ALƐ̍FƐ̄SUSI 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Lɔkɔ nīi ala̍ - ayi̍ yī Ɔwɔ nīi hi ɔ̍ ɔtū gba̍a̍ nɛ ma̍, ala̍ ā lɛ bāa anu̍ ɔlɔjā ma̍ gɛ. Ɔhɔtū ge̍ bī wɔhu̍ yī ɔhɔ̄leyī yī ala̍ wa̍a̍. I̍ngɔ̍ɔ nīi Ikra̍yisi ɔlɔjā yɔ̍ɔhɔtū yī alɔ, de ɔhɔ̄leyī yī nū nāa de wu̍chē yī alɔ a̍nɛ. O̍ de iyī nū nāa de bāa ɔpɔ̄pā ba̍la ɔjā odōde nīi ē ni̍pī kwɛ̍kwɛ̍ hi Ɔwɔ ɔtū ma̍.

Wu̍chē yī ɔla̍ā, ala̍ ā de eyī kōkū la ɔhɔ̄leyī nīi ala̍ ge̍ē hɔ̄ ma̍. Ala̍ e̍e hɔ̄ bāa āchɛ i̍je̍ ɔjɔ̄jā ni̍ ma̍ ni̍. Ala̍ ā hɔ̄ bāa āchɛ ɔjyɛ̍ɛ̄lā ka̍ka̍ ma̍. Yɛ̄grāa ɔha̍lɔha̍ nīi ala̍ ge̍ lɛ ma̍, ala̍ ā bī ɔ̄ ya̍ yɛ̍yɛ̍. Wu̍chē oji̍ nɛ, ɔ̄chī ɔdwɔ̄bi̍ hɔ̄ ma̍ a̍nɛ.

Ala̍ e̍e gwa̍ ɛ̍mwɔ̄ de wɔ̄wīyā ni̍. Ɔla̍ā ge̍ē bīya ala̍ ibi̍īyē. Ɔkɔkɔ ɔla̍ā, Uhu yī Ɔwɔ ge̍ mu ala̍ iyē. Ejē obī kā Ɔwɔ ɔkɔ̄kā ba̍la ejē obī to̍gbo̍ de Ɔwɔ ba̍la ejē ɔha̍lɔha̍ ji nīi e̍ de kwɔbɔ̄ de Ɔwɔ ma̍, ala̍ ā bī kɛlā ba̍la ɔ̍nyīnū. Ala̍ ā gwe̍ejē to̍gbo̍ de Ādā, gwe̍ejē kā ɔ̄ ɔkɔ̄kā. Ala̍ ā kā ɔ̄ ɔkɔ̄kā la ūkpɔ̄tū wa̍a̍. Ala̍ ā da Ɔwɔ nīi - A̍dā ma̍ o̍be yī ɛjā wa̍a̍ bū riyī yī Ādādā yī alɔ Iji̍sɔ̄ɔsi Ikra̍yisi.

Ala̍ e̍e de ya̍ i̍bobo ni̍ gɛ. Ala̍ ā chɛ̄rī nīi ala̍ ge̍ kwɔgu yī lɛlā nīi Ādā chikpo̍ nīi ala̍ ge̍ē ya̍ ma̍.

Angrɔ̄ɔ ɛwa̍ānyā titi ge̍ yɔ̍ɔhɔtū yī anyā yī wā lɔkɔ nīi Ikra̍yisi ya̍ ma̍. Ikra̍yisi yɔ̍ɔhɔtū yī ogrēeyī yī āchɛ yī nū de ɔhɔ̄leyī yī nū nāa de wu̍chē yī nū.

Ala̍ ɛlɛjā - āchɛ ɔgblāa la ɛbɛ odobū o̍bū nɛ. Ala̍ chī de pīya āchɛ yī Ādā mɛ̍ ma̍, ɛbɛ ɔlɛgēdēgēdē nīi ala̍ tū bɛ̍ɛ̄nɛ̄ a̍nɛ. Wu̍chē yī ɔla̍ā, ɔhɔ̄leyī yī āchɛ ɔgblāa la ɛbɛ ɔlɛgēdēgēdē nīi ala̍ ge̍ē hɔ̄ a̍nɛ.

Ala̍ ā tu̍labɔ̄ hī iyī ala̍ tū ɔ̍nyīnū la abɔ̄, wu̍chē yī otūlichō yī ala̍ de Ikra̍yisi.

Anyā ɛblɛ̍ba̍, ala̍ ā tu̍labɔ̄ hī iyī ala̍ tū ɔbu̍ ala̍ la abɔ̄ bɔ̄ɔjā nīi Ikra̍yisi nīi ala̍ ya̍ i̍ngɔ̍ɔ de ɔ̍ a̍nɛ ma̍.

O̍ chī kwichi̍ la iyī ala̍ i̍ngi̍ngɔ̍ɔ: Ɔngrɔ̄ɔ ɔwɔ̍ɔ̄nyā ge̍ yɔ̍ɔhɔtū yī ɔnyā bāa anu̍ ɔlɔjā ma̍, anyā titi ge̍ tū ɔbu̍wā lichō.

Īpū yī Ɔwɔ ka ɔ̍lɔ ge̍, “Ɔla̍ā - ohu̍ nīi ɔngrɔ̄ɔ ē pīya ē hī a̍dā ba̍la ɛ̍nɛ̍ ge̍ē hɔ̄ ngmo̍tu̍chɛ̄ ba̍la ɔnyā yī nū nīi aa̍ āchɛ ɛpa ē de ē pīya āchɛ ūkpo̍he a̍nɛ.”

Ala̍ e̍e tābɔ̄ ya̍ a̍kpla yī lɛlā ɛla̍ā nīi āchɛ ē ya̍ ma̍ ni̍. Ɛla̍ā - lɛlā yī ɛbɛ odobū nɛ. Ɔkɔkɔ ɔla̍ā, ala̍ ā bī wā ngmɛ̍ɛchɛ wā la ɛbɛ ɔlɛgēdēgēdē.