ALƐ̍FƐ̄SUSI 4မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ɔkɔkɔ ɔla̍ā, ala̍ ā lɛ yaya, lɛ gɛnɛgɛnɛ ba̍la ɔ̍nyīnū wa̍a̍. Ala̍ ā de lɛlā ɔdwɔ̄bi̍ kɔ̄ de ɔ̍nyīnū lɔkɔ nīi Ɔwɔ ɔlɔjā de kɔ̄ de ala̍ gala abɔ̄ yī Ikra̍yisi ma̍.

Ala̍ ā lɛ mlɛ̍ɛ̍, lɛ du̍mɔ̍ gba̍a mlɔtū kpɔ̍ɔ̍ myɛ̄grāa-myɛ̄grāa. Ala̍ ā de ɔhɔtū yī ala̍ chabɔ̄ la otū ɔ̍nyīnū wɔbɔ̄.

Ala̍ e̍e kɛlā ɔdwɔ̄bi̍ la oko̍o tāa ɔ̍nyīnū ni̍. Lɛlā nīi ge̍ē tū ɔ̍nyīnū wɔbɔ̄ ma̍ nīi ala̍ ge̍ē ka a̍nɛ; ita yī lɛlā nīi ge̍ē bī āchɛ ē jɛ̄, ē de ɔjā nīi āchɛ chikpo̍ ma̍ de wa̍ ma̍ nɛ. Ala̍ ya̍ i̍ngɔ̍ɔ hɛ̄ɛbɛ nīi ɔjā nīi ala̍ ge̍ē ka ma̍ ge̍ tū āchɛ wa̍a̍ nīi ge̍ē po̍ ma̍ wɔbɔ̄.

Ala̍ ā tu̍labɔ̄ hī wɔnɔnɔ ɔlɔ̄lɛ, ba̍la otōwu̍ ba̍la ɔtū ngurangura. Ohwe̍e ɔtɔ̍ɔ̄ta̍ tū āchɛ ba̍la ɛcha̍ ge̍ e̍e gba̍a hɔ̄ gɛ ni̍. Ɛri̍ya̍ yī uji otū ɔ̄chɛ ita ɔha̍lɔha̍ ge̍ e̍e hɔ̄ gɛ ni̍.

Ɔtū ngurangura ge̍ ya̍ wɔ, a ā chɛ̄ nīi o̍ ge̍ bī ɔ̄ ge̍ yɛ̍ɛ̄lā ɔdwɔ̄bi̍ ni̍; a ā chī hɔ̄ abɔ̍ɔ la ɔtū ngurangura ɔla̍ā i̍ngɔ̍ɔ kpɛɛ ni̍. Ala̍ e̍e kɔ̄ ɛbɛbɛ lā de Ɔngūwɛ̄gā ni̍.

O̍ lɛ i̍ngɔ̍ɔ ma̍, ala̍ ā tu̍labɔ̄ hī lɛlā yī ɔchɔ̍ɔwɔ yī ala̍ ɛlɛjā nīi - ɔjā ɔnɛ̄chɛ̄ ma̍ gɛ. Anu̍ ē ya̍ nīi ala̍ ē hɔ̄ lɔkɔ nīi ala̍ ē hɔ̄ o̍bū ma̍ a̍nɛ. Ɔchɔ̍ɔwɔ ɔnɛ̄chɛ̄ ɔla̍ā, a̍hla̍ yī lɛlā ɔwɔ̄wīyā nīi hla̍ anu̍ ma̍ yɛ ē de ɔ̍ ē chāajɛ mɛ̍. Ūkpɔ̄tū ba̍la ɛri̍ya̍ yī ala̍ ge̍ re̍ka onīpīpɛ̄ ke̍e̍ la ɔgɔ̄grāa gɛ. Ala̍ ā nāa ɔchɔ̍ɔwɔ onīpīpɛ̄ nīi Ɔwɔ ya̍ la īgbla yī anu̍ ɔlɔjā ma̍ ru bāa aru̍ ma̍ gɛ. Anu̍ ma̍ ē de iyī nū chabɔ̄ la ɔhɔ̄leyī olēchi̍ lēchi̍ nīi grāa kpakpa gba̍a lɛ cha̍ri̍cha̍ri̍ ma̍.

Uhu yī Ɔwɔ ya̍ nīi ala̍ ngmo̍tu̍chɛ̄ ma̍; ala̍ ā chɛ̄rī gɛ hɛ̄ɛbɛ nīi ala̍ ge̍ de ongmo̍tu̍chɛ̄ ɔla̍ā gbōgbō hwɔhi hwɔhi bū la ɔgblāa la ogbodɔ̍dɔ̍.

Anu̍ ē kɔ̄ ɔjā ɔkɔ̄kɔ̄ ɔla̍ā de āchɛ̄ɛchɛ a̍nɛ. O̍ hu āchɛ ɛha̍ nīi e̍ ge̍ē re̍ka alɛrɔ̄ yī Ikra̍yisi, ɛha̍ ge̍ē re̍ka āchɛ ɔkɛrɔ̄ yī Ɔwɔ; ɛha̍ - āchɛ obī Wɔ̄kā Ɔlwɔnyɛ yī Ɔwɔ ka de āchɛ; ɛha̍ - āchɛ odeyīrɛ āchɛ yī Ɔwɔ; ɛha̍ chī - āchɛ ongū āchɛ yī Ɔwɔ lɛlā. O̍ ya̍ i̍ngɔ̍ɔ hɛ̄ɛbɛ ge̍ē ya̍ nīi āchɛ yī Ɔwɔ ē ti̍bi̍īyēchɛ̄, ya̍ u̍ku̍rɔ̍ nīi - iyī Āchɛ yī Ikra̍yisi ma̍, hɛ̄ɛbɛ ge̍ē ya̍ nīi ogrēeyī yī āchɛ yī Ɔwɔ nīi re̍ka ibi̍īyē yī Ikra̍yisi ma̍ ē jɛ̄. Bū la ɛbɛ ɔla̍ā, alɔ wa̍a̍ ge̍ē ngmo̍tu̍chɛ̄ de ē lɛ ūkpo̍he la ɔtū ode chōche ba̍la ochi̍chi̍ yī Ɔyi̍ yī Ɔwɔ ojo̍ōje̍. Bɛ̍ɛ̄nɛ̄ ma̍, alɔ ge̍ē de jɛ̄ angrɔ̄ɔ, ē jɛ̄ gbajɛ lɔkɔ nīi Ikra̍yisi lɛ la ɔgɔ̄grāa ma̍.

Bū la ɛbɛ ɔla̍ā, alɔ i̍ ge̍ē lɛ bāa aɛ̍pɛ̄ ma̍ ē gɛ ni̍. Lɛlā ongōngū yī āchɛ ɛgla̍ āchɛ i̍ ge̍ē de alɔ pɛ̍ ē pīya bāa a̍kpa̍yēenyi kɛ̄ɛ u̍ju̍ja̍ ma̍ ē gɛ ni̍. Āchɛ ɛla̍ā ma̍ ē bī a̍chālā yī wā ya̍ nīi āchɛ ē bi̍yēyī. Ɔkɔkɔ ɔla̍ā, bū la lɛlā olēchi̍ lēchi̍ ɔkɔ̄ka la ɔhɔtū, alɔ ge̍ē jɛ̄ hwɔhi hwɔhi la ongmo̍tu̍chɛ̄ ba̍la Ikra̍yisi. Ikra̍yisi re̍ka lɛhu̍ yī alɔ a̍nɛ.