݂ܕܵܢܵܐ ܕܕܝܼܘܵܢ ܕܛܠܝܼܡܹ̈ܐ،

ܝܵܗ݇ܒ݂ܵܢܵܐ ܕܠܲܚܡܵܐ ܠܟܦܝܼܢܹ̈ܐ،

ܡܵܪܝܵܐ ܫܵܪܝܵܢܵܐ ܕܐܲܣܝܼܪܹ̈ܐ،

8ܡܵܪܝܵܐ ܦܵܬܚܵܢܵܐ ܕܥܲܝܢܹ̈ܐ ܕܣܸܡܝܹ̈ܐ،

ܡܵܪܝܵܐ ܡܲܪܡܵܢܵܐ ܕܛܥܝܼ̈ܦܹܐ،

ܡܵܪܝܵܐ ܡܲܚܸܒܵܢܵܐ ܕܙܲܕܝܼܩܹ̈ܐ،

9ܡܵܪܝܵܐ ܢܵܛܪܵܢܵܐ ܕܡܵܫܵܚܲܛܹ̈ܐ،

ܣܵܢܕܵܢܵܐ ܕܝܵܬܘܿܡܹ̈ܐ ܘܐܲܪ̈ܡܸܠܝܵܬܹܐ،

ܐܝܼܢܵܐ ܐܘܼܪܚܵܐ ܕܪ̈ܲܫܝܼܥܹܐ ܟܹܐ ܡܲܦܟ̰ܸܠ.

10ܡܵܪܝܵܐ ܒܸܬ ܥܵܒܹܕ ܡܲܠܟܘܼܬܵܐ ܠܥܵܠܲܡ،

ܐܲܠܵܗܵܟ݂ܝ، ܝܵܐ ܨܸܗܝܘܿܢ، ܠܕܵܘܪܵܐ ܘܕܵܘܪܵܐ.

ܗܠܸܠܘܼܝܵܐ.

လက္ရွိေရြးခ်ယ္ထားမွု

ܡܙܡܘܪ̈ܐ 146 (ܩܡܘ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။