Malakaus 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Nwg txhaj thov has tas, “Anpas, Txiv! Koj yeej ua tau ibpuas tsaavyaam huv tuabsi, thov Koj muab lub khob ab khob dlaw nuav tshem ntawm Kuv moog. Txawm lecaag los thov tsi xob ua lawvle Kuv lub sab nyam, tabsis ca ua lawvle koj lub sab nyam xwb.”

Hab Nwg has rua puab tas, “Mej yuavtsum ceevfaaj hab thov Vaajtswv paab, mej txhaj tsi poob rua kev simsab. Lub sab yeej txaussab hlo, tabsis lub cev qaugzug zig.”

Kuv qha tseeb rua mej has tas, txhua thaaj chaw huv qaabntuj nuav kws tuabneeg qha Txuj Moo Zoo moog txug, qhov kws tug quaspuj nuav tau ua, yuav raug muab qha tawm kuas suavdlawg ncu txug nwg.”

Nwg has rua puab tas, “Kuv nyuajsab tshuav tuag lawm xwb, mej cale nrug Kuv nyob ntawm nuav hab zuv tog.”

Thaus puab tseem taabtom noj mov, Yexus muab ib lub ncuav lug ua Vaajtswv tsaug, muab ndlais hab cev rua Nwg cov thwjtim, hab has tas, “Lub ncuav nuav yog Kuv lub cev, mej cale txais moog noj.”

Tes Nwg muab ib khob cawv txivmaab lug ua Vaajtswv tsaug, Nwg muab cev rua puab, hab puab txhua tug txais haus. Yexus has rua puab tas, “Nuav yog Kuv cov ntshaav kws ndlwg lug rua ntau leej. Kuv cov ntshaav, kws yog Vaajtswv lulug cogtseg.

Yexus has rua puab tas, “Mej txhua tug yuav tsiv taag hab tso Kuv tseg, ruaqhov Vaajtswv Txujlug sau ca has tas, ‘Vaajtswv yuav tua tug tswv yug yaaj, hab paab yaaj yuav tawg uasaab uasua moog.’

Cale sawv es peb moog. Mej saib maj, tug tuabneeg kws ntxeevsab rua Kuv tub tuaj txug nuav lawm!”

Yexus has rua Petus tas, “Kuv qha tseeb rua koj has tas, mo nuav uantej qab qua ob tsig, koj yuav tsi leeg paub Kuv txug peb zag.”