من الوحي إلى النبي أشعيا 58မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

والهادي الرحمن على الدوام بيهديكُن، وبوقت الجوع بِطعميكُن وبيِكْفيكُن، وبيروي نفسكُن بتصير متل الجنّة بالربيع، وما بتعود أبداً تنقطع ميِّتكُن متل الينابيع.

الصوم الّي أنا بريدُه هوّ: إنّه تنفكّ قيود المظلومين، ويتخفّف الظلم عن المساكين، ويُفرَج عن المأسورين، ويتحرّروا المسحوقين. وإنّه تقسْموا اللقمة مع الجوعانين، وتفتحوا بيوتكُن للمساكين المشرّدين، وتستروا العريانين، وتساعدوا قرايبينكُن المحتاجين.

وقتا بس بِشعّ متل ضيّ الصبح نور وجّكُن، وبسرعة بيشفى جرحكُن، وبتمشوا عالصراط المستقيم والبرّ بيسبقكُن، وبحاوِطكُن جلّ جلالُه، وبيحميكُن وبيحفَظكُن.

فبتدعوا لله وهوّ بيستجِبلكُن، بتناجوه، فيقول: "أنّي سميعٌ مُجيب." هيدا إذا حرّرتوا أبناء شعبكُن المظلومين من التعذيب، ووقّفتوا الإحتقار والحكي السيّء المُعيب،

وإذا تخلّيتوا عن لقمتْكُن للجوعانين، ولبّيتوا حاجة المساكين، وقتا بس بشعّ بالعتمة نور وجّكُن، وبيتحوّل لنور ساطع سواد الشرّ الّي حولكُن.

ومنكُن رح يعيد بناء كلّ قديم مهدّم وخربان، وبلقّبوكُن الناس "بمُرمّمي ثقوب الجدران، ومصلّحي الشوارع لإعادة السّكان." ويقول الله الرحمن

"وإذا احترمتوا يوم السبت وما اشتغلتوا، وعن أيّ عمل أو مصلحة بهاليوم امتنعتوا، وهالنهار يوم تنعُّم اعتبرتوا، وعن الحكي العاطِل سكتّوا، وقتا بكون تنعُّمكُن مصدرُه ربّ العالمين، وبيرفع مقامكُن فوق العالم أجمعين، وبيعطيكُم يلّي وعد فيه أبوكُن يعقوب النبي الأمين، وصدق قول الله اليقين."

ووقتا، رحتوا تخانقتوا وضربتوا بعضكُن، فمتل هيك صيام مش مقبول عند ربكُن، ولا بوصّل دعاءكن ولا أنا بسمَع صلاتكُن. هلأ هيدا هوّ الصيام الّي أنا بريدُه مفكرين؟ مجرّد يوم متذلّلين، أو روسكُن محنيّين؟ أو بِلِبْس الخيش ومسح الرماد، بالتوبة متظاهرين؟ هيدا بتسمّوه صيام، يوم بيرضي الله ربّ العالمين؟